وش صار اليووم !!!{[يوميااتي]}

[اسامي]

دنيتي تسلمين حبيبتي

والله يتمم عليج على خير ويخلي لج ابو عيالج وعيالج ويطرح فيهم البركه يارب

نصيحتي لج نطري ترا الاربع شهور يمرون مثل البرق والله
لا توهقين نفسج بالسلف
وبعدين لا تعودين الرجال انه انتي اللي تصرفين ع البيت
صدقيني بياخذ على هالطبع بعدين

 

[بنوته كيكه]

عوافي الله يديم عليج الفرجه والوناسه اسامي ليكون تسوين رجيم هههههههه
ومن ناحية الريال لا تحتين وان شاءالله خير لا تحتين صلي ودعي الله
دينيتي الولده الله يحفظه. قاعده تخطب له بس اهو مادري شفيه. متغير
دنيتي دامه الريلج قال صبري صبري لا ضغطين عليه ولا تسلفين ترا لا تسلفتي وسوي آلّبيْت بتحسسينه انه مايقدر يصرف. انتي صبري وانتي شايفه كل شي غالي للحين وان شاءالله ربي يرزقكم
سور سلامتج بشري عن صحتج للحين يارب تحسنة

 

[سور المدينه]

دنيتي نصيحه لاتسلفين بتمر الاربع شهور بسرعه

الله يسلمكم بنات
انا الحمدلله زينه اليوم مانزل دم وربي يخليه مايرد هالنزيف
اسامي انا مو حامل بس صايبني نزيف

 

[بنوته كيكه]

الحمدالله وان شاءالله ماتجي
خواتي شلون نظامكم في الطبخ انتو تطبخون ولا الخدامه
��

 

[سور المدينه]

انا مافيه خدامه في البيت وانا ساكنه بيت اهل زوجي
فالطبخ يا انا اطبخ او ام زوجي الله يحفظها
واحس حتى لو فيا خادمه احنا طريقتنا الطبخ مش من خصوصيات الخدم عليها الشغل واحنا اللي نطبخ

 

[اسامي]

بنوته لا والله لا رجيم ولا شي اصلا ابي ازيد وزني
حبيبتي تسلمين واجمعين يارب

سور ما ادري ليش عبالي انج حامل لووول
الله يشفيج يارب انتبهي لنفسج وصحتج

يومي كان عادي
لي الحين انطر الناس مادقو والله احس على اعصابي
كثر ما انا متحمسه كثر ما انا خايفه ومتردده
وكل يوم اصلي وادعي واقول يارب

اليوم يمكن اروح طبيب الاسنان

 

[بنوته كيكه]

سور ما شاءالله الله يخليها لج وطول بعمرها
اسامي الله يوفقج ويرزقج ويكتب فيه الخير
اسامي صلي استخاره
انا اليوم خلصنا اجتماعات المدرسه
وللحين قلعد احوس عند امي

 

[(دنيتي)]

سور شصار على صحتج ي قلبي

اسااامي اذا بشروًج بشرينااا لاتنسينا نااطرين ترى

بنوووته شقاعده تسوين هالاياام


ثانكس لانكم نصحتوني ع سالفه الاثاث وكاني ناطره

ولو اني مفتشله من بيتي������

بنطر والله كريم

 

[بنوته كيكه]

العفوووو دنيتي والله قاعد اشغال البيت والاهل
واليوم الوالده بتسافر السعوديه وقاعده اجهز شنطتها

 

[سور المدينه]

دنيتي الحمدلله صحتي افضل من قبل بعد ماوقف النزيف
بنوته كيكه عندي فضول انتي متزوجه ولا بنوته

يومي مزحوم رحت زواره بيت جد زوجي اليوم اخر يوم عزاء وبعدين رحت بيت اهلي
وبنتي الله يهديها صايره حيل حنانه

 

[بنوته كيكه]

هلا سور سلامتج والله يجعله اخر احزانكم
سور غريبه ليش نزيف اخف دوره عندج مو منتظمه
لزم تحليل
لا عادي متزوجه

بنات صدق الفنلونز الخنازير منتشره الله الله يشفي الناس

 

[سور المدينه]

اي مو منتظمه خربطت هرمونات
احنا عندنا منتشر الكورونا الله يكفينا الشر

 

[بنوته كيكه]

سلامتج عرفت انها مو منتظمه يوم تقولين واجد اكيد نقص
يعطونج حبوب تنظم الدوره

الله يستر الامراض قاعده تنشر والناس تموت لا علاج ولا توعيه

اليوم قاعده انطر الوالده ترد من السفر في وللحين سوف مطبخ تسوي غدا حق اخوي البيت

 

[اسامي]

السلام عليكم شلوونكم
والله ملل وماكو شي جديد
امس رحت سويت تحليل هرمونات
ابي اتاكد انه كل شي عندي طبيعي لاني ضعيفه ومو قادره امتن
وما عندي صدر اللي يشوفني يقول بنت 12 سنه
عاد سويت تحليل عشان اتاكد وناطره النتايج

انتم شخباركم

 

[بنوته كيكه]

وعليكم السلام والرحمة
بخير والحمدلله
اسامي عادي ترا حتي اخوي مثلج سوا تحليل
اهو ضعيف وزنه ٤٥ او ٤٦ يبي يمتن ماكو فايده ياكل ماكو
سوا تحاليل عادي كل شي تمام
لا تفكرين اما اذا علشان الصدر مو شرط ترا عادي

 

[سور المدينه]

نفسيتي زفت وماظل احد ماتهاوشت معاه
وريلي باط مرارتي احس اني مو قادره اتحمل تصرفاته ابد
واحس العلاج اللي اخذه مخليني عصبيه وايد رحت بيت اهلي وزعلتهم واللي زاد الطين بله تصرفات زوجي المستهتر
اهو طبعا مايسال عني ولا يوديني مكان عاد اذا بروح بيت اهلي اخواني ياخذوني ويردوني واذا حصل انهم انشغلوا ودقيت عليه قال زلي نامي طيب انا مو عامله حسابي وماعندي بامبرز ولا حليب لبنتي

طيب حاولت ادق على اخواني واخوي رجع مشي لانه ماكان عنده سباره عشان يرجعيا البيت وادق عليه اقوله برجع يقولي ظلي الوقت متاخر وهالكلام 12 ونص واهله يردون البيت متاخر حتى الفجر عادي
طيب عطني حل حتى فلوس ماعندي يسكر الجوال ويقط كلمه تاخر الوقت لاترجعين
بالله شاسوي فيه
احس انه طاقتي خلصت تعبت منه ومن تصرفاته

 

[اسامي]

بنوته لا والله ما احاتي بس بعرف النتيجه يعني عشان اعالج نفسي اذا في شي مع اني ادري ماكو شي اصلا ،،

سور مالج غير حل واحد
الجأي لربج ادعيله طول الوقت اعدي له بالهدايه وانه ربي يسخره لج
مافي حل ثاني ولا في شي اقوى من الدعاء
توكلي على الله

 

[بنوته كيكه]

الله يفرجها عليج سور
سور ترا الدوره والنزيف والاحبوب تسبب حاله نفسيه
مثل ماقالت اسامي ادعي الله وكثري من استغفار
وان شاءالله ربي بيسر لج
اسامي مافيج اللي عافيه وان شاءالله كل شي تمام
لا تفكرين وتوسوسين

 

[سور المدينه]

ونعم بالله الله يفرجها يارب

 

[بنوته كيكه]

خواتي شلونكم
صار عليكم

انا اليومي رحت السوق استري ملابس الاشتا