وسواس الموت وتجاربكم

[roo7]

السلام عليكم انا هم أعاني صارلي فتره احس أني ماراح أعيش واجد وان يومي قريب قبل كنت اوسوس بالموت أخاف ازلق بالحمام او افتح الغاز وينفر بويهي وأموت بعدها التزمت صرت اصلي الصلاة بوقتها واحيانا اخر بس جاني شعور هالكم يوم مضايقني حيل احس انه مو وسواس احس انه شعور وانه. بعيد الشر عني وعن الكل ان يومي قريب واني ماراح أعيش واجد بس التزمت فقراية القران بعد كل صلاة واحس بتغير كل ما اقرأ وحتي لو صارلي شي انا الحمدالله مصليه واقرأ قران

 

[عسل سل]

الي عنده هالوسواااس يقرا بداية كل سور ه بالقرأن وبداية كل أيه وشيشووف بعدها التحسن الرهيييب ومجرررب الشي هذا

 

[coralia]

انا جذي بس اعتبره نعمة ولله الحمد والمنة لان يدل على ان الضمير حي الواحد يحاسب نفسه لان مايدري متى يموت بس اذا زاد عن حده يعتبر شئ غير طبيعي ​

 

[مميزة خلقة]

والله حتي أتا جذي فوق الهم اللي فيني صايره هال ايام كله افكر بالموت وأعقد أحادي عيالي من لهم بالدنيا غيري وأقبلها مناحه لدرجه ذاك اليوم والله يابنات ماجذب عليكم وانا نايمه طلعت لي سوره يا ايتها النفس المطمئنه ارجعي الي ربك راضيه مرضيه وانا من هالحلم وانا متخسبقه صرت أخاف حييييل

 

[Miss Cherry]

يوم كنت صغيرة كنت اخاف من الموت بس مو على نفسي .. كنت اخاف على أمي وأبوي وأخواني وكان هالشي مايجيني إلا بالليل وقت النوم مادري شنو سبب هالشعور كنت صغيرة يمكن بالإبتدائي

بس الحين أحاول مادخل فراشي إلا إذا فيني نوم عشان مافكر

 

[البرنسيسه77]

انا بعد معاكم قبل لا اتزوج كنت يوميا اموت من البجي علي ابوي من كثر ما احبه حييييل اقول لو يموت شبيصير فيني واقعد ابجي لحد ما اغرق المخده من الدموع وانام وهذي حالتي كل يوم مع انا خواتي معاي بنفس الغرفه بس ما يدرون عني لاني ابجي بصوت واطي قعدت سنين علي هالحال لم تزوجت وحبيت زوجي حييييل تكررت معاي الحاله بس كنت ابجي اتخيل ان زوجي هو اللي بيموت ونفس الطريقه ابجي لم انام

تصدقون يوم توفي ابوي بجيت وزعلت بس مو مثل ما كنت متخيله اني بموت او بنتحر يعني كان كله اوهام وخيال غير عن الواقع

 

[مولاي الفرج]

انا قبل من كثر افكر بالموت يحوشني ياثووووووووم

ومرات احلم اني ميته ولا غرقانه

ومرات احس روحي قاعده تطلع وبعدين ارجع طبيعيه

والله الوسواس موشي

بس الحمدلله الحين لما افكر بالموت اسمع لي دعاء وارتاح

 

[ميمي بنت محمد]

حبيبتي اختي مرت في هالشي لدرجة كل وقتها تبكي من الخوف

حتى ماعاد تروح للمدرسه

لما قرت عند شيخ وصارت تستمر على الاذكار والحين الحمدلله طبيعيه

 

[فتاة الإبتسامة]

واي بنااات ذكرتوني بحاااالتي
انا بقول لكم قصتي انا جاتني هالحاله باخر سنه بالثانوية وتخيلو وزادت هالحاله بالسمستر الثاني وكان المفروض اني انتبه لمذاكرتي اكثر كنت كله افكر اني بموت الحين وكان كله يجيني خفقان بقلبي وصرت ما اكل ولا انام حتى النووم يمر علي يووم كامل ما انام فيه عادي وفجاه اقعد ابجي وماتحمل اقعد بمكاني اهلي تعبوو معاااي حييل ماتم مستشفى مارحت له ماتم تحاليل ماسويتها كل شيي سلييم فيني والحمدلله ومع ذلك ماتم شيخ ماودوني امي وابوي علشان يقرا علي اللي يقول عين واللي يقول حسد والله حتى امي وابوي صارو ينامون معاي مايخلوني بروحي حتى غرفتي طلعت منها صرت انام باي مكان تجيني هالحاله اوقات الفجر او الليل ابوي مسكين يطلعني يوديني الحديقة او البحر يسهر معاي للفجر واااااااي كااانت ايااام كئييييبه واستمرت معاي هالحاله لين دخلت الكليه ومع ذلك صرت اراجع مستشفيات ليييين يوم من الايااام دكتوره قالت بحولج على دكتور نفسي يمكن يعرف لحالتج
ويووم رحت للدكتور النفسي قعدت معاه بروحي من غير امي ولا ابوي قعد يتكلم معاي بالبدايه ماقلت له انا بشنو افكر وشنو تجيني من وسواس بس قعدت اتكلم له اني ما اقدر انام واني فجاه اصيح ومن كل شي اخاف
قالي انتي حالتج كذا وكذا كل تفكرين بالمووووووت حدددي انصدمت قلت له شلون عرفت قال هالحاله يجوووووووني لها ناااس كثيرة يقولي والله ماتتخلييين رجال وكبار وشرطه تجيهم هالحاله وعلاجها سهل وبسيط تخيلو بنات اول شي عطاني حبوب منوم استخدمته اسبوعين بس علشان ينتظم نومي وعطاني تمارين اسويها بس صج صج صج والحمدلله صرت زييينه وقالي اهم شي لجاج هالتفكير على طول قومي مارسي اي نشاط شوفي تلفزيون قعدي مع خواتج طلعي لهي نفسج باي شي ولجاتج هالحاله سوي التمارين
اكثر تمرييين فادني حيييييييييييل
انج تقعدين على كرسي مرييييح وغمضي عيونج وسكري فمج وتنفسي من خشمج وتخيلي انج قاعده على بحر لونه فيرزوي ويمج نخيل واشجار والجو حلووو واهم شي تتنفسين من خشمج وقعدي ربع ساعه او عشر دقايق وبتحسييييييين براحه غير طبيعية
وطبعا بنات ماننسى القران والاذكار والادعية اهم شي
والحمدلله والله يبنااات يمكن بشهر تحسنت حالتي وهالحاله يوم تجيني من ست سنوات والحمدللله هذا احنا عايشين بخير وصحه وعافيه والحمدللله على كل نعمه
والله يعطيكم الصحه والعاااااااافيه

 

[فتاة الإبتسامة]

اي صح تذكرت بعد كان معطيني تمرينات ثانيه اسويها انشالله بحاول اجيبها لكم والله يحفظكم انشاااااااااالله

 

[بايعتهاا]

اب


اب

 

[فوشية]

عبالي بس انا طلعنا كلنا فينا هالبلا

صرت اخاف من الله اكثر

لكن احاول اقاوم هالوسواس والهي نفسي باشياء

وقمت اردد ان المكتووووووب بيصير

 

[uas grile]

انافيني هالواسس بس حمدالله دام ماظلمت احد ولاتكلمت عن شرف احد ليش اخااف اللي يخاف عارف سواد ويهه موقصدي انتوا بعض من النااس

 

[نمله ذربه]

والله طاري الموت ما احبه كلش
بس
الموت حق

كان عندي ولد وتوفي بسنة 2002 وكان عمره 7 شهور
لو كان عايش جان الحين هو طولي
هالموضوع ما احب اذكره كلش

الله يرحم موتانا وموتاكم
اميين

 

[قليبوني:$]

أنـا مثـلكم أعـاني مــن هالـوسـوآس مـن فتـرة لـ فتـرة
يـآرب تبـعده عننـآ ..!

 

[*ريمي*]

اييي انا بعد جذي وعادي تلقيني ابجي صج اخاف من هالسالفه وماحب افكر فيها كلش .. كله احاتي افقد احد من حياتي من اهلي او ريلي وووواي

 

[؛؛حلاوه؛؛]

السلام عليكم

انا وايد اوسوس وتعبانة حيييل أحس منهارة

 

[ببي جونسون]

الموت مايخوف ولاالهوايل اللي اسمعها اخ لونرد على العصر الحجري بنموت شنو عذاب القبر وطلعه الروحه جنها عذاب لويحرقوني بنهر ابرك لي

 

[أحـلام * ورديـة]

انا عانيت من هذا الوسواس لما كنت صغيره بعمر 17 يمكن وعقبها

انشغلت بالدراسه ونسيته والحين عقب ما ولدت بولدي

الصغير لي يومج اعاني مع اني الحمدلله اغلب الاشياء

ملتزمه فيها ولكن الخوف مسيطر علي

رحت حق واخد يقرا علي ماكو فايده بس بديت شوي

احس بتحسن عن قبل

 

[مهندسه مستقبل]

انا و الوسواس ربع من عمر لازم ما يمر اسبوع من غير لا احس اني بموت خصوصا بليل لمن ابي انام و الغرفه ظلمه احس الحين بيي ملك الموت او اتخيل اني بالقبر واحيانا نص الليل اقوم من النوم واحس بالشعور هذا ووقتها ازعج اي شخص عشان اسولف لين انام مثل بيبي ههه
استغفرالله بس مادري ليش يصير فيني جذي و بصراحه احساس رعب و حاليا انا بالغربه وبروحي بالشقه يعني هدووووءء ف لاتشوفين شلون وسواس لاعب دور معاي
و هم اخاف اسمع خبر اي شخص غالي عليي ويتوفى اتوقع راح اموت وقتهالان بس جربتها بوقت وفاه ابوي الغالي الله يرحمه وخايفه اسمع خبر وفاه احد احبه سواء اهلي او ربعي
الله يطول بعمر الجميع