{ونـــــــــــــــاستنا في رشــــــــــــاقتنا }(تمديد الى 17-7)

[ام فجور 2008]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

بالعافية عليهم

 

[ام فجور 2008]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

:krkrkr: والله حدي اشتهيت شاورمااااااااااااااااااا

 

[مس يو]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

هلا حبيبتي
هذا بمستوصف اسمه cmc
انتي تعرفين بلجهرا؟؟؟؟؟؟؟؟؟؟؟؟؟؟؟؟؟؟؟؟؟؟؟

ملووك .. قصدج اسامه الشرقاوي اللي بـ cmc .. بس مو تخصصة طب عام ؟؟؟؟..

 

[ام فجور 2008]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

:0bee2e8d89: بس حرام اخرب اخر يومي على شاورما
من الصب:0bee2e8d89:ح وانا ما سكة نفسي ماودي اخربه الحين

 

[ام فجور 2008]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

:krkrkr: شجعوني مااخرب رجيمي

 

[عنيّد]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

لاتخربيييييييين

تخيلي ان الشورما فيها شي موخوش p:

مايسوى تخربين خلص اليوم حرام تضيعين تعبج كلللللللله

تذكري ان باجر بتوقفين ع الميزان ووزنج نازل

 

[ام فجور 2008]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

عنيد قاعدة الوع جبدي فيها واتذكر مرة مطعم بشارع المطاعم القطة تاكل من الشاورما

 

[مس يو]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

مس يو
لا اسمه مو اسامه الشرقاوي
الشرقاوي غير عنه مال اطفال جنه
اي اسامه تخصصه طب عام ومن ضمنه تغذيه

اي عددددل انا اقول اللي اعرفه طب عام ولليهال... يعطيج العافية على الرد

 

[ام فجور 2008]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

انا قايله مابي اروح اطبا الحين الا بعدين

 

[mn.mn]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

أنا كم باك لعبت على الاوربتراك وفكرت مع نفسي ووعدتها اني احاول اكمل الرجيم وما اخلي الوقت يضيع

وان شاء الله من باجر يصير خير وعسى الله يردلي الارادة والعزيمة من يديد مثل اول واحسن >> ولكم مثل هالدعوة

ام فجور الله يعافيج وحرااااااااام نطري لي الفري

مس يو اهلين وسهلين شفتي التقرير الخطييييييييييييييييييييير هالاسبوع >>> عفية لا تعاتبين مو ناقصة هم

 

[mn.mn]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

هلا والله ملوك بالعافية وان شاء الله المكدوس ما يأثر

وعلى التثبيت اتوقع يكون نظام غذائي تمشين عليه بس يكون الأكل أكثر من أكل الرجيم

وأكيد لازم ما تقطعين الرياضة

 

[مس يو]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

مس يو اهلين وسهلين شفتي التقرير الخطييييييييييييييييييييير هالاسبوع >>> عفية لا تعاتبين مو ناقصة هم

هلا فيج من من اي شفته وتحلطمت لما قلت بس ... ماراح اعاتب .. كلنا بالهوا سوا... بس اتوقع زيادتج من اسبوع المرور واتوقع الاسبوع الياي ان شاء الله بتنزلين مو اقل من كيلوين اللهم لاحسد .. ولا تزعلين عادي بس خلي تفكيرج ايجابي<<علمي نفسج.. لوووول

 

[مس يو]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

بنات بسالكم
اشلون اتصير سالفه تثبيت الوزن؟؟؟؟؟؟؟؟؟؟؟؟؟؟

اتوقع على حسب طولج وزنج بعد الرجيم ونشاطج يعني اذا كنتي رياضية او لا والمراة العادية اللي تمارس نشاط يومي متوسط لازم ما تزيد عدد سعراتها باليوم الواحد عن 1700سعرة ... ولازم الأكل اللي يدخل الجسم كثر كمية المجهود اللي يسويه الجسم علشان يحترق وما يتخزن منه شي على شكل دهون .. واتمنى كلامي مفهوم ..<< ما اعرف اشرح لوووول
بس الأحسن تتابعين عند دكتور علشان يعطيج نظام زين يتوافق مع نشاطج...

 

[مس يو]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

شووووووفي هذي المعادلة ....

رجل وزنه 70 كيلوغرام يحتاج في كل ساعة الى
70*1=70 سعر حراري
ويحتاج في اليوم الواحد الى
70*24=1680 سعر

المراة تحتاج الى (0.85) سعر حراري لكل كيلو من وزنها لكل ساعة
امراة وزنها 70 كيلو غرام تحتاج في كل ساعة الى
70*0.85=59.5 سعر
وتحتاج في اليوم الواحد الى
59.5*24=1428 سعر

 

[بروزي]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

بالعافيه عليكم وجباتكم
وانا بتعشى كورن فلكس
لان هالاسبوع ببدأ برجيم الكورن فلكس

 

[Bs.ana]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

:ggdw::ggdw:


انا رحت النادي ولعبة طبعاً :ggdw:

انا من ريوقي والغدا بنفس الوقت كليت بس تفاحه خضرا

مساعه يعت ودخت وانا اموت اذا ماحرفت بالرجيم مااكون فنكيه

فاكليت 2 توسته سمرا + جبن لو فات او طماطه وحطيتهم بالشوايه + عصير تفاح وبس

لوووول كليتها وتحسفت بس ميخالف :dddds::dddds:

 

[روعة خيال]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

وي ام فجور كلنا مشتهين شاورما عاد انا من الاسبوع اللي طاف مشتهية شاورما ميس الريم اللي يم طربان السالمية

روعة تهقين نسويه أسبوعين ؟ بس شرايج نا خذ وجبة وحدة فري <<<<< ما أيوووووووووووووووز

لووووووووووووووووووول

اي ما يخالف دامج ماشية عدل حطي تحت عدل خطين تستاهلين يوم فرري

شرايج نسويه اسبوعين تالي ناخذ فرري و نحدده بعدين

 

[مس يو]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

بنات شوفوا هالموضوع توني نزلته عن طريقة حساب السعرات لتنزيل الوزن او تثبيته بعد الوصول للوزن المثالي:

حساب الاحتياج اليومي من السعرات الحرارية

 

[مس يو]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

يومياتي:

الريوق: سلطة سيزر صحن صغير ..

الغدا: ماكو

السناك: جاي وقهوة و3 حبات فطاير تقديم وحبة رطب

الساعة 10 تقريبا: شربت قهوة لاتية

العشا: 2 توست أسمر محشي جبن حلوم وطماط وخيار وخس + سلطة خس (خس-طماط-جبن بارمزان-زيت وليمون)

الحمدلله اليوم عدا على خير....

 

[مس يو]

رد: {ونـــــــــــــــاستنا في رشــــــــــــاقتنا }(مدة الموضوع شهر من تاريخه)

اي نسيت....

قبل العشا بشوي كليت قطعة جالكسي.. اللي تصير كبر نص الأصبع...