هل تبالغين بسعر تجهيزاتج للبيبي يعني يوصل التجهيز 2000دينار حياج شاركينا ؟؟؟؟

[نـعـومـه]

انا اغلى شي راح اشتريه بأذن الله لبس العيد

احس يسوا اخذ غالي للبيبي اذا عيد قرقيعان لان هالشي راح يبرزهم بس عاد مو غالي بهبل

 

[بنت الفوزان]

ماله داعي المبالغه والله الله يخفس فينا

 

[انسام الكويت]

موبس تجهيز البيبي اكو مواضيع يحطون عن الاستقبال

واااي تبذير من قلب اهو حلو وموالح وجاي واطقم الجاي والقهوه

واستاند ومفرش الخبه وعصاير وبالونات وتوزيعات وسوالف لاتحصى

عدي وخربطي الحين اقط فلوس واتفيسق عشان ناس اييون وياكلون ويطمشون

وتالي مايعجبهم العجب وليش هالاستقبال واللويه استغفر الله يقطون بالهبل

عشان يمدحون استقبالج وشتسوى عليكم غضب ربكم وتبذيركم بزياده الوحده

تدعي ربها تقوم بالسلامه اهي والبيبي وعندنا يحاتون الاستقبال والفناتك

صار عرس مو استقبال يبا وفروا فلوس الاستقبال لشي يفيدكم مو يفيد غيركم

ماتسوا عليكم يصكونكم عين على اللي خابين عمركم عليه*

 

[سراج الليل]

انا بعد صدمتني وحده معانا بالمنتدى كلفتها ولادتها ٤٨٠٠ شدعووووى ؟!!!!
الله يهنيج ويبارك لج في ضناج بس والله ماله داعي يعني هذا بس الولاده مع الاستقبال طيب وتجهيزج وتجهيز البيبي جم وصلتي ٦٠٠٠ والا ٧٠٠٠ ؟!!
ان شالله تقطين هالمبلغ ع عرسه والا عرسها ان شالله بس احس مباالغ في هالمبلغ
مثلا لو مسويه مسجد ٣١٥٠ بيبقى ١٦٥٠ زين للولادتج وتجهيزج كله مع اني اشوف هالمبلغ كبييير
والله انا تجهيزي تقريبا اذا طاااااااااااااار من ٢٠٠ لل ٢٥٠ بس

 

[كتالونيه]

شكرا عالمرور

 

[كتالونيه]

صح كلامج موبس جذي ترى حتى ملابس اللاعراس
عندي حماتي اقل شي فصلته ب800 دينار
والمشكله تبيعه ب100 او 50
انا لله وانا اليه راجعوووووووووون

 

[om 7sony]

عاد انا احس الشي اذا زاد سعره اوووفر ما يكون حلو
حلات الشي ذرب ومرتب

 

[كتالونيه]

اااب

 

[شـيـوخـهـ]

تدرين احس حتى ال ٥٠٠ مبلغ مبالغ فيه تصدقين

لا صج الا اذا بشتري استاكانات ومطاطير وانا كل مره الله يخليلي الوالده ماتقصر احس بيكلف اقل لاني الحين خبره لا يعني من عقب التجربه احس اعرف شتو الشي احتاجه وشنو الي ماله داعي وحلات الوحده تحط على قدها مااحب التفلسف الزايد

غيري يهمه وتقط عليه الله يهنيها ويستر عليها والله اخاف من الناس احس بالاستقبال تدور النواقص ما تذكر الشي الحلو

وبخصوص اللبس والله مرات اقط كتالونيه وسبحان الله اكره البدله ما البسها عقب يا حلو الشي الناعم الي على مزاجج مو الي بترضين الناس فيه

بخصوص اغلى شي شريته بالبجر كان وقتها لازم كفر وحوسه استقبالي اسبوعي والله عشان الناس مو لي ومو داخل مزاجي قطيت عليه مبلغ موو هين والله


اما الحين الشي الغالي الي اقط عليه ملابس المناسبات بس هم ما اشتري فوق طاقتي احب اميز البنات باللبس واستانس لي لبست شي عاجبني احس الذرابه تبين ما اقول انا غيري الي يلبس رخيص مو ذرب لا والله كلهم ملح وقبله بس احي اميز البنات بالمناسبااات انا احب هالشي بي مو غلى الخبال لا شي بحدود قدرتي

 

[كتالونيه]

فديتج شيوخهـ

 

[كتالونيه]

صح كلامج
عندي بنت خالتي تروح للاعراس وتشوف البنات واحلى
لبس وتاجره من صاحبته
والا تروح للاتليهات وتاخذ نفنوف اجار ب٥٠
اما الولاده حوسه حيل
لازم تقطين ع كل شي حتى الاطقم الشاي والقهوه
انا امي تشتري لي الاطقم لانه تخصص اخر موديل
بس لازم اعطيها مو كله هي الي تدفع

 

[كتالونيه]

اااب