ضى الايمان
ياعمرى اسفه والله اسفه بس سؤال اخير 000
انا اليوم رحت مع زوجى عشان الفيزا انا قالوا لى بعد 5 ايام استلمها وريلى بعد 15 يوم ليشنه بدون بس المشكله اللحين انه اذا فعلا استلمناها بعد 15 يوم يوم يعنى تصير قبل موعدنا مع الدكتور بيوم او بنفس اليوم وفى ناس تقول احتمال ما يعطونا الفيزا كون زوجى بدون 000
والله محتارة متى بحجز واذا بحجز اخاف ما يوافقون على الفيزا مادرى شسوى 000 انتى ما تعرفين شى عن هالموضوع
يالغاليه ماله داعي تعتذرين
انا تحت امرج بأي استفسار تبينه
بالنسبه ل البدون والله ما ادري عن فيزتهم
لا تحجزين الا لما تطلع فيزتج و فيزة زوج
اذا الفيزا تطلع قبل موعدكم بيوم .. اعتقد ما يمديكم تلحقون على الموعد ...
كلمي ادارة العلاج بالخارج و فهميهم وضعج
اعتقد الاحسن لو تأجلين موعدج مع الدكتور كم يوم الى ان تطلع فيزتكم و تحجزين التذاكر
خوفج تحجزين التذاكر و تخلصين كل شي ... و ما تكون طلعت فيزة زوجج ... و تتوهقين
ان شاء الله ما تتوهقون ...
و الصراحه ما اعرف احد نفس وضعج
الله يعينكم
أخــتــى الـــمــرام إذا أنتــــم تـــحــبـــون الـــشـــاورمـــا عـــنـــدكـــم فـــى مــطــعــم مـــشــهــور بالـــشــاورمــا
يــفــتـــح بــلــيــل بــعــد الـــمــغـــرب يــعــنــى الساعه9 بجــــانــب ســوبـــر مـــاركت بــــركــــه وفى بــعــد ســوبر
مــاركت 24 ساعه عند مــحــطــة الــبــاص اللى عـــنــد عـــمــارة الــبارك وست
مشكوره ام افنان على المتابعه و على المعلومات الحلوه
و ان شاء الله اجرب هالمطاعم اللي قلتي عنها
ضى الايمان
تسلمين ياعمرى وياعساج ذخر لنا وعسى الله لا يضيع لج تعب ياعمرى وان شاء الله باذن واحد احد ما تمر هالسنة الا وانتى مبشرتنا بخبر حمالج اللهم امين يارب 000
وياريت ياعمرى تعطينى رقم ضياء السمسار احتياط والله يعطيج الف عافية ان شاء الله 000
وياعسى الله يرزقج ويرزقنى ويرزق كل محروم ومحرومه منهم اللهم امين يارب
جزاج الله خير
رقم ضياء : مع فتح الخط:
004478317222722
و هذا رقم أبو أمير عنده شقق في كرومويل ... كنت ابي فيها بس ما كان عنده شقق فاضيه:
00447765162796
و عندي ارقام كثيره لكن عندهم شقق ب الاجورود ..
الاحسن تكلمينهم قبل تجون بكم يوم عشان يحجز لج الشقه
هلا حبيبتي ضي الايمان والله مادري شقولج غير اني اقول الله يسهل فيزا زوجج ويعجلها على خير وتروحون وتردون مجبورين الخاطر ان شاء الله
تصدقون ليما اخذت من ادارة العلاج ورقة الفيزا الا مغيرين حرف باسم عايلتنا حسبي الله عليهم لا واسم زوجي مال كتاب الدوام شايلين حرف من اسمه وصار اسم ثاني يعني وبعدين معاهم قسما بالله يوم شفت الاوراق وقلت لزوجي عن هالاغلاط قام يعصب وقال يعني شونو اروحلهم بعد حسبي الله عليهم يعني لي متى بس
اختي ام مرام طمنيني عن الاحوال هناك ترا زوجي اشوي عسر ونفسيته بخشمه انتي خرعتيني بسالفة السكران اللي شفتوه واشلون تاخذون وتعطون مع اللي يودونكم الاماكن تراني لا انا ولا زوجي نعرف انجليزي
قصدج اي اماكن؟
يعني اماكن سياحيه قصدج؟
اذا قدج مثلا نبي نروح شقتنا ... نوري سايق الباص ورقه فيها عنوان شقتنا و هو يقول لنا وين ننزل
اما الاماكن السياحيه ... معانا كتاب روعه اسمه باي باي لندن
فيه خريطه و فيه الاماكن بالعربي و الانجليزي
لا يطوفج .. خليه معاج
