ولدت بالسلام (نصيحه للكل)

[الخيال المتلاعب]

السلام عليكم الولاده سهاله من الله وحظ بلعكس هلمستشفي روعه بكل شي عنايه من اروع مايكون وتصدقون دخلت وولدت ودكتوري كان محسن طلبه ماخذو ولا فلس وشالوني شيل متي دفعت الفاتوره انا والده الصبح المغرب دفع زوجي الفاتوره لو مستشفي ثاني وانا والده من قبل بمستشفي ثاني تدفعين اول بعدين يدخلونج الولاده بلعكس عجبوني بهشي احس مو نصابين

 

[Om.Zayed]

والله بالعكس انا ولدت بجري هناك المستشفى فوق الروعه والعنايه 100% وسريرهم وقت الولاده في الي ترفع الريل وكل ما انادي السسترات بسرعه ايووون واهما الي يحطولي الكريمات


ماشفت عليهم شي

 

[انجبر قلبي]

مايعجبني السلام

الله يعوضج يارب

 

[barosha]

انا ولدت فيه
5-7-2011
كل الكلام الي قلتيه العكس وانا كنت ماخذه غرفه الليله اب 180
اخر شي طلع 850 تقريبا
وليلتين
السسترات يحبلون وفراش الولاده مو نفس الي قلتيه بالعكس فراش الولاده مجهز وفيه مسكات وفيه نفس حدايد حق لريول
انا حتن وقت الولاده رفعت اريولي رفست الحديده بويه الدكتوره ههههههه
المهم ووغرفه الولاده معاي سستر ما تحرك من يمي 24 ساعه بس قاعده يم راسي
وعقب ما ولدت طبعا السسترات 2 يدشون معاي الحمام لي بغيت اقوم ويسندوني و بالحمام تجهزلي كلشي وانا احط
يوقفون يمي حتن الماي يفتحونه لج
وكلساعه يطلعون عليج يمرونج الدكاتره يومين ودكتورتج تيلج بعد
والحيين انشالله انا بالتاسع وبولد عندهم صج زايدين لسعار
وعندي الحين لورقه مالت الاسعار كلى كالشي زايدين 10 او 5
يعني غرفتي كنت 180 الي خذيتها صاررت 190
الف وميتين وشي غرف دسمان اقل وحده فيهم تقريبا 1200 وشي لورقه عندي بس عيزانه ايبها شامل الولاده ودكتوره وغرفه ي3 ايام وكلشي بكج كامل
هذي اسعار الحين وسوري تكون الولاده طبيعيه وبدون مساعده الف ووميتين وشي

 

[كويتيه مذهله 87]

صاجه بكل كلمه قلتيها مو بس الولاده

نيمت ولدي عندهم وقالوا فيه وفيه حبيبي وهو مافيه شي اشعته سليمه طلعت من عندهم رحت فيه دار الشفا الدكتر يشوف اشعته يقولي سليمه منو قال فيه وفيه
قالوا فيه ثقب وفيه التهاب وما ادري شنو كل هذا علشان ينيمونه عندهم ويلطون بهالفلوس
وسويت عندهم عمليه السسترات اترجاهم ايووني وعصبييين قطيعه وخذوا مني زياده لمن سألتهم قالوا دربات ومسكن
دربات ومسكن 300 دينار ؟؟؟

 

[غارقة بأحزانها]

دكتوري عمرو عصام

 

[KOKO_284I]

حمدالله على سلامتج

وجزاج الله خير عالتنبيه

 

[حرم حبيبي]

الحمدلله علي سلااامتج

 

[سيده نفسي]

حمدالله علي سلامتج

والسلام وايد زين من رعايه والكمام والسسترات والدكاتره

والغرف زوينه بس صح الاسعار ناااااار انا معاج بالنقطه

وانا من ناحيتي ما افكر اغير غير السلام كفايه الرعايه والسسترات

فوق راسج من غرفه الولاده لين تطلعين من المستشفي

 

[مشتطـه]

امبي شفيكم عالسلام ياحافظ

اشوف كثرت المواضيع


انا توني والده من 5 شهور

ماكو عليهم

السسترات روعه روعه روعه سبحوني ولين اخر يوم واهم ينظفون جرحي

عنايتهم ونفسيتهم روعه

والكمام يهبببببببل ما حسيت بالولاده كلش

وامل اسعارها نار


انا جناح الثريا ليلتين
مع كل شي ب 890

لا وبعد شافطين ولدي


تختارون دكاترة اسعارهم بال500 وفوق وتتحلطمون عالمستشفى

شكوووووووووووووو ؟؟؟؟؟


امل الطبيعي ب500

والشفط ب 700

والقيصري ب 800

شدععععععععععوه ياحافظ وين قاعدين

السهاله من الله

 

[كتالونيه]

حمدالله عالسلامه
ومبروووك البيبي
يعطيج العافيه عالنصيحه

حبايبي ممنوع ذكر اسماء دكاتره سواءً
بالمدح أو الذم

 

[qswa]

والله انا رحت ع اساس بسوي سونار من كثر مامدحوه لي وقالو يجيب لج جنس الجنين رايت خرابيط بخرابيط واخر شي دفعوني ع سونار عااااادي 45 ؟ قلت ليش قال مفروض 30 بس انتي جيتي بعد الساعه 12 يزيد السعر اصلا حتى 30غالي قلنا نصب مو جذي اشدعوه عليكم

 

[غزلان الشماليه]

الله يرحم نور الكندري ولدت عندهم وهي بجر من غباءهم حتى ظغط مو قايسينه وقت الولاده خلو راسها يطق حسبي الله عليهم مافي ازين من العرف

 

[sosowaty]

الله يزاااج خير يا مشتطه كلامج واايد ريحني انا دكتوري ياخد ٢٥٠ طبيعي

و المتعسر اعتقد يا ٣٠٠ او ٣٥٠ و القيصربه ٤٥٠ او ٤٠٠

المهم لما سالته قالي مع غرفة اللولوة يطلع الالف و مية اعتقد مااادري بتاكد بالمراجعه اليايه

انا اهم شي السسترات

انا دكتوري كان بالعرف بعدها انتقل السلام يقول احسن مستشفا فالكويت للولادة السلام معروف

يقول انا انتقلت لان كنت ابي السلام و ادري السلام احسن مستشفا

و احلا ما فيه ماكو زحمه مو دار الشفا و الامومة طاااابور لا ما احب جذي

والي فيه راقين و مستشفا هدوء

عكس مستشفيات الثانيه اتقولين داشه مجمع مو مستشفا

 

[الوردة المكنونة]

شكرا لكل اللي رداو واسمحولي على التاخير تدرون توني والده وتعبانه ماقدر ادش كل يوم

انا حبيت بس ابلغ البنات عن اللي شفته وخاصه البجريات ما ودي يمرون بهالتجربه اللي مريتها لاني وايد تعبت

واللي مرتاحه حق المستشفى هذا شي راجع لها ويمكن هالشي صار على حظي

اما بالنسبه للسعر انا ما همني انا كلامي عن عدم الاهتمام بس حبيت احط لكم السعر لان في بنات وايد بعرفون الاسعار

وشكرا للكل

 

[أم عزيـز]

امل الولادة الطبيعية 500 والقيصري 400

طبعا انا سألت السكرتيرة ليش 500 قالت حق اللي متعسره وشفط وتطول وايد معاها الدكتوره اكثر من 8 او 9 ساعات

بس الولادة السهله ما تاخذ اكثر من 300 او 350

هالكلام من 3 اسابيع حق اللي تسأل عن أسعار الدكتورة امل

على العموم اهي فعلا رافعة اسعارها وانا استنكرت هالشي بس لوما اني مرتاحه عليها جان والله ما رحت السلام
والحين شالوا السلام والدكتورة امل من التأمين واهي اساسا ما تولد الا بالسلام
عشان جذي راح اضطر اغيرها ويمكن خيره ما ادري

 

[أستثنـآئيهـ]

^^

وآي شفيكم ؟
أمل مو غاليه وأسعآرهآ مثل سعر الدكآتره ..
آنآ أقولكم ..
بدآية حملي أخذ ريلي منهم الورقه وقتهآ عند دكتوره ثآنيه مو أمل
والأسعآر كآنت الطبيعي 375
وأمل لمن سألت عنها الطبيعي 475 ​

اهي سعرها بالاساس 375
بس اهم المستشفى يآخذون منها 100 دينار عشآن غرفة الولآده ..​

يعني امل سعرها مثل سعر غيرها بعد المرا مو مكفوله فيكم تدفع سعر غرفة الولآده اللي انتو رآح تولدون فيها ​

وحتى لو تشوفونها غاليه كآفي تقعد عند رآسج لمن تنفتحين عدل ​

مو نفس غيرها
حزة لما يطلع الرآس تجي اطلعه وتخيط ..​

ومرآجعتها على فكره ما تفرق عن المستشفى الآ 5 دنانير بس
لأن مستشفى السلام رفعوا اسعارهم مو نفس قبل ..صارت 25 ​

ترا وايد قاعدين تكررون غاليه اهي مو غاليه اهي بس تآخذ سعر غرفة الولاده وتعطيه للمستشفى
المره قاعد تآخذ حآلهآ حآل غيرها من الدكآتره ..​

 

[درة التاج]

الحمد لله على سلامتك
والله يجزاك خير علا النصيحة

 

[الوردة المكنونة]

بنات وايد قاعدين تتحجون عن الاسعار انا ما همني السعر انا انقهرت من عدم الاهتمام

وبالنسبه لامل عدم اهتمامها ومابلغتني انها بتسافر ولا بلغوني انها مسافره قالولي موجوده وحزة الولاده يت المساعده تولدني وتقولي امل مسافره هذا اللي قهرني

يمكن لو بلغوني انها مسافره دبرة نفسي مع دكتوره ثانيه شاطره مو مساعده

 

[لمسات شمووخ]

صاجه السلام اول الحين اخترب ونصابين ويبون فلوس الرعايه تحصلينها بسً لي خذيتي دسمان ولا باجي الاجنحه يعطونج طاف وبصراحه التره الاخيره وايد صارت مشاكل عليهم وشكاوي. انا بعد ما انصح فيه كلش