هل في مثلنا العالم كله ؟ تعالوا الله يهديكم

[masoo 511]

فى بدايه كلامي راح ابدي مره ثانيه بكير حبي وشوقي وافتخاري بهالبلد لكويت

وانتمائي لها

الكويت عشقي امي وابوي الكويت مذهبي وطائفتي وقبيلتى الكويت الهوا اللى اتنفسه


للاخوات اللى دخلوا وناقشونى وابدوا رايهم لهم تقديري وشكري

مايهم ان نختلف فى الراي لكن نجتمع ف حب هالبلد كان ودي اسمع منكم كلمه حلوه عن حبكم للكويت

مومضوعي ايران والا العراق والا السعوديه هالحج ماخوذ خيره

موضوعي انتمائي حق شيوخى اللي اهم تاج على الراس اللي اهم تاج على الراس اللى يعجبه واللى مايعجبه

الشيخ صباح ولي امر امير دوله الكويت عزوتي وافديه بدمى وشيوخنا من صغيرهم الى كبيرهم عسى الله يحفظهم

مافى غيرهم

اللى اعرفه حبيبتى ان هالبلد انبنت على اكتاف رجال بدون ذكر اسمائهم كانوا يبنون ويعمرون ومايقولون سوينا والا حطينا

القبايل اللى تتكلمين عنهم نعرفهم زين وعن نفسي اقول ان مثل مافى الزين في الشين والشين يعم لكن موهذا موضوعي

قطر والسعدويه ومادري شنو مالى شغل فيهم

لى شغل بديرتي هالديره اللى محتاجه حب وتألف هالديره اللى تقولين لى انى اعدد افضالها عليج اى اكيد اعدد افضالها عليج

لانج عايشه فيها موديرتج موعزوتج ؟ جاوبينى تحبينها؟ تحبينها؟ تحبين الكويت؟ تضحين لجلها؟ اذا جوابج بنعم رجاءا

لاتدخلين القبايل وسوالف الطوائف والانتمائات قولى احب الكويت وبس احبها لانها ديرتى ولان الصباح شيوخها

كلنا عندنا اصل وفصل لكن حبنا حق هالديره اللى قاعدين ناكل من خيرها وننتقدها....ناخذ المعاش ونطالع معاش غيرنا

نشترى ملابس ونطالع ملابس ملابس غيرنا...نركب سياره ونطالع غيرنا نسينا حتى الحمدوالشكر شلون صاير

نقد ونقد ونقد


انا كويتيه كويتيه واحبها اعشقها واعشق حكامي وانتمي لهم غير جذي ماعندى

صح كلامج ومالج شغل فيهم خلي ولائج لديرتج وبس الكويت وبس كلنا كوييتيين ومن عيال بطنها مثل مايقولون وما نرضى بواحد من الشعب نائب محسوب علينا يقعد يطنز على شيخ من شيوخنا اهم يرضون لانه منهم واذاتحجينا قالوا احنا نحب الصباح اللي يحب شيخه ما يطنز ويحقر عيب والله لوانكم بالسعودية وتحجه واحد منكم عن اي امير بأسلوب مسلم البراك جان اتهقون شنو بيصير فيه ونردونقول ماعلينا منهم ساعدوا الحكومة وكونوا لها عون مو فرعون وصيروا ايدوحدة وعلى قلب واحد وكلمه وحدة لاحضر ولابدو ولا مذهب يجمعنا الكويت اهي اللي تجمعنا

 

[فطومه]

انتي تاج الروس..
انتي احلى من العروس..
تكبرين وفيج تحلو السنين..
يا كويـــــــت .. يا كويــــــت
انتي شيخة هالزمان وكل زمان..
يا بلاد الخير وبلاد الأمان..
انتي نبض قلوبنا وانتي نور دروبنا..
فيج نتحدا الصعايب و السنين..
يرخص الغالي لعينج والثمين..
ياللي اسمج يلمع بصدر السما بين النجوم..
ياللي رسمج فاتن ويجلي عن الصدر الهموم..
انتي نبض قلوبنا وانتي نور دروبنا..
انتي كل الحب ياشمس الشموس..
انتي تاج الروس وأحلى من العروس


عسى ربي يحفظج ياديرة الخير ياديره فيها تربينا

 

[بنت حمايل2]

كلمة حق يراااد بها باطل يا إخت ماسو
والللي حلال عليكم حررااام على غيركم
مع إن النائب الفاضل مسلم البراك لم يأتي................
بربع ما جاء به الخطيب في مظاهراته
وأحمد الربعي الله يرحمه أيام الستينا ت المشهووورة
ولا أحمد السعدووون اللذي قال عن الشيخ سعد العبدالله بعد الغزو يعجز لساني عن ذكر ما قاله
لم أجد واااحد كويتي انقرف منكم
أ وتأفف على ما قاموا فيه من أفعال وليس أقوالا فقط
وأعلنوا الإعدااام وشهدوا لهم بالخيانه
مسلم محسوب عن 18ألف كويتي من المنطقة الرابعة
ويمثل دائرة كبيرة فيه من الكويتتييين المخلصييين
سواااء من بطنها مثل ذكرتي حضرتك أو ظهرها أو قفاها
المفرده الي عاجبتج مع كلمة بطنها مفردة عراااقية صرفه
مسلم البرااااك أطااال الله في عمره يعكس أراء دائرته
وهو مواطن كويتي ومن عائلة معروووفة
وليس سعوديا لتضربي الأمثااال عليه
وإذا كنت أنت في السعودية الشقيقة
وكتبت ما كتبت لكنت وراء الشمس
فهمت القصد يا الحلوة
فباشري رأيك مثل ما تبغييين
ونحن نباشر في ما نقتنع فيه
أن الديمقراااطية أعطتك الحرية المطلقة مثلما أعطتنا
مسلم البراك قد أعطوا له أصواتهم وهو محاسب من قبلهم
ولم يتحدث جزافا..................
أي نائب رشح بأصوااات الأمة هو نائب الشعب
يعني نائبك ونائبي يا أختي العزيزة بقرار من 18 ألف كويتي
وإن لم يعجبوك هؤلاء جميعا
فأشك فعلا بقولك الآتي وهو مقتبس منك
( لا حضر ولا بدو ولا مذهب يجمعنا الكويييت إهي اللي تجمعنا )
هذه الديمقراطية التي فجأة كرهتموها
فتقبلي الأمر الواقع وتعايشي
لم يعد أهل القبائل أمييين لا يفقهووون شيئا
بل مشاركووون بكل مجالات الحياة الكويتية
الملخص :-
القبول بالأمر الواااقع

 

[.. نواري ..]

صح كلامج ومالج شغل فيهم خلي ولائج لديرتج وبس الكويت وبس كلنا كوييتيين ومن عيال بطنها مثل مايقولون

شهالإسلوب !!!!
ذكرتيني ببنات الإبتدائيه لما وحده تحتر وتمسكها الثانيه من جتوفها تقول مالج شغل فيهم إحنا أحلى

وإشفيج ماسكه على كلمة ولائج وولائج وليش بالله إحنا ولائنا لمنوووو ؟
لاجينا للحق هالشي معروووووووووووووووووووف كل واحد ولائه لمنو والحين بعد في ناس قامت تفتخر
وتقول آنا ولائي للدوله الأم ......


دامج كويتيه المفروض متعوده على إسلوب الحوار والديموقراطيه ولا آنا غلطانه ؟
إذا كان في غلط بردنا وضحيه ليش تجاهلتي كل الكلام وقلتي مالج شغل فيهم

الكلام يعور ؟

شنو مالج شغل فيهم ؟
غلطنا عليج ؟ غلطت على مذهبج ؟
ولا على كيفج مجزئه الكويت الحضر السنه والشيعه بس !
ومو معترفه بعيال القبايل اللي أهم شيوخج ؟

وما نرضى بواحد من الشعب نائب محسوب علينا يقعد يطنز على شيخ من شيوخنا اهم يرضون لانه منهم واذاتحجينا قالوا احنا نحب الصباح اللي يحب شيخه ما يطنز ويحقر عيب والله لوانكم بالسعودية وتحجه واحد منكم عن اي امير بأسلوب مسلم البراك جان اتهقون شنو بيصير فيه

ومنو قال لج نرضا لنائب منا يغلط على شيخنا إنتي مو بينا وتشوفين ردة فعلنا عشان تقولين إهم يرضون لأنه واحد منهم !!!!

نحب نزاهة مسلم وأمانته وحبه للكويت مو الأرصده
وهالحب أقسم لج بالله مو من بدو وإعيال قبيلة مطير بس شوفي أيام الإنتخابات الحضر أكثر من البدو
يأيدونه وكثيييير كثيييير قالوها ياليت مسلم بدائرتنا

ولكن لما يغلط على شيخ أو تطلع منه كلمة غلط تلقين الكل يوجهه ويبين له الغلط .... نحبه نعم
ولكن حبه وحب شيوخنا واحد لأنهم كلهم عيال ديرتي وما نرضى على أي واحد يغلط ع الثاني


ولكن إن غلط مسلم فغيره كثييييييييييييير يغلطون ليش محد علق ؟؟؟
ولا تحطون الفوكس على اللي ودكم وبس !

ونردونقول ماعلينا منهم ساعدوا الحكومة وكونوا لها عون مو فرعون وصيروا ايدوحدة وعلى قلب واحد وكلمه وحدة لاحضر ولابدو ولا مذهب يجمعنا الكويت اهي اللي تجمعنا

:080402ask_prv::080402ask_prv::080402ask_prv:

دخت والله دخت

إذا إنتي توج تقولين مالج شغل فيهم وإنتي الوحيده اللي ولائج للكويت
ولو تردين لإسلوبي وإسلوب الأخت هو أخذ وعطا بأدب وإنتي عكستيه وأسأتي للقبائل

هل إنتي الحين تدعين للوحده الوطنيه ولا حضر ولا بدو وإنتي ماقصرتي بالقبائل !!!!

كان المفروض تردين على كلامنا لو فيه شي غلط مو تقولين مالج شغل فيهم وتحقرين بنات ديرتج اللي الحين تقولين الكويت تجمعنا وإحنا لازم نكون على قلب واحد

مع العلم كلامي كان يحث على الوحده لو تلاحظين

وأتمنى ما ألقى موضوع فيه من هالفتن بين عيال الكويت

مثل مافي بحر بالكويت فيه بر
ومثل ما البحر يتداخل مع البر هذا شعبنا مستحيل يكون في بحر من غير يابسه وبر

يعني الحضر مالهم غناة عن البدو والبدو مالهم غناة عن الحضر

واللي يبي يفرقنا خل يحاول يفصل البحر عن البر إن قدر :lololoe:

 

[.. نواري ..]

كلمة حق يراااد بها باطل يا إخت ماسو
والللي حلال عليكم حررااام على غيركم
مع إن النائب الفاضل مسلم البراك لم يأتي................
بربع ما جاء به الخطيب في مظاهراته
وأحمد الربعي الله يرحمه أيام الستينا ت المشهووورة
ولا أحمد السعدووون اللذي قال عن الشيخ سعد العبدالله بعد الغزو يعجز لساني عن ذكر ما قاله
لم أجد واااحد كويتي انقرف منكم
أ وتأفف على ما قاموا فيه من أفعال وليس أقوالا فقط
وأعلنوا الإعدااام وشهدوا لهم بالخيانه
مسلم محسوب عن 18ألف كويتي من المنطقة الرابعة
ويمثل دائرة كبيرة فيه من الكويتتييين المخلصييين
سواااء من بطنها مثل ذكرتي حضرتك أو ظهرها أو قفاها
المفرده الي عاجبتج مع كلمة بطنها مفردة عراااقية صرفه
مسلم البرااااك أطااال الله في عمره يعكس أراء دائرته
وهو مواطن كويتي ومن عائلة معروووفة
وليس سعوديا لتضربي الأمثااال عليه
وإذا كنت أنت في السعودية الشقيقة
وكتبت ما كتبت لكنت وراء الشمس
فهمت القصد يا الحلوة
فباشري رأيك مثل ما تبغييين
ونحن نباشر في ما نقتنع فيه
أن الديمقراااطية أعطتك الحرية المطلقة مثلما أعطتنا
مسلم البراك قد أعطوا له أصواتهم وهو محاسب من قبلهم
ولم يتحدث جزافا..................
أي نائب رشح بأصوااات الأمة هو نائب الشعب
يعني نائبك ونائبي يا أختي العزيزة بقرار من 18 ألف كويتي
وإن لم يعجبوك هؤلاء جميعا
فأشك فعلا بقولك الآتي وهو مقتبس منك
( لا حضر ولا بدو ولا مذهب يجمعنا الكويييت إهي اللي تجمعنا )
هذه الديمقراطية التي فجأة كرهتموها
فتقبلي الأمر الواقع وتعايشي
لم يعد أهل القبائل أمييين لا يفقهووون شيئا
بل مشاركووون بكل مجالات الحياة الكويتية
الملخص :-
القبول بالأمر الواااقع

والله كلامج عين العقل ماقصرتي :ggdw:

 

[بنت حمايل2]

إلى أختي الفاضلة نواري
لا فض فوك

 

[فطومه]

للأخوات الحبيبات اللى دخلوا الموضوع مع احترامي لارائهم جميعا

موضوعي كان فى حب الكويت ومنو مثلنا فى هالكون كله

منو مثل الكويت؟ شلون تفرع وصلنا الى قبايل ومسلم البراك وغيره انا مادرى رجاء اللى تحب تتفرع تفتح لها موضوع

خاص فيها واللى تحب تشاركني رجاء احب اسمع كمات غزل فى حب الكويت


حبوها وتغزلوا فيها تراها تستاهل..مثل ماكل وحده تحب نفسها وتهتم بروحها ابي اشوف كلمات ثناء واحب اعرف شلون

تحبونها بنت حمايل ودى اشوف سطر اوسطرين تكتبينهم فى حب الكويت اذا مايضايقج كلامي

وانتي كذلك الاخت نواري....دخلتوا فى مناقشه ونسيتوا الموضوع تقدرون تدخلون على بعض برايفت حبوبه وتبينون وجة

نظركم لبعض بس تعالوا شوي اهنى وقولوا لى شلون تحبون الكويت؟


انا بالنسبه لى اعشق ترابها وكل يوم ادعي ربي يحفظها بصلاتي وبجميع الاوقات ادعي ربي يحفظها ويحفظ شيوخنا
الصباح من كبيرهم لين صغيرهم

وعلى راسهم الشيخ صباح الاحمد راعي هالبلد ولي امرنا كلنا



فديت هالضحكه

يعل ربي يحفظك من كل شر

 

[بنت حمايل2]

على الرغم من أسلوبي الذرب لما أخاطب حضرتج
إلا أنه تقطييين كلام مع إذنج فيه شوية دفاشة
ما ألومج نحن نعاني في الكويت نفتقر إلى فن الإتصال الإجتماعي مع بعضنا
وهذا حبيبتي هبة ودراسة
لا تعتبرينها سلبية في حق جنابك بل توجيييه
تعقيب لكلامك الحلو :-
أولا:- الهدف من موضوعج كان وااااااااضح جدا
ولأن الحقيقة دائما ماتكون عارية لشخصها فهو يخجل منها
أو يعتبرها مرة جدا فلا يتقبلها
ثانيا :- نحن نعقب على موضوعك ثم ردودك أنت والأخت ماسو
التي تعبر تعبيرا عميقا عن الرسالة التي فهمتها ووصلتها منك
وأكبر دليل عدم استنكارك لما قالت أو مساندتك لما وجهناه من نقد لها
ولم تعتذر ماسو ولم تعقب عن أسماء الشهداء أوالثناء عليهم
مما زاد من مرارة موضوعك الزاخر بالمحبة مرارة ....................
ثالثا :- سوف تلاحظين أننا عقبنا عن جملك بل كلماتك بل حروفك الدقيقة أنت أنت
وليس كلمات أو حروف غيرك موضحة بلون وتضليين لتبيان الحقيقة من موضوعك
رابعا :-شنو برايفت شنو وجه أرجو الإرتقاء أكثر من ذلك
نحن في منتدى وليست هي ملكية خاااصة أختي العزيزة لتحددي أين نذهب
خامسا:- حبنا للكويت أفعال قبل أقوااال وإن كنت مصررة فأنا أعتبر ردي
في نبذ العنصرية والدونية بين أبناء الكويت هو حب وواجب يتحتم علي فعلة
وسوف أقصر في واااجبي وفي حبي أن رأيت مثل هذه السموووم تنتشر
ولم أتصدااه بإرادة حديدية
ما فعلته أنا والأخت نواري هو حب لكل أبناء شعبنا الحنون
سعينا أن تؤدي الأمانة وهي حب الكويييت وجميع الكويتيون سواء
لم نؤذيك أنت والأخت ماااسو وقلنا فدااوية ولا ردوا لأرض أجدادكم أو تلميحااات
رأيناها مؤلمة وغير موضوعية تعبر عن الحييياااد من قبلك أو قبلها
ولم يقف الأمر عند هذا الحد بل تمادت إلى الإستهزاء بممثليهم
وكلها استخلصناها من كلماتكم أنتم ....ودققي في ردودك
مع أني عالمة علم اليقين إنك تعلمين
مثلما قلت سابقا الحقيقة إما عارية أو مرة وكلاهما غير مقبول لصاحبه
الملخص :-
حبيبتي فطوومة لا أرغب من كلامي الموجه لك أن تعتذري لا والله
بل إكراما للكويت ................قل خيرا أو أصمت وجزاك الله خير الجزاااء

 

[الحــــياة]

انا بفهم شي واحد بس ليش تعددين منو مثلنا ومنو مثلنا والراتب والمدري شنو؟!

دافعه من جيبج الله يهداج ؟؟!!

الحمدالله نحب الكويت وال الصباح ومانحتاج نعبر ونزل مواضيع
الحمدالله عارفين ونحمد الله اولا على النعمه.
وابداء الرأي الكل حر فيه.
حرية الرأي مكفوله للشعب.
والانتقاد اكبر الدول واكثرها تطورا تتعرض للإنتقاد والمحاسبة
ما اشوفهم سووا بلبله.

 

[الحــــياة]

صح لسانج فطومة والله ماكو مثل ديرتي ديرة واللي تقول نقد للاوضاع احنا نعرف النقدوشيوخنا عارفينه بس اللي ماكنا نعرفه هو قلة الادب من البعض على رموزالحكم تركوا عنكم القبلية اشلون ترضون لنائب يمثلكم يخاطب رئيس الحكومة باسلوب استهزاء واللي حواليه من ابناء دائرته وقبيلته يشجعونه والله عيب لو في اي دولة ثانية من الدول المجاورة جان اللي في الندوة راحوا ورى الشمس انتقدوا ماقلنا شي بس بعقلانية حمدوا ربكم ترى النعمة زوالة الغزو وحدكم لاتخلون البطربالنعمة يفرقكم لاتعطون مجال حق كل وحدة تقول سنة وشيعة اي احنا كلنا سنة وشيعة وشهداء القرين دمهم يشهد روحوا شوفوا البيت وشوفوا الاسامي شوفوا الشهيد العلوي الشيعي والشهيد الكندري السني والله في من دول الجوار الشيعة عندهم مضطهدين وفقارة والبدوعندهم فداوية شيوخهم وامراءهم والمناصب السنعة حق المجنسين احنا هني بدو وحضر وسنة وشيعة عايشين احسن عيشة ودول الخليج ودهم مثلكم حمدواربكم الكويت ماسوت مثل دولة خليجية سحبت جناسي مجموعة كبيرة من ابناء شعبها ومن قبيلة معروفة لانهم اغلطوا ورحلتهم لدولة ثانية خليجية انا ماشفت كويتي واقف على الاشارة يبيع ماي او يمسح السيارات بس شفت مواطنين من دولة خليجية في ديرته يسوي جذي علشان يعيش اهله الشغل موعيب بس حرام التفرقة بس مجرد انه شيعي ويييييييييع الحمدالله اني كويتية واللي موعاجبته الاوضاع يرد مسقط راس اجداده ترى اجدادكم اعرفوا قيمة هذي الارض بس انتوا فسقانين شبعانين ماعشتوا الذل بالغزو

اقري اسامي الشهداء ياماما
وفتحي عيونج عدل وانتي تقرينه يلي عشتي الذل بالغزو
شنو هالمنه موديرتج؟؟!!
منخشة بيتج وتقولين عشنا الذل؟؟!!
الي تحب الكويت ماتمنن
واذا على القبيله ياحياتي معظم امهات الشيوخ من القبائل وخوالهم احنا
يلا تكلمي
شبعانين من خير ديرتنا وتعبنا
مو من جيبج ياماما
صج ناس ماتستحي​

 

[الحــــياة]

الله يحفظ شيخنا وكويتنا من كل من يريد التفرقه والفتنه.

 

[فطومه]

أختي الكريمه

بنت حمايل

اولا احب اشكرج على تواصلج معاي...واعذريني تقولين انى دفاشه شسوي هذا اسلوبى يمكن دفشه لكن الحمدلله ماجرحتج

بالكلام ولا اسلوبى فيه قلة ادب اما الدفاشه ان شاء الله اوعدج انى اكون شوي ناعمه وذربه بالحجي(ماعرف فن الاتصال

اللى تقولين عنه)لكن اعرف اوصل المعلومه صح

لما طلبت منج انج تتحاوربن برايفت لان صلب الموضوع تغير ماحبيت ان نتكلم فى موضوع ثاني فى له صفحات وطرحوه

بعض الخوات من قبل


مثل ماقلت ان الموضوع منو فى مثل الكويت

الاخت ماسو لما دخلت هي حالها من حالكم طرحت وجهة نظرها بالرغم من انى اختلف معاها فى اشيا وايده

تقولين حبج للكويت فعل اذن افعلى وجزاج الله الف خير لكن احب اعرف وين حصلتى العنصريه؟فى اي وزاره؟فى اى مكان؟


تحبين ابناء شعبج الحنون فانا معاج الف بالاميه الكويتيين حنونين جدا وطيبين ومنو مايحبهم يعله الماحى اللى مايحب اهل الكويت


اخيرا اكراما للكويت لن اصمت لاني احبها واعشقها راح اعدد افضالها لكن ماراح انتقدهاوابهذلها واشرشحها واقول حريه

ونقد؟؟؟؟؟؟


الحياة

بعدد افضالها موديرتى مولها افضال على من حقها علينا ان نحبها مثل مالواحد يحب نفسه ويدلل روحه خل نحب ديرتنا

وندللها شوي حتى الحجي ماتبونه


بعدين بالغزو منخشه فى بيتى شدراج؟فعلا انا منخشه فى بيتي ومسكره الباب قافلته بعد بس كافينى انى كنت فى ديرتي


اخيرا امهات الشيوخ من القبايل ؟ مادري ليش تقولين هالمعلومه؟ يمكن ماندري؟ خير في شى انتى شنو تبين بس؟



عيل انتى ماتدرين أصل وفصل الصباح؟ راجعي كتاب الجغرافيا والتاريخ

الله يهداج داشه عرض فى الموضوع بس علشان النجره الله يكافينا الشر


عموما


انا احب ديرتي الكويت واعشق ارضها....انتمائي للارض...ديرة اهلى واجدادي


هالديره اللى عطتنى كل شى


الامن والامان....العز والفخر.....

هذول الاصل والفصل


وهالانسان عزوتى وتاج على راسي وراس كل الكويتين

عسى الله يحفظك من الشر



وارد واكرر فى مثلنا فى هالدنيا كلها فى مثل الكويت لا حشى مافى


ياما عطت هالديره والى الحين قاعده تعطي قاعدين نغرف غراف من هالخير اللى فيها هذا احنا مقبلين على الصيف

ومشاء الله المطار مزحوم وين اللى عليهم قروض ويشكون من الفقر؟ ربي لك الحمد والشكر الكويت مومقصره والخير موجود

(لأن شكرتم لازيدنكم)صدق الله العظيم

ربي لك الحمد والشكر لانج خليني كويتيه وعندي هالنعم كلها

 

[ام حصوصه]

عمـــــــــــــــــــــــــــــــــــــــــــــــــــــــــــــار ياكويــــــــــــــــــــــت

الله يحفظ لنا الكويت ياااااااااااااااااااااارب

 

[بنت نونو-11]

فديت الكويت عسى الله يحفظهاا ويدوم خيرها يااااااااااااااااااااارب

 

[فطومه]

شكرا لمروركم وكلماتكم الحلوه الكويت تستحق الدعاء والثناء والحجي الطيب

عسى الله يكثر من امثالكم

هذي ديرتي عزي وفخري


ياكويت عزج عزنا ياكويت ياحلى اسم فى قلوبنا ياكويت اسمج بناه اجدادنا

 

[العجوزوعيالها]

كلامكم كله صح
بس لماننتقد من حبنا لها
وختلافنا فى الراى لا يفسد للود قضيه
ودمتم بود

 

[فطومه]

موعيب ولاحرام ان ننتقد لكن التشنج فى الانتقاد والانتقاد على كل شي وعلى اى شي هذا اللى انا اقصده

وترى الكويت تستاهل المدح اكثر من الانتقاد وشكرا لمرورج وحجيج الزين يالزينه

 

[مليونيره مفلسه]

الي عنده مثل الكويت يحب ايده مقلووبه ’

 

[فطومه]

ونتي الصاجه حبيبة قلبي نحب ايدنا ويه وظهر ونروكع دهر وندعي لها و هم مايوفي فى حقها


عسى الله يحفظج ياكويت ويحفظ شيوخنا صغيرهم وكبيرهم وعلى راسهم الشيخ صباح ولى امرنا عسى ربي يحفظه

 

[لوازم العائلة]

عسى ربي يحفظ ديرتنا من كل مكروه
بس انا استغرب من وحده معانا بدوام تسب وتف بالكويت مع انها كويتيه بس امها مصريه والمشكله لسانها طويل والله يابنات احنا اكبر منها ومو قادرين نرد عليها تقول انا كل صيف لازم اسافر بس تلوع جبدي من الكويتين واول ماارجع من السفر واشوف الكويت ينقمت قلبي يامال قلبها الضربه
قبل جم يوم تسالني انتي ليش تشتغلين شغلج وشغل غيرج ليش تاخدين مناوبة كنترول
رديت لها انا اشتغل حق ديرتي كافي اني اسافر بالسنه 5مرات واكثلر كل هدا من خيرها جان ترد علي حبيبتي مصر تعطي المدرسين اوفر تايم
وديرتج تعطيج افاده
بالله هدي شتردون عليها
قلت لها اوكي حبوبه روحي عيشي بمصر ابركلج
احنا لونشتغل ابلاش بديرتنا هم عايشين احسن من كل الناس
طبعا لما رديت عليها قلبي طاح فبطني لاني جبانه ومااعرف ارد بس مادري شلون رديت
تصدقون انها سكتت
سؤالج بالعنوان هل في مثلنا؟لاوالله مافي مثلنا بحب الخير
بطيبة القلب
بالشهامه
بالسنع
بعزة النفس
وفوق هدا كله بحكامنا