هنا مراسلتكم من لندن عاصمة الضباب ........ ""ام مرام""

[ســدرة المنتهى]

شلونج هداوى انا ح عرفتينى صج انتى بالندن

 

[ام_مرام]

هداوي شلونج
دزيت لج مسج عالخاص

 

[ام_مرام]

بنات نسيت اوصيكم بشي مهم ...
هالله هالله بقمصان النوم
ترى البنات هني ما يلبسون شي
طايحين بموضة الشورت القصير حيييييييل ... يعني نفس السروال الداخلي بس على جنز
انا نسيت احط القمصان بالجنطه
التهيت ب أغراض السفر : الاكل و الملابس
و نسيت القمصان

 

[RAIN FALL]

الله يوفقك يا رب الصراحة انتي مو مقصرة
يا مراسلتنا الحبوبة

 

[ام_مرام]

هذا كتاب باي باي لندن نزلته لكم بموضوع في بوابة السفر عشان الكل يستفيد :
http://www.q8yat.net/showthread.php?p=9031427&posted=1#post9031427

 

[ام_مرام]

الله يوفقك يا رب الصراحة انتي مو مقصرة
يا مراسلتنا الحبوبة

الله يسلمج يا قلبي

 

[اشتاق الى الجنة]

اختي ام مرام مافي لقاح موجود حاليا

وينصحون المسؤولين بارتداء الكمام لعدم التعرض للرذاذ المباشر وعدم اللمس يعني المصافحة شوفي انصحكم تروحون المكتب الصحي وتسالون عن مدى انتشار الوباء عندكم في لندن ولا تحاتين حبيبتي في اوروبا لقوا كم حالة بس القلة القليلة هذا على مستوى اوروبا

انشالله بقدرة قادر سبحانه اللي نزل هالوباء قادر انه يرفعة

 

[ام_مرام]

بنااااااااااات
اليوم دقوا علي المكتب الصحي قالوا لي عمليتج باجر ... تعالي اخذي ورقة الضمان الصحي
رحنا لهم و عطونا ورقه و قالوا باجر 11 تكونين بالمستشفى
الله يستر
على فكره .... صار لنا اسبوع ننطر المستشفى يدقون يعلمونا الموعد ما دقوا
خليت زوجي امس يكلم الدكتور على موبايله و بعدها على طول دقوا علينا المكتب الصحي
ان شاء الله باجر ان قمت بالسلامه و طلعت من المستشفى اقولكم شيصير

 

[ام_مرام]

الله يستر يا مس جاندلوفي
عاد اليوم كنت بالمكتب الصحي و نسيت أسألهم

 

[* رُقِي *]

بنات شلونكم؟
تبون الصج؟
انا حدي ضايق خلقي
بسبب اللي منتشر : انفلونزا الخنازير
الله يستر
قريت انه موجود بدول اورويا
و انه صادوا حالتين في اسكوتلاندا و حطوهم بالحظر الصحي :: موجوده في بريطانيا : بالشمال
أسألوا لنا عن تلقيح او اي شي نأخذه
اللي تعرف شي تعلمني

الله يحفظكم يا أم مرام ويبعد عنكم كل مكروه

هذا كتاب باي باي لندن نزلته لكم بموضوع في بوابة السفر عشان الكل يستفيد :
http://www.q8yat.net/showthread.php?p=9031427&posted=1#post9031427

لج كل الشكر ,,,

 

[اشتاق الى الجنة]

هلا اختي ام مرام اشلونج

شالسالفة مو المفروض الدكتور يعطيج موعد عشان العملية

وشكو المكتب الصحي يدق عليج والله احس انها عفسة اعفسونا هني وبيعفسونا برا والله ما تسوى علينا

والعملية اللي بيسويها لج منظار والا الانابيب

بالتوفيق يا ام مرام والله يقومج بالسلامة ولا يضيعلج تعب ويرزقج

 

[اشتاق الى الجنة]

الله يستر عليج يا ام مرام والله يقر عينج بشوفة مرام واخوها ان شاء الله

اختي ام مرام ديري بالج من هالوباء المنتشر واسالي العرب عندكم واسالي دكتورج ترا اهم ادرى والله اني مابي اخرعج بس ابيج تديرين بالج انتي وزوجج وتاخذون احتياطكم

اطلب من الله العلي القدير مثل ما انزل هذا الوباء اللي له حكمة بنزوله لا يعلمها الا هو ان يرفعه عن الأمة الاسلامية ويحميها ويحفظكم ويحفظنا يا رب من كل شر

 

[RAIN FALL]

الله يوفقك يارب اجر و عافية يا رب انشاء اللة النتايج تفرح

 

[ام_مرام]

جزاج الله خير
انا بأسوي المنظار
موعدي بعد ساعه و ألحين نمشي نروح لهم
مع السلامه
اشوفكم على خير

 

[RAIN FALL]

الله يسهل عليك يا ام مرام و انشاء الله ماكو الا العافية
و بانتظار الاخبار الي تفرح

 

[ام_مرام]

بنات شلونكم
من شوي جيت من المستشفى
و الحمدلله سويت المنظار
منظارين ... بالرحم و بالبطن
بأقولكم من بداية اليوم :::
من أمس قالوا لي لا تأكلين اي شي أبتداء من أمس
رحنا موعدنا عالساعه 11 الصبح
و معاي ورقة المان الصحي اللي من المكت الصحي
عطيت الورقه ل السكرتيره بمستشفى جايز
قالت الدكتور مو موجود .. و بالورقه مبين انه العمليه بمستشفى ثانيه مو جايز
قلنا لا الدكتور ولا المكتب قالوا لنا عن المستشفى
المهم نقعونا تقريبا نص ساعه او ساعه الا ربع .. بعدين كتبت لنا اسم المستشفى اللي راح أسوي فيها المنظار
أسمها : guy's nuffield house
المستشفى تابعه ل جايز
بس برى .... لما تطلعون من جايز روحوا يسار و كملوا سيده بعدين يمين .... رحنا لها مشي لانها قريبه
لما رحنا عطونا الرسيبشن ورقه نعبيها ... معلومات عننا
و بعدين ودوني غرفه خصوصي .... غرفتي
و جتني ممرضه ... تقول انا المسئوله عنج .. ان بغيتي اي شي علميني
و كل شوي تجي تقيس الضغط
و عقبها جتني دكتورة التخدير .... سألتني أسئله مثل .. عندج حساسيه من دوى معين؟ شنو العمليات اللي سويتيها من قبل؟
و بعدين جا دكتور اجنبي سألني شوية أسئله
و بعدين جا الدكتور يعقوب خلف
و قال لي وقعي على الورقه ... مكتوب فيها اني بأسوي منظارين ... و وقعت
و قال شوي نبدأ العمليه
و عالساعه 1 الظهر ... الممرضه جابت لي ملابس العمليه ... و معاها سروال داخلي و طاقيه شعر و دلاغ ( أول مره ... طبعا ما عندنا هالسوالف بالكويت )
بس ما شاء الله عليهم ... الممرضات و الدكاتره حبوبين و طيبين بشكل مو طبيعي
عقب ما لبست ... دزوني بالسرير ل غرفة العمليات ...
و عطوني ابرة التخدير و الاكمام ... و طبعا ما حسيت بشي
نوووووووووووووووم
و بعدها بساعتين تقريبا صحصحت شوي
لقيت وحده ممرضه قاعده عندي بغرفة الملاحظه
قالت لي : انتي زينه؟ تحسين بشي؟
كنت مخدره و مو قادره اتكلم ... و كنت اتوجع و ماسكه بطني ....
كان فيه عوار خفيف ببطني و ب بلاعيمي .... بسبب الوايرات ... مددوا وايرات بالبلاعيم و من تحت
قامت الممرضه تتحلطم و تقول ل ممرضه ثانيه : المريضه مو فاهمتني و ما ترد علي ههههههههههه
انا فاهمتها بس مو قادره اتكلم ... كنت منعسه و تعبانه
بعدين طلعوني لغرفتي و صحصحت
و زوجي الغالي ما قصر .... قعد معاي و جاب لي اكل ... بس الممرضه قالت لا تأكلين الا عالساعه 6 المغرب
و طبعا انا من امس ما اكلت شي
يعني مت من الجوع
بس قالت لي اشربي ماي و كثري منه
و كنت كل شوي اشرب ماي
و عالساعه 6 جابوا لنا الاكل ... جابه لنا طباخ عربي قال انه الاكل حلال
طلع الاكل صحن ستيك سمك و معاه صحن فواكه مقطعه
ما عجبني ... خليت زوجي يأكله عليه بالعافيه
و مره خليتها تجيب لي شاي بحليب ... و مره خليتها تجيب قهوه و عطيتها زوجي
الصراحه ما قصروا
و طبعا الدم مستمر ينزل علي نفس الدوره لكن أخف
و قالت لو صار الدم كثيف يعني نزيف لباجر ... لازم تتصلين علينا نشوفج
و قالت اليوم ترتاحين ما تتسبحين
تسبحي باجر
و عطتني لزاقات احطها على مكان العمليه لما اجي اتسبح
طلعوا شاقيني فتحتين ... فتحه على السره و فتحه تحت السره بشوي
و قالت لا تروحين ب الاندرجراوند ... روحي ب تاكسي
عشان لا احد يطقطج على بطنج و ما تتعبين من السلالم
و قالت لزوجي اطلب لكم تاكسي؟ قال اوكي
طلبت لنا و جابنا لشقتنا ب16 باوند
التاكسي هندي مسلم و عطانا رقم الشركه اللي هو تابع لها
قال ان بغيتوني قولوا نبي رقم

اللي يبي الرقم موجود عندي
زوجي قال بعدين اذا ابيك تجيبني للمستشفى بكم؟
قال أغلى بواجد ...
لانه مقرنا عند مستشفى جايز ... اخذك من المنطقه لاي مكان تبيه ... بس ما اخذك من أي مكان
قلت لزوجي خل الرقم معانا عشان اي عمليات يودينا للبيت بعدين ان شاء الله
و الممرضه عطتني علبتين حبوب ... علبه حبتين أربع مرات باليوم كل اربع ساعات يعني المجموع باليوم 8 حبات
و العلبه الثانيه حبه او حبتين ثلاث مرات باليوم كل 6 ساعات

يتبعععععععععع

 

[ام_مرام]

نسيت اقولكم .... قبل نطلع من المستشفى اتصل علينا الدكتور
... على تلفون غرفة المستشفى
رد عليه زوجي ... كان يتطمن علي
و قاله زوجي .. طلع فيها شي بالمنظار؟
قال الدكتور : طلع موجود ببطانة الرحم زوائد لحميه ... شلناها ... هي اللي كانت تمنع التصاق البويضه بالرحم و الله اعلم
بس الانابيب سليمه ما فيها شي و مفتوحه
استانست
و زوجي قال الحمدلله انه فيه شي و تعالج ... أحسن من ما يقول ما فيكم شي
و قال الدكتور بعد يومين نعطيكم موعد نشوفكم
أنا منبطه جبدي من دكاترة الكويت الله لا يوفقهم
كنت دايم اقولهم ودي اجرب المنظار ... يقولون دام اشعة الصبغه زينه معناه ما فيج شي .. ماله داعي المنظار
الحمدلله ... الحمدلله على كل حال
نصيحه يا بنات ... اللي طولت ما حملت ... سوي المنظار من الجهتين ... البطن و الرحم
أنا اول مره اسمع عن الزوائد
و ترى العمليه ما تعور ... لانه بنج كامل

نسيت أهم شي ...
أشكر أختي و حبيبتي الغاليه ... الاخت هداوي المطيري
والله ما قصرت جزاها الله خير ... كل شوي تدز لي مسج و تتطمن علي
و المفروض اني كنت اشوفها هناك ... مواعيدنا صارت مع بعض صدفه حلوه
لكني ما قدرت اشوفها
و كلمتني بالتلفون
و ان شاء الله اقابلها عن قريب
واله و نعم الاخت جزاها الله خير

 

[نيبال الايمان]

ضى الايمان


الف الف حمدلله على السلامة يالغالية وان شاء الله باذن واحد احد الله يكتب سبب حمالج بهالمستشقى وعند هالدكتور وما تمر هالسنة الا وانتى حامل اللهم امين يارب 000


زين ياعمرى ما فى مترجم او مترجمة بالمستشفى 000 يعنى للى مثل حالتنا اللى يطقطق بالانجليزى 000 لانه اذا صج مافى صج بنتورط ياحسرتى انا يعنى بالانجليزى وريلى ميييييييييييييييح الله يعينا 000

المهم ياعسى الله يرزقج يا ام مرام ويرزقنى ويرزق كل محروم ومحرومه منهم اللهم امين يارب

 

[اشتاق الى الجنة]

اختي ام مرام ول شي الف الحمدلله على سلامتج :ggdw: ومثل ما تطمنتي على نفسج بعد المنظار ان الله يطمنج بسماع خبر مبروك مداد انتي حامل ان شاء الله :klhfl:

بغيت اسالج ام مرام بخصوص المترجمة اشلون انا ما اعرف انجليزي واشلون على الاكل والقهوة وهالسوالف تدفعين افلوسهم والا شلون

والدكتور يكلمج عربي والا انجليزي

والف شكر لاختنا الغالية هداوي المطيري يعل فالها التوفيق ان شاء الله

 

[أسيل]

الحمدلله على سلاااامتج يا مراسلتنا الغاااااليه المرام والحمدلله انج تعالجتي من الشغله اللي كانت مانعه الحمل عندج والاخت هداوي ياحلوها

سلمي عليها والله يجزيها الف خير على سؤالها عليج