وسواس الموت وتجاربكم

[رولكس ذهبيه]

بالعكس لازم انفكر بالموت ونحس بالشعور اننا متجهين للموت لان اذا نسيناه وعشنا حياتنا نشعر كأن ليس ورانا مووت

وهذا غلط

نحن نشعر فيه افضل من يرتكب المعاصي ولا يفكر بالمره فيه ولانزكي انفسنا علي الله وندعوا الله ان يحسن خاتمتنا عند الموت ويغفر لنا ذنوبنا

وفعلا انا اشعر فيه كل يوم وكل ساعه ودائما افكر كيف هي طريقة موتي او سوف اشعر بالم او متي وهل ساترك اطفالي صغارا

وعلي ماذا سوف يحاسبني الله وهل سيغفر لي ربي

شعور مؤلم وصعب واصبح هاجس لي من عدة سنوات واذكره دائما اذاسمعت وفاة احد وتصغر الدنيا بعيني واي شي نحرص علي

اقتناءه او الحصول عليه يصبح بلا فائده

وخاصه الان عندما اشاهد قتلي الشعب السوري وكيف ان الموت هناك كل ثانيه وكل دقيقه واري النساء والاطفال قتلي وصورهم بالشاشات

اتسائل هل كانوا يتخيلون طريقه موتهم لاحول ولا قوة الا بالله

 

[دلوعة أبوهآ]

جبتيهآ ع آلجرح ..


آلله كريم

 

[أم تنوح]

ياااااربي شي قاتل الله المعين

 

[أم تنوح]

اي بس شنو مدى قوته
هل يمنعج من الاستمتاع بالحياه واهمال الواجبات العائليه واهمال المظهر
وعدم الخروج من البيت وكله تفكرين ولالا
وهل له وقت ويخف وهل وسواس. ولالا
منو خف عندها وتخلصت منه

 

[عسل سل]

انا قبل كن عندي نفس هالشعوووروتخلصت منه بالتدريج باني قويت ايماني اهم شي واقتنعت ان المؤمن مايخاف وان الخوف مامنه اي فايده طبيييعي جدا ان الانسان يخاف من الموت بس خلز خزفكم طبيعي مو الخوف الي يخرب حياتكم طايحينله افكار سودا اوكي لي متى ليما يجيني الموت جد يعني !! ما كل نفس راح تموت العبره بالايماااان وراحة البال المؤمن اذا قوى ايمانه وتوكل على الله ما يخاف من شي وهالشي انا طبقته على نفسي وبالتدريج راااااح الخوف الزايد صار خوف طبيعي

 

[جزائرية قطرية]

حبيبتي هذا الشي صار لعمي بعد وفاة ابوه الله يرحمه
وكان موسوس من كل شي يحس فيه كان يقول ظهري يعور يمكن فيني شي بطني فيه شي وكل مره يجي البيت يقول شوفو يمكن في بقع بظهري يمكن ويمكن ويمكن
ترك الشغل 5اشهر ولازم البيت وبطل اكل واذا قالله واحد برا شفيه ويهك اصفر يدش البيت ميت من الخوف كان ماينام بروحه لازم وحدة فينا تنام معاه وصار مرة راحت الكهربا واهو نايم قام على طووول يصارخ امي امي امي وحتى الادوية المهدئة ماخلى
بعدين داوم على الرقية الشرعية كان الراقي يجينا البيت وداوم على طبيب نفساني عطاه دوا وينقص الجرعه كل فترة حمدلله صار مثل الحصان
انتي ياحبيبتي لاتنسي الرقية كلام الله فيه الدوا واصبري ولاتخلي هالوسواس يتطرو
الله يحفظكم

 

[حبيته من قلبي]

لوول طلعوا وايد اللي نفسنا.. انا بعد جذي وايد اوسوس واخاف افقد اهلي او احد قريب مني

بس الحمدالله بديت اتخلص منه شوي شوي كل ما افكر جذي اقعد استغفر واتذكر ان الموت حق وكلنا ماشين بهالطريج واقوم اصلي ركعتين واقرالي قرآن شوي..

والله كريم

 

[سكوتي بذوقي]

الموت حق انا جاني هالوسواس بعد وفاة ابوي الله يرحمه

بس مع الدوام على ذكر الله سبحانه وتعالى وقراءة القرآن راح

الحمد لله كلنا راح نموت ونفكر بالموت علشان نحاسب انفسنا

تعوذي من إبليس وإذكري الله راح ترتاحين

 

[أم تنوح]

يعني الواحد مايحس
والله ريحتوني الله يريحكم انه بيروح

 

[أم تنوح]

يارب

 

[حمام شاقني فنه]

يوميا اقري البقرة

 

[أم تنوح]

الحمدالله اقراها

 

[ســــارونه]

جنج اتكلمين عني قبل سنتين بالضبط

سنه كامله وانا عازله نفسي عن الناس وفيني خوف من الموت او يصير باهلي شي واقعد طول اليوم افكر

وصلت لمرحله كرهت كل شي لما من نفسي قلت استوب

طبعا طول السنه استغفرالله + اصلي الليل +اقرأـ قرأن كل شي سويته والصدقه بعد

بعدها رحت مكه ودعيت من قلبي اني اتشفى من هالوسواس وكنت اشرب ماي زمزم وادعي ليل ونهار ورديت ولما الحين مستمره على شرب ماي زمزم وادعي قبل لا اشربه والحمدالله لك يارب والشكر تشفيت بعد 10 ايام من رجعتي من مكه بفضل الله

يومها حلمت حلم غريب بعدها قعدت من النوم وركضت ورجعت ماي وانتي بكرامه واحس بعدها ردت لي الروح

مادري نفس عين حسد الي كنت فيه الله اعلم

بس انتي جاهدي نفسج اول ردت فعلج لج اذا وصلج الوسواس لا تسترسلين معاه اقطيعه شلون ؟

اذا فكرتي بتموتين قولي عادي واذا مت الله ارحم الرحمين صج صعبه بس تعودي عليه ونفس الشي اذا تذكرتي اهلج

انا لما كنت اقطع الاسترسال مره قعدت من النوم بنص نومي وجاني وسواس اني بموت الحين قلت عادي والله العظيم ماجذب عليج تشنجت بمكاني جني تغيبت عن العالم ابي اتكلم ماقدر شعور غريب واستمريت اقاوم الوسواس لما الله فكني منه

كلمه اخيره استعيني بالله

 

[سفييره الكويت]

الموت يأتي بأي وقت لا نعلم متى نموت المهم ان نكون مستعدين له ومؤمنين بالله سبحانه ..

والموت هو بوابه لرؤيه العالم الاخر وبالتاكيد لا عمل هناك انما انتظار الى يوم القيامه وافضل من هذه الحياه رغم صعوبه ما سنراه..

 

[Beautiful soul]

تكفين قسم بالله اعاني من هالموضوع جنني
صرت دراميه ومرات احس بكآبه وتدرين مرات من كثر ماندمج بالوسواس هذا احس دقات قلبي تصير سرررررررررررررييعه
وجد جد اموووت من الخوف
الشي الوحيد اللي بقوله عسى الله مايقبض روحي الا وهو راضي عني

 

[أم تنوح]

صاجه والله الدقات تصير سريعه والاطراف بارده والنوووووم اخ بس
يجيني يومين مانام متواصل
ياربي رحمتك

 

[أم تنوح]

يارب عفوك

 

[RnOosha dl3]

بنات انا من شهرين بعد وفاه ولد عمي طفل الله يرحمه بدا فيني هالوسواس *اخاف من كل شي
وامي تقولي عين يمكنمن الحزن نسيت اقرا الاذكار*
شعووور قاتل وقممممته ماقدر اتنفس وثقل علا سدري اول الايام *كنت فجاه ابجي وانادي امي واقولها مابي امووت واسكت ارجعوابجي
وتمت اسابيع نايمه عندي واقرا القران والاذكار والرقيه الحين يابنات ما اقولكم تشافيت بس احسن من اول بس مايروح هالوسواس اني يمكن لبحين اموت لمن اطلع واشوف الناس اتطالعني انقمت لدرجه مرا بجيت بالسوق
نضحك فجاه مع الاهل وفجاه اسكت واقعد افكر لالموت وامي تنتبه لي
اول الايام صارت فيني بعد جسمي كله يرجف وايديني تتيبس *
وامي اتم تقرا علي تقولي هالوسواس من العين يالج بالطريقه الي انتي خفتي منها
مرا قرصتني بقه واتفخت نص ريلي
تالي صار شكلها علا شكل عين والله اني مانتبهت امي اللي انتبهت قالت شوفي مرسوم عين*
شعووور محد راس يحس فيه غير اللي مجربه قبل عايشه حياتي الحمدلله من شهرين وانا متضايقه وبس افكر. جذي وشعري يطيح فجاه خصل تخيلوا!!*
بس الحمدببه الحين احسن منقبل ولو للحيني بس هم احسن وسوره البقره مثل السحر عن تجربه تريح *
ادعوووولي تكفوووون ادعولي الله يشفيني طالبتكم

 

[أم تنوح]

الله يشفينا ويشفيج وجميع المسلمين

 

[الشفايف كرز]

_




انا جاني هالوسواس السنه اللي طاافت ..

اقرو البقره 40 يوم ورا بعض ..
انا من قريتها 40 يوم و الحمد لله خف الوسواااس حييييييييل
صرت اطلع من البيت قبل كلله حابسه نفسي و خايفه .. كان شعور قاااتل

و صلاة الوتر و كثرو استغفااار ..



و اسأل الله لكم الشفاااء ..