هل تأيدين البنت الي تقط نقابها من بعد ما البسته؟؟

[موج-البحر]

لاااا طبعا ما اايد هالشي


اي وحدة لبست النقاب اتقييد فيه وتستر على نفسها جدام اي واحد محرم عليها


ولد عمج ولد خالتج اخو ريلج ابو ريلج الهنود والاجانب اللي اكثر البنات مو معتبرينهم كور


احترامج للنقاب اللي لبستيه هو احترامج لنفسج ولاهلج وقبل كل شي ان الله يشوفج

 

[بنت^مطير]

حبيبتي عادي ترا النقاب مو مهم و لمي تبي اتقطينه قطيه لانه اصلا مو مهم عند الله اهم شي الحجاب هذا النقاب صار من العادات و التقاليد ف مالج شغل

 

[.Nihal.]

شووفي شرعا ترا ماكو شي اسمه نقاب !! انا اللي اعرف بس حجاب

وسواء كان اجبار او اختيار هذي حرية شخصية

وسوي اللي انتي مقتنعة فيه وما عليج من كلاام الناس

جذي ولا جذي ماراح يسكتون فسوووي اللي يريحج ويرضيج

 

[فلنتينو]

لا ما أيد

 

[qa6wa_q8]

النقاب قناعه مو فرض

 

[* ملكني الخوف *]

والله النقاب ستر واحسن لج بس بعض البنات يكونون حمل او فيهم ربو او اي شي مايقدرون يلبسون النقاب انا عندي عادي تقطه اذا بسبب مقنع مثلن عندنا وحده بالجامعه طاحت وانكسر خشمها وماقدرت تلبس النقاب وثانيه حامل وماتقدر تنفس قطت النقاب فتره ولمه ولدت بالسلامه ردت لبسته بس اذا جذي لا تقطينه خلاص انتي لبستيه الحين الزمن التغير مو على النيه

 

[Freakya]

حبيبتي مالج شغل بأحد انتي اذا بتلبسين النقاب لبسيه عشان ربج

و مافيها شي اذا قطيتيه لأن اختلفو في حكمه

اهو زيادة ستر فقط

 

[LuLiTa]

احنا عندنا النقاب مو فرض و لا من عاداتنا و طبايعنا ... الحجاب عندنا بس اهو الفرض ... فـ ما يفرق معانا اذا وحده تنقبت أو لأ

 

[AM SDON]

بنات انا اتكلم عن تجربه

انا كنت منقبه وبعدين شلته
اول ما شلته حسيت اني مفصخه بس اشوي اشوي تعودت انا ما احط مكياج اذا طلعت وما احف حواجبي
يعني ويهي عادي وما يشد احد ولما احط مكياج اغطيه

والحمد لله راضيه عن نفسي
لانه اصلن المسأله فيها اختلاف

وكل واحد يتحاسب على نيته

هذا رايي واحترم الخوات المنقبات

بس صار النقاب فوضى الا من رحم ربي الي متنقبه صح وخايف ربها بس
نقاب الحين خرطي وييب الشبهه
روحو المجمعات وتعرفون قصدي اصلن المنقبه الي خايفه ربها هي تنتقد المنقبات الفوضى

حتى الي كاشفه ويها في بنات تجيب الاحترام لها من اخلاقها
وفي وياكثرهم ويها صاير سلط من كثر المكياج

الاحترام يا خوات مو بالنقاب او كشف الوجه

الاحترام اخلاق وحياء :eh_s(17):

 

[نوره 99]

مادري بس بترك هالشي لعقلك
يعني انتي يوم لبستي النقاب لبستيه عشان تطيعين الله والا عشان صديقاتك كلهم لبسوا ؟؟؟
والحين تبين تنزلينه ليش ... لسبب دنيوي نفس السبب الأول .. صح ؟؟؟
وانتي تقولين ان السعوديات عندنا اماكن مخصصه لنا وناخذ راحتنا .. اعترف بهالشي ... لكن ليش ماقارنتي نفسك بالمنقبات برا ... بفرنسا وغيرها ... يعذبونهم تعذيب ع النقاب .. ويطلعون مليون حيله وحيله بس عشان مايتكشفون
حتى المغتربات قرايبنا ماتنزل نقابها وهي بأمريكا وأنواع الأذيه لامن الناس ولا من الأنظمه
وصابرين ومحتسبين الأجر لأنهم عارفين جزاهم بالجنه ان شاء الله ...
حبيبتي بدل ما تنزلينه احتسسبي الأجر بلبسه ... واصبري تراها دنيا زايله
وبالنسبه لكلامك انه يجوز او مايجوز ... هذا اختلفت فيه المذاهب ... وانا مو عالمه
لكن اللي اعرفه ان مذهب الحنابله هو اللي حرم كشف الوجه عن بقية المذاهب الأربعه
واللي اعرفه بعد انه مايصير تاخذين من المذاهب اللي يعجبك وتتركين اللي مايعجبك
اقصد اذا انتي تتبعين المذهب الحنبلي لازم تتبعينه بكل الفتاوى والمذاهب الثانيه نفس الشي

 

[آتعــبني غـلآآك]

انا ماأيد انج تقطينه

بس تذكري شغله وحده اهلج ورفيجاتج
مو نافعينج يوم الحساب

 

[أم عزيز2]

مددددددددددددددددددددري


أنتي صاحبة القرار

 

[** فتآة المعآلي **]

بسم الله الرحمن الرحيم ..

حبيبتي أنا ماأييدج انج تقطينه ..

بالعكس النقااب ستر .. و انتي بالنقاب ملكككة مححد يقرب صووبج ..

ياليت اتفكرين عددل .. وفكري بالاخره مو بالدنياا ..

...........،.......،،،...........،،.............،.............،.............،...

 

[غلا التركي]

استغفراللله انتي تتغطين لربك وبعدين
حراااااااااااااااااااااام كشف الوجة يبنت الحلال
اتقن اللله بكرة وراكم قبر وحساب

 

[Z O Q A]

يعطيج العافيه

مع احترامي لكل الي قالو رايهم ..
كشف الوجه و الكفين حلال فقط للنساء انهم يطلعونهم
على فكره هني بالكويت اغلب المتنقبات عادات و تقاليد و رفيجات و اهل بس .. نادر ماتشوفين الي تقولج حرام
كيفج قطييه الله محلل و شكو الناس اهم شي ربج
والي تقول المنقبه ملكه لا حبيبتي محد ملك بالكويت الكل يتحرش و إيي صوبج .. هذا واقع
كآ انا ابوي من كثر ما أهوا ديــن و ملتزززم يقولون عنه معقد .. و يلبسنه عبي و مانحط ميك اب بس عمره ماقال سالفت النقاب .. و اذا كنا حاطين مكياج يقولنا بوشيه لووول .. بس احنا مانحط مكياج ..
يعني عااادي ..
اتمنى محد يزعل
تحياتي ..

 

[روبي قطر]

الاسلام حلل عدم تغطيه الوجه و الكفين و اذا انتي مب مرتاحه بالنقاب مب لازم

 

[سكوتي بذوقي]

النقاب ستر

الله سبحانه أمرنا نغطي وجهنا

 

[سكوتي بذوقي]

الاسلام حلل عدم تغطيه الوجه و الكفين و اذا انتي مب مرتاحه بالنقاب مب لازم

اثبتي بالأدله استغفر الله

تفتون على كيفكم ياقولو خير ولا اسكتو بدل ماتألفون بالدين

 

[سكوتي بذوقي]

يعطيج العافيه

مع احترامي لكل الي قالو رايهم ..
كشف الوجه و الكفين حلال فقط للنساء انهم يطلعونهم
على فكره هني بالكويت اغلب المتنقبات عادات و تقاليد و رفيجات و اهل بس .. نادر ماتشوفين الي تقولج حرام
كيفج قطييه الله محلل و شكو الناس اهم شي ربج
والي تقول المنقبه ملكه لا حبيبتي محد ملك بالكويت الكل يتحرش و إيي صوبج .. هذا واقع
كآ انا ابوي من كثر ما أهوا ديــن و ملتزززم يقولون عنه معقد .. و يلبسنه عبي و مانحط ميك اب بس عمره ماقال سالفت النقاب .. و اذا كنا حاطين مكياج يقولنا بوشيه لووول .. بس احنا مانحط مكياج ..
يعني عااادي ..
اتمنى محد يزعل
تحياتي ..

كشف الوجه و الكفين حلال فقط للنساء انهم يطلعونهم

حلال بالصلاة ماقال ربي سبحانه

اطلعي ووجهك مشكوف استغرب من اللي يردون ولا عندهم دليل يفتون على كيفهم بس

 

[نآريتو]

لاحول ولا قوة الا بالله
اللهم انا نعوذ بك من الفتن ماظهر منها ومابطن