هل تأيدين البنت الي تقط نقابها من بعد ما البسته؟؟

[ْ~فاقدة حنان~ْ]

حبيبتي بجذي تكونين كسبتي ذنب


اهم شي رضا ربج مو رضا الناس


وطبعا القرار لج ،،،،

 

[منار البربرية]

لا إذا كان برضاها ،،، انا اذا كانت مغصوبه وبعدها سمح لها زوجها ليش لا

اعرف وحده جذي ،،،

شكرا والمحترمه شنو ما لبست محترمه ​

 

[Blonde B]

بما ان اهلج راااضين
خلآص قطييه ما فيها شي
عادي
انا قبل في اول ثانوي تحجبت عشان رفيجاتي
بعدين مليت وقطيت الحجاب عادي
ولما صرت برايع ثانوي رديت تحجبت
عادي

 

[Anastasia]

حبوبة .. انا فهمت انج بدوية مثلي وطريقتنا احنا البدو البنية يصير لها خيار انها تلبسه او لا
بس اغلبنا لمن ايتزوجون مايصير لها خيار يلبسونه .. اطالبكم بالتركيز قلت اغلبنا ..
فانا شوري اذا كنتي متيقنه ان ابتلبسينه لين تزوجتي فشحقةاتقطينه اول وتالي بتلبسينه
بعدين انتي شعليج من اشكال النقاب اللي برا انتي نقابج مثلهم؟ تركبين رموش وترصين خدودج برا ؟ خلاص عيل اصلا اللي يلبسونه هذا مو نقاب هذا مسخ ..
الحين كل وحدة مو حابة النقاب اتقول طاعو المنقبات .. ومحد اييب طاري المنقبات العدلين معنه اهم الاصل !
وبعدين المتحجبات مقصرين بالله عليكم لمن نمشي بالسكة مانجوف اشياء تكش شعر الينب؟ اللي حجابها يبرق ويتلامع ونص شعرها طالع ولابسة مرصص جنها مفصخة واللي واللي .. وميك ابها كلش مو مال بنية بنت ناس محترمة .. بعد قطي حجابج عشان اشكال المحجبات مو شي ! هذا مو منطق بالقياس
.
ثاني شغلة مو عذر ان منتي قادرة تاكلين نفيش ولا كوفي .. ليش ماتقدري ؟ ايدج تعورج ؟ نقابج داش بحلجج ؟ انا صارلي سنيين وانا متنقبة .. اطلع اروح ارد مطاعم سينما ما عاقني ولا شي .. بداية اي نعم نعبني بس لمن تعودت وتقبلت نفسي For who i am w for wat i believe inصارت الشغلة نورمال وايزي .. انا بعد اطلع ويا اجانب ومضطرة اقعد وياهم وميتنغات بالكافيهات بس ما منعني الحمدلله .. واحترام الغير لي بنفس درجة احترامي لنفسي .. ومستوى ثقتي تحدد هالة الكاريزما اللي تحدد انطباعاتي لدى الناس درجة تأثيري
وعلى فكرة اهو مجرد خرجة صغيرة وحاطتها على ويهج يعني مابتغير فيج شي ولا بتطلعلج دم اخضر ولا بتطلعلج خشم مكان عينج .. don't let that alianate u from the rest of the world
.
ومسألة النقاب عليها خلاف لكن انا من وجهة نظري اشوفه لازم صراحة هل هذا معناه اني مو فاهمة بالدين ؟ انا اتبع قول بن باز وبن عثيمين هل اهما مو فاهمين بالدين ؟ زين الشيخ احمد بن حنبل والشيخ محمد الشافعي كل واحد له مذهبة الفقهي وبينهم اختلافات في بعض المسائل .. هل هذا معناته ان في واحد منهم مو فاهم بالدين عدل ؟ ادري انج ماتقصدين بس انتبهي على كلماتج حبيبة ..
.. واذا اهلج راضين وانتي ودج ومابذنج ماي .. تنيازون كيفكم ..
وبخصوص سؤالج اذا نأيد او نتقبل كمجتمع ان البنية تقط شي كانت ملتزمة في فصراحة لا ما نتقبل ولا انأيد سواء حجاب عباة نقاب .. انا والله العظيم في بنات فمحيطي الدراسي جم وحدة قطت الحجاب وجم وحدة النقاب .. ورب الكعبة ان شرشحوهم تشرشح بالحجي مو قاعد اقولج عشان اخرعج وانبهج ترا انا لاعرفج ولانتي تعرفيني وولاني مستفيدة ولا يخصني اذا قطيتيه ولا ماقطيتيه هذا قرارج وقناعتج .. وكل من راح اينبش وراهم اللي طلعت قاطة من ورا اهلها واللي كانت متحجبة عشان حبيبها وتالي يوم he dumped her قطته واللي ابوها اتوفى مني واهي قطت نقابها من اهنيه .. لو ساكتين وحاشمين عمرهم جان ما طلعت كل خصوصياتهم وصاروا على كل لسان .. اتوقعي ان بييج حجي لان مسألة القط سواء حجاب نقاب عباية تسوي بلبلة وتضل بملف البنية ان هاذي قطت نقابها او حجابها او عباتها حتن لو كان الشخص اللي قاعد يحجي مو متنقبة ا متحجبة او تلبس عباية ..
.
ومن صج عجبني كلام بوبو الله يحفظج كلامها منطقي وستريت فوروارد .. الله يحفظها نادر تلاقون بنية بهالعمر تفكيرها بهالثقل

 

[OUM FAHoOoDI]

انا اشوف مدام اهلج راضين ما فيها شي ..احسن ما تلبسينه وتكرهينه ويوسوس لج الشيطان ان الاسلام كتمه ..يعني انتي لبستيه تقليد مو قناعه مو عيب الواحد يشوف ميوله ..

 

[المرتاحة]

انتي مشكلتج ان سبب لبسج له علشان تصيرين نفس رفيجاتج

اهو مدام بالدين مو حرام واهلج راضين و انتي مو مرتاحة له خلاص ماله داعي تستشيرين احد قطيه وما عليج من راينا

 

[Miss Cherry]

قناعات !! صدمتيني يعني انتي تحرضينها انها تقط نقابها عشان اهيا مومقتنعه


شنو اللي شفتوه من الله عشان ماتقتنعون بحكمه؟!:eh_s(2):

حبيبتي انا ماحرضت احد .. كلامي كان واضح

اهي تنقبت واهي مو مقتنعه فيه واصلا ماكانت متنقبه عشان ترضي ربها هي افتت ان تغطية الوجه مو ضروري .. خلاص ليش تغطي وجهها اذا هذي قناعتها ..

اغلب اللي تشوفين لبسهم للحجاب او النقاب غلط تلقينها لابسته عشان تقلد رفيجاتها ولا مغصوبه عليه فخلاص تقطه .. اما تلبسه عدل ولا ماله داعي صراحه*

 

[تذكر خافقي رمحك]

كيفها دامه مو فرض
بس البلا بلي تقط حجابها
الله لا يبلينا

 

[دمرت كياني]

انا اقولج كيفج هذا شي يراجع لج

 

[طموحي جنه]

مساااااآآئكم طاااعه ,,,,


حبيبتي عن نفسي لا أؤيد قط النقااب الا طبعاا للحاالاااات المرضييه الشديده بعد لان الدين يسر ديين عظيم دين رحمه ,,,,,,و لعدة اسباب ليش نقطه بما انه لبسنااه عن قنااعه وهو بالاساس وجووب لبسه كل العلماااء اتفقووا على ووجوب لبسه الا على ما اعتقد اذا الذاكره مسعفتني الالباااني الله يرحمه مع انه عاائلته زوجته وبنااته كلهم منقباااات ,,,,, ما اكد وجووب ,,,,

ومن ناحيه يأذيج بالكافيهاات وبالسينماا هذا موو عذر مهما كاان ,,,,,, انا ارووح مع اخواني كافيهاات ونقعد نتقهوى بس طبعا باجواء هااديه ومافيها مصخره واماكن محترمه,,,, وانا لابسه نقاب ودسوس وعبااة رااس بس هذا بلييس يبلش معااج بالاشياء الصغييره ,,,,

و ليش تكرهيين النقااب بسبب الاشكاال اللي تشوفيينها هم ماخذينها لعب وعااداات انتي بالعكس مثلي الصوره الحسنه ,,,, للنقااب وانتي شكوو انتي تمثليين نفسج بنت نااس ومحترمه وتمثليين نفسج واهلج فقط لا نخلي السلبيه تطغى ,,,, اذا كل وحده بتكره النقااب او اي شي ماعيناا خيير ,,,,,,,,


ياقلبي هالكلاام موكاتبته لج انتي خصوصا هذا اولا لي ولكم كلكم كل اللي يقرااا ,,,,

بنوتات خلي يكوون لنا مبدأ ,,, ومانستغني عنه ,,,

مهما كاان لان اللي تحترم مباادئها الكل يحترمها غصب طييب ,,,,,

انا ما اتفلسف واقول اني لاابسه من كييفي بس جد جد عن قنااعه انا تنقبت بعد الثانويه الاهل كلموني بالاشيااء المنطقيه وانا اقتنعت والاهل اهم شي عندهم النقاب المحترم العباة الوااسعه الراس والنقااب مو شرط عنهم الدسوس والبوشيه بس الحمد الله هذا فضل من ربي اني لبست البوشيه والدسوس من كيفي أسأل ربي انه يثبتني ,,, ويهديني ياارب ,,

وانا مع الاخت اللي تقول المحترمه محترمه بس مهما كاان مو معقووله البس شي ضيج وملفت ومطلع مفااتني واقوول محترمه
كل من هب ودب شاافهاا وله الحق انه يغازلها لانها هي اللي رضت عن حاالهااا ,,, مع كثيير احتراامي مو الكل طبعاا ,,,


اعتبري نفسج ملكه بل والله ملكه ,,,

شكراا لطرح الموضووع ,,,

واحس عندج عندج مبدأ صدقيني ومن داخلج متردده ,,, اتمنى اسمع رأيج بعد ردودناا









مسآآآآئكم طااعه ياأحلى ملكااات ,,,,

​

 

[بقلبي انت]

لا ما ايد ان البنت تلبس النقاب بعدين تقطه اهو مولعبه ولا هينه الشغله هذي
واذا على كلامج النقاب صار للمتزوجات والصايعات اقولج غلط دام نقابج ستير ولبسج له
مو ملفت يعني الخدود طالعه والكحل عالعين والمكياج ترس الوجه محد بينقد عليج ولا يتحرش فيج احد
انا تنقبت وعمري 16 عن قناعه الحمدلله والحين والله لو ادخل المستشفى اخذ وقت عشان اقطه واقعد اقصد
بولادتي بعيالي
خليج واثقه بنفسج والاهم بربج ولا تحطين اعذار تافهه عشان تقطينه والستر وقار للبنت وحشمه
والله يوفقج

 

[مس تسذآ]

انا وحده صراحه يطيحوون من عيني اللي يلبسونه و بعدين بمزاجها تقطه !

شلون يعطيج قلبج تقطينه ,,

انا كبرج بالثنوي , و متنقبه و عبايه راس

و الحمدالله ما افكرررر اقطعه

اذا عن الاكل عادي ما فيها شي رفعي شوي النقاب و اكلي اللي تبين و ما فيها شي اذا توصخ من داخل ,

انا اصلا ماعرف اكل اله اذا وصخته هع

و اروح اغسله و يرد نظيف عادي ,,,

اما بالنسبه لاهلج اذا اهمه عندهم عادي و مو هامهم

انتي خلي يهمج !

يعني انتي راضيه على عمرج تقطينه ؟

بعدين رمضان جاينا ,

البسيه و قولي يارب انا نويت فيه الاجر و لوجهك انت مو لغيرك ,,

و لا تفكرين تقطينه ,

و عدلي نيتج مو تقولين انا لبسته عشان رفيجاتي !

قولي لبسته عشان ربي و افتخري بهالشي .

و بعدين انا اشوف انه فرض ,

اصلا لو مو فرض جان ما لبسته

بس حبيبتي لا تحاولين تفتين لانج راح تتتحاسبين عليه .

الله يوفقج و يستر عليج .

 

[إستبرق]

شي راجع لج انتي اكيد هني راح تشوفين ناس مع وناس ضد
فهالموضوع انتي الي تقررينه
وربي يسهل عليج

 

[آدمنت قربككِ]

لا طبعاا كلش مااايد انه تقطه :/؟!!
حبيبتي قعدي مع نفسسج وفككري
تقطين شي سساترج عششان مطاعم وروحات وفششله الناس يقولون صغيره ومتنقيه ؟!!
عششان وصخ دنياا ؟؟!!
حبيبتي فككري بعقل لا تطيعين الشيطاان ولا كلام الاهل
تراا كلام الناس والاهل ماراح ينفعونج بقبرج بااجر حبيبتي
ادعي رربج يثبتج على دينه ويقوي بقلبج الايمان وتعوذي من ابليس وتستري فييه
كل مافكرتي تقطينه تذكري انه كلنا رادين للترااب لا صصرتي بحفرة القبر تدورين الحسسنه تدخلج الجنه =))
خلي حيااتج لربج وبسسس مو للدنياا
ترااني من كبرج عمري 16 وتنقبت 15 =))
صصغيره بس مستانسه واشكر ربي اني متنقبه
لا شففت البناات متكشخين ومتزينين على الاخر وطالعين احممد ربي ومااتحسسر على رووحي
والحمدالله صصار لي سنه متنقيه من رمضضان الي طااف =))

 

[ياملحي]

ماعندي كلام ازيده على كلام البنات بس حبيبتي لاتفتين من كيفك وتقولين انه ستر الوجه موضروري ؟؟؟ عطيني دليل او حديث يثبت صحه هالشي

بالنهااااايه اهم شي رضى الله قبل رضى الناااااس

 

[بنت الكويت90]

دامج لابسته بس عشان رفيجاتج معناته انج لبستيه بس جذي مو على دين وقناعه



والله مادري ماحب افتي بس انا اعرف بنات وايد قطو النقاب وومايحطون مكياج اذا طلعو يعني علا حسب


والله مادري حدي محتاره لو انا مكانج ماقطه لان خلاص لبسته احس فشله بين الناس يشوفوني ويتكلمون عني ماتسوى والله

 

[{ شيوخهـ ~]

آنآ آلي آعرفه آن آلنقاب مو فرض..
فآتوقع عآدي تقطينه آذآ آنتي مو مرتآحه فيه..

 

[غـلاهـا]

اعتقد اللي يتنقب عيب انه بعد ماتنقب يقطه
لازم يكون على قد قراره وشكرررررا

 

[Australia girl]

براي النقاب مو فرض كا بالحج مافي نقاب وبالصلاة ..عموما انا اعرف بنات قطوه بس مو تحطين ميك اب وجذي حتى العبايه الفرق بالستر واللبس المحتشم ...واذا على سالفة المطاعم في بالكويت كباين عندنا

 

[حلوى عمانيه]

النقاب مو فرض بالدين .. بس عاداتنا وتقاليدنا اللي فرضته علينا
فالافضل عدم ارتداء النقاب