ولدت بالسلام (نصيحه للكل)

[الوردة المكنونة]

السلام عليكم

انا ولدت تاريخ 1/7/2012 بمستشفى السلام

حبيبت انصح اللي ناوين يولدون بالسلام وخاصه البجر لا تفكرون بالمستشفى نهائيا مافيها شي يسوى

كبداية ادشين تدفعين ١٠٠٠ ( ألف )تحت الحساب

اول شي سرير الولاده سرير عادي وتعالي انتي مسكي ريولج وقت الولاده وساعديهم

ثانيا كمامهم مو شي بالمره كل شي تحسين فيه ولا جنج حاطه كمام لدرجة انج تتعبين من الطلق وقت الولاده طاقتج كلها تروح ما تقدرين تدفعين الياهل

ثالثا السسترات مو شي اطقين الجرس تقعد ربع ساعه تنطرين السستر تحن عليج وتتعطف وتمرج وساعات تكشت ما تييج

رابعا تييبلج الغسول والكريم وتقولج حطي حق الخياط بروحج يعني انتي منهد حيلج وقاعده عندهم وانتي تحطين دوا حق روحج

بنات انا هذي رابع ولاده لي ولدت مرتين بالراشد ومره بدار الشفاء وبصراحه كانت رعايتهم ممتازه اما الولاده الرابعه من كثر ما سمعت عن السلام انها مستشفى ممتازه قلت اجرب عندهم وبصراحه تحسفت وااايد

وتحسفت اكثر على دكتوره امل الراشد سمعتها ممتازه بس وقت ولادتي مسافره وما قالولي انها مسافره لما كلمتهم قالوا اتيي بالولاده وحزت الولاده مطرشيلي مساعدتها وبلغوني انها مسافره ومساعدتها ولدتني شنو هالخرابيط

حساب المستشفى مع دكتوره 1275
مع العلم ان الغرفه صغيره حدها سعر الليله 89 ونوموني لليله وحده على اي اساس طلع مبلغ ولادتي 1275 مادري نصابين سعرهم وايد وخدمتهم مو شي بالمره

نصيحه وخاصه البجريات وخراو عن هالمستشفى واي استفسار انا حاضر

 

[sosowaty]

الله يزاااج خير

عاد انا دكتوري هناك

والله تعبت و حتا ريلي قال خلاص بس ماتغيرين هالدكتور

تعب من كثر الفرارة و تعب من كثر ما اتنقل من دكتور الي دكتور

 

[sosowaty]

سوري نسيت لا ارد السلام

و عليكم السلام

 

[أبله أريج]

حسااافة

 

[Laymo0ona]

الحمدلله على سﻻمتج
بس ليش المبلغ طلع 1275 ماسألتيهم جان خذيتي الفاتوره فصفصتيها عدل؟

 

[[[ عيون جابر ]]]

اي والله ليش تدفعين وانتي مو مجيكه ع الفاتوره

 

[أأأميرة الورد]

الحمد الله على سلاااامتج



والسلاااااام انا حاطه عليه اكس اسعااارهم حييييل مبالغ فيها


على شنووووو ؟!؟!؟!؟!؟!؟!؟!؟!؟

 

[حبيبه ببي]

واالله السلام يهبلون مفكره اولد عندهم

 

[AL-masa*]

أناا بعد السلام مارتاح فيه كلش من زمان
وعليهم سوالف وماديين الحين الفلوس قبل كل شيء

 

[جوزائيه مغروره]

الحمدلله على سلامتج

 

[*-*Lo0o0Raaa*-*]

انا ولدت بالسلام قبل سنتين
وبصراحه وايد تعاملهم راقي ومحترم ونظافه وسسترات
وماشفت منها شي مع اني البجر

بس شوفي اهما وايد وايد زادو اسعارهم عن قبل

تخيلي انا اتكلم قبل سنتين كنت لما اروح مراجعاتي الروتينه للحماله كل شوي زايدين السعر

والحين صايره غرفهم غاليه

وبنتي مراجعاتها بين السلام وعفاف الرومي والهادي

بس مراجعات السلام اهيا اللي اغلا شي
وصاير المستشقى زحمه زحمه زحمه

انا كرهت الهادي ودار الشفا من هالشي يصير جنه مجمع ما تحسينه راقي

 

[الوردة المكنونة]

انا ولدت بالسلام قبل سنتين
وبصراحه وايد تعاملهم راقي ومحترم ونظافه وسسترات
وماشفت منها شي مع اني البجر

بس شوفي اهما وايد وايد زادو اسعارهم عن قبل

تخيلي انا اتكلم قبل سنتين كنت لما اروح مراجعاتي الروتينه للحماله كل شوي زايدين السعر

والحين صايره غرفهم غاليه

وبنتي مراجعاتها بين السلام وعفاف الرومي والهادي

بس مراجعات السلام اهيا اللي اغلا شي
وصاير المستشقى زحمه زحمه زحمه

انا كرهت الهادي ودار الشفا من هالشي يصير جنه مجمع ما تحسينه راقي

فعلا انا ريلي سوى عندهم عمليه قبل سنتين او ثلاث كان تعاملهم راقي وعلى هالاساس قلت اولد عندهم يمكن يكون اهتمامهم احسن من باجي المستشفيات بس انصدمت منهم

 

[الوردة المكنونة]

الحمدلله على سﻻمتج
بس ليش المبلغ طلع 1275 ماسألتيهم جان خذيتي الفاتوره فصفصتيها عدل؟

الفاتوره عند ريلي ان شاء الله اخذها وافصفصها واقولكم بالتفصيل على شنو هالمبلغ بصراحه انا ما همني المبلغ بس انقهرت من معاملتهم ومن سستراتهم ماكو اهتمام والجرس اطقينا مره ايوون وعشر طاف ليش جذي

 

[الوردة المكنونة]

الله يزاااج خير

عاد انا دكتوري هناك

والله تعبت و حتا ريلي قال خلاص بس ماتغيرين هالدكتور

تعب من كثر الفرارة و تعب من كثر ما اتنقل من دكتور الي دكتور

الله يعينج انا برايي حولي دار الشفاء وااايد ارحم انا والده عندهم قبل سنه ونص وااايد ارحم من السلام والله يقومج بالسلامه

 

[الوردة المكنونة]

واالله السلام يهبلون مفكره اولد عندهم

حبيبتي اذا مرتاحه لهم اولدي فيه
بس انا حبيت انص البنات لاني مابي وحده تشوف اللي شفته بصراحه شفت الموت كمامهم ما يسوي شي
ومافي اهتمام من سستراتهم بس اذا انتي حابه تولدين عندهم على راحتج والله يسهل عليج يا رب

 

[ام ساره 4]

أنا مجربه كمامهم مو شي تحسين بكل شي والسهاله من رب العالمين

 

[اطياب طيبه.أم عبدالله]

الف الحمد لله على السلامه

انا والده عندهم مرتين واااااايد ارتحت صراحه

بس هالمره ناويه اروح باذن الله رويال حياه

 

[مورانو انا]

الحمدلله على سلامتج

 

[حلوه بكيفي]

عاد انا توني والده عندهم قبل شهر

واخذت سويت وابره ظهر ومبلغي طلع اقل منج
غريبه

وكانت عنايتهم عجيييييييبه
بالولاده غرفه بروحي وراهيه كبيره وفيها تلفزون ويمي سستر ما تخليني كانت تهبل
وحزت الولاده صح يطلعونلي نفس شي امسكه علشان يساعدني على الدفع وسسترتين حزت الولاده
وعنايتهم عجييييبه مايمدي ادق الجرس الا هم عندي ويضحكون
ولمن رحت الحمام جتلي وحده تعلمني وزهبت لي كل شي بس انا اللي احط ما شافتني .. يعني فشله اخليها تحطلي وسندتني وانا امشي
واكلهم عجيييييب دايت كير
بس شوي لمن اطلب ولدي يطولون
والله اني حطيت التلفزون على غرفه البيبيات
عجيبين فوق الست ومهتمين فيهم عدل
والصبح يمروني دكتورين غير دكتوري
بس اللي ضايقني انهم ماجابولي ولدي ارضعه اول رضعه مني وهالشي خلا ولدي يعوف صدري مع ان دكتوره الرضاعه جتلي والسسترات كانوا يساعدوني
بس بالبيت عافني
وشنو بعد اي واهتموا في المرافق حيييييل
صج صج مستشفى عجيب
يسوا الطريج الطويل ومواعيدهم تهبل مو ينطرونج سنه نفس بعض المستشفيات الماديه لا عدد محدد وموعد مسبق

 

[sosowaty]

حلوة بكيفي طمنتيني الله يطمن قلبج مشكووورة