رد : (( ويجمعهم القدر بعد مر الزمن ,, احمــد ونـــور )) رواية بقلمي taboolaaaa
بارت (( 16 ))
اليوم الثاني
قام احمد من النوم وشاف نفسه نايم على جنب ولام نور من ورى .. وحاط ايده على بطنها ..
ضحك وقام خذاله شاور .. خلص ونشف روحه .. توضا .. ولبس دشداشته .. شاف نور توها قاعده من النوم ..
احمد : صباح الخير ياعسل ام العسل
نور : صباح النور حبيبي .. شنو رايح المسيد ( المسجد ) ؟؟
احمد : اي يبه صلاة اليمعة لازم اروح .. على ما ايي تزهبي .. ولا اقولج ليش تتزهبين ؟؟ نطريني اخاف يصير شي اكون معاج انا ..
نور : ههههههه حبيبي شدعوه !! كلها بلبس بدله .. ماراح العب جومباز انا ..
احمد : تتطنزين يعني انتي الحين !! انزين ماشي .. انا اعلمج .. كلها 9 شهور واوريج شغلج ..
نور ( بدلع ) : شدعوه احمداني .. تقدر تأذيني حبيبي ؟؟
احمد : أ أ أ .. احم .. المهم يلا قومي جدامي .. انا طالع .. مع السلامه ياحلوة ..
احمد : ههههه مع السلامه حبيبي .. بحفظ الرحمن
قامت نور .. دشت الحمام .. غسلت وتوضت .. طلعت من الحمام ولا دلال داقه عليها ..
نور : الووو .. هلا دلول
دلال : هلا نور حبيبتي شلونج ؟؟
نور : الحمدلله تمام .. انتي شلونج ؟؟
دلال : الحمدلله بخير حبيبتي .. ها شلونج عقب امس .. كنتي وايد تعبانه .. عسا ماشر ؟؟
نور : ماكو شي !! كل الخير انشالله
دلال ( بعبط ) : لا يكون حامل هههه
نور : احم اي حامل
دلال ( انصدمت بس ما بينت ) : مبروك حياتي الف مبروك .. عاد تستاهلين عزيمه على هالخبر الحلو
نور : حياتي شدعوه عزيمه .. الله يبارك فيج
دلال : لا حشا .. اعزمج يعني اعزمج .. مكو بكيفج ههههه
نور : هههههه خلاص عيل اوكي بس مو اليوم لان اليوم يمعتنا مع اهلي ماقدر اطلع
دلال : اي لا شدعوه عادي .. اممم .. شعندج باجر ؟؟ تطلعين باجر ؟؟
نور : اي اوكي خليها باجر .. وبعدين اساسا باجر اجازة .. يعني ماعندي شي
دلال : خلاص حبيبتي .. على خير اشوفج باجر .. انا بدق عليج العصر ونتفق وين نروح
نور : خلاص حبيبتي عيل .. يالله بيباي
دلال : باااي حبي .....(( امممممم حامل !! الله يستر منك ياجاسم !! شبتسوي اذا دريت انها حامل ؟؟ بس الله يستر !! ))
شافت فونها يرن ولا جاسم قاعد يدق عليها ....
دلال : هلا حبيبي
جاسم : هلا دلول !! ها وينج ؟؟ وشالاخبار ؟؟
دلال : والله مادري شقولك جسومي
جاسم : قولي حبيبتي قولي ترى مزاجي الحين يتقبل كل شي
دلال : نور حامل
جاسم : هههههههههههههههههههههههههههههههه
دلال : انت شناوي عليه ؟؟ وليش مستانس ؟؟
جاسم : لاني كنت ناطرها تحمل !! شوفي .. طلعيها بعد اسبوع اذا تقدرين !!
دلال : لا حبيبي انا باجر بطلع معاها ليش بعد اسبوع يعني ؟؟
جاسم : عشان اخليهم يتهنون شوي بعدين يصير خير .. بس خلاص اوكي باجر باجر .. بس سمعي اللي بقولج اياه ونفذيه حرف حرف فاهمه ؟؟
دلال : اوكي فاهمه ..
وقعدوا يخططون شنو يسوون بنور اذا طلعت مع دلال .. طبعا دلال ما تدري باللي راح يصير .. بس اللي عليها تنفذ اللي يقوله جاسم عشان لا تخسره .. وبطريقه ماتبين انها مع جاسم بالموضوع عشان يوصلون حق اللي يبونه .. وقعدوا يفكرون اول شي بالمكان لازم يكون مافيه احد عشان ياخذون راحتهم عدل ......
.............................
نروح عند نور بالغرفه .. عقب ماسدته من دلال قامت صلت .. وبدلت وتكشخت وتمكيجت .. وتعطرت
وسوت شعرها .. ونزلت تنطر احمد تحت بالصاله .... اول ماوصل احمد .....
احمد : انتي لبستي من غير ماتنطريني شفتي شلون ؟؟
نور : ايي حبيبي عشان لا نتاخر .. يعني بوفر وقت حياتي
احمد : هالمره بعديها لج بس المره اليايه لا
نور : حبيبي انت فديتك .. المهم ترى باجر رفيجتي عازمتني عالعشا بمطعم .. عادي اروح ؟؟
احمد : اي رفيجه دلال ولا وحده ثانيه ؟؟
نور : لا دلال .. زلا تخاف اهيا اللي بتسوق مو انا ..
احمد : اي ادري .. اصلا مو بكيفج تسوقين وولدي فبطنج ليلحين !!
نور : ههههههههه انشالله حبيبي من عيوني
........................................
وراحوا احمد ونور بيت ام طلال .. وتغدوا واستانسوا
نور مع احمد .... وريم مع فهد ..
عـــــــســــــــا الــــــلـــــه لـــــا يـــــفـــــرقــــــنــــــــا
ام طلال : يمه طلال ..
طلال : هلا يمه .. امريني يالغاليه
ام طلال : ما يامر عليك عدو حبيبي .. يلا حبيبي تخرج عشان تلحق خواتك .. ترى ماهم احسن منك
نور وريم : يـــــــــــــمـــــــــــــــه
ام طلال : اي وانا الصاجه كلكم مثل مثل محد احسن من احد
طلال ( يستعبط ) : واااااي يمه استحي استحي ( يغطي ويهه )
الكل : هههههههههههههههههههههه
احمد : هاا ماكو مني مناك ولا زواج تقليدي ؟؟
طلال : لا يبه الوالده عارفه كل شي .. البنت واهلها موجودين .. شنو انت احسن مني ؟؟
احمد : ههههههههه لا يبه ترى احسنلك يبه .. تعرف البنت الي بتعيش معاها شنو اهيا .. تكون رابيه على ايدك هههههه
فهد : وعليا على حالي .. ساكت 4 سنين ومحد درا عني
طلال واحمد : اوووووووووووف
احمد : 4 سنين يالظالم .. ليش عاد ؟؟
ريم (انحرجت ) : انا بقوم شوي فوق
فهد ( يتصنع العصبيه ) : شفتو شلون قومتو مرتي @@ الحين شيردها بالله عليكم
طلال ( بعبط ) : شدرانا احنا مرتنا ولا مرتك ؟؟ قوم راضها يالله لا اقوم فيك الحين
فهد : تامر امر طال عمرك .. الحين اقوم افا عليك ( وقام )
طلال : ايي عبالي بعد
احمد : والله انك وحش
طلال : احم احم .. بعد تدري لازم بعد .. هزولي خواتي تربوا على ايدي
ام طلال : يلا جب عاد زودتها طلييل
الكل : ههههههههههههههههههههه
............................
اليوم الثاني
كان العصر .. بالافنيوز .. مطعم (( ماكي ))
احمد : بابا مو تاكلين اي شي .. ديري بالج ماوصيج .. عاد انا ماعرف شنو زين وشنو مو زين يعني حطي بالج
نور : حبيبي حماده يعني شباكل مثلا ؟! ؟! صدقني بحط بالي على نفسي وعلى الياهل .. لا تحاتي حياتي
احمد : ابوي حبيبتي انتي .. والله من خوفي عليكم .. يعني انتي ما تدرين شكثر استانست من دريت انج حامل .. انتي اكثر وحده تدرين شكثر هالخبر يفرحني .. عشان جذي يمكن انا وايد ابالغ .. يعني حسي فيني نونتي
نور : ياحياتي انت .. صدقني اذا صار بالياهل شي انا ماراح اسامح نفسي
احمد : الله لا يقول انشالله .. فال الله ولا فالج .. انزين ترى انا مو مرتاح من طلعتج اليوم ؟!
نور : مادري حبيبي ,, بس يعني شبيصير .. كلها طلعة مطعم ونرد ماراح نتاخر .. انت دق كل شوي تطمن عشان ترتاح انا راح ارد عليك حبيبي
احمد : خلاص حبيبتي .. انا عيل بروح الديوانيه .. حمود رد من السفر وبكون معاه اليوم
نور : هههههه حشا ريل ( زوج ) مو رفيج
احمد : عاد هذا حمود عين السيح .. كلش ولا محمد عاد .. تدرين شكثر اعزه هالصبي .. اخو دنيا حبيبي
نور : ههههههههه الله يخليكم حق بعض حبيبي
احمد : ويخليني لج انشالله
...................................
جاسم شناوي عليييييييه ؟؟
دلال بتتصرف عدل ولا بيضيعها جاسم ؟؟
احمد ليش مو مرتاح من طلعة نور ؟؟
تــــــوقـــــعــــــاتـــــكــــم !!!!
