السلام عليكم
حبيبتى انا بقول لك تجربتى وان شاء الله تفيدك لو بالشي القليل
ياعيونى انا اسافر امريكا لعلاج بنتى كثير ةهالسفر خسرنى وظيفتى
وبعد مارجعت للديرة ولقيت انى فاضية وانا انسانة ماحب الركود والكسل وعندى بفضل من الله الذوق والموهبة قمت اسوى لبناتى اكسسورات هاند ميد وفيها لمساتى الخاصة هذى نقطة مهمة حطى ذوقك بالشغل مو ذوق الزبون لانك راح تشوفين ناس ذوقهم مو حلو وتفرض عليك شغلة فى قرارة نفسك مو عاجبتك يعنى لازم يكون عندك مبدا وامانة في الشغل ولمستك الخاصة اطاوع الزبون بس مو بكل شي المهم قعدت اشتغل على اكسسورات اسبوع وجونى خواتى وبنات اخوي وشافوها وانجنو عليها بعضهم يحلف انة شافها بلبنان واقل جمال منها وبسعر غالى حيل وشرو منى ولله الحمد وصارو يدزون لى لبس البنات ولا يطرشون لى صور بدلهم واسوى لهم اكسسوار كااااااااااااامل للبدلة وتطلع خيال ومنها يستفيدون من نفس الاكسسوار بقطعة ثانية وشجعونى ودخلت معرض ولاقى نجاح كبير ولله الحمد بعد كذا صارو يجونى زباين يبون اخيط لهم الفستان والخام والموديل من عندى واحط علية من شغلى وفعلا تطور الموضوع الى انى اسوى فستان سمبل عند خياك واسوى علية لمساتى الخاصة من احزمة او كرستال او او او وخلافة بس كان شغلى في البيت والحمد لله كان شي ممتاز المعارض الحريم يسرقون الفكرة ويطبقونها بقبح صراخة انا ولله الحمد يدى كريمة بالشغل اقول لاطلع باسمى الاهو شي يملى العين ومن المراة سويت بدل صباحية لبنت اخوى بزواجهم بسعر معقول جدا ومن الاشياء المفرحة انة مفكرين بدلتها مسواية عند مصممة عالمية بدبى وهذا الشي افرحنى كنت ابحث على الشي الغريب واجيب خامات من خارج السعودية واصمم لنفسي ولبناتى ويشوفون ويطلبون نصيحة لاتجمعين اقمشة كثيرة عندك خذى كل شي منة حق لبستين وفصلى لك واعرضى وقولى اسوى وبيطلبون ولاتكررين لان التكرار يحرق الشغل وابدى بدابة بسيطة ولاتشتركين بمعارض الحين خليها قدام شوى مرحلة ثانية وشوفى انا بديت باكسسوار والزباين وصلونى للخياط وتركيب شغل على فساتين وبدل سادة وانصحك ونفسى بالامانة وحطى من الشي الزين لان الناس صارو يعرفون الحين الغالى من الرخيص والزين من الشين ولاتكررررين واسوى بعد صيانة يعنى خرب اكسسوار اوخرب تركيب على الفستان من اللبس ارجع اظبطة لهم لاتاخذين الموضوع مادي اكثر من انة شغل شرطة الاول والاساسى رضى صاحبة الفستان اسفة على الاطالة بس ان شاء الله اكون افدتك لو بشي بسيط وبالتوفيق والله يرزقك الرزق الحلال الطيب فديتك
