واعدني بسفره وخلف وعده؟!!!!!

[ريم التميمي]

انا وعدني بسفره وبعدين بداء يتهرب من السفره واطقها زعله اسبوع وابشركم بيسفرني الاسبوع الجاي خخخخخخخ

 

[غنج اهلها]

واااي يحرون وربي زني زن على راسة وكثر الدق يفج اللحام

 

[الصعيريه]

شي يقهر يعني لاحصلتي سفره ولا الذهب اللي خاطرج فيه...


الله يعينج... بس بصراحه هذ طبعهم حااولي انج تغيرينه..

 

[مشعلله]

وااااااااااااااي
بنات اللي يقولون حاولي تغيرينه
زوجي مسند مو اي مسند مسند سدو مستحيل يتغير
حاولت اتكلم معاه اليوم طلعني اني انا الغلطانه
وهو الزعلان مادري شسوي معاه
هو من نوعية طقني وبكا سبقني واشتكى
ادعو لي بنات

 

[om hmad]

الله يعينك..ويهديه

 

[ام _خلودي]

كبرى عقلج

 

[ام دودو المزيونه]

اختي سمحيلي وعفيه لا تزعلين بس ابصراحه انتي تدلعين ليش ارضاوه اهو افقير شمسوي فيج هانج والا طول السانه عليج بفورة غضب والا ممتنع عنج بالفراش علشان كل هذا اشدعوي واذا ما سافرتي هالسنه وهو سافر تهدمين بيتج علشان سفره ولا تقومين بواجبج اتجاه زوجج والله حرام عليج لازم ذهب وسفر والا اطنقر وكل ييب وهات والا ازعل
ابصراحه الله يعين الرياييل الي حريمهم جذي زعل ودلع علي شيئ تافه

 

[مشعلله]

ياقلبي يا ام دودو
انا اللحين طخيت ورضيت بعد مالك الا خشمك لو كان عوج
الله يسخره لي بس

 

[حشمه]

وبصراحه انا خاطري بذهب من مده واللحين صار هالسبب وابيه ياخذ لي ذهب ارضاوه
شالحل معاه وشتنصحوني فيه​

اختي السفر سبب ثانوي لزعلج انتي متضايقه

ليش ماياب لج رضاوه

قولي الحمدلله وحاولي معاه

وتناقشي بس مو بزعل ووضحي له

وجهه نظرج بدون لاتلمحين له انج تبين

رضاوه لين اييب لج بروحه والله يسخركم حق بعض

 

[قلب بناتي]

عادي حبيبتي
انا زوجي كل يوم يبي يسفرني دوله وخلصت العطلة وانا ماشفت شي

 

[غنوة ستايل]

الله يهديه

 

[مرت الأيام...]

عااااااااااااااااااااادى انا صارلى 5 سنين متزوجة تدرين جم مرة سفرني ؟
مرة وحدة لا و بشرط كان يبينى احمل مع ان ولدى الاول كان صغير و هالحجى من قبل 3 سنين ونص !!!!
و الحين ما شاء الله عندى 3 اطفال بعد وين اسافر و وين اودى عيالى .......... انا خلاص شلت سالفة السفر من بالى
خليها على الله

 

[brettey]

مالج الا الدعاء والاستغفار

 

[@عطر@]

أنا نفسك وعدني وما وداني قعد يسوي مشاكل عشان يكون له عذر يوم ما وداني وسافر لمصر وخلاني أنا وعيالي بس ما سلمت عليه يوم سافر وتخيلي ما اتصل فيني ولا مرة حتى لما أدز له مسج ما يرد علي يتصل على نقال ولده ولا عبرننننننننننننننننننننننننننننننننننني ولا استفدت شئ ولاني قادرة أسوي شئ ولا حتى بيدي حيلة
مالك أختي العزيزة إلا الصبر والدعاء

 

[كويتيه وافتخر]

معاج حق تاخذين بخاطرج
بس باعرف تنظيف البيت مو وراج وراج يعني هو بينظف عنج مثلا

نظفي بيتج ماما وغسلي الملابس لاتكودين الشغل مردج بتسوينه
وخل يراضيج باساليب ثانيه مو باهمال البيت
كلميه ابجي
وبعدين انتي اللي سمحتي له

ذكرتيني بنفسي
زوجي قال بسافر اسبوع مع ربعي
قلت روح كنا تونا رادين من سفره شهرين ومشتاقه لهلي
المهم الديره اللي راح لها مش ولا بد مع انه انا واثقه بزوجي
بس الناس ماخلتني اشلون خليتيه وليش وليش وبيضيع منج ومن هالكلام
كبر براسي وزعلت حتى التلفون ماارد عليه
لمن رد قلبها علي قال انتي ماعارضتي شكو تزعلين الحين خخخخخخ ورضيت
الزبده دام رضيتي يروح بروحه 00 لاتزعلين
واذا تبينه يواعدج بشيء خليه مقدم خخ يعني جان سفرج قبل وشرالج وراح عقب
وبعدين مالت عليهم هالرياجيل اشحلات السفر فيه من غير الزوووجه ؟؟؟؟؟

 

[الشهد كله]

بس زوجي شيبي فيني غير حق الفراش وبس
وانا اللحين ممتنعه من كل شي ماطبخ ولا اغسل ملابسه حتى ملابسه حقة السفر للحين موجوده بالصاله ماشلتهم اغسلهم انا مارحت معاه عشان انظف له واكرف على الطل ولا ارتب البيت من جيت البيت والبيت مغبر مانظفته ولا لي نيه انظفه الا اذا ارضاني
يعني اللحين انا مسويه اضراب واحس انه بدا يتاثر شوي

ماشاء الله عليج قايمة بالواجب وزيادة ، والحل كاهو عندج ، ليش تطلبين المساعدة :ggdw::ggdw::ggdw:​

 

[مشعلله]

خخخخخخخخخخخخخخخ
اكثر ردضحكني ياحليلك يالشهد وراس خشيمك
سفرني_03ba:
وداني دبي اسبوع عن خاطري ماقصر
الحمدالله العوض ولا القطيعه
مشكورين اللي تفاعلو معاي

 

[الشامريه]

مااااا أعتقد انه لج حق تزعلين





لأنه هو اصلا مو ملزوم انه يسفرج



يعني تعوذي من الشيطان واهتمي في بيتج لأنه الي تسوينه الله مايرضاه

 

[غلا ماجد]

خلاص لا تزعلين و مرة ثانية اذا وعدج لا تصدقينه

 

[حرم راشد الماجد]

حبيبتي العمر جدامكم
اليايات اكثر انشالله

لاتكبرين الموضوع واله ترا الامراض تخوف وتو وحده اسم الله عليكم متوفيه بانفاونزا الحنازير الله يرحمها توها بنيه بالعشرينات وحامل مسكينه بالثامن الله يصبر اهلها يارب

ويمكن خيره حبيبتي لا تضيقين خلقج