هل تبالغين بسعر تجهيزاتج للبيبي يعني يوصل التجهيز 2000دينار حياج شاركينا ؟؟؟؟

[كتالونيه]

الله يهديهم

امييييييييين

 

[كتالونيه]

بصراحه كفر ولادتي شريته ب35 من سويت هوم
لونه ذهبي وطبعا عليه وروود صغار
وكل من شافه علباله ب80
حتى حماتي بجر اخذته مني للنفاس
ابعرف الي يبيعون غالي ليش
مع انه مستعمل
الي اعرف اذا الشي مستعمل يطيح سعره

 

[نور83]

والله يا حلوج يا كتالونية انا راي من رايجً اشدعوهً. انا تجهيزي حق بنتي كلفني بحدود 300 يعني سرير ب80 و الباجي أغراضها واغراضيً حق النفاس من ضمنه الكفر و الحلو يعني ما كنت مهتمه بالمظاهر الحمدالله وعلى قولتجً اهم شي المستشفى انا ولدت بالسلام وكلفناً. 850 د ك والله احلى شي انج تعيشين بمستواج وما يهمج غيرج وصدقينيً المره السنعةً الشاطرة اللي عندها ذوق تقدر تشتري وتوفر وتصرف عدل بمبالغ عادية واهم شي بالنسبة لي طلعة النفاس هذي اللي تبي فلوس وصرف الله يسهل علينا وعلى كل الحوامل يارب ويرزق كل محرومه الذرية الصالحة

 

[كتالونيه]

فديتج نور 83

 

[كتالونيه]

نور83
حبيبتي انا انصدمت من وحده بالمنتدى قلتلها ابي سرير
واصدمتني ان سعره 850دينار ليش حرام
وقالت انزل لج السعر يعني اخذه ب500
ابعرف السرير مصنوع من ذهب
لومصنوع يستاهل بس من حديد

 

[زين ودلال]

كل شي اخذه بالمعقول

انا وحده ماحب سوالف البهرجه والتعنفق

شي حلو وذرب اخذه لو شنو كان سعره او من وين العبره بالذوق مو بالسعر

 

[توحه1]

بصراحه انا بحدود المعقول جهزت لي وللبيبي + سعر المستشفى كله 1500دينار جذي شي مقبول لي 2000 هم اوكي بس اكثر جنون اذا بس سرير 850 وكفر 600 عيل اللبس كم والحلو والموالح والله تبذير واسراف بالله بطقون قرض 3000 او4000 حرام

 

[مظلومة حيل]

البيبي يكلف 100 دينار تقريبا
انا تجهيزي كل شي 500 دينار تقريبا
هذا غير الاستقبال و شغلات ثانية
يعني اذا بتكشخ مع الحلويات والاستقبال واذا بتاثث في بيت اهلها اتوقع 2000 دينار
واذا عادي ما توصل 700 دينار و كلن على ميزانيتة انا بالنسبة اهم شي النعومة

 

[english muffin]

بالنسبة لي
التجهيز بجهز بأحسن الاشياء بس طبعاااا بسعر معقول
مستحيللللل سرير 800 ههههههههههههه

والمستشفى اهم عندي من كل التجهيزات مثل ماقلتي

 

[q8helwa]

حرام التبذير ربي مايبارك فيه


انا خلصت تجهيز الجاهل والصراحه كلفني

كله 250 لا ومن محلات رخيصه وزينه


اما اني اقط بسعر 1000 او 700 حراااااااااااام




ترا الجاهل بسرعه يكبر

 

[om 7sony]

انا عندي ضروري انج تصرفين اكثر عالشي الي بيتم معاج
يعني مثلا سرير البيبي .. تاخذين شي رين وقوي مره وحده ..لانه بيكون سريره لي ٥ او ٦ سنوات ..
وجنطة البيبي مثلا .. تاخذين شي من مكان معروف تتم معاج وتتحمل الثقل ومو كل يومين منقطعه وحده وتروحين تشترين غيرها
اما باقي الاشياء ... حلو يكون الصرف بالمعقول لا غالي ولا رخيص
هم ما تبين ولدج يلبس اي شي جدام الناس.. وما تبين تبالغين باللبس ،،، اول شي عن العين وبعدين كله بينقط ،، بيكبر البيبي بسرعه وما بيستفيد من هالملابس
واما تجهيز الاستقبال ،، هم حلو يكون بالنص ،، ذرب وموتب وبنفس الوقت باسعار مو مبالغ فيها ،، كلها يومين وبس
والاهم من تدرين انج حامل تحطين لج ميزانيه معينه تصرفين بحدودها عشان لا تنسين عمرج بالصرف وتتوهقين .. خاصه البجر او الي ييها ولد من بعد بنات او العكس ودها تشتري كل شي
والله يسهل عالجميع يا رب

 

[awashamen7asha]

بنات بستشيركم بهالموضوع.. انا انشالله بولد بالسلام بجناح السلام العادي. و بسوي استقبال محفوف لان معارفنا شويه من حموله و صديقاتي و صديقات امي و جيران و اهل ماراح يزيدون عن 100 مره.
انا شفت كفر نفر و نص بصفاة الغانم قطن و باطرافه دانتيل و شك ناعم ابيض 4 قطع ب 85 د.ك و بركب كوشيتين او 3 بيطلع 100. ساعات احس جنه فوق السعر المعقول على استقبال محفوف.
شرايكم؟؟

 

[اصايل كويت]

في اسعار مبالغ فيها بصراحه


بس انا برايي الرخيص وايد احسن خصوصا لملابس البيبي بصراحه جهزت من الغالي والبيبي كبر واغلب ملابسه ما لبسهم صاروا صغاااااار

انا انصح بقوه بصراحه ملابسالبيبي للنفاس اشتروا الرخيص واذا كبر شوي اشتروا الغالي


*

 

[زهـراء]

اشدعوا هالاسعار

جهزت ولدي من سنتربوينت تقريبا ١٠٠
وطقم سريره وجنطته وسليب باق ب٣٠
وكفري ب٢٠ ونفنوفين واحد ٢٠ والثاني١٥

برايي مايسوى ابدا سرير ٨٠٠ ولاكفر ٣٠٠ وتجهيز ٥٠٠ ٦٠٠
الياه كله على بعضه ٣كيلو و ٤٠ سانتي ههههه وجم يوم ويكبر
ويوم ولا يومين استقبال

 

[miss_whitemocha]

لا إشدعوة أقط هالمبلغ حق حجي الناس؟!! أشتري أحلى كفر و أحلى سرير من دبنهامز ولا زارا شغل ذرابة و راقي و أييب حلو و موالح شي بسيط و ذرب والباجي أخشه حق ضناي تتهنا فيهم..​

 

[كتالونيه]

كل شي اخذه بالمعقول

انا وحده ماحب سوالف البهرجه والتعنفق

شي حلو وذرب اخذه لو شنو كان سعره او من وين العبره بالذوق مو بالسعر

شكرا اختي عالمرور
صح كلامج الناس يشوفون الذوق موالسعر
بس في ناس مايدورون الا الشي الغالي حتى لو موحلو

 

[كتالونيه]

البيبي كل شهر يكبر
حتى المحلات الغاليه السرير عندهم ب50 او70
موالتاجرات الي حاطين اسعار خياليه

 

[كتالونيه]

بنات بستشيركم بهالموضوع.. انا انشالله بولد بالسلام بجناح السلام العادي. و بسوي استقبال محفوف لان معارفنا شويه من حموله و صديقاتي و صديقات امي و جيران و اهل ماراح يزيدون عن 100 مره.
انا شفت كفر نفر و نص بصفاة الغانم قطن و باطرافه دانتيل و شك ناعم ابيض 4 قطع ب 85 د.ك و بركب كوشيتين او 3 بيطلع 100. ساعات احس جنه فوق السعر المعقول على استقبال محفوف.
شرايكم؟؟

بصراحه اذا للاستقبال بس
حرام تشترينه في ارخص واحلى
شوفي سويت هوم وبيبي لوف

 

[awashamen7asha]

حسيت جذي! بس وين صايرين هالمحلين؟

 

[Judy . abbot]

شدعووه ب٨٠٠
تخاااف مصنوع السرير من الماس وذهب
انا بجريه ولي الحين مابلشت تجهيز
في اشياء لازم تكون غاليه عشان تكد ويااج
وانا بصراحه احب الاشياء المميزه بس بحدود المعقول مو هالاسعار المينونه
انا ما اعرف الوحده اشلون تقسم فلوسها حق التجهيز والولاده
بس اذا كله ماطلع فوق ال ٢٠٠٠ حلووو يعني المستشفى مع التجهيز