ورشــــــــ البوكية Bokeh ــــــة!

[جاي وحليب]

البوكيه Bokeh،
او بمعنى اخر blurry background

بعد البحث لقيت ان الكلمة اصلها ياباني.. وتعني مشوّش او blurred
كلمة bokeh تستخدم بالتصوير للصور بالخلفيات اللي تكون فيها مساحات out of focus
واستخدام عدسة تساعد على ذلك .. وهناك عدسات كثيره تساعد على ذلك.. مثل
large-aperture lenses, macro lenses, and long telephoto lenses

وكما نعرف جميعنا انه كلما كانت فتحة العدسة بـ F-number برقم صغير
يكون الـ DOF : depth of field كبير بالصورة..
وهذا شيء يساعد على عزل العنصر بشكل كبير عن الاشياء الموجوده ولايشتت نظر المشاهد
وايضاً يشد النظر للعنصر الاساسي والمراد التركيز عليه..

تكنيك البوكيه bokeh انتشر مؤخراً بشكل كبير بين المصورين..
ونراه موجود ومذكور بكتب التصوير على الاقل من سنة 2000




البوكيه كـ أي تكنيك اخر بالتصوير.. جميل عندما نعرف كيف واين نستخدمه بالضبط!



قد تكون الصورة عاديه جداً ومع البوكيه تكون مميزة!

From Wikipedia, the free encyclopedia



استخدام البوكيه بالتصوير بمجالاته المنوعه جميل وكثر استخدامه بتصوير الستل لايف..

افكار متنوعه لنفس الموضوع......

-1-

البوكيه ممكن يكون من اضاءه طبيعية، واكيد بوضعيه معينه
وتطلع لنا مثل هالنتيجة...

واهني انعكاس الاضاءه على الكاس
ممكن يطلع لنا بوكيه بالصورة!!

-2-

او ممكن يكون من اضاءه صناعيه
واهني تكون الافكار والابداع...


البعض ومنهم انا يستخدم ليتات الكرسماس الصغار
اللي يتعلقون على شجره الكرسمس..
استخدام اخر واستخدام جداً مختلف... اللي اهو للبوكيه


الليتات هاذي اذا توزعت بالخلفيه وحطيتي عنصر جدامها وبمسافه بينهم
مع فتحة عدسة F1.8 او F2.0 راح تطلعين بصور فيها بوكيه حلو...

هاذي مجموعه صور لنفس الفكرة....

هذا كان شرح بسيط للبوكيه والفكره منه..
ويبقى استخدامكم له في صوركم اهو اللي يبرزها بالشكل الحلو والصحيح



يتبع....

 

[جاي وحليب]

** هل الـ Bokeh نفسه الـ DOF ؟
الجواب: لا .. قد يتشابهون بالفكره قليلاً
لكن النتيجة مختلفه والاختلاف واضح فيها...

مثال على الـ DOF : depth of field / وهو العمق الميداني بالصورة

العمق الميداني وهو العزل العادي واضح بالصور، لكن هذا لايعني ان تكون الصورة فيها بوكيه
فـ البوكيه يتكون على شكل دائري او شبه دائري وسهل رؤيته ومعرفته....


ممكن استخدام البوكيه بالستل لايف بشكل جميل مثل هالصورة...

او

وممكن استخدامها كـ خلفيات بتصوير الاشخاص ايضاً!

This image was originally posted to Flickr by carlosluis




هناك افكار مختلفه للبوكيه باظهاره باشكال مختلفه وجديده...

وشكل قلب الحب طلع نظراً لهذي الفكره البسيطه!!

لمزيد من صور البوكيه.. هذا بلوق فكرته البوكيه
وفيه صور مختلفه ومتنوعه للبوكيه لمصورين كويتين

Click


واخيراً،
الموضوع ممتع جداً.. وحاولت اطرح اهم الشغلات فيه
وبرايي لو بحثتو اكثر عنه بقوقل وبالصور.. راح تلقون
شغلات ونتايج جداً ممتعه وجميله.....


وبالنهاية،
اهديكم هذا الفيديو الجميل جداً.. والموضح بشكل كااامل وشرح حلو
واتوقع اللي وعندها نقاط غير واضحه بالموضوع بعد مشاهدة الفيديو
راح توضح لها الفكره اكثر واكثر... لايطوفكم الفيديو......


Click








وبعد ختام كل ورشة، مثل ما تعودنا نبي نشوف نتايجكم وتطبيقكم
على البوكيه.. وياليت تكون صور ونتايج يديده فقط للورشه...
وبارك الله فيكم...




**جميع حقوق الصور محفوظه لاصحابها
** تم تجميع الموضوع من مواقع اجنبيه مختلفه مع ترجمتها

 

[French Friez]

يعطيج العافيه اختي
عجبتني فكرة القلب

يسلمو

 

[ام مهودي]

روعه الموضوع يعطيج العافيه بس لازم تكون ورا الجسم اللي بنصوره ليتات صغيرع عشان يعطينا هالشكل ولا شلون

 

[No0oNh]

يعطيج الف عافية مشرفتنا على المعلومات المفيدة وايد استفدت منهااا

 

[beauty]

يعطيج العافيه حياتي ع الورشه

وان شاء الله اشارك فيها

 

[a7la tooota]

مشكووره حياتي عالموضوع المفيد ,, وانا شاء الله بحط تطبيقي قريب

 

[toot^o^mishmish]

الله يعطيج الف عافية على هالورشة وهالموضوع ...
انا من زمان كان ودي اعرف الطريقة وكنت حاطة ابالي انه بعدسة خااااااصة ...
ان شاء اجرب بكامرتي المتواضعة واحط النتايج ...يارب تضبط عاد

 

[قلب المنتدى]

ورشة حلوة واستفدت منها لأني كنت ملخبطه بين العزل العادي والبوكيه
يعطيج الف عافية جايونه لي رجعه مع التطبيق ان شاء الله

 

[M&M]

انا حاولت بشوي تطبيقات
بس عندي جم سؤال
على اي وضع بالضبط احط الكاميرا انا جربت اغلب الاوضاع بس ما كنت قادره احط ال f اقل من 5
ما ادري اذا ممكن تشرحيلي و ان شاء الله انزل تطبيقي قريب

 

[toot^o^mishmish]

هذي اول تجربه لي بالبوكيه وان شاء الله التطبيق يعجبكم...

 

[a7la tooota]

تووووووت ومشمش الصوره حدها فظيعه ماشاء الله والخلفيه وايد حلوه ,, تسلم ايدج حياتي ,,

قوليلنا الاعدادات ماعليج أمر عشان نطبق

 

[amoni]

الله يعطيك العافية الصراحة فنانة وتسلم أيدك

 

[جاي وحليب]

French Friez

فعلا فكرة القلب مميزة.. دايما ودنا نبحث عن الافكار المميزة والمتجدده
شكراً والله يعافيج



==

ام مهودي

اثناء شرحي للموضوع ذكرت ان ممكن نطبق البوكيه باضائتين
الطبيعية: الشمس.. وممكن تكون بوضعيه معينه
مثلا الخلفيه تكون الاضاءه فيها بين ورق الاشجار
او انعكاس الاضاءه على الزجاج يعطينا البوكيه..
مثلا المثالين الموجودين.. طبعاً تحاولين لين تحصلين النتيجة المطلوبه

او الاضاءه الصناعيه: الليتات الصغار اللي قلنا عنهم..
او اي ليتات ممكن يخدمونج بنفس الفكره اللي اهي البوكيه
وايضاً تجربين لين تضبط معاج ...

بالاضافه الى رقم F صغير ومراعات ان تكون المسافه بين العنصر والاضاءه هاذي شوي بعيده
جربي وورينها تطبيقج



==

No0oNh

الله يعافيج .. حياج الله
وودنا نشوف تطبيقج معانا


==

beauty

الله يعافيج.. ان شالله منتظرين مشاركتج

 

[جاي وحليب]

a7la tooota

العفو.. حياج الله

==


toot^o^mishmish

الله يعافيج.. حياج الله حبيبتي
شكر خاص لج على اول مشاركه

ومشالله تطبيقج وايد حلو ومضبوط..
عاد الحين دور الافكار والابداع شفتي شلون التطبيق حلو والنتيجة تستاهل
يعطيج العافيه فرررحتيني والله بتطبيقج..

==

قلب المنتدى

الله يعافيج.. اي علشان جذي انا حرصت ابين هالنقطه بالموضوع..
حياج الله وننتظر تطبيقج معانا


==

M&M

بالنسبه للوضع عادي مانيوال تبين ولا AV علشان تتحكمين بفتحة العدسة
وصغري الرقم اكثر من F5 اقل شي عندج بالـ F حطيه وجربي

ننتظر تطبيقج معانا ...


==

amoni

الله يعافيج شكراً على الزياره

 

[toot^o^mishmish]

ونااااااااااااااااااااااااااااااااااسة والله انا الي حدي فرحت بتقييمج ....
كنت خايفة تطلع موذاك الزود...
بس صج انتي الي شجعتيني ......:ggdw::ggdw::ggdw:

موفقة وياللللا نبي ورش اكثر الحين انا حدي قوييييييييييييييييييييييية .....:dddds::dddds:
بس عفية جايونه ابي اسألج سؤال اذا شفت فكرة معينه بفلكر عادي اقلدها مع تغير بسيط والا هالشي في اشكال او نوع من السرقة ...
لاني ماعندي افكاااااااااااااااااااااااااااااااااااااااار:krkrkr::krkrkr:
موفقة يالغالية

 

[قلب المنتدى]

جايونه ماعرفت كل ما اصور يطلع عندي عزل عادي
شسوي ابي اعرف بليــــــــــــــــــــــــــــــــــــز

 

[دن دن]

حلو الموضوع
يسلموووو

 

[قلب المنتدى]

وأخيــــــــــــــــــــــــــــــــــــــــــــــــــــــــــرا طلع معاي البوكيــــه اففففففف ما بغيت لوووووول

​

رايج يهمني جايونه ​

 

[a7la tooota]

قلب المنتدى والله خوووش بوكيه طلع عندج بالصور ,,

انزين ليش ما جربتي تحطين عنصر قريب بالصوره ؟؟ أتوقع بتطلع روعه ,,

تسلم ايدج