وين كنتي وقت الغزو ...صامده والا بره الديره ؟؟

[نور-العيون]

كنت صامده وماطلعت من الغالية الكويت الا بعد سنة من التحرير مع ان اهلي كلهم طلعوا بعد التحرير انا قعدت في بيت خالتي لأني كنت مع الهلال الأحمر وكنت تحديدا في مستشفى مبارك
والله لايعيد ذيك الأيام بس احلى ماكان بذيك الأيام التعاون والحب اللي كان بين عيال الديره وخوفهم على بعض

الله يحفظ لنا الكويت وشيوخها وعيالها من الصغير لي الكبير من كل شر
قولوا آآآآآآآآآآآآآآآآآآآآآآآمين

 

[حناينq8]

صااامدة للنهاية


ولله الحمد

وفرحة التحرير ما تساويها فرحة خصوصا احنا شفناها لحظة بلحظة وعشناها بتفاصيلها وكنا نستمتع لما نراقب مضاد الطائرات واهوا يفشل في صيد الطائرات ايام التحرير ههههههههههههههههه
الصراحة ايام صعبة حيييييييييل وخوف بس كان فيها فعلا ترابط ومودة وتعاون بين الكويتيين



الله لا يعيدها من ايام ويحفظ ديرتنا من كل مكرووووه يا رب




مشكورة حبيبتي عالموضوع

العفو حبيبتي زيتونه

مشاركتج وايد حلوه وفيها ذكريات ما تنسى

 

[حناينq8]

صاااااااااااااااااااااااامده

وكااانت اياااام الله لا يعيدهاااااا علينااا يارب واللي كااان

بس احلا اياااام لمااا كنا نكبررر فوق السطح وتشوفين الكويتيين شلووون قلبهم على بعض الله لا يفرقنا انشاالله

ونااااسه يووووم التحريرررر كاااان احلى يووووم

الله يحفظ ديرتنااا من كل شررر انشاالله

آآآآآآآمييييييييين يا ام الفهد

تسلمين على هالدعاوي الطيبه

بارك الله فيج

 

[cute-q8cat]

الحـــمد اللــــه صـــــــــامــــــــــدة
وهـــذي الديـــرة الطيبـــه تســـتاهل اني أصـــمد وأتمســـك فيها وبترابها..
ليش أتخلى عنها بشدتها واهي اللي ما تخلت عني
الله يحفظها يا رب..
وكان عمري 9 سنوات

 

[حناينq8]

وااااي كانت ايام الله لايعيدها علينا يااارب ويحفظ ديرتنا


انا كنت بالكويت شهر وبعدين رحنا السعودية

مشكوره وجدان الكويت على مشاركتج الحلوه

 

[حناينq8]

صامـــــــــدة وكنت بالروضة

مشكوره يا عذوب على المشاركه

 

[حناينq8]

انا كنت صامده وكان عمري 3سنين ونص
بس سبحان الله اتذكر
كنت اتذكر الدبابه لما يت فريجنا واحنا انخشينا بين الشير لان كنا رايحين الخباز
اتذكر لما يونا العسكرين يبون يشربون ماي
اتذكر يوم يونا العسكريين مره ثانية يسألون عن ضباط
اتذكر لما كنت انحاش من بيتنا اروح بيت ييرانا >> كنت حدي جريئة بوقتها ههههه بس هم كنت بريئة
اتذكر يوم طلعنا انا واخوي رحنا بيت الييران وخذينا أكله لان أهلنا ما كانوا يدرون
اتذكر ان غيرنا سكنا 3 مرات في الغزو (( اذا مو اكثر لاني كنت صغيرونه ))
والله اتذكر اشياء وايد الحمدلله

مشكوره يا blue-diamon

ماشالله عليج تذكرين الاحداث مع انج كنتي كتكوته

 

[حناينq8]

انا سافرت قبل الغزو بيوم لتركيا وكانت الوالده تحاتي اخواني لأن مو كلنا مسافرين نصنا بالكويت

وكنا ندق عليهم بس الخطوط مقطوعه وبعدها بجم يوم ابوي دق على بيت خالتي بالسعوديه ولقى اخواني عندها وما انسى هذاك اليوم اول مره اشوف ابوي يبجي من الفرحه على سلامة اخواني

بعدين ردينا من تركيا للسعوديه وقعدنا هناك فترة الغزو كلها​

الله لا يعيدها على احد
مشكوره حبيبتي على مشاركتج

 

[زيـنـه]

طلعنا من اول اسبوع
من خوف كثر ما كنت ظروف

و قعدنا بالسعوديه بالخبر نبي القرب من الكويت .

 

[حناينq8]

الله لايعيد الشر
كنت صغيره مااذكر شي
كان عمري اربع سنين وقتها
مشكوره على هالموضوع

العفو اسماء حياج الله

 

[حناينq8]

أنا كنت بألمانيا مع يدتي وعماتي وعقب رحنا المغرب حق ناس نعرفهم بالسفارة الكويتية بس أبوي وأمي وخواتي كلهم بالديرة بس الحمدالله ردت لنا ديرتنا طبعا الفضل الأول لله والثاني لعيال الديرة وطبعا كل من دافع عن الكويت

مشكوره يا فيوليت على مشاركتج الغاليه

 

[حناينq8]

صامده وافتخر :q8:

وكان عمري ايامها 5 سنين ولي الحين اتذكر كل شي من اول يوم لي التحرير .. الله لايعود هالايام ..

خصوصا انه احنا حيل تعبنا في هالايام لانه ابوي عسكري وكان مقاومه واكثر من مرا يهجمون على بيتنا ومره خذونا كلنا انا وامي وابوي واخواني وخواتي علشان يستجوبون ابوي ويحاولون يسحبون كلام منا .. بس الحمدلله الله كتب لنا عمر يديد وحفظ الوالد اللي ماقصر ضحى علشان البلد وعلشانا ..

الله يخليه لنا ويحفظه يارب مثل ماحفظنا وحفظ الديره .. ويخلي كل كويتي وبالاخص اللي صمدوا وضحوا بعمرهم واستشهدوا علشان هالديره .. ديره الخير .. احبج ياكويت :q8:

مشكوره يا قوت القلوب يا بنت بطل من ابطال المقاومه

الله يخليه لكم يارب ويخلي كل الكويتيين حق ديرتهم

 

[حناينq8]

الله لاا يعيد هذيج الاياااااام يااارب ..


كان عمري 9 سنوات واتذكر تقريبا كل شي ؟؟

قعدنا بالكويت اسبوعين وطلعناااا لان العراقين حسبي الله عليهم يبـــون امي ..

فابوي ماخلانه بالكويت وطلعنا بيت يدي بالسعودية ..

الحمدلله على كل حاااااااال ..

انا وامي تمنينه نكووون هني صامدين بس خيره ان شاء الله ..


أحبببببببببج ياكووووووووووويت يا اغلى واحلى وارووووووووووع بلد والله مافي مثلج احددددد ..

مشكوره يا امورة الكويت

والله يخلي لنا الكويت ويخلينا لها

 

[حناينq8]

ذكرتوني الله لا يعوده لت شاء الله

قعدنا شوي ورحنا السعوديه ماقدرنا ابوي بالحرس وبرتبه والبيت فيه يهال وبنات وكل شوي مهددينا

مشكوره يا احلى كويتيه على مشاركتج الحلوه مثلج

 

[حناينq8]

صامده
وكنا اغلبنا بنات وأكثر أخو عمره 13
مع هذا ابوي مارضى يطلع
والله يعطيه الصحه ويخليه لنا كبير بالسن بس احسه بعد الغزو فعلا زاد عشرين سنه
تخيلوا ريال بروحه يشيل هم ثمان بنات برقبته
ابوي ريال عظيم
عسى الله يخليه لنا

قال كلمه لأخوي العود اللي الله يسامحه خلانا وأخذ مرته وطلع من رابع يوم
قاله اذا الله كاتب لنا الموت بنموت حتى لو احنا بره
بس لو بمووت بره ديرتي وين بندفن ؟ وين بندفن ؟
انا اندفن بديرتي وتحت تراب بيتي أشرف لي

آخ على ذيج الأيام

من المواقف اللي مسخره
كنت مصدقه روحي مطربه
ونقعد تالي لليل اتسحب انا واختي الصغيره اللي يدوب تفهم
ونركب سياره أبي بوووووكس شخباري ههههههههههه سفينه نوح نسميها
وأقعد أغني واندمج
واسأل اختي ها صوتي حلوو تقولي إي
اخخخخخخخخخخخ

لووووووووول انما ذكرياتج عجيبه يا فوز

وكلمة ابوج الله يخليه لكم مثل كلمة ابوي الله يرحمه يارب
قال اذا مكتوب لنا نموت راح نموت بديرتنا

 

[حناينq8]

يؤ يؤ يؤ

الله لا يعيد هذيج الأيام صج كنت صغيره ولا أذكرها

احنا كنا مسافرين السعوديه من قبل الغزو

لو اني كبيره رديت الكويت حتى لو فيه غزو

أحبـــــــج ياكــــوبــــــت

مشكوره يا المطيريه الماركه

واحلى شي الصوره اللي حاطتها ههههههههههههههههههههههههههههه

 

[حناينq8]

صامده واذكر كل شي كانت ايام عصيبه من ناحية الوضع والاسر اللي صاير بس لمتنا كل العايله في بيت يدي العود قربتنا مع بعض وصرنا على قلب واحد اكثر من اي وقت مضى

مشكوره نداوي

صح بالغزو كلنا التمينا على بعض وصرنا على قلب واحد

 

[حناينq8]

والله كان عمري سنتين رحنا السعوديه اى منطقه مادري كنت داداااه

في ناس من اهلنا صامدين ..ماشاءالله عليهم

خووووش موضوووع

مشكوره على مشاركتج حبيبتي

 

[pretty sarona]

انا كنت بالكوييت صامده وأول يوم كنا نايميين بالخيران المنتزة بس بعديين رديينا الديره ,, و لا سوتلي امي عيدميلاد بالغزو كيكة و معجنات P:

 

[حناينq8]

كنت صامده وماطلعت من الغالية الكويت الا بعد سنة من التحرير مع ان اهلي كلهم طلعوا بعد التحرير انا قعدت في بيت خالتي لأني كنت مع الهلال الأحمر وكنت تحديدا في مستشفى مبارك
والله لايعيد ذيك الأيام بس احلى ماكان بذيك الأيام التعاون والحب اللي كان بين عيال الديره وخوفهم على بعض

الله يحفظ لنا الكويت وشيوخها وعيالها من الصغير لي الكبير من كل شر
قولوا آآآآآآآآآآآآآآآآآآآآآآآمين

آآآآآآميييييييييييين يارب العالمين

مشكوره حبيبتي على هالدعوه الحلوه مثلج