وش صار اليووم !!!{[يوميااتي]}

[اسامي]

حبيباتي
مع اني ما اعرفكم بس يعلم الله اني احبكم في الله
وحبيت اقولكم قبل اي احد وابي اشوف رايكم
اليوم بالدوام صارت لي مفاجأه واحد من الشباب معانا كلم وحده من البنات تكلمني عشان يبي يخطبني
وبصراحه هو خوش واحد ومافيه عيوب ومحترم جدا والبنات كلهم معجبين فيه بس ما يعطي وجهه
ولما كلمها انصدمت والله وشوي وابجي من الفرحه مو مصدقه
بس فيه مشكله
انه اصغر مني بسنه
شكله نهائي ما يوحي شكله كبير شوي
بس انا ما احب اخذ واحد اصغر مني احس تفكيرهم على قدهم وفيهم طيش

ما ادري شسوووووووي ودي ابجي
راح استخير ان شاء الله بس الحين علي الدوره
وما ادري وبس

 

[بنوته كيكه]

دنيتي شنو اسوي الشغل والمراجعه ماتخلص
الليل طويل عاد ياحلو الجو الليل نشب نار ونحط شاي
اسامي وحنا بغد نحبج في الله وندعي لج اللي فيه خير
والصراحه الخبر حـلوو فرحة لج عادي اهم شي اخلاق ودين
العمر مو مهم المهم القلب وعادي فرق اذا اصغر منج بسنه فرق بسيط وانتي صلي استخاره والله يسهل عليج يارب وفقج
يومي الصراحه قاعده في الحوش مع اخوي
بس عليه افلام مادري شلون
هههههههههه بس يضحك

 

[سور المدينه]

اسامي
الفرق مو وايد وان شاء الله اذا كان زين يكون من نصيبش يارب
واذا طلع زين بس فرق العمر توكلي على الله ووافقي


ويومي تعبانه وجلست من النوم غرقانه دم النزيف زايد وزوجي معاند اني اروح المستشفى وهالشيء متعبني وايد

 

[اسامي]

الله كريم راح استخير ان شاء الله
سور المدينه ليش ما تروحين المستشفى مو زين جذي والله
زوجج على شنو معاند شيبي ؟

 

[(دنيتي)]

فديتكم ي عزيزاتي كيكه واسامي وسور
??كيكه ??عسى دوم الوناسه ?بالاشتا ⛅️⛄️فديتج???

?سور المدينه? يالغاليه ليش ريلج مو راضي تروحين المستشفى

حاولي تتفاهمين معاه والله احاتيج شسالفه النزيف
????

?اسامي ?ترا سنه مو فرق بس انا بدعيلج اذا لج صالح فيه

هالريال ان ياااارب ياكريم ياااعظيم انج تتوفقين معاه تتزوجينه?????

واذا لا مامنه صالح لج انه يبعده عن طريجج ع خير وسلامه ماتضايقين منه

وللا تتضايقين على روحته تنسينه بالمره ????

وتستاااهلين كل خير ???
يشهد علي ربي انكم دخلتًو قلبي وعديتكم خواتي ???

 

[(دنيتي)]

انا يومي كان زين امس الحمدلله
?
رحت الدوام رديت نمت ???
قمت جابلت بيتي مع الخدامه ?مسح السيراميك وغسيل ملابس وتنظيف الثلاجه

وتكرمون الحمام والمطبخ ?ومجابله ولدي وبنتي
??
ولددي مراقبته ?خايفه يسوي مصيبه بعد سالفه الكلور ?خلاص

ع طول تحت عيني? وبنتي عمرها 4 شهور?وتحن ً وتدلع
والخدامه عليميه لازم ?معاها بكل خطوه بطيئه وتخبص الحابل

ع النابل بس ?مطيعه ومؤدبه. صوتها ماينسمع ?وهذا اهم شي

عندي لانه قرقه الهنديات تصدع راسي ???ماتحمل لانه بدوامي ا

​

السسترات اذا تكلمو اطفر حياتي


ريلي ياب سمج وربيان من المطعم واكلته جني مفجوعه???

بدلت حق عيالي ونومتهم وتسبحت نطرت ريلي لانه راح قعد مع اخوه عزابي بالدوانيه

رد ع 12 يبي يسولف معاي وانا بديت احس انه بطاريتي بدت تطفى

قام يتحلطم يقولي انتي نايمه العصر قلت له انت تاخرت عند اخوك

يبيني مصحصحه ويبي يبطل مواضيع وانا كنت اسكر السوالف وادور فلم ع التيفي عشان يسكت

طبعا ماعجبه الوضع وطنقر

الموضفه حياتها صعيبه واهو دوامه عصري مايحس فيني

اقعد من الصبح ومحي تبرمج لازم انام مبجر غير انه بنتي

تفززني بالليل

ادري تحلطمت وايد بس والله اهني ارتاح واقط همي

صج عندي امي وخواتي بس امي فيها ضغط وماقدر
اقولها شي لانه تتتضايق ع اي شي

وخواتي حالهم من حالي

احبكم واشكركم ع سعه صدوركم

 

[بنوته كيكه]

قوه خواتي
اليومي شفة الوالده تزف الكل حتي الخدم كانت معصبه
كان اطلعني قلت بقلبي جاني الدور ?
كان تكمل علي تقول قومي شوفي اخوج اللي كله يسهر
مانشوفه قصدها اخوي اللي مايسمع حتي انا ماشوفه
دشيت غرفته صدمه انه عافس الغرفه فوق تحت تقلون كنها زلزال ضربها
والاخ صاير يشرب مثل مالت الاماراتين اقعده ماقم قعدج جنبه افتش وبطل الدرج افتش
خفة عليه كان ماكو شي الحمدالله كان اقومه اخوفه كان يرفسني ?
كان اجيب ماء ورش عليه ??? حطيت فيه الحره قلت شفيك ماتقوم كله نايم
شفيها غرفتك معتفسه كان يسوي الاخ مثل طاش ماطاش يقول مادريتي جو خمسه حراميه يبون يسرقون البيت بس مسكتهم وطقيتهم طق كان يجو الشرطه خذوهم وانتو نايمين ??? ايه طيب قوم تسبح وامي تبيك
انادي الخدامه تنظف غرفته

 

[سور المدينه]

ريلي عدوته المستشفيات حتى وانا حامل ماخلاني اراجع ابد لين ولدت
وانا حيل متعبني النزيف ومأثر على نفسيتي ودمي نقص

 

[بنوته كيكه]

الله يهديه انتي حولي تفهمينه انه النزيف واجد مو زين واذا مايبي يوديج خلي احد من اخوانج يوديج الطبيب

 

[اسامي]

سور المدينه شنو عدوته المستشفى
ما يحب المستشفى على نفسه انتي بحاله خطره وغصبا عنه يوديج
ما يصير تتنازلين عن هالشي عشان والله هو ما يحبه هذا مو عذر ؟؟
انتي ما تسوقين ..؟؟

 

[بنوته كيكه]

سور المدينه بشري يارب تحسنتي ورحتي الطبيب

كل يومي في المطبخ
حضرته اليوم اخوي ماراح مكان قالي ابي ريوق☺قلت عادي يستاهل
بعده قعد شوي قال ابي شاي وقهوا?
ويعد اشوي قال ليش ماتسوين قهوا فرنسي سكر وسط ?

بعد قال ابي شرايج اتسوين غدا ?
قلت قلت شرايك اتزوج وحده تسوي لك كل هذا ?

 

[سور المدينه]

لا انا سعوديه
والله بعدي نفس الوضع والنزيف زايد
اليوم رحت بيت اهلي قلت بشوف شن فيه احد يوديني
مع اني استحي اطلب منهم بس شاسوي تعبانه وايد

 

[بنوته كيكه]

سور سلامتج عادي طلبي منهم هذولي اهلج عادي

للحين انا بعد الكرف اللي كرفتي اياه اخوي
قاعد في لحظة استراحة محارب ماصدقة انه ينام
بس اذا قام بخلي يفرني يمشني

:eh_s(4):

 

[بنوته كيكه]

قوه شلونكم
وينكم

يومي كان مالي خلق
كان الغدا الخدامه مسويته بس طلع العيش محروق
اخوي عصب قالي طبخ طبختيه يارفله اكليه
خخخخخخخ قلت مو انا خدامه

 

[سور المدينه]

شخباركم انا على وضعي
توفى واحد شاب عزيز علينا من عايلة زوجي
وحدي حزينه عليه

 

[بنوته كيكه]

عظم الله اجرج سور والله يسكنه الجنه بدون عذاب وحساب وصبركم ويجعله اخر ازنكم

 

[سور المدينه]

اجرنا واجرك لكم طولة العمر
اليوم رحت الطبيبه وسوت لي سونار داخلي وقالت لي سبب النزيف تكيس وسببها الهرمونات بس قالت لي اسوي تحليل الغده الدرقيه وهرمون الحليب بس ماسويتهم لانه حاليا ظروفي المادية سيئه قلت بروح اسويهم في مستشفى حكومي وطبعا عطتيا علاج وربي يوقف النزيف

 

[اسامي]

سور المدينه انتي بأي شهر ،، ربي يسهل عليج يارب ويتمم لج على خير ان شاء الله

امس كان عند خوالي عشا لبست واستانست عندهم بس ما تعشيت والحين ميته جووع
الشخص اللي يبي يخطبني اخذ رقم امي له يومين بس ما دق
مع اني احاول ما افكر بالموضوع بس قاعده احاتي غصبا عني

 

[(دنيتي)]

ان شاء دوم الوناسه اسامي

سور سلامتج حبيبتي

بنوته كيكه حايسه دووم مع اخوج اقترح عليج تزوجينه

اسامي شي طبيعي تحاتين ان شاءالله كل خير ي رب

 

[(دنيتي)]

انا بقرقككم بسوالفي فضفضاتي
???
والله عادي الدوام والبيت وعيالي وزوجي???

طلعت واستانست بالسنما مع ريلي حماتي خذت عيالي يزاها الف خير
????

رايئه المواضيع مع ريلي بس احسه فيه شي ومايقول ???

بيتي مو قادره اثثه وودي اتسلف بس ريلي يقول صبري. لما تصير عندنا فلوس واهو بيشتري بس مو قادره انطر?

شنو تنصحوني انطره ولا اتسلف؟???


للعلم يبيني انطر اربع شهور ?
واذا ماانطرت انا اللي راح اكلها لانه السلف انا اللي برده اهو ماراح يساعد ????​