هل انتي ضد او مع _ انج تكلمين زوجج بيوم الملجه ؟

[حبج يا يمه بدمي]

انا ضد هالشي بصراحه ابي اهتم بعمري واجهز على راحتي مو وين طالعه وتعالي اذا طلعتي و نسيتي ماقلتي ودق
عليج وقلتي طالعه بيفتح لج تحقيق
والله ماله داعي خل يشتاااق

 

[!! شوق !!]

خل اقولج سالفتي .. اول شي احنا بدو بس عادي تكلم زوجها ويطلع معاها بدوون دخله ..

المهم انا كلمته بس ماكتب ربي نصيب وطلبت الخلع ..
والحين لوو تزوجت هم بكلمه انا اقولج ليش ..

اول شي .. تعرفين منطق الانسان اللي قدامج
يجذب او لا .. لسانه وصخ او لا
تعرفين تعامله مع اهله ودينه ..
يعني انا لولا اني كلمته ولا جان دخلت بيت واحد راعي مزاج عالي !!!

وبالنسبه للمشاكل ترا وراده .. وبالعكس تصير بالبدايه واقييم اموري احسن من انه يدخل علي ..

طبعا بعد الطلاق الكل يقولي شفتي المره الجايه لاتكلمين زوجج !! اقولهم المشكله مو بالتلفون كا خواني كلهم كلموا حريمهم وخواتي المشكله بالانسان اللي كنت ع ذمته ..

وانا حييييييييييييييل ارتحت اني كلمته وانفصلت قبل لا يدخل علي

الخلاصه مع وبقوه لكن طبعا بذرابه .. باعتدال ..
دام الشي حلال لنا شرعا ليه نحرمه بعاداتنا وتقاليدنا​

 

[!! شوق !!]

اي نسيت اقوولج
هالفتره ترسملج حياتج المستقبليه ..
يعني مو تقضونها حب و رومانسيات وبس
لا فهميه طبعج حطي اساسيات وانتي بطريقتج توصلين له الافكار مو تقطينهم كقنابل ..
مثل فهميه انه مبدأ مد الايد مرفوض وبينهي كل شي بينكم
فهميه انه اهو الرجال وانتي المره
امممممممم المصرف ..
بس مثل ماقلتلج انتي بطريقتج توصلينها بطريقه ذربه وحبابه

 

[Denya-3'areeba]

اكيد مع انج تكلمينه اولا خلاص انتي زوجته
انا اعتقد ان لما تكلمينه بفترة الملجة تكسرين الحواجز عشان ماتنصدمين بيوم العرس
وحلو انج تتعودين عليه شوي
طبعا العادات تختلف لان احنا عندنا عادي لان اصلا نطلع ونجهز مع بعض فلازم اكلمه بالتلفون

 

[Dana.Qtr]

طبعآآآ مع ,
عشان نبعد عن المشاكل وكل واحد يكون فكره عن الثاني وفحال عدم الوفاق ينفصلوون , احسن من ان يتعرفون ع بعض بعد الزواج وينفصلون عقب مالبنت راحت عليها والا جابت يااهل .. وبالنسبة لاهلنا المكالمات مسموحه يومياا بس لوقت مايزيد عن ساعه , وفيه زيارات كل شهر بس بعد مايطول فيها , اما الطلعات فهي ممنوعه منعا بااااتا .. وبالنسبة ان خطيبج يتحكم فيج فهو شي عادي سنه او سنتين بس عقب بيوقف من هالتحكم هو بس يثبت رجولته وكلمته عليه وامشي على شوره وبيحبج اكثر واكثر ولو فيه شي ماعجبج النقاش السلمي احسن حل بس بدوووون مشاكل .. وموفقييين ..

 

[Om_Ksha]

واااااااااااااي انا مالي شغل بالمووضوووع راسي افتر من الردوووووووووود



صااااااااااااااااااحبه المووووضووع سوي اللي يريحج ..
وترا ان كلمتيه او طلعتي معاه هذا زوجج حلالج مو حرام فلا تصعبين الامور ..


وانا عن نفسي رحت معاه المحلات وغيره نقيت الاثاث على ذوقي وذووقه وهالشي واااايد حلو
.. وبنت خالتي تروح المحلات بروحها او مع اهلها تنقي اللي تبيه وتحجزه واهوا عليه انه يروح ويدفع بعدين ..

فعادي تيك ات ايزيي ,,

 

[coralia]

اكيييد مع زوجج شرعا شالمشكلة ؟

 

[الـــغـــلآ]

غلاوي حبيبتي فكري بعقلج فكري انتي شنو تبين مو البنات ترا كل وحده منا زوحها غير عن الثانيه و بيئتنا غير عن بيئتج

برايي انا

احسسسن شي ان الوحده تكلم زوجها فتره الملجه

انا كنت حيل خايفه منه و في بالي اشياء سوده ناس موصلينها لي و من عرفته و كلمته عقبها دريت ان كل الحجي جذب ب جذب

مو بس 3 ساعات ان شاء الله 9 ساعات بالعكس علقيه فيج خليه بكل وقت معاج

خل اقولج سالفة رفيجاتي ثنتين اووكي

الاولى زوجها يعرف وحده من زمان و لما اخذها قام يدق عليها ب فترة الملجه و هي تسكت و هو اللي يسولف ليما زهق و اذا شافت رقمه تدزله مسج ((داق؟؟))

الحين تزوجو علاقتهم كلش مو قويه و مشاكل و تغيب عنه بالاشهر ما همه الله يسخره لها بس



الثانيه ترد عليه و تدق عليه و افرضت نفسها و صارت هي كل حياته و هو كل حياتها و تجي عند اختها و تلقاه لان زوج اختها اخوه فهمتي و يقعدون و يسولفون ووناااسسسه

و الحين هي متزوجه مشالله تبارك الرحمن الله لاااا يغير عليهم

لو تغيب عنه شوي دق عليها و فقدها لان تعود على حسها و هي وصلت للي تبيه خلت نفسها غاليه و مثل النفس عنده

شفتي الفرق ؟؟

بالعكس تراا كل المتزوجين اللي اعرفهم يقولون لي هذه احلى الايام و هالايام لها ذكريات غيير عن العرس

و لها طعم غير


و بالنهايه سوي اللي يريحج بس انا قلتلج

و بدزلج رساله ع الخاص ؛)

 

[غلآوي .~]

عدل كلامج الغلاااا

 

[غلآوي .~]

تسسسلمون عالردود

 

[لؤؤؤؤدي]

بنات الموضوع مع او ضد مب علمونا ياناس هذا حلال ولا حرااام
ندي انه حلال لاكن كل واحد وتفكيره ومنطوقه

انا عن نفسي ضد

لييييييييييش !!

اولا حلوو الحياا والمستحى والخجل حلووه هالكلمه بكل انواعهاا
وحلوو تبتدون حياتكم من اول يوم زواج يبدا يتعرف عليج ويداري خاطرج ويشاورج في كل شي
لييييييييييش يشاورج ؟!! لانه مايعرفج وانتي غامضه ولج هيبه بهالشي
اما الي يكلما بيكون يعرفها ومايشاورهااا !!



ثانياا
بيصير يتحكم فيج

ااااي يتحكم فيج لاتقولين هاي من حقه
اوكيه من حقه بس بتصير مشاكل على هالنقطه وايد وخاصه انج في احلى ايامج
واخر ايامج مع البنات واهلج وتخيلي كل شوي متصل وينج وين وصلتي مته بتطلعين
وانتي كل شوي تبين السوق تتجهزين والشيخ يامر عليج

حلو بعد العرس يطلب هالشي وتراا لين يطلبه بتكونون فيس توو فيس مابيحاول يزعلج بيطلبه منج بطريقه حلوووه احم احم فاهمين قصدي :eh_s(7):


ناس تقول عشاان تفهمينه وتعرفينه ليييييييييييييييييش؟؟؟؟!!
انتو ماسالتوو عنه مقربين اي حد ويلااا وخل البنيه تكلمه تتعرف عليه !!!!

لا اكيد سالين وتعرفون عنه واهم شي مصلي وواصل اهله وبس









هذا من رااي الشخصي طبعا
انا اجوف انه له وايد سلبياات ^^

 

[ميممآإ]

انا ضد وبصراحه يوم ملكت اصّر انه يكلمني ويوم اخذنا على بعض احس مصخت السالفه وصارت بينا مناقشات شوي قويه واكيد هو اللي بينتصر بـ الاخير بحكم انه الرجال يعني بصراحه تندمت اني كلمته اقول في قلبي ليتني داخله عليه على عماي ولا اعرف عنه ولاشي واقعد استكشف فيه احسن من اللحين ادخل عليه وانا شايله بقلبي شوي عليه خخخ ومن ناحيه استفدت من المكالمات يعني قررت انا وياه وين بنسافر وبرضو انا اللي اخترت القاعه اللي بيصير فيها العرس وخليته يتعلق فيني ويحبني ..

 

[غلآوي .~]

انا والله ضد بس مجبوره

 

[عاشقه رويشد]

بالعكس انا مع انج تكلمينه عشان اتعرفين عليه وشي حلو والله وايام صج ما تنسينها

 

[الـــغـــلآ]

هذا مو تفكير انه راح يمل منج

اذا بيمل ف انتي معاه طول العمر اجل كلنا رياجيلنا بيملون منا


و معرفة اهلج فيه مو مثل معرفتج انتي فيه

عمرهم الاهل ما عرفوا الرجال عدل و لا جان محد زوج بنته واحد يكلم و لا بيطقها بيوم من الايام يعني هالفكره اكس


و بعدين اللي يقولون ان حلو اول يوم يشوفج هو اول يوم يكلمج وين الحلو فيها كلها ربكه و توتر عكس لما تكون تعرفه و تعرف شخصيته و تفكيره هني غير هني حتى هي بتحس انها صج برومانسيه



موووفقه

 

[♥ SWeeRa ♥]

احنا عادي عندناااا
بس انا مابي ..
وحتى النظره الشرعيه ..

اانا حيويهـ ..

 

[♥ SWeeRa ♥]

انا حلات الوحده تدخل ليلة عرسها بحياها وخجلها

مو مطيحه الميانه معاه

 

[أم*سلمان]

بالعكس عاادي انا مع

 

[كتكات احمر]

مع ونص

شكوو داشة عليه مااعرف عنه شي وااااااااااااااااااي خرررررررررررعة

 

[هــنــوف]

هههههههههههههههههههههههه دايم هالمواضيع يصير فيها سوووووء فهم الله يهدي بعض البناااات صراااحه




انا بقوووول رايي
انا مع انه تكلمه وتتعرف عليه وعن نفسي طلب يشوفني ورفضت وبعد الملكه طلب رقمي وهم رفضت <<من الحياا طبعا ما اقصد شي
بس الي عندها جرأه تكلمه وتطلع معاه احسن