اولا عيدكم مبارك ثانيا توقيعج شدني فدشيت موضوعج وقريته
ثالثا معاج اختج ام عبدالله الملقبه بالتاجرة بواسم
خبره 5 سنوات بالمشاغل وتنظيم المعارض والمشاركة فيها
حبوبه الله يوفجج ويسرلج امرج من خبرتي بهالشغله
اول شي وهو الي عندج حب المهنه والنفس الحلوة والهوايه وهذا ان شاء الله موجود عندج
نصيحتي لج بما انج بالبدايه فافضل شي انج تخيطين جم موديل بس يكون قياسج علشان حتى لو ما نباع
تقدرين تلبسينه انتي وبعدين ممكن تعرضينهم عند زميلاتج واهلج وجماعتج لا تستعجلين وتخيطين كميه
ونصيحه خيطي من كل موديل حبه او 2 وغيري بالالوان ولا تودين حق خياطين البولكات نصيحه
راح يطلع الموديل منهم وينتشر وبجذي تخسرين الموديل .
وبالنسبه كبدايه ممكن تشاركين وحده بمعرض لا دشين بروحج كاول مرة وممكن تعرضينهم عند احد ماجر طاوله
بس افضل انج تكونين موجوده . ونصايح الاخت فطومه حلوة وبالنسبه لسعر لا تغلين فيه لان الناس تحب الشي
الغير مبالغ فيه والربح البسيط الله يبارك فيه . ودوري خامه حلوة وبنفس الوقت سعرها مناسب ودوريلج
خياط شاطر يضبط الموديل . وممكن تعرضين جم قطعه بالمنتديات او ممكن دزين مسجات
وانا عندي هالخدمه 1000 مسج ب 10 دنانير . ولما تتوسعين سويلج كروت بالمطابع بس موالحين
وحبوبه راح تلاقين انواع واشكال من الناس لازم يكون صدرج وسيع وتعاملج حلو معاهم وهذا اهم شي .
وموفقه لاي استفسار اختج ام عبدالله موجوده .
وممكن تشرفيني بمشغلي في بيتي وتاخذين فكره اذا تحبين .
ثالثا معاج اختج ام عبدالله الملقبه بالتاجرة بواسم
خبره 5 سنوات بالمشاغل وتنظيم المعارض والمشاركة فيها
حبوبه الله يوفجج ويسرلج امرج من خبرتي بهالشغله
اول شي وهو الي عندج حب المهنه والنفس الحلوة والهوايه وهذا ان شاء الله موجود عندج
نصيحتي لج بما انج بالبدايه فافضل شي انج تخيطين جم موديل بس يكون قياسج علشان حتى لو ما نباع
تقدرين تلبسينه انتي وبعدين ممكن تعرضينهم عند زميلاتج واهلج وجماعتج لا تستعجلين وتخيطين كميه
ونصيحه خيطي من كل موديل حبه او 2 وغيري بالالوان ولا تودين حق خياطين البولكات نصيحه
راح يطلع الموديل منهم وينتشر وبجذي تخسرين الموديل .
وبالنسبه كبدايه ممكن تشاركين وحده بمعرض لا دشين بروحج كاول مرة وممكن تعرضينهم عند احد ماجر طاوله
بس افضل انج تكونين موجوده . ونصايح الاخت فطومه حلوة وبالنسبه لسعر لا تغلين فيه لان الناس تحب الشي
الغير مبالغ فيه والربح البسيط الله يبارك فيه . ودوري خامه حلوة وبنفس الوقت سعرها مناسب ودوريلج
خياط شاطر يضبط الموديل . وممكن تعرضين جم قطعه بالمنتديات او ممكن دزين مسجات
وانا عندي هالخدمه 1000 مسج ب 10 دنانير . ولما تتوسعين سويلج كروت بالمطابع بس موالحين
وحبوبه راح تلاقين انواع واشكال من الناس لازم يكون صدرج وسيع وتعاملج حلو معاهم وهذا اهم شي .
وموفقه لاي استفسار اختج ام عبدالله موجوده .
وممكن تشرفيني بمشغلي في بيتي وتاخذين فكره اذا تحبين .
