انا صارت لي مع مستوصفنا سالفه وكرهت المستوصف
كنت بس ابي ورقة تحليل للحمل لمن تاخرت علي الدوره بس ابي اسوي التحليل و اتاكد
والدكتوره لطعتني 4 ساعات تخيلو
وغير جذي
الي قبلي قاعدات و كل ما طقو الباب قالت لهم الدكتوره المصريه رجاااءااااان استني بره ( قولوها عاد بالمصري الممطووط)
انا تعبت من النطره
وايد 4 ساعات بس ابي ورقة التحليل !!
درعمت و قلت لها لو سمحتي انا صارلي ماخذه رقم من الساعه 8 الصبح
وألحين 11 ونص
ابي ورقة تحليل بعد انا لا حامل و لا ابي شي
و اللي قبلي وايد ناطرين
جان تقول
انا عايزه اتكلم بالتلفون
و بعدها حدخل الحمام
و انادي اللي قبلك
و لما يجي دورك
ادخلي
والله و بنفسيه خايسه
رحت شكيتها للمدير
قاعد يتقهوى
و يقول زحمه و ما ادري شنو
قلت له قبلي عشر و بعدي عشر و لحد ألحين ولا وحده دخلت و ماكو احد عندها شتنطر ؟!؟!؟
مو معقوله !
طلعت منه
و لا القى الممرضه اللي تطعم عيالي
وحده مصريه بس عسل الله خلق و فرق
قلت لها السالفه
جان تروح دقيقه تدخل عند الممرضات و تاخذ ورقه تخيلو الورقه فيها اسم التحليل برجننت تيست و بدون ختم الدكتوره بعد
وسويت التحليل
وطلعت حامل
و بدون اي تعقيد !
يعني السالفه مزاج يا حلوه
و حظك نصيبك
