وش رايكم بكلام ابوي

[أشبـاهـ المطـر]

اها يعني انتي لالحين ماتوظفتي ولا تزوجتي
وتفكرين بهالامر حيل متعبج يعني !​

يبا الفلوس ما تبارك اذا ما هذبتي نفسج على الكرم
والعطيه الجزله والايثار وزهد بالمال وحب لأخيك ماتحبه لنفسك​

يسـتاهل ابــوي اذا ما عطيته منو اعطي !
ابوي يحبني بدون مقابل ورباني بدون مقابل وصرف
علي بدون مقابل​

انا اعطي امي 100 كل شهر وابوي اعطيه
بالمناسبات لانه لالحين موظف ولما رمم بيتنا
رحت وحطيت على ظهري قرض وفرجت عليه​

يبا لا يقصون عليج هالحريم الحمد الله والشكر علبون
متزوجه ماتعطي اهلها وفلوسها على زوجها وتالي يتزوج عليها
مووو مخليته يمارس دوره ....​

انا ماتوظفت عشان اصرررف على زوجي وعياله
توظفت عشان اكون مستقله مالياً واصـــــــــــــــــرف
على نفسي واهلي فقط !​

 

[pop_corna]

انا كلي ومالي لأبوي ,,, له معاشي كله واهوا اللي يعطيني الأميه مو العكس ,,,, هذا ابوي اللي لا مرضت ركض فيني واللي لا ذكرت دفتر ولا الوان ولا شي للمدرسه حتى لو تالي الليل طلع يابلي ....
يكفي تربيته لي حتى بعد الزواج بعطيه من معاشي ... السالفه مو بخل وحب للفلوس منه اهيا من بر الوالدين وتفرحين قلوبهم وماعليج لا من اختج ولا اخوج ... إنتي من نفسج سوي الصح وانصحيهم وإن ما بغوا كيفهم

والله يخليهم لج

 

[فطوم 84]

عطيه يستاهل هذا الوالد لويبي الروح ترخص له لويبي كل المعاش "ماعاش معاش يخلي والد مو راضي عني والله الوالد رضاه مايتعوض فلوس تروح وتجي بس ابوج لوصار فيه شي ماينفعج حزتها شي )) الله يحفط ابوي ووالدينكم جميعا ويخليهم تاج علي روسنا*

 

[Only version]

تسلمون كل الي ردو
وربي حسيت اني مستحيه من نفسي كيف تجرات وسالت هالسوال
الله يخلي لي ابوي وامي ويخلي لكم جميع اباءكم وامهاتكم
واكييييييييييييييييييييدهم الاساس والي يبونه يامرون فيه
فديتكم اخواتي نبهتوني وخليتوني انتبه لعمري وتفكيري الي ماله داعي

 

[سوسو حبيبتى]

ااى طبعا تعطيه وونص

لولا ابوكي ماكان جيتي على الدنيا

ورد بعض البنات لاتعليق

حطوا نفسكم مكان الاب والام وشوفوا هاتعملوا ايه؟؟

ياريت ابويا الله يرحمه بس كان عايش ..ياخد عمري كله بس يفضل معاي بالدنيا

 

[ابرارعبدالله]

اختي ابوج مافيها شي تعطينه

بس مو كل الابهات يستاهلون انا اقولكم ليش

رفجتي من عمر توظفت قبلي بسنه مدرسه تخيلو اول ماتوظفت طلب ابوها راتبها لشهر كامل بيدفع مقدم لسياره لاخوها طبعا ما قالت شي اللي طلب ابوها والسياره لاخوها مع انه الراتب كله والابو ماعليه قاصر وظيفته تخرع وامها كذلك

عقب طلب منها كل شهر 250 منها ومن اختها تخيلو سكرتيره علي قدها 250 لان اخوههم يدرس بمصر

عقب كل ما احد من اخوانها الشباب بيسافر قعد يقول فلانه اخوج بيسافر عطيه وفلان بيسافر عطيه

البنت متزوجه وعندها بنت وولد تقول والله من كثر ما اعطي يجي قبل المعاش ب10 ايام ما عندي مصرف واستحي من زوجي بيقول وين معاشج ومو حلوه اقول اصرف علي ابوي واالله والله ابوها ماعليه راتب فوق 2000 لا ويسال اذا نزلت لها اعمال ممتازه او زياده عالراتب

بذمه هذا شنو الحل فيه


انا عن نفسي قلت لها 150 دينار شهريا كافي واذا طلب قولي ماعندي ياربي البنت تبي تشتري بيت تبي تسافر و تجمع لها شوي الدنيا ماينقال عليها

زوجها بدا يحس اهوا مافيها شي تعطي بس مو تصرف عليهم وفشله جدام ريلها اهيا تصرف عليهم

انا نصحتها بس اتوقع لي الحين علي حالها ​

 

[الهنوؤوفـ]

بالعكس انا اللي فهمته انه لحظات مع انها تعطي ابووها





لا تفهمون غلط اقروو عدل


قريت الرد مرتيين و اهيا تستنكر التفكير المادي انه الاهل مالهم حق

لا اختي انتبهي لكلامها زين.....

هي فالبداية كانت تتكلم عن البنات

لا اله الا الله محمد رسول الله

 

[الهنوؤوفـ]

تسلمون كل الي ردو
وربي حسيت اني مستحيه من نفسي كيف تجرات وسالت هالسوال
الله يخلي لي ابوي وامي ويخلي لكم جميع اباءكم وامهاتكم
واكييييييييييييييييييييدهم الاساس والي يبونه يامرون فيه
فديتكم اخواتي نبهتوني وخليتوني انتبه لعمري وتفكيري الي ماله داعي

الله يجزاج خير اختي ويبارك فيه انج انتبهتي

ولا تستحي اختي ولا شي بالعكس انتي استفدتي واستفادوا غيرج

وهذا مجرد سؤال ما فيها الواحد لو ما سال وغلط مستحيل يتعلم

وهذا الشي راح يقوي علاقتج بابوج ان شاء الله

وان شاء الله يارب مال عيالج فالمستقبل كله لج

اعطي ابوج لانج بتتمني بعدين عيالج يعطونج

اسال الله ان يبارك لج في مالج وان كان قليل

بس احب اقولج شي تصدقي من مالج لو بريال(تذكرت قصة)

لا اله الا الله محمد رسول الله

 

[عـيّــآره]

يستاهل عاد هذا ابوج الغالي عطيه مبلغ شهري وسمعي انواع الدعاوي لج

وبتتوفقين بحياتج لاتحسينه ظلم انه مايطلب منهم دامه قال يعني محتاج وحلوه

فكره البنات اتفقي مع اخوانج كلكم تحطون مبلغ معين شهريا واذا مايبون كيفهم

هذا خير وجايج لاترفضينه الله بيوفقج بحياتج هذا بر الوالدين اخ لو يرجع الغالي

لاعطيه ماي عيوني

اللهم ارحم جميع موتى المسلمين ​

 

[أعشقه]

والله مااشوف فيها شي وماعتبرها مشكله ان ابوي يبي مني
عادي اعطيه وحتى لو ماطلب ..
يكفي اني بفرح ابوي فيها ويمكن افك ازمه .. واهم شي مايصرفها بشي غير مايرضي ربي
وراح يصرفها ع اهلك واهل بيتكم يعني راح تسوين انجاز ..
الله يسهل وييسر عليك

 

[قلب طفـــله]

لو انا منج جان ما عطيته , نعم ياخذ من البنات ومو الصبيان , وين قاعدين ,

قولي له هالشهر مصروفي على العايلة وما عندي زيادة , واذا تبي اخذ من الصبيان ,
والشهر الثاني نفس الشي والثالث والرابع على ما يمل , وما يطلب منج

مع خالص احترامي,​

شهالكلام الله يهديج ابوي تعب علي ورباني لازم اعطيه حتى لو ماطلب هذا اقل شي اسويه !!

دنيا تخوف وناس نوكومنت !

 

[granted]

اي اعطيه بطيب مني وبكيفي مو غصب عني جذي الاصول
وانا اشور عليج تعطينه مبلغ ماياثر على مصاريفج وبنفس الوقت بر للوالد والوالده

 

[am faisal]

مفروض تعطين امك وابوك ياما قصرو على انفسهم علشانا صدقينى اللى تقدرين علية بيكون كثير بعيونهم اذكر ولدى لما شرالى عطر اول مرة بكيت من الفرحة موعلشان العطر لقيمتة المعنوية صدقينى يستاهل الوالد عسى ربى يخلية لك ويزفك عروس انشاء اللة

 

[فجورز]

شهالكلام الله يهديج ابوي تعب علي ورباني لازم اعطيه حتى لو ماطلب هذا اقل شي اسويه !!

دنيا تخوف وناس نوكومنت !

اعتذر لاني ما وضحت كلامي , اولا انا اضحي بفلوسي وروحي حق امي , هذي شغله , لان امي اهي الي تستاهل , تشتغل من 8 لحد 6 يوميا حتى السبت
ثاني شغلة , ابوي ما رباني , ابوي ما صرف علي , ابوي ماله شغل كلش فيني , ما يعرف عمري , ما يعرف اسامي اخواني , بذمتج هذا ابو ,
وشوفي نفسج اول اختي , حكمتي علي بدون لا تعرفيني , من هالجملتين الي كتبته , يعني صج ناس بدون تعليق

خليني اقول لج شسوي طول اليوم عشان تحسين بالذنب ومرة ثانية تعرفين الشخص قبل لا تحكمين عليه
اقوم ساعة 6 الصبح وابدل واروح الجامعة على الساعة 7 ونص وبعدين ارد البيت ساعة 3 واخلص المواعين واطلع من البيت الساعة 3 ونص واروح الدوام لان عندي شغل ولازم اساعد ماما شوي بالبيت واعطيها كل فلس من معاشي على فكرة , اخلص دوامي ساعة 9 ,وبعدين ارد البيت , ويوم السبت اروح دوامي الثاني لان عندي دوامين لان هذا ابوي الي تقولين عنه رباني كلش مو مقصر معانا بالاعانة , يوم السبت اقوم ساعة 7 واروح الدوام ساعة 8 وارد البيت ساعة 6 , هذي حياتي , بسبب ابوي, وبديت الشغل من كنت 17 توني متخرجة من الثانوية , غيري يستانس ويلعب , وبعدين تطلع لي وحدة وتحكم علي , مع احترامي لج ما عندج حق , تعرفيني اعرفج؟

بالنسبة حق ردي علي صاحبة الموضوع والي قطوا علي نغزات ,
الي قصدي ان في اهالي ما يستاهلون ولا فلس , وفي اخت قالت ما ياخذ من الصبيان عشان عندهم بيت , ما فيها شي , خلاص ياخذ شهر من ولده وشهر من بنته , ما فيها شي كلش , الله يكبر عقول بعض البنات هني الي يقولون لازم وغصب على البنت دون الصبي انها تعطي حق اهلها , اذا بالقران ذكر كلمة ( الرجل ) 24 مرة , وذكر كلمة ( المرأة ) 24 مرة , هذا يدل على التساوي بين الرجل والمراة ,
وما اقول غير , الله يهدي الكل

 

[مزاج عنزيه]

،'


آنت ومـالك لـ آبيـك « هذا رد گافي
لصاحبـةة الموضوع ..
وبالنسسبه لـ الاخـت (( فجـورز )) بقول شغله وإسمحيلي
آولآ الله يگون بعووونج وثآنياً .. يتم آبووج لو
شنو يسسوي يتم حسسه ووجوده فالدنيا يسوى
فلووس العالم كلها ،، تقولين مايعرف عمري وتعبتي
وإنتي صغيره الله عالم بكل شي ، لگن إنتي مآيجوز ويغضب
الله لما يكون في ذرررة كره والا حقد على آبوج فـ قلبج
إدعي ان الله يهدي لگم ، مو إتگلمين على آبوج فهالاسلوب
سوووري لگن هالشي حيل صدمني إن في ناس
هذا طبعهآا ( آبوي يتم آبوي رضيت والا مارضيت
لو يذبحني ويرد يحيني ويرد يذبحني يتم ابوي ) !!!!!!!!
الله يگوون بالعوون ناس إتمنى ريحةة الآبوو فگري بهالشغله
إسعي إنتي إنج إتقربين من آبووج وتحاولين تدعين له بس
عششان الله يكون بعونج ويوفقج ....... :/





-
​

 

[فجورز]

،'​

آنت ومـالك لـ آبيـك « هذا رد گافي
لصاحبـةة الموضوع ..
وبالنسسبه لـ الاخـت (( فجـورز )) بقول شغله وإسمحيلي
آولآ الله يگون بعووونج وثآنياً .. يتم آبووج لو
شنو يسسوي يتم حسسه ووجوده فالدنيا يسوى
فلووس العالم كلها ،، تقولين مايعرف عمري وتعبتي
وإنتي صغيره الله عالم بكل شي ، لگن إنتي مآيجوز ويغضب
الله لما يكون في ذرررة كره والا حقد على آبوج فـ قلبج
إدعي ان الله يهدي لگم ، مو إتگلمين على آبوج فهالاسلوب
سوووري لگن هالشي حيل صدمني إن في ناس
هذا طبعهآا ( آبوي يتم آبوي رضيت والا مارضيت
لو يذبحني ويرد يحيني ويرد يذبحني يتم ابوي ) !!!!!!!!
الله يگوون بالعوون ناس إتمنى ريحةة الآبوو فگري بهالشغله
إسعي إنتي إنج إتقربين من آبووج وتحاولين تدعين له بس
عششان الله يكون بعونج ويوفقج ....... :/​

-​

اولا , شكرا على صراحتج , وثانيا ابوي متبرى منا !
يعني اهو مو ابوي , وفي وايد اشياء حتى اذا قلت لج ما راح تصدقينيه وما الومج,
انا ما احقد عليه ولا اكرهه , انتي لو تشوفين شلون اتكلم معاه لما اشوفه راح تغيرين رايج ,
ولا عمري صرخت عليه , ولا مرة قاطعته , اهو الي قاطع , واذا حاولت اوصله مرة ثانية , يعصب , وما يكلمني حق اشهر عااادي, حتى مرة صارت 4 سنين وما كلمنا ولا سال عنا , احنا ميتين عايشين ما يهمه , انا اشوفه حبيبتي مرة بالسنة او مرتين على الكثير وبالغصب بعد , وهذا غلطته اهو , اهو مقصر معانا مو العكس

يعني وقت الحزة لو يطلب مني فلوسي اعطيه بدون نقاش , انا مو مثله , اذا يبي شي مني من عيوني,
ولكن خليني اوضح مرة ثانية , الي يقهر ان في اهالي ياخذون من البنت ومو من الصبي , وهذا مستحييل اعطيه اي فلس, يعني اذا ابوي ياخذ مني وما ياخذ من اخوي بحجة ان اهو صبي , مستحيل اعطيه, وهذا الي قصدي , حتى روحي اقري اول رد كتبته وتفهمين قصدي ,

شاكرتلج على صراحتج , لا تاخذين مني موقف حبوبة ,بس حاولي تفهميني شوي

 

[بدوردا الأموره]

عطيه من راتبج اذا كان محتاج بعد هذا ابوج

 

[هميانـ]

اخخخخخ ... لو ابوي عايش اعطيه عمري كله مو راتبي بس والله لقطه بحظنه وهو يصرف علي ...
مهما عاشوا معانا يعتبر العمر قصير ...
حبيبتي عطيه وبريه كوني له ام حنون واحتسبي الاجر من ربج

 

[المدينة الوردية]

حبيبتي اعطيه جزء من الراتب ولا تسألين..
حتى لو اخوانج ما اعطوه من باب البر والاجر ...ْ
ولا تنسين رضا الله من رضا الوالدين ..~.

دعواتي لج بالتوفيق ...ْ

 

[احاسيس انسانه]

من جدكم بنات تقولون لها ليه تعطيه

ولا تعطيه مبلغ رمزي


ليه هذا مو ابوها اللي تعب عليها ورباها وعلمها

اتي لولا الله ثم هو ماتعلمتي عشان تتوظفين


اللحين مستكثرة او متعجبه من طلبه


وبالنسبه ان خوانك مايعطونه هذا مو شي تنافسينهم فيه

او تقارنين نفسك فيهم

لانهم غلط


امك وابوك


لو ايش ماتسوين ماتوفينهم حقهم عليك


حرام وربي

والله ماتمنى الوظيفه الاعشان اررد جمايل امي وابوي علي


الله يطول اعمارهم ويخليهم