ودك تابعين حملك متابعه vip دقيقه بدون لا تنقعين بالعياده - تجربتى والله شاهد على

[ملح الدنيا فيني]

السلام عليكم




ما شاء الله تبارك الله ولا حول ولا قوة الا بالله








شلونكم كروشات

حبيت افيدكم بتجربتى ولا ابى منكم الا الدعاء لى بولاده طبيعيه

انا طبعا حاله خاصه وكان عندى اجهاضات متكرره وهذا الحمل الوحيد اللى استمر يارب يتمم على يارب :krkrkr:

المهم كنت اراجع عند استشاريه :eh_s(14): بعياده خاصه

تدعى الكمال وانه ما فى الكويت مثلها بكثرة الاعلانات

وان اجهزة عيادتها حصريه ما توجد حتى بره

المهم مثل اى ساذجه فتحت ملف وراجعت عندها للحمل

تكلمنى واقفه

نفيسه خايسه جنى اطر منها على ابو انى استشاريه وعندى مراجعات وزحمه :rgewrg:

مخدوعين نفسي بالاعلانات والدعايات

وما استفدت شى

الا اللوعه والنطره بالساعات

مثلا اي س 4 العصر ادش الساعه 10

لانها مو موجوده عندها عمليه ولا ولاده وحتى لو ما عندها شى ما تي العياده الا يكون فوق خمس حالات وانت انلطعى وقعدى جنه ما وراج بيت ولا ريل ولا عندك اشغال

ولما ني للدفع

طبعا تحاليل حمل ب 170 عسى ما شر

مراجعه عاديه + سونار لازم بكل مراجعه = 40 دك

هذا اذا ما سوت لج مسحه وخرابيط

والعداد شغال :rgewrg:


والخدمه وايد فيها عيوب غير النفسيه الارف


المهم


قعدت بس شهر انمصيت مص وكل اسبوع مراجعه

خليتها تولى :ggdw: على شنو صابره على نهب الفلوس ولا النفسيه الشينه ولا اللطعه لين اخيس عالكرسي


وقالت لى الماما الله يحفظها

روحى المستوصف فتحى ملف بعياده الامومه ورعايه الحامل


رحت الصبح سالتهم شنو تبون اوراق

قالت
===========
بطاقتك المدنيه الاصليه + صوره عنها

صوره لبطاقه ريلج

صوره لعقد الزواج

واى تحاليل عندك مسويتها

وصوره لتحليل الحمل
============

يمعت اوراقى وفتحت ملف

عطونى ورقه للتحاليل رحت مختبر المستوصف وسويتها

الله يعز الحكومه

شخلونى من راسي لريولى

حتى تحاليل الماعه سولى

عطونى موعد بعد اسبوع

رحت الا التحاليل خالصه بالملف

اول ما دخلت خذوا الضغط والوزن وطلبوا تكرمون عينه بول

سوتلى وانا واقفه تحليل الزلال

وكتبت بالملف ودخلتنى عالدكتوره

طالعوا الفرق

تحاليل دقيقه بلاش + تشيط على عينه بولك كل مراجعه + تسمعين النبض + تفحص بطنك عالسرير + مواعيد محدده للسونار كل شهرين مو كل مراجعه عسى ما شر + ادويه وفيتامينات والله يا بنات نفس الخاص كالسيوم وفيتامين دال وبيبي اسبرين وحديد وفوليك اسد
+ سونار + جدول بالاكل المفيد لحالتك
سوتلى مسحه لعنق الرحم متابعه دقيقه دقيقه بدرجه ما تخيلونها
وتسمعنى وصدرها وسيع وبشوشه وتسمع كل الشكاوى واتدلع عليها ما اخلى شى بخاطري الا اقوله

ولما سوتلى سونار فصصت لى البيبي تفصص وقالت لى جنسه

+

ما انطر سيده ادخل عليها يعنى ايهم 9 الصبح ادخل سيده اخلص واطلع

لوووووووووووول ودايم اروح الافنيو لما اخلص منها اتمشى
+
قالتلى ملوحه بشوفك كل اسبوع لانه حاله خاصه وعندك اجهاضات

3 غرف كل غرفه فيها استشاريه

وتخيلوا فااااااااااااااااااااااااااااااااضى

ماكو احد الناس قابه للخاص

والايه انعكست

الحكومه اخر دلع ووفري فلوسك

ومتابعه ولا احلى وبضمير وماكو احد يستغلك

والله الذى لا اله الا هو هذى تجربتى

والنتيجه الف حمد وشكر لك يارب عوضتنى خير

وفلوسى موفرتها للولاده بولد عند العرف


ولا الاستغلال والخدمه الرديئه بعد دافعه ومنفسين على شبح بس شبح :rgewrg:


ننصيحه تابعوا الحمل بالحكومه وخلى الخاص بس حق الولاده

وانا قالت لى الطبيبه اعطيج تقرير باخرزياره حق الطبيب المولد سواء رحتى حكومه او خاص

 

[نور الدنيا 88]

الصراحة انا اراجع المكانين الحكومة و الخاص
الخاص اسرع تطلع التحاليل و السونار تسويلي و تعطيني التفاصيل حتى الحكومة تعطي تفاصيل بس ما ترضا اتكلم تزفني

 

[قلبي خالد]

امي نفس كلامج تحن علي تقولي علاج الحكومه احسن و الولادة اولدي خاصة عشان الغرف و البنج و الخصوصية*

 

[المسكـ]

والله انا على ولدي الاولي خااااص وعند بهواني هم كانت تلطعني برا بالساعات وكل ساعه طالعه وكله اتقول بيبي كبير وبيبي كبير لا تاكلين وانا هم كنت اسمع كلامها وطلع ولدي 2و نص مسكين نتفه ولا وفوق كل هذا يوم ييتها فيني الطلق موموجوده ومالقيت غرف عندهم فلاعت جبدي ةرحت الشفاا ولدت
والحين على الثاني قررررت اني اراجع حكومه عند صديقات امي ايي متى ما ابي واروح بسرعه بس شررط الصبح الحين انا فاضيه لا مدرسه ولا شي بس بعدين عادي استئذانات
وبصراحه واايد احبهم انا من صغيره معاهم احووس بالمستووصف ووايد زينين وماكوو احد الا شوية اجانب لا ويوم الثلاثا بس كويتيات
وطبعا فصصووني انواع التحالليل سوولي حتى فيتامين د وتحليل حق بنك الدم وشامل بس ليلحين ماا سويت سونار ان شالله الاسبوع الياي موعدي والله يتمم علىى خير يارب

 

[تبطي عظم!]

الله يتمم عليج يارب صااجه والله واجد يمدحون الحكومه بس انا يختج تجربتي معاهم فاشله

نفسيه ولوعو جبدي وماكو كراسي انتظار والحاله حاله الباب مشرع تشوفين الي داخل طبعا هالحجي بمستشفى الجهراء قطييعه

وخليتهم يولون ورحت العرف

 

[الطموحه 84]

جزاج الله خير انج مابخلتي بتجربتج
اسال الله الصمد ان يسهل ولادتج ويسر امورج وتولدين الطبيعي ويرزقج بالحمل الطبيعي مره ثانيه علشان تفيدينه

جنج تدرين قاعده افكر اراجعهم علشان اخد المثبتات منهم لانه نصلخت والله دكتورتي امل الراشد عسل بس مااطلع منها الا بخمسين
وانا وراي مصاريف الحمدلله على كل حال الله يعوضنه

 

[@سيدة نفسي@]

اي والله انعكست الآية .. الخاص صاير أرررف من الزحمة

أصلا انا هذي شغلتي بحمايلي كلهاا ,, مراجعاتي عالحكومة

بس من الشهر الثامن أروح أراجع عند دكتورتي اللي بتولدني

والسونار أسويه بأي مستشفى كل شهرين مرة وآخذ الصور

لما أراجع,, الله يجزااااج خير عالنصيحة وياااااااااارب يتمم عليج

وتشوف بنوووتج بحضنج ,,

 

[عرووسة ضااري:$]

حبيبتي موكل حكوومي حلوو
وموكل دكتووره نفسها زينه
انا تعبت ورحت الصباح ومارضو يدخلوني مع ان بطاقة زوجي ع القيروان وقلتلهاا بطاقتي ماجددتها عشان احط العنوان الجديد طبعا احناا بالجهراا بس كنت ابي عندهم وعسى موعفيه خرعتني وسوت لي فحص داخلي ولعوزتني ونفسها شييييييييينه وعقب رحت الجهراا وياليتني مارحت كان اردى من الصباح

 

[كويتيه مذهله 87]

سبحان الله مثل تجربتي
وازيدج من الشعر بيت عطوني اجازه من الشهر الخامس لييين الولاده مجلس طبي
قالي الدكتور لو مراجعه من اول شهر جان عطوج اجازه
انتي لو مقدمه مجلس طبي بسرعه يوافقون عليج انا بعد اجهاضات مكرره وبسرعه وافقوا علي

وكملي بعد وأولدي بالصباح والله صج صج عنايه ورعايه ونفووس حلوه ماعدا طبعا الحمامات عزج الله

انا راجعت بالصباح كل شي متوفر عندي الحمدالله من ادويه وسونار ابلاش ولا بعد من دشيت السادس ربااعي ويعطيني صووور لولدي ووااااااضح كلش ماتعبت من النطرا
عكس يوم كنت اراجع عند د فوزيه صاجه اروح بال 5 ما ادش عليها الا ب 10
وسونارها بسرعه بسرعه مايمديني اسأل شي


والله تري اخذيها مني الحكومه حق الزلمات والهنود محد طايح ببطونهم الا هما
وبناتنا يروحون للخاص علبوا بسرعه او اقط فلووسي بالشمس واقعد بلظلال
انا راجعت الحكومه ابي رعايه خاصه ابي احد يسمعني عدل موبسرعه بسرعه بس نهب فلوووس 4 سنين بخاص ما استفدت شي بس نشفوا دمي والحمدالله من عقب الخاص راجعت الحكومه استمر حملي لان صج تابعوا حملي كل اسبوع وابر وحاله حاله متابعه مكثفه

انا من اول ماحللت لين ولدت اراجع عندهم والله ماعمري مر علي دكتور نفسيه ولا ستتر ومن الشهر الثامن يومياا تخطيط وكلا بالطوارئ الي مروا علي عسل ما ادري حظ او صدف

 

[وتين قلبـي]

مشكووره على التوضيييح اكيييييد في بنلت بيستفيدوون

انا عن نفسي اراجع بالصباح وبالخاص وتحاليلي بالصباح عندهم ابلاش
الصراااحه مايعلى عليه وسااعااات افكر اولد بالصباح عناايه وابره ظهر بس اللي يردني الغرف والحمام ودج بغرف وحمام خاص واهلج وزوجج عندج كل حزه مو تكون الزياره محدوده مثل الحكومه

الحين انا بالثامن وماقررت ووين اولد حدي حدي محتااره بين العرف والصباااح
والله ياارب يخيرني باللي خير لي

 

[ام حمد 85]

مشكورة على طرح تجربتج انا نفسج انهبت بالخاص بس حاليا اذا الله رزقني وحملت بفتح لي ملف اب مستوصفنا وبراجع بالمستوصف احسن

 

[الحرير]

مشكورة على النصايح

 

["*آآآنؤؤؤقهـ*"]

شي طيب

الله يسهل عليج وتولدين بسلاامه

 

[ملح الدنيا فيني]

بعد عمري بنات شاكره لكم مروركم

انا اراجع بالمستوصف ومستوصفنا مسوينه وحده لرعايه الامومه

وتري بنات اذا كنتى موظفه الصبح يحولونج لمركز يم بيتك لمتابعه الحمل العصـــــــــــــــــــــــــــــر

انت طلبى من الدكتوره


بنت خالى كانت تراجع العصر

بس انا لانى مجلس طبى وقاعدة بالبيت الحمد لله ما احتاج اروح العصر


لا تروحين المستشفى

لا خليكم على المستوصف اهو يسوى لكم كل شى واذا لسمح الله فيه اى مشكله سيده يحولكم المستشفى تاخذين العلاج وتكملين مع مستوصفك


والله روووووووووووووووووووووووووووووعه عن تجربه

 

[ام الحوراء زينب]

وي وي وي الله لايقوووووووووووووووووووول ادش الحكومه
الله لايوفقهم كل ما اروح يلعبون فيني لعب طبعا انا تابعه للعدان
والمستوصف مايستقبلني عذرهم عندي اجهاض سابق معنه وايد ناس اعرفهم عادي يدخلونهم من زين مستوصفهم بعد


الحمدلله طلعت تجربتج حلوة
بس انا لو اولد بالبيت بس ما اودي نفسي للتهلكه العدان

 

[ملح الدنيا فيني]

انا قلت متابعتى بالمسوصف

ولادتى بس بالخاص

 

[kitty eyes]

والله مو كلهم

انا مراجعاتي بالحكومة تعيسة

وكل مرة اروح ادور ملفي وانلطع للدور ولا شي يسوون لي

كل هذا واللي جابرني عليهم اني ماخذة مجلس طلي

وهذا مستشفى الجهراء لووووووووووووووووووووووووووعة

 

[Q8Lady]

فعلا انا اايد الحكومة

وبنفس الوقت للتاكيد والحرص اراجع ساعات بالخاص

 

[ابتسمامه]

سبحان الله انا العكس رحت مستوصفنا وانا بالاسبوع العاشر ينزل مني دم قلت للدكتور ابي اسمع نبظة جان يقولي اصلا مايبين النبض وعطاني موعد باخر الشهر الثالث :eh_s(1):
ورحت الخاص وعطوني مثبتات ومالله كتب انه يتم والحمدلله
والحق ينقال تحاليل الحكومه دقيقه

 

[بتبوتااا]

على بجري كل شي كان بالخاص وقالو لي انه فيني بنت ولمن رحت مره الحكومه سوولي سونار قالو فيني ولد !

بس ولدت بالخاص وان شاء الله ما اعيد التجربه يومين وانا اطلق وصناعي وشفط والشق وولدي طلع وصار فيه خلع وركبوله جهاز 6 شهور :/

المهك اني يبت وراه 3 وكلهم ولدتهم بالعدان ومراجغاتي بالمستوصف

والحين اراجع بطيبه كلينك مع انه توه مسوين مستوصف بو حليفه يديد ومافيه وايد ناس والمشكله اني ما اقوم الصبح مالي خلق :/