وش رايكم بكلام ابوي

[كراميلا مرة]

اهو مو واجب
بس انتي عطيه مافيها شيء
جزء بسيط مو كل الراتب
بس حاولي ماتخلينه يستقلك ويصير واجب انه كل مره تعطينه
يعني لو في شهر ماقدرتي تعطيه عادي

 

[Iris]

يستأهل الوالد عطيه لا تقصرين معاه
100 او 150 كل شهر
يمكن هو ما يبي ياخذ من الصبيان علشان هم ملزومين يصرفون على عوايلهم
وانتم لأنكم بنات ما عندكم مسئوليات
بس أخاف زوجج يسوي لج مشاكل اذا درى خصوصا اذا انت ما تساعدينه ورطة

 

[غراوي]

ابهاتنا ماقصروا معانا صح
بس لا ننسا ان هذا واجبهم بعد محد قالهم يجيبونا وبعدين مايصرفون علينا

بس ماكو مانع تعبرين عن شكرج ورد الجميل بانج تعطينه مبلغ من شهر لي شهر 60 او 50 واذا حسيتي عنده ضيقه تكثرينها
اما انج تخلينه استقطاع نصيحه لا تسوينه
لانج راح تحتاجين معاشج لنفسج

انا ما اعطي ابوي بس كنت اشتري ماجلة البيت وكنت احتاج الفلوس حيل وابوي معاشه راهي عليه واشوفه يشتري بهالسييايير ويبيعهم ويربح
قلت لا بس وقفي ..فشريت مره تلفزيون ومره غساله جديده
فرشت الصاله يعني كل جم شهر اسوي شي او كل سنه احط علتي اني قطيت بالبيت واني داشه جمعيه عشان هالشي

والحين حيل مرتاحه معاشي لي

 

[دروب البنفسج]

عاادي حبيبتي , عطيه هاذا من بر الوالدين , شي طبيعي الصيان وراهم بيت ومسؤوليه دبل المره عرفتي ..
حبيبتي اقري هالفقره بتأمل شوي :

فعن جابر رضي الله عنه أن رجلاً قال: يا رسول الله إن لي مالاً وولداً ، وإن أبي يريد أن يجتاح مالي، فقال: "أنت ومالك لأبيك". ولفظ أحمد وأبي داود عن عمرو بن شعيب عن أبيه عن جده أن أعرابيا أتى للنبي صلى الله عليه وسلم فقال : إن أبي يريد أن يجتاح مالي، فقال : " أنت ومالك لوالدك، إن أطيب ما أكلتم من كسبكم، وإنّ أولادكم من كسبكم فكلوه هنيئاً ". وذكر الشوكاني في هذا الحديث طرقاً، ثم قال: وبمجموع هذه الطرق ينتهض للاحتجاج، ثم قال: فيدل على أن الرجل مشارك لولده في ماله، فيجوز له الأكل منه، سواء أذن الولد أو لم يأذن. ويجوز له أيضا أن يتصرف به كما يتصرف بماله ما دام محتاجاً ولم يكن ذلك على وجه السرف والسفه، ونقل الشوكاني القول عن العلماء أن اللام في الحديث، لام الإباحة لا لام التمليك، فإن مال الولد له، وزكاته عليه، وهو موروث عنه. والله تعالى أعلم.

يا اختي خل نتيج بر والدج وادعي له والله يرزقج من حيث لا تحتسبين ويوسع عليج

 

[منال $]

حبيبي هدا ابوكي اعطية كل شهر جزء من راتبك
اوعتبرية جزء من بر الوالدين
والله راح يباركلك في راتبك

 

[جوك احلى جو]

دام طلب منج لاتردينه حرام تكسرين بخاطره وربج مايضيع اجر احد رضا الله من رضا الوالدين ماتبخلين عليه 100 دينار

 

[قلب طفـــله]

اعتذر لاني ما وضحت كلامي , اولا انا اضحي بفلوسي وروحي حق امي , هذي شغله , لان امي اهي الي تستاهل , تشتغل من 8 لحد 6 يوميا حتى السبت
ثاني شغلة , ابوي ما رباني , ابوي ما صرف علي , ابوي ماله شغل كلش فيني , ما يعرف عمري , ما يعرف اسامي اخواني , بذمتج هذا ابو ,
وشوفي نفسج اول اختي , حكمتي علي بدون لا تعرفيني , من هالجملتين الي كتبته , يعني صج ناس بدون تعليق

خليني اقول لج شسوي طول اليوم عشان تحسين بالذنب ومرة ثانية تعرفين الشخص قبل لا تحكمين عليه
اقوم ساعة 6 الصبح وابدل واروح الجامعة على الساعة 7 ونص وبعدين ارد البيت ساعة 3 واخلص المواعين واطلع من البيت الساعة 3 ونص واروح الدوام لان عندي شغل ولازم اساعد ماما شوي بالبيت واعطيها كل فلس من معاشي على فكرة , اخلص دوامي ساعة 9 ,وبعدين ارد البيت , ويوم السبت اروح دوامي الثاني لان عندي دوامين لان هذا ابوي الي تقولين عنه رباني كلش مو مقصر معانا بالاعانة , يوم السبت اقوم ساعة 7 واروح الدوام ساعة 8 وارد البيت ساعة 6 , هذي حياتي , بسبب ابوي, وبديت الشغل من كنت 17 توني متخرجة من الثانوية , غيري يستانس ويلعب , وبعدين تطلع لي وحدة وتحكم علي , مع احترامي لج ما عندج حق , تعرفيني اعرفج؟

بالنسبة حق ردي علي صاحبة الموضوع والي قطوا علي نغزات ,
الي قصدي ان في اهالي ما يستاهلون ولا فلس , وفي اخت قالت ما ياخذ من الصبيان عشان عندهم بيت , ما فيها شي , خلاص ياخذ شهر من ولده وشهر من بنته , ما فيها شي كلش , الله يكبر عقول بعض البنات هني الي يقولون لازم وغصب على البنت دون الصبي انها تعطي حق اهلها , اذا بالقران ذكر كلمة ( الرجل ) 24 مرة , وذكر كلمة ( المرأة ) 24 مرة , هذا يدل على التساوي بين الرجل والمراة ,
وما اقول غير , الله يهدي الكل

حبيبتي موقصدي انتي ماوضحتي وماقلتي شنو ظروفج لو قايله من البدايه جان ماحكمت عليج جذي انا غلطت بحقج واعترف السموحه منج وعسى ربي يعينج ويرزقج =)

 

[Tom ♥ Jerry]

.


اذا لج القدره انج تعطينه عطيه لا تقصرين
يعني كل شهر خصصيله من راتبج المبلغ الفلاني

سوي هالشي لله
الله يبارك لج في معاشج :$

 

[بخـــارى]

قال رسول الله صل الله عليه وسلم (انت ومالك لابيك) ((انت)) ذكرها قبل ((مالك))

عليه بالعافيه الوالد
تذكري كل فلس تعطينه لابوج مردود لج من عيالج
جان زين ابوي يرضى ياخذ منا جان عطيناه عيونه فوقهم