جزاكم الله خير يالغاليات على مروركم الحلو
والله انه زوجي كل شوي يدعي على الروضان
نسيت اقولكم ... ديروا بالكم من التكاسي
تخيلوا .... ركبنا تاكسي مرتين .. و بالمرتين نصبوا علينا
هم يمشون ب عداد
يحطون العداد على 4 باوند و شوي
بالمره الاولى سكتنا ... اما بالمره الاخيره و احنا جايين الشقه الجديده ...
زوجي قال ل السواق ليش زايد العداد؟ قال عشان معاكم جناط
المهم ما شال مع زوجي الجناط
لما وصلنا الشقه الجديده نزل شنطه او شنطتين مع زوجي
راح زوجي يحاسبه ولا يقوله السواق عطني 5 باوند زياده
قال زوجي ليش؟
قال عشان شلت الجناط معاك
قال زوجي انت ما شلت الا جنطه و انا ما طلبت منك انك تشيلها
و قاموا يتهاوشون و يسبون بعض بالانجليزي هههههههه
و رضى السواق و مشى
لا تعطونهم وجه ولا تخلونهم يقصون عليكم
اصلا ما احب اركب مع التكاسي هني نصابين
ما نركب التاكسي الا لما ننقل شناطنا
اشتروا بطاقة الاويستر ( بطاقه لركوب الباص و الاندرجراوند ) تعبونها على كيفكم ... ممكن يوميه او اسبوعيه او شهريه
ضى الايمان
ياعمرى ياعساها شقة مباركة وان شاء الله ترتاحين فيها وفيها ان شاء الله تبشرينا بخبر حمالج اللهم امين يارب 000
ياعمرى بجم اخذتى الشقة وهى قريبة من المستشفى ولا لا 000
والدكتور يعقوب خلف اللى راجعتيه وشنو قال لكم يعنى ان شاء الله متى تبلشين بالعلاج والسحب والارجاع وهالسوالف 000
يوووووووووه ادرى دوختج ياعمرى بس انتى مراسلتنا هناك طمنينا عن الاسعار وشلون معاملة الدكتور واجراءاتهم معقده ولا سهالات 00
وان شاء الله باذن واحد احد تبشرينا بخبر حمالج اللهم امين يارب
وعسى الله يرزقنى ويرزقج ويرزق كل محروم ومحرومه منهم اللهم امين يارب
جزاج الله خير
بالعكس ما دوختيني ولا شي
انا تحت امرج بأي شي تبينه
الشقه الجديده ب 300 باوند
مو قريبه من المستشفى .... نروح للمستشفى باندرجراوند او تاكسي
دورت شقق حوالين المستشفى ما لقيت
لانها جنب جامعه و كل السكن اللي هناك حق الطلبه الجامعيين
الدكتور ما شفته الا مره الثلاثاء اللي طاف
قال الاسبوع الجاي ندق عليج نحدد موعد للمنظار و بعده نشوف متى نبدأ العلاج
بس للحين ما دقوا علي
ام مرام ربي يوفقج بالشقه اليديده وترتاحين فيها انشاءالله انا في 2006 كنت بلندن عند الطرنيسي بس ربي ماكتب لنا والحمدالله على كل حال وبالنسبه للجمعيه انا كنت اشتري من ازدا او التيسكو صج اسعارهم زينه وتلقين كل الي تحتاجينه بس كنت اخذ جنطه معاي كبيره هاند باق كبير عشان احمل الاغراض فيها وشوي بعيده بس احسن تشترين والباجي اذا احتجتي شغلات بسيطه اخذيها من يمج واذكر كان الي نعرفه هناك واحد عراقي اسمه بوحيدر واهوه شوي ضبطنا وكنت ساكنه بالاكسفورد واجرناها من مكتب وخوش مكان بس يمكن تكون غاليه عليج لان بالشهر 800 دك تطلع وضحكتيني على الفار والله
بس انشاءالله اليديده تكون لكم منزل مبارك واذا حابه شى انا بالخدمه وربي يفرجها ويرزقنا زنرجع ديرتنا ومقضيه حاجتنا انشاءالله ويرزق كل محرومه يااااااااارب يااااارب ياااااااااارب ونسألكم الدعاء
(ربي لاتذرني فردا وأنت خير الوارثين)
يا هلا والله بأهل امريكا
جزاج الله خير و يا رب تبشرينا بالخبر السعيد عن قريب
انا سمعت عن اسدا و تيسكو و ان شاء الله على يوم اروح لهم
يا الله والله هذا اللي احاتيه فاااااااااااااااااااااااااااااااااااااااااااار مصيييييييييييييييييييبة اشلون بويضاتي تثبت؟؟؟؟؟؟؟؟؟؟ لا بالله بشوفهم طايحين بدربي يا ويلي الحين محاتاتي زادت
والشقة غرفة وحدة وين الصالة ليش ما في شقة مافيها صالة ما ابيها لا بالله نفسيتي بتحطم دام اخذت شقة ما فيها صالة ولا ابي بالادوار اللي فوق عشان ما يطلعلي فار لو اشوفه ينذبح جدامي اقعد كل شوي اتلفت مثل المجنونة والله يا بنات ما ابالغ مرة عند حمولتي يوم كنت حامل طلعلي فار بوجهي قعدت اناقز مثل المجنونة وطحت بحضن حماتي وقمت اطقها بدون وعي
هههههههههه
ان شاء الله الشقه اللي تسكنونها ما يكون فيها فار ولا شي
يا قلبي ... الشقق فيه نظام استديو و فيه غرفه وحده : يعني غرفه و صاله
طبعا الاستديو ارخص عشان جذي احنا نسكن باستديو
انا ما تهمني الصاله المهم ارخص و خلاص
و الله يصبرنا
بنات انصحكم لا احد يسكن بالصيف ب الاجورود
يقولون بالصيف زحمه و اسعار ناااار
