وين القى بالجهرا عجينة سمبوسه مالت سعوديه وابي فطاير مجمده

[دغبووجه]

مرحبا كويتيات

بنات الجهرا خاااصه

وين احصل عجينة السمبووسه السعوديه اظن اسمها الكرامه او غيرها بس تكون

حلوه وماتشرب دهن

وابي مكان اخذ منه فطاير مجمده وبيتزا واهم شي الطعم بنات

ابيه للوهقات :d


وبث

 

[بحر الذكريات]

اب اب اب اب

 

[دغبووجه]

.................................................................

 

[ســـوس]

هذي توفرلج الشرايح من السعوديه
وعندها مفرزنات بس فطاير والله مادري
عندها سمبوسه تسويها بالشرايح السعوديه
رقمها
99793075
دعواتج

 

[amooon82]

المواضيع كلها عن الاكل

يمكن تحصلينها بسوق لندن والاسواق اللي جذي؟

الكبب وهالسوالف انا طلبت من ام ناصر وام عادل لذيذ اكلهم حييييييل

ام ناصر رقمها 50540485 تستقبل مسجات وام عادل للاسف ماعرفه

بس اكلهم حييييل لذيذ وغريب

والسمبوسه وهالسوالف من جمعيه العديليه الهندي اللي ورا

 

[مرايــــــــم]

اخذي من سما لبنان عندهم فطاير وكبب وسمبوسه

 

[جينواز]

اختي اشهر شيء عندنا بالسعوديه للي يحبون سمبوسة القلي المقرمش شرائح غوار مشهور جدا ولها طريقه عجيبه غريبه راح تدعين لي لما تحشين السمبوسه وتلفينها انغطها باللبن ثم الدقيق عشان ماتشرب زيتتم تقلينها وبعدها تعالي شوفي تنتفش لك وتطلع كانهاالسمبوسه الهنديه ومقرمشه بس ترا إذا تبين الذ حشوه الها الطريقه: اهي تبشرين بيض مسلوق عدد2 + علبة جبن كرفت ا والمراعي تشدر + ملعقة شطة كرستال وملح وفلفل بس الله ايعينكم يبيلكم كل يومين ليتر لبن عشان غط السمبوسه

نصيحه إذا ماتحبين اتسوين سمبوسه كثير لاتسوينها عيالي من الحين يتوعدوني عشانها لازم كل يوم جربيها وراح تدعين لي اما شرائح سويتز فهي ماتصلح اإلا بالفرن تدهنين الصينيه بربع كاس زيت (صينيتي كبيره ) وتصفين السمبوسه ثم تدهنينها بالبيض من فوق بواسطة الفرشه ثم تكتمينها بالقصدي بس الفرن لازم يصير حار تكتمينها 10 دقائق ثم تشيلين الفصدير ودخلينها ولما تتحمر من تحت حمريها عقب من فوق وحطيها بمطب:eh_s(15):قه وفيها مناديل عشان ماتترطب

 

[كت كااات]

عجينة الكرامه تلقينها عند محل دجاج ساديا الي قدام القيصريه القديمه " بس صراحه العجينه مو شي نفس سويتز اتكسر بسرعه