ولد خالتي خاطبني اوافق او لا

[مولاي الفرج]

شنو اصيل ومو اصيل بتشترين فرس انتي؟

اذا اخلاقه زينه اخذيه وادعي ربج اذا خير لج تاخذينه

الله يوفقج

 

[فلنتينو]

استخيري

والله يكتب اللي فيه الخير

 

[شقآوه أنثى]

واااي سوالف الاصل والفصل اهي الي رادتنا ورا =s

حبيبتي هالشي مو مهم وصلنا 2012 وللحين تفكير هالناس ما تغير !!!!

دآم الادمي زين وانتي راضيه من داخلج طقي هالناس كلهم بعرض الطوفه وامشي بنصيبج

ولازم بعد تستخيرين ربج وتشوفين .... ترا والله كلآم الناس لا يودي ولا ييب

موفقه

 

[HaAaDoOol]

الله يوفقج $$$

 

[HaAaDoOol]

ااااااااب

 

[كراميلا مرة]

اذا اخلاقه زينه استخيري ووافقي
الاصل مو مهم المهم الاخلاق

 

[@ كويتيه @]

و الله ما ادري شقولج

اذا عن الاصل انا الصراحة اكره ما عندي لما الواحد يفرق يقول هذا مو اصيل و هذا اصيل!

اذا الولد مو زين شراح ينفعني اصله و فصله؟ الناس يشترون الريّال

و اذا عن انه ولد خالتج انا مو مع زواج الاقارب بس وايد ناس متزوجين من الاهل و مرتاحين و في ناس عكس يعني مو شرط

استخيري و الله يوفقج

:eh_s(15):




:eh_s(8):

 

[الحياة فرص]

أستخيري وصدقيني راح تلقين بقلاة الاستخاره راحه والله يوفقج ياارب

 

[الحياة فرص]

عفوا بصلاة الاستخاره

 

[ماركة انثى‘]

مآعليج من كلآم آلنآس << آهم ششي آستخيري

 

[أحلى البشر]

على كلامج ان الولد ماشاء الله مواصفاته حلوه
شعليج من بنات عمج اذا بتسمعين كلام الناس ماراح تخلصين
باجر لي تزوج راح تتندمين انج طوفتي هالفرصه
صلي استخاره وتوكلي على الله

 

[$نسيم الصباح$]

استخيري وتوكلي علي الله. مادامه زين ليش خاايفه الله يكتبلج الي فيه الخيرر

 

[om.googi]

اختي انتي قاعدة تسألين ابشي مافيه له من الصحة أساسا !​

,, وماعتقد احنا اللي راح تاخذين برايه لأن هذا زواجج انتي ​

صراحة اول مرة اشوف بنت تاخذ براي غرب ! ​

انتي قاعدة تسألين بنات المنتدى بس لأنج تبين تشوفين نظرة الناس لج باجر لا أكثر ,,

مشكورة ​

 

[قطوة@@]

اهم شي اخلاقه و ان يخاف ربه و يصلي و يصوم

 

[خاصة جدا]

شوفي الي يناسبج وسويه فكري زين قبل لاتاخذين قرارج

 

[Meeesh]

اذا بتعيشين على كلام الناس بتتعبييييييييييييييييين
نصيحه استخيري واذا ارتحتي وافقي بدون تفكير

 

[صفاءء]

حبيبتي اهم شي اخلاقه و الحمدلله انه زين ويخاف الله ارضي و حمدي الله عليه

 

[عادت ذكرياتي]

هالشي متوقف عليج إنتي بعد الله سبحانه إذا إنتي مقتنعة من هالشي مية بالمية توكلي على الله

 

[برستيجي مآركة]

مو أصيل و مو اصلي و مو قبآيل ..!
لسه فيه احد في الدنيآ يفكر هالتفكير ..​

يعني بيكون الرجآل تقليد مثلاً ......! ​

ايش بيفيدك آصله وفصله وقبيلته لو كان مو زين ..!​

آنتهى عصر التحجر والقبآيل وهالآمور ..
دامه قريبكم وانتي بنفسك مدحتيه وقلتي انه طيب و و و و
وخالتك مبسوطه مع زوجها ويحبها شتبين آكثر ...!​

والرجآل كويتي يعني مآقلنا مو عربي ولآ آفريقي ..!!!
وشدخل قريباتك وبنآت خالاتك فيكِ .؟؟
اولاً الناس ماترحم ولا بآي حآله
لآ ان تزوجتي هذا ولآ غيره
ولو تزوجتي قبيلي في نظرك ماراح يتكلموا عنك ...!
بيطلعو آلف عيب وعيب بس عشان يتكلموآ​

طنشي كلآم النآس وطنشي كل شي ..
لو رفضتيه ورفضتي كل شخص طيب تقدم لك عشان هالسبب ؟؟ بكرا لآ عنستي راح يتكلموا عنك وقتها ويقولوآ عنست .. ( شفتي !! بالاخير الكلام وراكِ وراكِ هذا طبع النآس )​

صرآحه انصدمت من الموضوع وان فيه ناس للحين بهالتفكير ..!​

يكفينآ حديث وكلآم الرسول صلى الله عليه وسلم .. عشآن نقتدي فيه : )​

ينصر دينك يادلوووعه تسلم الانامل اللي خطت هالحتسي:rerrerek:

صاحبه الموزوع استخيري وربي يوفقك...

 

[Hijazih]

مافهمت ياليت توضحين أكثر , شلون اللي متقدم لك هذا بلا أصل ؟