وين كنتي حزة العااصفة!!! مواقفكم ؟؟

[كول تكره سكول]

Re: منو كانت بالسوق وتوهقت....

انا كنت بالافنيوز بعدين يوم جا الغبار حددددددددي خففففففففت وشوي وابجي قلت لا بالله قامت القيامه ويصكرون السوق

ووزعو علينا كمامات بكارفور ببلاش .. رحت وياليتني ما رحت يطلعون اشاعات قالو عاااصفه اوكي بس مطر حمضي وكهرباء بتقطع و الزلزال الي باليابان يجينا ..


ليييييييييش جذي وقفتو قلوبنا اعرف لي وحده ابوها فييييييه سكر يقولكم عقب ما سمع الزلزال ومدري شنو مخربطين زااااد السكر عنده ( والله يرحمه ) مااااااات ..


شفتو اشاعاتكم شسوت حراااااااااام عليكم ..

 

[غلا بوي]

Re: منو كانت بالسوق وتوهقت....

هههههههههههههههههههههههههههه
الحمدالله اني كنت ابيتنااا وكاانوو عندي خالاتي وبناات خلاتي هع هع

 

[حجيه هيونه]

رد: منو كانت بالسوق وتوهقت....

انا كنت بسلطان بس الحمدالله عدت على خير بعد نطره ساعتين يمكن خذيت بناتي ورديت البيت
احيان ماكنت اشوف الطريج كنت اهدي حيل او اوقف لين يبين واظل لازقه يم الرصيف عشان اشوفه

 

[صمت المرافئ]

Re: لما صار لغبار وين كنتي؟؟؟؟

سبحان الله كنت ناوية أطلع
بس زايرتني الحجية ...
تعبت ومالي خلق لشي وكنسلت الطلعة
بس عيالي راحوا الافنيوز وانحبسوا هناك
و ردوا بالليل بعد الساعة 11
والحمد لله على كل شي
​

 

[$ بنت علمي $]

رد: وين كنتي حزة العااصفة!!!

الله ستر والحمدالله على كل حااااااال

 

[@الياسمين@]

رد: لما صار لغبار وين كنتي؟؟؟؟

انا كنت بالبيت

 

[hadoy]

رد: وين كنتي حزة العااصفة!!!

انا كنت في بيت عمتي
ماحسيت الا اليهال تصارخ بالحوش
وطلعنا ونشوف شي مثل الدخااااان اسود حسبنا بيت احترق من الظلمه بس قلنا حنى لوحريجه ماتصير جذي
وبعدين قلنا صار يوم القيامه قلت هذا الدخااااان اول علامات الكبرى حق يوم القيامه
ماتم احد ما ضحك قالوا اذكري الله وقعدوا يصلون ويستغفرون

 

[Ronnie]

Re: وين كنتي حزة العااصفة!!!

امبيه انا كنت ببيت خوالي شي رععب والجهاال يصاارخون وحالتهم حالة بس الحمدلله عدت على خير

 

[La6o0oFa]

رد: لما صار لغبار وين كنتي؟؟؟؟

كنت بالشالية ...والله سترررررر

 

[Ms.she5a]

Re: منو كانت بالسوق وتوهقت....

> العآصصفه حدهـاا مرررعبـه

يآلـله حُسن آلخخآتمه ..

 

[ZajiL]

رد: لما صار لغبار وين كنتي؟؟؟؟

انا كنت بطريجي للبيت وصلت قبل العاصفه كنت اشوفها من بعيد والي ردني البيت
كمام ودلي العاده اخذه معاي الزواره

الحمدلله

 

[jod.q8]

رد: وين كنتي حزة العااصفة!!!

انا كنت قاعده بغرفتي فوق , سمعت خالتي تنادي البنات و تقول حطوا على

تلفزيون الوطن بسرعه , انا قمت فتحت التلفزيون و شفت الا خبر عاجل

عاصفه رمليه .. , شفت الدريشه ماكو شي ! جان انطر دقيقه و اشوفها كبيره

تمشي و اقعد اخذ فوني و اصور بعدها غطتنا كلش و ما اشوف شي ,

حتى بيوت جيرانا ماكو اختفوا و البيت كله غبار لدرجه قعدت اكتب على السراميك

و الطاوله .. مع انهم بعاد عن الدريشه بس صج يخرع و اهي تمشي .

 

[عواار قلب]

رد: وين كنتي حزة العااصفة!!!

ياااااااااي سبحان الكل كان بيطلع او ينطر ضيوف او عنده شغل ماكنا ندري ولو اهلنا قالوا ماراح تطلعون اليوم
بنقعد نزعل ومادري شنو ويمكن يقولون لنا خيررر بس احنا ماراح ماندري شنو مخبي لنا الله

والله احنا كنا بالبيت ننطر اختي تزورنا مانشوف الاتلفون منها تقولنا عن العاصفه انا قلت عااصفه اوكيه بس يوم وصلت لنا
صدقت انها عاصفه موشويا لانها قلبت السماء سووده صار ليل شي خيال موطبيعي وربي قلت لا لا يوم القيامه قامت لانه جمعه اليوم وخفتتت حدددي وقعدت استغفرربي ونذكره
واخوي الصغير قام يبجي علينا خاايف نموووت والله يابنات وانا اهدي فيه يمااا الله لايجيب هاليوم مره ثانيه ويحفظنا ويحفظ الخليج
والمسلمين يارب ..

ملاحظه من شده الغبار : سويت قلب الحب فضااوة بس بعد ماخفت العااصفه طبعا

 

[AngeL-q8a]

رد: وين كنتي حزة العااصفة!!!




كــــنت طااالعـــه واااي صج صج طااح قلبي
سبحــاان الله كااان الجـــوؤ رووعــــه ...=(

 

[بنت الكويت90]

رد: لما صار لغبار وين كنتي؟؟؟؟

كنا تونا طالعين عالشارع العام وبنروح ارض المعااارض ا
اخترعنا لما شفنا الغيمه السوووده وتحتها ظلاام اخذنا فوق تحت وردينا بيتناا






انا عبالي ظاهره فلكية غريبه ماخطر ابالي ان هذا غبااار لان صاريه مثل الغيمه وتحتها ظلام


بس الحمدلله ربي ستر

 

[أم@الحلوين]

رد: لما صار لغبار وين كنتي؟؟؟؟

كنت بمول 360 والمجمع صار كله غبار مانشوف الي جدامنا وصكروا البيبان وشغلوا صفارة الانذار وقالول لا احد يطلع

 

[ALooy]

Re: وين كنتي حزة العااصفة!!!

انا كنت اب بيت خوالي زواره ولا اسمعهم يقولون عاصفه غبار ولا انزل تحت بطلت الدريشه ولا الغبار كله اب وجهي <<تحصلتها
وجهي صار مغبر وكنت خايفه حطيت على قنات الكويت لاولى وقعدت اتابع لااخبار
بس اكثر شي خفت منه لمن قالو مافي كهرباا خفت ولا حطيت على سكوب ولا دقوو على واحد اسمه مشعان العتيبي وقال ماراح تنقطع الكهربا لان اهوا مدير اب وزارة الكهرباء<<قلت القصه كلها لووول

 

[*لبيه*]

Re: وين كنتي حزة العااصفة!!!

الحمدالله كنت بالبيت ..~

والحمد الله على سلامتكم ..~

 

[دلوعة روحي]

رد: وين كنتي حزة العااصفة!!!

الحمدلله كنا بالبيت

بس صج الوضع يخرع

 

[أم علي الرفاعي]

رد: وين كنتي حزة العااصفة!!!

عيل انا كنت توني رادة من المباركية
وكنت قاعدة بالبراحة اللي فيها كشك
الشيخ مبارك الصباح

وأقول حق أبوي :
الجو روووووعة
خل باجر انييب اليهال يلعبون بقواريهم


رديت البيت والا اشوف بالتلفزيون
خبر عاجل عن العاصفة
بس ما هقيتها جذي !!!!!!!!
رحت الحمام عزكم الله
والا اسمع الشفاط يصرّخ :
وووووونننننننننننننننننننننننن

ون

ووووووووووووووووونننننن

ون ون ون

وووووووووووونننننننننننننننننننننننننن

قلت اشفيه هذا ؟؟؟
يوم ابطل باب البيت !!!

والا شي ماشفته بحياتي


قعدت ع الاب توب
أكتب وأكتب وأكتب

بس رفعت راسي
والا الغبرة داخل الصالة !!


يالهوووووووووووووووووي ..



عاد حدي اختنقت وحطيتلي كمام طووووووووووووالي ...


وسلامتكم وتعيشون