وين كنتي وقت الغزو ...صامده والا بره الديره ؟؟

[أم جوري]

كنت صامدة يعني بطاقتي المدنية مخروووووووومة هههههه

الله لا يعود هالايام صج كان لها ذكري ما تنسي

اي والله وللحين عندي هالبطاقة

كنت صامدة و2 من اخواني اسرى ولله الحمد طلعوا بعد التحرير ...........


كانت ايام .. أحلى ما فيها وقفتنا مع بعض لكن بعدها


انقلبت الامور للاسف ....

أحلى يوم كان يوم التحرير ...... بس اتذكر انه صارت السما سودة وصار النهار ليل بسبة الدخان مال البترول اللي حرقه صدام يا عل ربي يحرقه بجهنم ...


http://www.youtube.com/watch?v=kGLQdDw7C-8



http://www.youtube.com/watch?v=JWckwdIwO_I&feature=related

الله يحفظ لنا ديرتنا ويحفظ اهلها ان شاء الله

 

[حناينq8]

هم احنا صامدين وكنا متاذين ابوي رايح الدمام مع القوات واحنا بيت يدي بالكويت ويدورن خالي رتبه بالجيش وخوالي 2 اسى ونخش خالي ال3 لا ياخذونه ..

وكنا نقعد بالسرداب ..

وبيتنا كانو مسوينه العراقين نفس برج مراقبه لانه راس ..

وامي تسولف لي عن الغزو تقولي مره دشوا العراقين بيت يدي جان تشوفهم عمت امي جان تقول للعراقي شلون تمشي الحمسه جذي جذي خخخ..

ورحنا مسيره بالتحرير كنت لابسه كش كش





كبري

وهم انا كنت صامده ومن اللي اتذكره انا صار فينا عقنقز وكنا نيمع كنار



الله يخليلكم ابوكم يارب ويطول بعمر اونكل ..

انا كنت الفح واغني وطني الكويت وبالشارع بعد خخخخخخخخخخخ..




مشكوره ع الموضوع ..

حبيبتي رونه

احلى شي الكشكش
انا امي اللي عمرها ما يببت حتى بعروسنا انا واخواني عرفت اتيبب يوم التحرير يوم شافت القوات


تحياتي لج

 

[حناينq8]

كان عمري 3 ستين
وكنا بالكويت
الله لا يعودها من ايام

مشكوره حبيبتي ملاك على مشاركتج

 

[حناينq8]

انا صامده

وكان عمري 9 سنوات

واول مره اشوف دبابات واول مره اشوف ناس ميته بالطريج وناس معلقينها بالشبات بالشوارع

تعقدت حدييي

مشكوره حبيبتي عشق على مشاركتج

وكلنا شفنا الهوايل الله لا يراوي احد

 

[حناينq8]

هييييييييييييييييييييييييييييييييييييييييييييييييييييييييييه
ذكرتينا باللي مضى
حنا كنا صاميييييييييييييييييييييييييييييييييييييييييييييييييدن

وكنت مخلصة اولى متوسط
بس كل شي اتذكره كانه امس
يا سبحان الله مرت تقريبا اكثر من 17 سنه

الحمدلله على كل حال
والله يحفظ الكويت وشعبها

اي والله يا كليرز
كلنا نقول ان هالايام جنها كانت امس

مشكوره حبيبتي على المشاركه

 

[حناينq8]

اللي يرد كيدهم في نحر كل من بدا لكم بالشر

ويارب يحفظ ديرتكم واماراتنا الغاليه

صج صج الحمدلله على نعمه الامان اللي نحن فيها

الحمدلله

والحمدلله تحررت الكويت

وعسااااااااااااها اخر احزانكم في خسران من غالي عليكم

والله اقرا الردود وفيني حرقه

عسى ربي يحرق من عاداكم ياربي..

وينصركم على من عاداكم

فالكم التوفيج ياربي

ويحرر فلسطين من ايد الجلاب




رب اجعل هذا البلد آمناً مطمئناً وسائر بلاد المسلمين. اللهم وفق ولاة أمورنا لما فيه صلاح العباد والبلاد، يا رب العالمين! وصلِّ اللهم على عبدك ورسولك محمد، ...وآله وسلِّم تسليماً كثيراً.



​

اللهم امين يارب العالمين

الله يحفظ الكويت والامارات من كل مكروه

والله يخليكم لنا ذخر يا من وقفتوا معانا وقفه مشرفه

وهالشي مو غريب على شعب الخير شعب زايد الف رحمة تنزل عليه

حبيبتي فراغ العاطفه كل الشكر على مشاركتج الغاليه

 

[حناينq8]

احنا من الناس الصامدين وابوى الله يحفظة ما رضى نطلع من الكويت مسكينة امى كانت حامل وتحاتى ابوى كان من المقاومة كانت تقعد على اعصابها ولحد الحين اذكر قالو تحررت الكويت ونطلع على السطح ونكبر ونيييبب واحلى شئ ان اهل الكويت ايد وحدة يا حلاتهم والله عسى الله لا يفرقهم

الله يحفظ لكم ابوكم

ويحفظ لنا الكويت من كل مكروه يارب

مشكوره يابنت مشرف على مشاركتج

 

[حناينq8]

صامدوووووووووون

كنا بالكويت طول فترة الغزو الله لا يعيد هالايام و ابوي كان اسير بس رجع بالسلامة الحمد لله

حمدلله على سلامه ابوكم

وحمدلله على سلامة ديرتنا
وكل الشكر على مشاركتج

 

[حناينq8]

والله أنا كان عمري 5 سنين بس ابوي كان بروحه صامد و احنا كنا بالسعودية

مشكوره طموح على مشاركتج

 

[قطاوي]

انا كان عمري 8 اسنسن وكنا صامدين بس اتذكر كل يو من ايام الغزو










يـبـيـلـه
مـيـاو:001: مـيـاو
يـامـيـاوتي

 

[حناينq8]

واااي سؤال عجيب
احنا كنا صامدين لأخر لحظه
و اتذكر واايد اشياء مع ان عمري 3 سنين و نص واااي احس جنه حلم لاوالله كابوس بس افتخر اني كنت موجوده بالكويت حبيبتي و كنا بكيفان بعدقلبي اللي طلعت منها المقاومه و عمي كان اسير من اول يوم بس الحمدلله رجع و ابوي كان يشتغل بالجمعيه و خوالي بالخباز و غيرنا بيتنا 3 مرات و اخر شي طلعنا من كيفان و رحنا بيان و بعدين ردينا مره ثانيه بس صج ايام و الله لي يومكم وانا كله اقول حق امي تسولف عن الغزو و نفس القصه تنعاد من سنين
احبج ياكويت الله يحفظج من كل شر

حبيبتي مس افوكادو

كيفان منطقة الابطال

ويكفيج فخر انج من اهلها ومن اهل الكويت

حياج الله يقلبي

 

[حناينq8]

كنت صامدة يعني بطاقتي المدنية مخروووووووومة هههههه

الله لا يعود هالايام صج كان لها ذكري ما تنسي

اي علينا بالعافيه بال500 اللي خذيناها والله ذكرتيني ههههههههههههههههههههه

وكل الشكر على مرورج الغالي

 

[حناينq8]

كنت صامدة ولله الحمد ، صج ايام تعور القلب بس حلوة

مشكوره يا نواره
اللي حلا هالايام اهو تماسكنا فيها

الله يخلي اهل الكويت حق ديرتهم

 

[حناينq8]

كان عمري4 سنين حزت الغزوووووووووو والله ماتذكر ولا شي
كنت نتفه يشيلوني يمين ويسار

مشكوره حبيبتي على مرورج

اقري كل الكتب اللي تكلمت عن الغزو وراح تحسين وكانج عشتيه

 

[حناينq8]

اي والله وللحين عندي هالبطاقة

كنت صامدة و2 من اخواني اسرى ولله الحمد طلعوا بعد التحرير ...........


كانت ايام .. أحلى ما فيها وقفتنا مع بعض لكن بعدها


انقلبت الامور للاسف ....

أحلى يوم كان يوم التحرير ...... بس اتذكر انه صارت السما سودة وصار النهار ليل بسبة الدخان مال البترول اللي حرقه صدام يا عل ربي يحرقه بجهنم ...


http://www.youtube.com/watch?v=kGLQdDw7C-8



http://www.youtube.com/watch?v=JWckwdIwO_I&feature=related

الله يحفظ لنا ديرتنا ويحفظ اهلها ان شاء الله

مشكوره يا ام جوري على مشاركتج

تصدقين ذكرتوني ببطاقتي خل ادورها في بيت اهلي

 

[حناينq8]

انا كان عمري 8 اسنسن وكنا صامدين بس اتذكر كل يو من ايام الغزو










يـبـيـلـه
مـيـاو:001: مـيـاو
يـامـيـاوتي

حبيبتي قطاوي

مشكوره على مشاركتج

 

[لولي**]

الله يحفظ لكم ديرتكم
وديرة كل المسلين

 

[(ذلتهم عيوني)]

صامدين لديرتنا الحبيبة :q8:​

 

[حناينq8]

الله يحفظ لكم ديرتكم
وديرة كل المسلين

آآمين يا لولي

مشكوره على هالدعوة الطيبه

 

[حناينq8]

صامدين لديرتنا الحبيبة :q8:​

مشكوره يا ذلتهم عيوني

والله لا يعيد هالايام