ورشــــــــ البوكية Bokeh ــــــة!

[قلب المنتدى]

اي صح نسيت لوووووووووووول
احط معاه عنصر وارجع مرة ثانية شغلي صار بالاقصاد لوووووووووووووووول

 

[toot^o^mishmish]

تووووووت ومشمش الصوره حدها فظيعه ماشاء الله والخلفيه وايد حلوه ,, تسلم ايدج حياتي ,,

قوليلنا الاعدادات ماعليج أمر عشان نطبق

هلا وغلا احلى توته ...
شوفي انا كامرتي شبه بروفيشونال a650 فسويت العنصر على هالشكل الخيط والاحرف ...وقمت يبت ليتات صغار ملوت ايكيا وخليتهم ورا العنصر بس بعاااد شوي وحطيت الكاميرا عالماكرو ومن اول مرة الحمد الله اضبطت معاااااااي_03BA:_03BA:
وسلاااااااااااامتج واتعيشين

 

[a7la tooota]

اي صح نسيت لوووووووووووول
احط معاه عنصر وارجع مرة ثانية شغلي صار بالاقصاد لوووووووووووووووول

لوووووول ,, يلا ناطرينج :ggdw:

 

[a7la tooota]

هلا وغلا احلى توته ...
شوفي انا كامرتي شبه بروفيشونال a650 فسويت العنصر على هالشكل الخيط والاحرف ...وقمت يبت ليتات صغار ملوت ايكيا وخليتهم ورا العنصر بس بعاااد شوي وحطيت الكاميرا عالماكرو ومن اول مرة الحمد الله اضبطت معاااااااي_03ba:_03ba:
وسلاااااااااااامتج واتعيشين

هلا فيج حياتي

ماتوقعت انه الاعدادات بسيطه وسهله ,, بس ماشاء الله الصوره وايد حلوه حتى فكرة الخيط والأحرف حلوه

بروح أشتري الليتات وأجرب أصور البوكيه وان شاء الله يضبط معاي

 

[MassComm]

مشكوورة وجاري التطبيق

 

[.]

انا عمق الميدان عقدني ايام الجامعه بس اختي غرامها التصوير خل اروايها هالدرس..

مشكوره جاي..

وتسلم ايدج يارب توت..

وتسلم ايدج يارب قلب ناطرين تطبيقج مع الشكل اتوقع بيطلع احلى ..

 

[chocolate cake]

موضووووع رووووعه

شكرا لج يالغاليه

 

[aBoOoRa]

روووووووووووعه


مشكوووره جاي و حليب

 

[mi corazon]

وي طلع اسمه بوكيه؟

عاد تصدقين آنا احبه مادري ليش

بس يعطيج العافيه على الموضوع والصور .. مجهود مشكور


وهذي صوره صورتها بمصر ... اتوقع بهالطريقة صح؟

 

[ستايل كولكشن]

تسلمين اختي جاي وحليب وحلو القلب ماشاء الله عليك طريقة لزق الاشكال على العدسة فكره حلوه . عساك على القوة

 

[جاي وحليب]

toot^o^mishmish

صورتج كانت تطبيق ناجح لموضوعنا بالورشه
والحين دور الابداع بالافكار والتفنتق

بالنسبه لسؤالج.. الافضل طبعاً عدم نقل الفكره نفسها
لان يظل لكل انسان افكاره وستايله الخاص باعماله...
لكن مع كثره الاطلاع على الافكار والصور تتولد عند الشخص
نظره فنيه وابداعيه ممكن تطلع عن طريق صوره...
يعني قد تتشابه اعماله بشي بسيط مع غيره،
لكن لاتكون صورة مشابهه جداً بحيث اذا شافها شخص
قال الصورة كوبي من صور المصور الفلاني!
لذلك اقولج حاولي تتميزين بافكارج وستايلج الخاص

وبالتوفيج




قلب المنتدى

مشالله تطبيق حلو للبوكيه.. نتيجة صحيحة وممتازه
شفتي مع الاستمرار نقدر نوصل للنتيجة الصحيحة..
لان الطريقه مشروحه والاعدادات صح..

الحين جربي تصورين مع وجود عنصر نفس ما قالو البنات
وحرصي ان العنصر يكون بمقدمة الصورة، والمسابقه كبيره
بين الليتات والعنصر للحصول على نتيجة افضل...

ووورينا نتايجج

 

[جاي وحليب]

دن دن

شكراً


a7la tooota

شكراً على متابعتج وتواجدج بالموضوع
اشكر لج ردودج ونصايحج للبنات بغيابي
قواج الله ...

وودنا نشوف تطبيقج



MassComm

العفو.. وودنا نشوف التطبيق معانا



رونه

يمكن يعقد بالبداية.. بس النتايج تخليج تشتطين اكثر
لين تتمكنين وتحصلين على النتايج المطلوبه
شكراً على المرور يالغاليه..

 

[جاي وحليب]

chocolate cake

العفو اشكر لج مرورج...



aBoOoRa

العفو عبوره.. شكراً على المرور




mi corazon

البوكيه والـ DOF شيئيين يظنون كثير انهم نفس الشي
لكن انا وضحت هالجزئيه بموضوعي...
وياليت تردين تقرينها علشان توضح عندج الصورة اكثر...

لان صورتج اللي حاطتها فيها DOF
لكن مافيها بوكيه bokeh


وودنا نشوف تطبيق يديد منج.. شكراً




Parryjan

حياج الله.. ان شالله الدرس يكون واضح
والصور المستخدمه بالدرس من مواقع مختلقه مثل ما ذكرت

شكراً

 

[جاي وحليب]

راح احط بعض تطبيقات زياده من تصويري
مع شرح بسيط عن اضاءه كل منهم.....

الاضاءه اهني كانت طبيعيه.. والبوكيه عندي بالخلفيه
كان من الضوء اللي طالع بين الزرع..
لان الخلفيه بالاساس زرع حديقتنا (ثيـّل) ..
فـ تشكلت الاضاءه عندي مع F2.8 على شكل دوائر

ايضاً كانت الاضاءه طبيعية..
وايضاً تشكلت عندي لسبب دخول الاضاءه بين الزرع بالخلفيه
وكانت المسافه وايد بعيده بين الورد الملون والخلفيه ..

اهني الصورة صورتها بفلاش الكاميرا.. ومن غير فلاش ..
والبوكيه طلع عندي بهالشكل الحلو فقط بالصورة اللي بالفلاش
والسبب انعكاس اضاءه الفلاش على قراطيس الككاو
واللي اهي اغلبها من القصدير والمواد هاذي..
فـ كان انعكاسها مسبب الاضاءه اللي على شكل دوائر - البوكيه

اما هالصورة.. فـ كانت الاضاءه بالخلفيه استخدامي لليتات الصغار
اللي تنحط على شجره الكرسمس.. ماخذتهم من ايكيا..
كـ تجربه حبيتها.. لكن كـ نتيجة موراظيه عنها 100%


هاذي كانت بعض صوري لنفس موضوعنا المطروح....
وان شالله تتشجعون اكثر وتعرضون لنا صور اكثر...
وشكراً للكل ...

 

[a7la tooota]

جايووووونه ماشاء الله الصور روعه تسلم ايدج ياقلبي صج صج استمتعت وأنا أشوفهم ,, يعطيج ألف عافيه

وبالنسبه لتطبيقي ناطره أروح ايكيا عشان اشتري الليتات الصغاار ,, لأني ليلحين مو مستوعبه الدرس بالاضاءه الطبيعيه ,,

بجرب الليتات أول وبعدين الاضاءه الطبيعيه

 

[>>نسكافيه<<]

يعطيج العافيه على المعلومات ,,,

 

[ام مهودي]

تطبيقاتكم روعه
جاي وحليب ماشاء الله مبدعه
هذا تطبيقي احسه حده فاشل اول مره اجرب هالشغله بس مادري ليش العنصر يطلع عندي غامج مع انه الاضاءه اوكي اتوقع لو اضاءه الشمس وايد بيكون احلى
والليتات انا امبعدتهم عن بعض بس مادري ليش بالصوره يطلعوون جذي لازقيين
وعدستي 50 وفتحه العدسه 1.8
الايزو 400
الشتر سبيد 1/200
الاضاءه كانت ليتات ايكيا الصغار عندي هالابجوره من زمان واخيرا استفدت منها



حولت الصوره ابيض واسود لانه واهيا ملونه مو حلوه لانه العنصر لونه باهت وغامج

 

[a7la tooota]

^
^

بالعكس ام مهودي تطبيقج حده روعه ماشاء الله تسلم ايدج حبيبتي

 

[جاي وحليب]

a7la tooota

ولازلنا منتظرينج تروحين ايكيا وتاخذينهم قبل لا يخصلووون
اعتقد يشيلووونهم عقب الكرسمس!

انا متأكده ان تطبيقج راح يكون مميز.. لاتحرمينا من ابداعج






>>نسكافيه<<

حياج الله ..




ام مهودي

احلى شي لما تستفيدين من الاشياء اللي حواليج بالتصوير
وتطلعين بنتايج حلوه...

انا اشوف تطبيقج ممتاز .. بوكيه حلو بالخلفيه
بالنسبه لمشكلتج مع الاضاءه اتوقع لان الاضاءه داخل البيت وخافته
جربي تصورين بالنهار يم الدريشه علشان الاضاءه تكون اوكي على العنصر

وتطبيق البوكيه مع الاضاءه الطبيعيه جداً ممتع..
خصوصاً ان اغلب صور البوكيه تكتشفينها فجأه وانتي تشوفين الصور بكاميرتج
يعني غالباً البوكيه برا بالاضاءه الطبيعيه يصير من غير حسبان ومن غير اعداد..
ولما تشوفينه صوري وايد ولاتطوفين

شكراً على المشاركه...

 

[a7la tooota]

لووووول جايونه ان شاء الله برووح اشتريهم باجر والله مافضيت كلش واذا مالقيتهم من ايكيا بشووفهم من مكان ثاني