هل تتنازلين عن حفلة العرس؟

[طريق السعاده]

بنات ترا هي كاتبه تسوون حفله صغيره يعني تتنازلون عن عرس عازمين فيه اهل الكويت كلها وتعزمون بس القريبين

مستحيل عرس بدون طق ورقص وفستان ابيض حتى لو بس انتي وخواتك ! لازم فستان ابيض ولازم طقطقه ورقص

الا في حاله وحده اذا فيه حاله وفاه بنفس اليوم او قبل بيومين ثلاث ينلغي الطق بس مراسم العرس تتم او تتاخر حسب


مدري كيف قصدكم بدون حفله

بصراحه كل صحباتي وقرايبي وانا ناويه نفسهم بعد يعزمون الي يحبون بفندق او قاعه صغيره بس الاغلب فندق وشغل فخم بس ع عدد قليل من صديقات والعائله عمام وخوال وعيال عم وعيال خال اصلن ذول يجي عددهم منهم بس تقريبا 150 او 200 حرمه وفيه طق وفستان ابيض وزفه وكل شيء اللهم بدون مانعزم الجماعه ونكبر الحفله تصير مختصره ع الحبايب والعروس تسوي الي تبي بدون محد ينقد ولا شيء لان كل الي موجودين يحبونها وتحبهم ! وبصراحه احس افضل لان وحده من بنات خالي مصممه ديكور ومررره تفننت بعرسها وعزمو اكثر من قبيله وعرسها هي مصممته بنفسها الديكور كامل ماخلت دوله لين جابت منها خامات وحركات والفستان هي مصممته ومره تعبت ع العرس ولما صارت بتروح تطلع من الكوشه عشان تروح مع العريس للفندق طاحت عند الباب حق مخرج العرس ومن بعدها حياتها اعتفست فوق تحت


للحين تتعالج من كلى جتها فجاه وتطلقت من زوجها هذاك وللحين تعبانه وحاله

الله رزقها بزوج ثاني زواجها الثاني كان بس خالاتها وعماتها فالبيت ولبست فستان وطق وكذا بس مااعزمت احدد الا القريبين مره


اعوذ بالله طلع فيها حسد وكثير تدمرت حياتهم بعد زواج فخم

الناس ماتعطي خييير واساسا وش له تدفعين مبلغ وقدره ع حفلات مبالغ فيها هالشيء انت احق فيه تمشو وسافرو فيها ابرك

 

[انت العمر كله]

اتناااااااازل اكيد ازا بكون مع الي بدي ياه واتمناه بس اكيد البس الفستان الابيض لو له لحاله مو مشكله

 

[مالك صاحب]

للامانه ماكان ودي بعرس شهر العسل برة وايد احسن لانه حزتها بتحسين بوناسة ومسوية شي يديد واكتفي بحفلة بسيطة

 

[سبحآن الله"]

مجتمعي المقرب يسوون عرس للرجال فقط متخيلين !!
بس انا مستحيل اتزوج بدون حفلة عرس انا متشفقه عليها لأن قلييييل نحضر
عروس ماحد يسوي للحريم الا قليل .. وبعدين ابي استانس يكفي هم ونكد
بس قولوا يارب يجي الرجال الي يوافق لان قليل الي يوافق او يقدر ..

بس عندنا شيء حلو ان بعد العرس بشهر نسوي زواره مثل العرس بتمام تلبس فستان وتنزف وكل شيء

 

[unknown1988]

انا تنازلت وماسويت لا حفله ولا غيره :/ بس لبست ابيض وصورت معاه البوم كامل ...

الصراحه ماشوف نقص بحياتي الحمدالله مستانسين بحياتنا .. يعني ليش ما اتنازل ماراح تخترب الدنيا

اهي شي يونس وحلو بس هم مو من ضروريات الحياة الزوجية و يعتمد ع الظروف