الجـــــــزء *32*
الســـاعه 1:30
هيفا واقفه مع خالد بالمطار...
هيفا:خالد تقدر تروح أنا كلمت السايق والحين بيوصل
خالد:لا كيف أخليك واقفه بروحك ماوراي شي بنتظر لين يجيك سايقكم
بعد طول إنتظار وصل السايق...هيفا وهي واقفه عند السياره...
هيفا:مشكور خالد ماقصرت
خالد:العفو هذا واجبنا
ركبت هيفا السياره وبخاطرها:مشالله عليه محترم...بس تناقض بين شخصيته وشخصية تركي كيف هم ربع مدري؟؟!
الساعـــه 3 في الطيـــــاره
كانت الهنوف نايمه وتركي مرجع راسه على الكرسي يحاول ينام بعد ماتعب من المحاوله في النوم إللي مجافيه رفع راسه ناظر الهنوف إللي كانت مرهقه وقام يفكر بحياته الجديده إللي بدت من هذا الوقت حركت الهنوف راسها وإلتفت تركي للجهه الثانيه على طول...فتحت عينها بشويش ناظرت تركي وهي مستغربه وتحاول ترتب الأحداث في بالها وتفرق بين الواقع والحلم ناظرت الساعه وصحت للواقع إللي هي فيه..ظلت ساكته..إلتفتت تناظر الشباك شوي والتفتت تناظر تركي إللي يقرا بكتاب وكأن أول مره يقرا يحاول يشغل روحه وماحس إنها تناظره...
الهنوف:ماظن بنظل طول حياتنا ساكتين
ماعلق تركي وتم يناظرها تذكرت الهنوف نظرات تركي إللي كانت تجذبها له وتربكها..بدأ معاها الكلام بشكل طبيعي وعادي...
تركي رجع يناظر الكتاب:معندي شي أقوله
الهنوف:معقوله بعد كل هذا ومعندك شي تقوله؟؟
تركي:إيش تبيني أقول؟......بخاطره:تبيني أقولك إني اكرهـــك
الهنوف:إسألني عن أخباري؟؟..وكيف أحوالي؟..(ناظرت بطنها)..وعن صحتي
تركي يناظرها:شخبارك؟؟
الهنوف:بخير الحمدلله...وإنت؟؟
تركي بخاطره:زفــت...تمـــام
ومسرع مارجع الصمت بينهم....شوووي تركي حس إنه لازم يحن شوي عليها على الاقل يتكلم معاها...
تركي:تعبانه؟؟
الهنوف:عادي مو ذاك التعب
تركي:تبين شي اقولهم يجيبونه لك؟؟
الهنوف:لالا مابي شي
تركي التفت للجهه الثانيه والهنوف تمت تناظره..
الهنوف:مانمت؟؟
تركي:لأ
الهنوف:شكلك تعبان
تركي:مجافيني النوم
سكتوا شوي...
الهنوف:إبعد بروح الحمام
تركي وهو قايم:طيب ...(وهو واقف)..أوصلك؟؟
الهنوف:ياليت
تركي يضحك وهو يجلس..والهنوف ضحكت وهي رايحه...في بيت بوتركي...هيفا جالسه على سريرها وهي تفكر بتركي..
هيفا:بشتاق له حيل..كيف بصحى الصباح بدونه..آه آه ياتركي اول ليله وأحس إن البيت فاضي كيف بكره والأيام الجايه..الله يحفظك ياخوي
ناظرت صورة تركي إللي عند سريرها ونزلت دموعها
يوم الخميس الساعه 10 الصباح
بيت بوعبدالعزيز
عبدالعزيز ومساعد جالسين بغرفة الطعام يفطرون..عبدالعزيز يناظر مساعد...
عبدالعزيز بخاطره:غريب ماهي بعادته يظل ساكت؟؟..شكله مضايق......مساعد..مسااااعد مساعد
مساعد رفع راسه:هـ...هاااا
عبدالعزيز:إيش فيك؟..شكلك مضايق؟؟
مساعد:مزاجي ماهو برايق
عبدالعزيز:ليه؟؟..إيش صاير؟؟
مساعد قام بعصبيه:قلت لك منيب راايق
ركب مساعد لغرفته...
عبدالعزيز:إيش فيه هذا؟؟
طلع عبدالعزيز وفي غرفة مساعد دق جواله ناظر الرقم...وتأخر قبل ميرد...رفعه وتم ساكت....
وجدان:عارفه إنك بظل ساكت بس كنت بقولك.........أحبــــــــك
سكرت وجدان الخط...ومساعد ظل ماسك الجوال وضحك على جنب...جلس على السرير وكتب مسج لها...(أنا مسامحك بس بعاقبك متسمعين صوتي."وأنا بعد")
بيت بوراشد
راشد وام راشد جالسين يفطرون...
أم راشد:تبي شاهي راشد؟؟
راشد:لايمه بشرب عصير
ام راشد:أخوك ماصحى؟؟
راشد:إيش يصحيه نيوف مايصحى إلا الظهر
دخل نايف...
نايف:صباح الخير
أم راشد:صباح النور....عمرك طويل
راشد:اعوذ بالله ..ليه صحيت بدري كذا؟؟
نايف وهو يجلس:عشان أطلعك كذاب
راشد:هي هي هي بايخ
نايف:طالع عليك
أم راشد:لاتتهاوشون لي ألحين خلاص
نايف:يمه ورا ماتزوجون راشدوه وتفكونا منه؟؟
راشد:نعـــــم
أم راشد:والله بودي اشوفه معرس اليوم قبل باكر بس الله يحفظه باقي صغير
راشد ناظر نايف بنظرات تنرفز...
نايف يعانده:عادي يمه دامهم متفقين
أم راشد:منهم المتفقين؟؟!!
راشد:محد يمه معليك منه
نايف:أقول يمه إنتي مومحاطه في بالك بنت لراشدوه؟؟
راشد:وإنت شدخلك ياملقوووف خلك بحالك..............جد يمه إنتي حاطه في بالك بنت؟؟
أم راشد:بصراحه في بالي كثير موب بس وحده
راشد:منهـــم؟؟
أم راشد:إذا جى هذاك اليوم بتعرفهم
نايف:يمه بيان بينهم؟؟
رمى راشد علبة الكلنيكس على نايف...
راشد:ياغبـــي
أم راشد:بيان؟؟!..وليه سألت عن بيان؟؟
نايف:لا بس إن....جات في بالي
قامت أم راشد وهي تناظر راشد وتضحك...
راشد:أنا بذبحــك
أمريـــــكا(ولاية فلوريدا)
وصلوا المبنى إللي فيه شقتهم من ربع ساعه تقريباً جلست الهنوف تنتظر تركي ياخذ مفتاح الشقه من صاحب العماره..
تركي:يالله
وقفت الهنوف وهي تحس بتعب مشت ورى تركي لين وصلوا للشقه فتح تركي الباب وبعد عشان تدخل الهنوف...الهنوف تناظره وهي مرتبكه تذكرت أول مادخلت معه الشقه هذيك المره..حست بخوف ماسكها إنها تدخل وقفت ماهي بقادره تخطي خطوه وحده...
تركي:إيش فيك؟؟
الهنوف:هــ....ولاشي
تركي:طيب يالله إدخلي
دخلت الهنوف بخطوات متثاقله ودخل بعدها تركي..سكر الباب والتفتت له الهنوف تناظره بخوف ناظرها تركي وهو مستغرب...نزلت عينها ودخلت الصاله(الشقه كانت كبيره عباره عن ثلاث غرف وحمامين والصاله والمطبخ)..ناظرت الشقه نظره سريعه وهي تجلس على الكرسي..
الهنوف:طيب وين الأغراض؟؟
تركي:ألحين يجيبونهم
دق الباب..
تركي:هذولي هم اكيد
تركي فتح الباب وكان واحد معاه اغراضهم...
العامل:Good evening sir
تركي:Good evening
العامل:where do you want me to but this bags??
تركي يأشر له:There
دخل العامل الأغراض وهو طالع...
العامل:Enjoy your stay
تركي بابتسامه:we will, thank you
طلع والتفت تركي للهنوف..
تركي يتكلم وهو مرتبك شوي:أنا بدخل أخذ لي شاور...بعدين بروح اجيب لنا عشا
الهنوف:طيب
دخل تركي الغرفه بعد ماخذ شنطته..الهنوف تمشي بالشقه بين الغرف وبالمطبخ والصاله وصلت لغرفة النوم فتحت الباب كانت الغرفه ظلمه وهدوء مافيها إلا نور الحمام إللي كان يسبح فيه تركي وصوت الشاور..وقفت قدام المرايا ونزلت شيلتها وعباتها..
الهنوف بخاطرها:ياربي مدري كان بتحمل الحياه مع تركي وبالغربه مدري كان حياتي معه بتصير قاسيه وصعبه يارب محتاجه عونك مالي غيرك يالله
إلتفتت تناظر الغرفه...
الهنوف تنهدت:إنشالله تمضي هالليله على خير
سمعت صوت باب الحمام ينفتح وطلعت بسرعه برى الغرفه....طلع تركي من الحمام وهو واقف ينشف وجهه انتبه لعباة الهنوف على السرير...والتفت يناظر إذا الهنوف موجوده مالقاها وراح اخذ العباه وشمها...
تركي:بعدها تستخدم نفس العطر
السعـــــــــوديه
بيت بوحمد
أشواق ماسكه جوالها ورايحه جايه بغرفتها متردده...
أشواق:اكلمه؟؟!..بس شقول له؟؟...يمكن كان ضايق خلقه ماله داعي أكبر الموضوع
دق جوالها وتخرعت...
أشواق:بسم الله............اهليين حلا
حلا:هلا ...كيفك؟؟
أشواق:تمام
حلا:ذاكرتي لإختبار يوم السبت؟؟
(أشواق من تفتح الكتاب تذاكر قامت تفكر بعزام وتنشغل عن المذاكره)...
أشواق:لأ..مالي خلق
حلا:ومن له خلق يذاكر بس مجبورين
أشواق:اليوم الخميس عندي الجمعه أذاكره
حلا:بس هو طويل ماظنك بتخلصيه بكره
أشواق:أمممممممـ مدري والله....إلا ماقلتي لي صحيح إللي سمعته
حلا:إيش سمعتي؟؟
أشواق:الهنوف تزوجت؟؟
حلا:صحيح وراحت أمريكا بعد
أشواق:هاااا..طيب ليه هي باقي صغيره؟؟
حلا:مدري عنها أنا قالت لي بيان
أشواق:أهاااا الله يوفقها
حلا:طيب إنتي عندك شي اليوم؟؟
أشواق:أمي عندها موعد بالمستشفى وبروح معاها
حلا:ليه إيش فيها خالتي؟؟
اشواق:عندها مراجعه
حلا:أهااا اوكي انا بخليك الحين
اشكر مروركم الحلو
