واعدني بسفره وخلف وعده؟!!!!!

[ام حلومي]

الله يعينج حبوبه

 

[مشعلله]

مااااا أعتقد انه لج حق تزعلين





لأنه هو اصلا مو ملزوم انه يسفرج



يعني تعوذي من الشيطان واهتمي في بيتج لأنه الي تسوينه الله مايرضاه

ليش ياقلبي مو ملزوم يسفرني
اجل منو اللي ملزوم ابوي ولا جدي اللي ملزوم
سبحان الله ردك الحاله تحفه
حبيبتي الرسول صلى الله عليه وسلم كان لما يبي يسافر يسوي قرعه بين زوجاته ولي يطلع سهمها هي اللي تسافر معاه
واعتقد الرسول عليه الصلاة والسلام هو قدوتنا
واتمنى تغيرين رايك وتخلين زوجك يصير مسؤال يسفرك

 

[انونا]

حبيبتي الله يهداج زعلي بس مو معناته ان ما تنظفين ولا اتغسلين ملابسه

يبه عاتبيه بدلع وبتغنج ترا يموتون من هالشي

 

[tota kim]

هههههههههه انا لف فيني العالم وانا قاعدا ابمكااني ههههههههههههههه

 

[مشعلله]

زوجي مايمشي معاه الدلع والدلال
يعني مقطع السمكه وذيلها على قولتهم
بالعكس انا اللي ادلعه لو تشوفونه لما يتزعل ويتدلع اقول الله يخلف علي


بس رجاجيلنا غير شكل الله يعوضنا بالجنه

وابشركم سفرني اسبوع دبي

 

[احلى مونترو]

شلونج حبيبتي .. انا بقولج موقف صار معاي واتمنى اني اقدر اساعدج واريحج
اول ماتزوجت ماقدرت اروح شهر عسل بسبب امتحاناتي ووعدني بسفرة للإمارات طبعا تششققت من الوناسة وشديت حيلي ونجحت ولما كنا نحضر للحجز ووقت السفر الحمدالله طلعت حامل وطبعا امي وخاتلي عارضو اني اسافر وانا بأول اشهر حملي طبعا ضاق خلقي بس حمدت بي عالنعمة وانة رزقني بالحمل
جاني الحبيب وقال انا براسي سفرة بروح مصر مع ربي مت قهر استجنيت وطبعا لا حياة لمن تنادي
قال خليني اسافر واذا ولدتي وعد مني اوديج اوروبا
طبعا راح ودمعتي على خدي وكنت اقول يبيع علي حجي يسكتني عشان يسافر
المهم ولدت الحمدالله كانت ولادتي متعسرة بس ربج كريم
بعد طلعتي فاجأني بسفرة حق 4 دول اوربية وربي ماكنت مصدقة حسبالي يتغشمر
ف يا حبيبتي طولي بالج وان الله مع الصابرين
حاولي تملكين قلبة وصدقيني بروحة بيجيج يذكرج بالوعد
وموفقة حبيبتي

 

[مشعلله]

مشكوره ياعمري
وصحيح هو عوضني بس مو الديره اللي ابيه