هل انتي ضد او مع _ انج تكلمين زوجج بيوم الملجه ؟

[حــور دنـيـتي]

وااااي بنااات عفيه الي يقولون تخلص السوااالف شدعواا ترا بعدين اذا عشتو مع بعض اكييد بتصير احدااث ويومياااا

يعني حياااتكم مو كتاااب ولا فلم عشان يخلص

وشدعواا اكمله مرتين او ثلاث مرات بالاسبووع شلون تحبون بعض و تتعودين علا بعض

حطي في بااالج بهالفتره انج تسوين احلى قصة حب انتي ممكن تتخليلنهاا ابني حيااتي بالحب مو بالتسلط فكرررررررررررررري

 

[رموسة الدلوعة]

بصراحة انا عن نفسي الحمدالله اخذته عن حب لأنه من الاول احنا متفاهمين والحين مازلنا متفاهمين ربي لك الحمد أأيد وبشدة المكالمة أيام الملجة عشان كل واحد يفهم الثاني عندي قاعدة مستحيل أرتبط بشخص خبط لزق وسلامتكم

 

[لآ بيرلآ]

بنات الحيا ماله شغل كلش كلش بموضوع المكالمات !!

اول شي الحين احنا بزمن الفتنة .. لو المكالمات تملل جان ماشفتوا العلاقات اللي مالها داعي !!

بعدين شنو علاقة الاتصالات بالحيا يوم العرس ؟ سوري بس عشان اكلم ريلي ماراح استحي منه حزة الشسمونه ليلة العرس ؟
يمااا انا اكلمه كل يووم .. و الله و الله بس يقول كلمة حلوة ويهي يحمر و مااعرف ارد و تلقوني عشر دقايق ساكتة
الحيا موجود فينا ماله علاقة .. و الا تدشين ع الريال ليلة العرس و يصير اللي بيصير بدون لا حتى تعرفين اي شي عنه و لا عن شخصيته و لا و لا و لا ..! هذي عادي بس تكلمينه و يدش عليج مو عادي ؟! في اشياء بالشخصية ضروري تنعرف .. و حلاته حتى تجهيزج فيه اشياء يحبها الوان ستايلات .. يعني مو قصدي الاشياء الخاصة لا .. قصدي بشكل عام

و اذا ع الروحة و الردة و و التحكم .. عفوا ترا هذا ريلج لازم تبلغينه انج بتطلعين و الا تنلعنين شرعا زوجج مو عشان عند اهلج خلاص تنسين هالشي ! انا امي ثاني يوم الملجة قالتلي يا ويلج اذا بتطلعين حتى لو الكلية و ما تبلغينه !! يا ربي كل خطوة اخطيها انلعن ليش ؟! و شدعوة بيتحكم عشان بطلع حق التجهيز ؟ وين رايحة ديسكو عافانا الله ؟ رايحة اجهزله و عادي تتفقون ان دام بتجهزين ترا انا بروح السوق مع اهلي خلاص يفهمها و ما يحقق .. بعد مع اهلج و بتجهزين بيقول لا ؟ مااتوقع بنات ! و اللي بتطلع و تروح و ترد على غير معنى .. نفس وحدة اعرفها .. تقول بطلع و ارد مع البنات .. نعم ؟ عسى ما شر ؟ على ذمة ريال خلاص انتي انسانة متزوجة من الحين لازم تعرفين حدودج ..

عودي ريلج عليج .. اذا بيمل من مكالمة باجر من يقعد معاج اسبوع المفروض يمل ؟
بنات لا تفكرون جذي و تاخذون الامور بـ مادري شنو الكلمة يمكن جمود ؟ مادري ..
ترا هالشي حلو .. و قلتلكم هذا زمن الفتنـــــــــــــــــة ! حوفي ريلج حني عليه عرفيه فهميه ..
جد جد عادي يدخل عليج و انتي حتى صوته ما تعرفينه ؟ انتي تقدرين تتحكمين بالموضوع اذا كلش كلش يعني لا تكلمينه كل يوم بس لا تتغلين وايد ترا مو شي حلو .. بس انتي تحكمي بكلامج .. اسلوبج .. شنو تقولين شنو ما تقولين هني الذكاء .. عادي ما عندج زميلات تقعدين معاهم كل يوم و تسولفين معاهم كل يوم و بنفس الوقت مايعرفون عنج شي ؟! ادري غير بس همن تقدرين تتحكمين بنفسج .. و بسوالفج ..

اللي ما تبي حرة كل انسان له رايه .. بس في اشياء تقولونها مو معقولة .. خصوصا ان بعضكم ما تكلم ريلها .. و ممكن تكون حارمة نفسها من شي تتحسف قد شعر راسها انها ما سوته .. ( بحكم انها ما تعرفه خير شر باختيارها )

و الريال اللي بيمل منج الحين بس صوت .. الله يعين باجر صوت و صورة و بث مباشر شنو بتسوون ؟
هذا السؤال .. اما اللي تستحي حيل منه كشخص و ما تقدر عاد مشكلة .. مادري هذا نصج الثاني ليش تحرمين نفسج منه ..
الا عاد اذا عادات و تقاليد .. ما نقدر نقول شي

 

[دلع الدواسر]

كلميه ياقلبي خليه يتعود عليج عيشي وياه قصه حب واذا على الشوق ياحلوه ترا بفتره الملكه يشتاقلج اكثر للانج مب عنده بس يسمع حسج
عكس العرس متى مابغاج لقاج

 

[ابـيـض واسـود]

اكـيـد مـع

 

[ام يوسف2011]

اكثر شي يقهرني الي ماتبي تكلمه لان لاعاشوا مع بعض مايصير فيه سوالف ..

حبيبتي بعرف شكووو ؟؟؟ اكيد في سوالف مو معقوله تخلص وبعدين لاعرفتيه عدل بفترة الملجه

وعرفتي شنو يحب ويكره جذي تطلع السوالف يعني مثلا اهو غرامه السيارات سولفي عنهم ..

او غرامه الطباخ ومادري شنو عاد انتي شوفي شنو يحب وسولفي عنهم بعد العرس ..

وحتى شوفي شنو يحب يسوي بفترة الفراغ في بعضهم يحب يروح الدوانيه بس عشان يلعب كوت

انتي لعبي معاه بعد العرس او مثلا يحب التلفزيون روحوا اشتروا مع بعض افلام سواء مصريه وله اجنبيه

وجذي بيصير سوالف ووناسه بالعكس جذي راح تفهمينه عدل : )

 

[جيرازksa]

مع مع وبقوه

لان احيانا فيه اشياء تنكشف بفتره الملكه مثلا اعرفه اذا بخيل كريم فيه شي عيب ممكن مايخليني اكمل معاه...

وجهه نظر

 

[الـــغـــلآ]

لا بير لا بردتي حرتي

 

[مسـك]

استغرب من اللي تقول يعرف عني كل شي


شنو يعني انتي مسويه شي غلط وخايفه انه ينكشف له ؟؟ والا شنووو

هيك والا هيك هو عارف عنك كل شي

وحلاته اعرفه يعرفني قبل ليله العرس تفادي للمشاكل فالمستقبل

اعرف تفكيره ويعرف تفكيري

سبحان الله الشي الحرام يحللونه والشي الحلال يحرمونه ويخلونه عيب

وتراني بدويه ومن مجتمع محافظ بس مو معقد

انا مع وبقوووه

 

[لآ بيرلآ]

لا بير لا بردتي حرتي

فديتج حبيبتي :eh_s(7): حاضرين


و مثل ما قالت ام يوسف .. ترا الحياة ما توقف عند يوم العرس ..
راح تمشي و بتصير احداث يومية و لو قلنا مثلا عمرج 20 و الا 21 ..
مو معقولة الاحداث اللي بحياتج و كل شي صار بحياتج بينقال بـ جم شهر :bbbiu:

 

[بنت طفله]

اسمحوووووووووووووولي؟؟
وع اناااا يوووووم ملجتي خوووواتة يتحرشوووووون فيني؟؟تبين رقمة نعطيج قبل لاتحسفين؟؟عمك اصمخ اذن من طين واذن من عجين
والا تبين نوووووريج صوووووووووووووووورتة؟؟
كذلك عمك اصمخ؟؟
وووووووووووووووووع واالله ماخلت لنفسهاااا قيمة وبعدين لاحقة ع التمقل ويباسة لريق واللوية ع شنووو مستعجلة يارب؟؟
واحد غريب مومن جماعتناااا تقدم لبنت خااااااالتي؟؟
وبعد بلملجة طلب خواتة ياخذووون رقمهااا ورفضت؟؟
وبعد العرررس قالهااااا كبرتي بعيني؟؟والله؟؟ لو انج موافقة قلت هذ خفيفة عالعموووووووووووم؟؟
ترى الريايل كلهم اختبارات بالايااااااااااااااام الاولى؟؟
نصيحة لووووجهة ووووووووووووووع حتى اول يوووووم مافيهااااااااا حلا ميانة""

 

[لآ بيرلآ]

امبييييييييييه شهالتفكييييييير عشان كلمت ريلي اصير خفيفة ؟

ليش ياي بيتنا مرقمني ؟ لوووووووول .. ريلي حلالي .. طبعا كبيرة بعينه و الا بياخذ وحدة شاك باخلاقها و الا ثقلها و تكانتها و بيرضى يرتبط فيها و تصير زوجته و ام عياله بالمستقبل ؟

هذا مرض مو تفكير .. الحمدلله اللهم لا تبلانا بهالعقلياات .. و الله لو يقولي جذي اقوله انته طحت من عيني !!
هذا اللي ناقص يتزوجتي و يقولي لو رضيتي تكلميني تطيحين من عيني .. استغفر الله شهالعقليات اللي يقولها جذي شلون ترضى !!

شاك باخلاقها ؟ شاك بتربيتها ؟ عفوا ليش متقدم و يايب اهلك و دافع مهر ؟ عشان تكتشف اذا اللي ماخذها كفو ؟
استغفرك يا رب

 

[البندري w]

انا اقول اللي تكلم في الملكه احسن علشان تتعود عليه من بدري وتكون اكثر استرخاء لما اتواجهه لانها عرفت جانب من شخصيته واحس هالفتره فيها حب مو طبيعي ودلال وحركات وهدايا واوووو وناسه بصراحه وبعد العرس ماراح يطوفك شي بالعكس دلال وحب من جديد واقوى شي
سوري لللاطاله

 

[فاطمة الجسمي]

انا بصراحه ضد انه البنت تكلم خطيبها قبل العرس
^
^
احسن خلج ثقيله قدامه​

 

[لـــولو]

مرحــــــــــــــــــــــــــبا

انا عن نفسي نووو ما ايد اكلمه
مع التعويد اليومي لما يجي ليله العرس ا ماحس انه غريب .. ولا استحي منه
نو نو نو نو ضد وبقووووة

وشكـــــــــــــرا

 

[قطوة@@]

طلعات وويات مو بس تلفون ...عادي احلى شي

 

[ام يوسف2011]

شكوووووووو الثقل انا بعرف ..

يعني الحين كل الي يكلمون ريايلهم قبل العرس اخفاااااف ؟؟؟؟!!!!

وشكو يقولها كبرتي بعيني لما رفضتي تكلميني شنو لاقيها بالشارع .. لو لاقيها بالشارع وحاول

يكلمها ومارضت اهني تكبر بعينه مو وهيا زوجته تكبر بعينه .. والله في عقووول مادري شلون صايره

وبعدين هذا حلاااااااالج ليش تحرمينه من الحلال باجر لا راح للحرام قولي طقي اصبع ..

استغفر الله ..

 

[غلآوي .~]

والله عن نفسي كلمته وطولت معاه .. بس للحين ما ودي اكمل ودي اقوله خلاص ماني مكلمتك بس فشله والله

 

[just ask me]

ان تيسر لي قد يكون لي عوده

 

[j0ood]

بالعكس فترة الملجة من احلى فتراااااااااااااااات الزوااج وحلال شرعا يكلمهاا مافيها اي شي
الوحده بتظل دوووم تتذكر مع زوجها بعد العرس المواقف اللي صاارت والمكالمات والاكشنززز لووول
انا مع وبقوووووووووة
لانه الوحده بتحس بطمأنينه اكثرررر لانها عرفته وعرفت شخصيته
والبنت بتحس انها بدت تتعود على شخصيته وتتأقلم عليه
ومستغربة من البنات اللي تقول تكبر ف عين الريال لانها ماكلمته !!! فعلا شي غريب يقول الريال هالكلام وهوه عارف انه الملجة هوه عقد الزواج والحفلة هي التشهير يعني مافيه اي شي محرم ف السالفه او يدل على حياء البنت !!!!!!!!!!!!!!!!