وين كنتي حزة العااصفة!!! مواقفكم ؟؟

[q6aiwa]

رد: قصتي مرررعبه امس بالعاصفه بعتها ورديت البيت

هاي بنت المطر شلونج

وينج لا ايميلات ولا رسايل


اقولج يوم الغبره حتى انا كنت بالصالون لووول ماقلتيلي ارو معاج
وتميت داخل متوهقه ماقدرت اطلع

 

[اميره1980]

رد: قصتي مرررعبه امس بالعاصفه بعتها ورديت البيت

حمدالله على سلامتج

انا كنت في بيت اهلي زوارة الجمعة و كل اهلي وياي بالبيت و حطينا فوطة مبلله بماي تحت الباب علشان لا يدش الغبار و هم دش و صالة بيتنا صار فيها غيمة سودة من الغبار
يوم صار وقت العشا على حظنا الثلاجة فاضية ما فيها شي و كنا وايد و توقعنا المطاعم ما توصل طلبات بالغبار عيل ماكو جدامنا غير المعكرونية نسويها عشى
اختي دشت المطبخ و زهبت العشا حقنا كلنا الله يعطيها العافية لاني ما كنت اقدر اوقف تعبانه و مرت الامور بسلام و لله الحمد

 

[انا لحبيبي .]

رد: قصتي مرررعبه امس بالعاصفه بعتها ورديت البيت

يييي الله يقويكي كيف بتطلعي من الصالون والدنيا هيك اصلا؟

حمدلله على سلامتك حبيبتي ، ما شاء الله عليكي​

والله كان فلم رعب منيح انها عدت على خير الحمدلله يارب ​

 

[سارووه الاموره]

رد: قصتي مرررعبه امس بالعاصفه بعتها ورديت البيت

انا شفت السما جذي لمن تمشي العاصفه ومرات من فوقنا وصارت الدنيا سودا سبحان الله ..

انا رجفت رجف مو طبيعي وريلي كان بالمخيم :\ والحمدلله وصل البيت ع 10 جذي

عيل يوم القيامه شنو بنسوي يالله رحمتك ..

 

[Aro0ora]

رد: قصتي مرررعبه امس بالعاصفه بعتها ورديت البيت

يلا الحمد لله على سلامتج اقول اي صالون كنتي رايحه شوقتيني عالنقش>>>>>>>>>>براااااا لوول

 

[المتميزة@80]

رد: قصتي مرررعبه امس بالعاصفه بعتها ورديت البيت

حسافه عالويفي هههههههههه

أنا كنت ببيت أهلي توني بطلع السوق وقاعده البس ولا اشوف تحذير على قناة الوطن !! وهونت قضبت ارضي وقعدت والله لو موشايفة التحذير جان طالعه ,

وعطيت اليهال كلهم فوط مبلله وعلى خشومهم من الغبار اللي ترس البيت ’ بصراحه ماتوقعت الغبار لهدرجة ’ شي مو طبيعي
والحمدلله على كل حال

 

[G!RLY-PAci]

الظاهر طلع الموضوع دامجينه لان في اخت قبلنا كاتبه عنه
بس انا موضوع كان شوي غير بفكرته نوعا ما
انا ابي اعرف اول ما شفتو الدنيا ظلمت منو اول واحد فكرتي انج تدقين وتتطمنين علية ؟؟؟؟
-----------------------------------------------------------------------------------------------
انا عن نفسي كنت بالبيت وقريت بالاخبار ومادقيت على احد لان ما توقعت يصير اللي صار (( سبحانك ربي))
علطول ابوي دق علي اول واحد قبل لاتوصل العاصفه الديرة وقالي بابا لاتطلعين لان في عاصفه قويه بتيينا
عساس اهوا كان بالعبدلي واول ناس شافو اللس صار
انا ماكنت متوقعه ان صج بتصير عاصفه بالقوه هذه سبحان الله
شوي ولا امي تدق وتصرخ (( ويييييييييييينج ؟؟!! ))
قلت لها بالبيت يمه شفيج حبيبتي خرعتيني
جان تقول اي لاتطلعين غبار وانتي صدرج ربو وعيوني فيها جفاف >>> فديت اللي يحاتوني والله
انا بنات على اقول غبرة او رطوبه علطوووووووووول ازمة ربو قويه اللي اطيح بالمستشفى
وفعلا رحت الطبيب وتميت ليما الفير بالاميري
وكان زحمه وايد ..... وكان في ياهال واااااااايد بعد عمري عورو قلبي ... لما صار دوري كان في وراي ياهال اثنينه على 3 و 4 سنين تقريبا ... خليتهم يروحون قبلي .. بعد عمري هذيله ياهال ما يعبرون عالاقل احنا كبار نقدر نتحمل
والحمدالله على كــــــــــــــل حال
الله يعين كل اللي فيه ربو وهالسوالف صراحه وايد تعبو يومتها الله يجيرنا انشالله

 

[حلوه وتفتن]

انا بالخفجي وجانا غبره مو طبيعيه الحمدلله اللي كفانا شرها..

المشكله مادريت بالخبر والله تمنيت اني دريت ..بيتي انعمى كله

الهوايات مفتوحات ونص من الدرايش

وحسافه كنت رايحه الخيمه الشعبيه اللي توهم فتحووها...

والله اني اطالع بالبيت وخلااص حسيت بيأس غرفتي والبطاطين
والمطبخ ..واللي زاد الطين بله المويه مقطووعه..
اكتملت..

عاد نمت الساعه3الفجر..والله يابنات اني قمت 6 الصبح..
وزوجي ماشاء الله لاقوة الابالله نظف كل شي ههههه قمت وهو مشمر ثوبه
ويشتغل يااارب انك تحفظه لي..

الا صدق شلوون نمنع الترااب لايخش البيوت ..والله كثير ناس سوو جهدهم وغطو بس دخل..
يااارب انك تحفظنا ولاينعاد هالموقف..

 

[NESAIEM LEIL]

انا كنت في البيت و من شقت الغبره حطيت راسي و نمت لأني كنت مواصله من اليوم اللي قبله...

 

[kunkush]

انا كنت دايما احلم نفسي ان في شي خطر يلحقني والحين والله فعلا اللى بالحلم شفته ونفس الاحساس عشته احس اني في فلم رعب كنت بداية فى البيت واصيرلي اسبوعين مو طالعه والبر طبعا قاطعته من تاريخ 15 - 2 لاني تعبت اشوي وبعدها كرهت روحته وصارلى فترة مو رايحه ولا على الغدا جمعة حموليت حماتي تقول بنروح البر قلت لها شنو من صجكم جان تقول اي نبي نشيل الاغراض اللى داخل الخيمه عشان السبت الرياييل يشيلون لخيام مادري ليش تضايقت قلت لها مو اليوم خليها يوم ثاني قالت الجو حلو نبي انروح المهم والله اول مره اشوفهم مستعجلين بالطريقه هذى لا جاء قضا الانسان قامت اتغسل المواعين مع الخدم عشان يخلصون بسرعه وانا بداخلي مستغربه استعجالها المهم ولا زوجي يقول وين اطلع الولد قلت له مادري قال شرايج نروح معاهم البر قلت له يالله والله يابنات اني اجر ريلي جر حتن حماتي الصغيره قاعده بروحها بالبيت مريضه قلت لها مادري شفيني قلبي مقبوض قالت قعدي لاتروحين ترا حر بس ماياني قلبي اخلى ولدي وريلي قلت خل اروح وفعلا رحنا والجو كان مو طبيعي بالبر امضبطه القعده وكل شي اوكي الساعه 4 اسمع التلفونات ترررررررررررررنع وانا اسكب محترم بعدين فتحت المارينا بس سمعت المذيع يقول حطوا بالكم بالشوارع قلت اكيد عشان الزحمه على الساعه 4 ونص تكرمت وخذيت التلفون ولا امي زليون مكالمة وولدي قمت دقيت على ولدي قال يمه وينج قلت له بالبر قال يومه انا بمنطقة الروضه يمه الدنيا قايمه قاعده قلت له ماكو شي حبيبي الجو صحو شحلاته والله يبنات وانا اكلمه فجأة الهوا بالبر سكت وصار صخه مو طبيعيه على قولتهم الهدوء اللى يسبق العاصفه والجلاب وانتوا بكرامه تركض وبعدين ولا امي تدق رديت ولا تصرخ وينكم يمه قلت لها بالبر قالت طلعي بسرعه بعدها ركضت حق حمولتي قلت لهم يالله نمشي في عاصفه قالوا ماكو شي جنه طبعا مايصدقوني خيخيخيخييخي ترا كلها لحظات ولا شي ابيض من بعيد اشوفه جان اقولهم شوفوا قالوا هذا غيم عادي ولا يقرب اقولهم شوفوا تكفون قالوا ماكو شي عادي غيم قرب اكثر جان اقولهم ياجماعه هذا تراب والله جنه وحش ترابي او مجموعة وجوه مرعبه وقفوا مصدومين صرخت عليهم سياييركم بسرعه اول شي لقطت اليهال لان لو ظلوا بره واهجمت علينا والله مالقيناهم المهم ركبت ولدي وخدامتي وركبت انا صرخت على ريلي لاني اشوفها قربت خلاص والكل ركب عمي ابو زوجي بنشرت سيارته وريلي توهق مابين يخلي ابوه اطلقت الصرخة الاخيرة وركب ويعني بننحاش خيخيخيخي جنه قشره اتخلي حمولتها وتنحاش مشينا مسافه عنهم جان تغمرنا لااله الا الله والله ان حتن ريلي حسيت انه بينهار ولدي الصغير نطق يارب والله اصلي لك والله احبك عور قلبي وانا صدري مايتحمل الغبار ماكان لنا بهاللحظه الا الدعاء والاستغفار ولدي قال حطولي قرآن اندور كله اغاني لمن طحنا على قناة ولا قرآن رغم الوحشه القرآن سبحان الله هدا من روعنا والله حسينا جنه بقبر يقطون علينا الرمل .... المخاطر اللى كانت حولنا الجينكو والاغراض بدت تتطاير وخفنا شي يكفخ السياره انا عندي بس اربع ابطول خلصنا اثنين نصبهم على الكلينكس عشان نتنفس وانا بدا يضيج النفس عندي وقمت ارجع بس تمالكت نفسي والبانزين ربع والتواير بدا الرمل يتراكم عليها واندق على حمولتي ماعندهم ماي اليهال يصيحون واشياء تصير اهيا عقارب اهيا جرابيع والله اشوف اشياء تمر من جنبي ولا ادري شنو اهي واهلى يدقون يقصون على بس يبون يطمنوني ان الوضع تعدل وانا اتفاءل وكل ماهدا الهوا نبي نمشي يرد يشد قعدنا من الساعه 6 للساعه 9 بالسياره مايعلم فينا الا الله اشوه ان ولدي نام اخر شي دقوا حمولتي قالوا بنحرك والله تحسفت انا ماكنا معاهم اكبر غلط ان مشينا ولا ندري اصلا وين احنا واقفين قمت اترجاهم تكفون لاتخلونا ريلى حاول يمشي ماقدرنا البر وصخ وكله احفر بعدين قال سمي بالرحمن وخل نمشي لانهم مشوا ومشينا وبعدين وقفنا مادرينا وين احنا على الحسبه اللى بالسياره والله تمنيت لو عندنا جي بي اس وحمولتي يدقون ياني انهيار نفسي عمي فقير ابو زوجي قال طلعنا على الشارع عند النقطه الامنيه انا راجعلج يبه لاتخافين عور قلبي والله رغم اني تركته وبغيت امشي وهو وصل حريمهم للنقطه ورجع لى المهم شفنا ليت تبعناه ولا مخيم وصفولنا بعدين مشينا شوي ولا سياره وقفناها قال امشوا وراي مشينا طلعنا على الشارع دقينا على عمي قلنا له اطلع لا تدش والحمدلله توه كان داش يعني ما عمق وطلعنا كلنا ولله الحمد وللحين اعاني من اللى صار احس جنه احد رفعني بالسما وقطني قاع من عوار جسمي ونفسيتي ولاحول ولا قوة الا بالله العليم العظيم اللى تغير فيني ان زاد حبي لله وزادت تسبيحاتي واستغفاري وكل صلاة وراها صلاة شكر وسجود طويل لله يستاهل الحمد وشكرا على الموضوع الحلو المألم بنفس الوقت

 

[نورعيونك]

الحمدلله بلبيت

 

[$ بنت علمي $]

نفس موضوعي!!!؟؟؟؟؟؟؟؟؟؟؟؟؟!!!؟!!!!

 

[بنت الاحرار 1]

في السوق المباركيه

 

[الجووورى]

كنت بالمستوصف مريضه وبالغصب يلا يلا ردينا البيت بدقيقه انقلب الجو وصار عواصف ولويه ومساكين شفت ناس من كثر مايبين شى صاعدين فوق الدوار