هل تتنازلين عن حفلة العرس؟

[get over it]

حتى لو تنازلتي ..
لاحضرتي عروس بعدها بتتحسفييين حدج

 

[شب وحرمل]

أتنازل عنها ماعندي مشكله بس يعوضني بمهر عالي وشهر عسل بثلاث دول خخخخخخخخ

 

[تبطي عظم!]

انا تنازلت عنها وسويت عرس محفوف كل حبايبي حاضرينه ولبست ابيض واستانست ورحت احلى شهر عسل

العرس الفخم كماليات مو شيء ضروري دام الرجال كفو اتنازل ونص باجر لاشافني تافهه وماقدرت الظرف الي عنده بيقول ماتنفعني ومابيها

والناس الي كنت بكشخ جدامهم بالعرس مو مطالعين فيني وبيحطون العيب فيني تركها وراح

 

[قلب الزعابي]

عن نفسي ما تنازل الا لشي ضروري بسوي حفله بسيطه وصغيره اذا استدعى الامر
الحمدلله عرست وسويت عرسي بفندق وكل شي روعه
هاي ليلة فالعمر ومابتتكرر ليش يبخل علي بحفله وفستان ابيض
أتوقع هالشي من حق كل بنت
اما اللي تبغي من نفسها حفله بسيطه هالشي راجع لها

 

[Gorgeous ~]

لآيممككن هاذي ليله العمر وتيي مره فالحياه ^^
مب كل يوم بتكونين عرووس ولا كل يوم بتلبسين فستان أبيض

 

[شــــــــــــــوقــــه]

انا غير عن البنات

مابي ولا شي

ما احب المظاهر حتى حفلة بين الاهل مالي خلق

حتى السفر ما احبه بس طبعا ماراح اقوله هالمعلومه خخخخ

صراحة الفلوس الي بتنقط على نص ليلة ابي ادلع نفسي فيها

بس في حاله اهلي و اهله يبون و ملزمين بسوي غصبن علي

 

[أميرة-]

عادي اتنازل عن العرس

ماحسه شي ضروري واذا تقولين حفلة ملمومه اهلج واهله خير وبركة

شبي بناس تدخل عشان تشوف وتتفرج وتاكل وتحش وعقب يطلعون مو عاجبهم شي

الفلوس اللي بقطها على الحفلة اقطها على نفسي ابرك

 

[MRS.coupe]

نص ونص
اذا بيعوضني باحلى شهر عسل
عادي عندي
اهم شي انا وياه نكون مرتاحين <<< مادري منو هذا بس المهم

 

[عيون الخجل ~]

هي ليلة وحدة بالعمر ليش تتنازلين ..

استغرب من البنات اللي يتنازلون عنها باستثناء اللي عندهم ظروف وماتقدر

شاكره لج عَ الموضوع

 

[مذهلة2013]

اتنازل ونص

 

[عناقيد الجنه]

أتنازل
حسب الظروف لازم الوحده تكون متفهمة

 

[نـعـومـه]

احس شي حيل مهم العرس لانها ليله عمر وذكرى بس اذا اهل زوج مةمقتدرين ماراح افرض عليهم

 

[طيبة83]

انا كنت ضدددددددددد حفلات الزواج

وما عمري تمنيت اصير عروس

لان احس مخاسير على الفاضي والناس ما يعجبها العجب

بس يوم انخطبت سويت عرس عائلي والحمدلله اني سويت

احلى يوم في حياتج حتى لو كان الاهل

شعورج بالفستان الابيض

الله يرزق بنات المسلمين ويبلغني في بنتي

 

[Zinab BH]

كان ودي اتنازل بس امي و امه مارضو و سوو لي ذاك العرس المطنطن وعزمو اللي يبونه انا علي بس لبست وكشخت لوووول بس صراحة لو ماسويت لي بحط بخاطري وتيني بجوة بس اروح عرس واكسر خاطر روحي

 

[شطانه طفله]

اي علا حسب الوضع اتناز او لا

 

[(*ام عهــــد *)]

موضروري المهم متفاهمين

 

[جود2011]

مستحيييل اتنازل عن الحفلة

 

[وش الدنيا بدونك]

-








مآ هآن تبآرك

 

[عاشقة الاسلام]

ياعمري انا اعرف بنات تنازلوا عن حفلة العرس وبصراحه الحين ندامنين وايد لانهم تنازلوا عن ابسط حق من حقوقهم
فممكن تكون حفله بسيطه

 

[سعادة قلبي وياه]

انا كنت مابسوي بس الأهل ألزموا يسووون والحمدلله سويت عرس
لاني لو ماسويت بتحسف لي يومج اشوف فيديو زواجنا انا وريلي ونضحك ووناسة ذكرى
البوم صور وفيديو ورقص وناسة حتى لما اروح عرس اقول الحمدلله استانست وسويت عرس كان الحين
اشوف المعاريس والعروس وانقهر اني ماسويت واندم الحمدلله هههههه