هـــــــــــ الحب ــــذا............(قصه رائعه اتمنى تعجبكم)

[الخجوله]

دخل عبدالعزيز لمساعد بغرفته..
عبدالعزيز:نايم؟؟
مساعد التفت له:لالا..تفضل
عبدالعزيز:متى بتنزل لبيت عمك؟؟
مساعد:أي عم؟؟
عبدالعزيز:عمي بوراشد.... تحت بيتغدون معانا
مساعد:ليه محد قالي؟؟
عبدالعزيز:وحنا نشوفك عشان نقولك
تنهد مساعد:اوكي بنزل الحين
عبدالعزيز وهو طالع:لا طول
نزل عبدالعزيز وبعده بشوي نزل مساعد...
مساعد:الســـلام عليكم
الكل:وعليــكم الســـلام
أم راشد:شلونك يامساعد؟؟
مساعد:بخير دامك بخير..إنتي شخبارك؟؟
ام راشد:الحمدلله
مساعد:عن إذنكم بروح المجلس
راح مساعد لمجلس الرجال....في مجلس الرجال بوعبدالعزيز يتكلم مع بوراشد...
بوعبدالعزيز:لاإنشالله بكره راشد ومساعد وعزام
دخل مساعد....
مساعد:الســــلام عليكم
الكل:وعليكم الســـــلام
بوراشد:هلا مساعد..شخبارك؟؟
مساعد:بخير يالغالي........إلا ايش فيهم مساعد وراشد وعزام؟؟
بوعبدالعزيز:راح تمسكون الشغل بالشركه إنشالله بعد ماتتخرجون
مساعد تضايق لنه تكلم مع بوعبدالعزيز من قبل بهذا الموضوع وعرف رايه فيه...
مساعد يغير الموضوع ويكلم نايف...
مساعد:إنت وينك صارلي فتره ماشفتك؟؟
نايف:الدراسه شاغلتنا ياولد العم
عبدالعزيز وراشد ومساعد:هههههههههههههههههههههههههههههههههههههه هه
مساعد:ومن متى الدراسه تشغلك ولا تهمك؟؟
نايف:من قال الوالد بيشتري لي سياره جديده
بعد الغــــــدا
الساعـــــــــه 4 العصــــــــر
مساعد وراشد جالسين قدام المسبح...وهم يسولفون دخلت بيان...
بيان:مرحبا
راشد ومساعد:ياهــلا
راحت تاخذ جوالها إلي على الكرسي...قبل ماتطلع...
مساعد:بيون
بيان:هــلا
مساعد:ممكن تجيبين لنا عصير؟؟
بيان:طيب..عصير أيش؟؟
مساعد يطالع راشد:منجا؟؟
راشد:انا أبي تفاح
بيان:اوكي
راشد:آنســـه بيــــــان
التفتت له بيان بابتسامه ناعمه وحاجب مرفوع...
بيان:نعــم أخــــوي
راشد:ابي معاه ليمون
بيان:وليه الليمون؟؟
راشد:عشان أكثر الشغل عليك
ابتسمت بيان وراحت...
مساعد:صار لي فتره ماشفت عزام
راشد:هههههههههههههههه
مساعد:ليه تضحك؟؟
راشد:لا بس البارح عزام قالي نفس الشي....القلوب على بعضها
مساعد:ههههههههههههههههههه
راشد:الليل نطلع نتعشا
مساعد:ماظن بعد هالأاكل فيه مجال للعشا.......إلا إذا ظلعنا متأخر
راشد:مافي مشكله
بيان وهي تجهز العصير تكلم حلا على التلفون...
حلا بنفاذ صبر:ياررربي بيانوووه قولي بسرعه
بيان:طيب إيش راح تعطيني؟؟
حلا:إلي تبيه...بس قولي ياشيخه
بيان تعاند حلا:أممممممممممممم الحين مافي بالي شي
حلا ترفع صوتها:بيانووووووووووووووووه
بيان:ههههههههههههههههههههههههههه طيب طيب...بكره بنروح البحر
حلا بفرحه:جد والله.......حلفي...من قالك؟؟
بيان:قلت اليوم للوالد ووافق
حلا:وليه ماقلتي لي بالمدرسه؟؟
بيان:نسيت
حلا:وناااااااااسه بروح اقول للأهل
بيان:تعالي ماقلت لك إلي أبيه
حلا:بعدين بعدين..باي
سكرت حلا وبيان جايه بتكلم...
بيان وهي تسكره:أنا اوريك
منعزله بغرفتها ماتبي تشوف احد ولا تاكل...ماتبي إلا دموع الندم دموع الذل والإهانه على الحال إلي وصلت لها..أهلها في حيره من إلي هي فيه بس محد قادر يتكلم معاها...
الهنوف تعاتب روحها:إيش إلي صولت روحي له...كيف بحل هالمصيبه هذي..كيف؟؟!!.. عونـــــــــك يارب..عونــــــــــــك يارب

 

[الخجوله]

تقول الكاتبه هذا الجزء مكرر... وانا للامانه ماقريت هالاجزاء .. نقلتهم لكم على طول ... وراح اكمل مثل ماهي كاتبه

 

[الخجوله]

خالد جالس يهاوش تركي على الكلام إلي يقوله...
خالد:ماخذ البنت لعبه وتسليه لك..بحركة صبع تمشيها على إلي تبيه...ماتفكر فيها ولا إيش بصير بحالها...ولا اهلها إذا عرفوا إيش راح يسوون فيك وفيها
تركي:هذا شي لصالحي وصالحها...تجهض وتروح بطريق وانا بطريق...وبعدين أهلها ماراح يعرفون أصلاً كيف راح يعرفون
خالد يصارخ:حرااااام ياتركي..الله مايرضى على إلي تقوله...موب كافي إنك ارتكبت أبشع ذنب بالي سويته معاها وتزيده بدل ماتهونه..لازم تصلح إلي سويته
تركي:وكيف اصلحه؟؟
خالد:تزوجها
تركي منصدم:أتزوجها؟؟!!...أنا اتزوج الهنوف؟؟!!....مستحييييييييييل
خالد:هذا إلي لازم يصير
تركي يصارخ بعصبيه حاده:مستحيـــل أفكر بهذا الشي...إنساه
خالد تنهد وسكت..تركي إستغل الصمت إلي دام بينهم وهدأ شوي بعد ماخذ نفس طويل وذكر الله...جو الصراخ والهواش هدأ وتكلموا مع بعض بهدوء...
خالد:تركي...لا تنكر إنك تكن مشاعر للهنوف
تركي:أي مشاعر ولي يرحم والديك
خالد:بعد مابتعدت عنها كنت دايم تقول إنك مشتاق لها ومشتاق لسوالفها ولما كنت تكلمها ترتاح...وإنت ماقد كلمت بنت بنفس الإسلوب إلي تكلم فيه الهنوف
تركي:عادي...مشاعر عاديه ماهي بحب
خالد:لا موب مشاعر عاديه...تزوجها ياتركي منها تصلح الوضع... يمكن تكبر مشاعرك ناحيتها
تركي:رجعنا للمشاعر...قلت لك انا ماأكن لها أي مشاعر....والزواج شيله من بالك..إنساه
خالد:وليه انساه؟؟
تركي:لأني مستحيل أوافق واهلي كمان مستحيل يوافقون على هذاالشي
خالد:ابوك مايرفض لك طلب
راح تركي ووقف قدام النافذه إلي بغرفته...
تركي:مايرفض لي طلب في اشياء عاديه موب مثل هذا الشي
راح خالد وحط يده على كتف تركي وقرب منه...
خالد:اقنعه حاول فيه مره ومرتين وعشر لين يوافق
تركي:خل اقنع روحي عشان اقنعه
تنهد خالد وهز راسه بعدم الرضا على الكلام إلي يقوله تركي...
الساعــــــــــــــه 8 الليل
بيت بومشعـــــــــــل
أم مشعل جالسه في المطبخ ترتب أغراضهم عشان البحر بكره...دخلت حلا...
حلا:مرحبا يمه
ام مشعل:هلا بنتي
حلا:يمه بسالك
ام مشعل:خير ياحلا
حلا:ماراح تكلمين خالتي ام حمد عشان يروحون معانا؟؟
ام مشعل:إلا كلمتها وقالت إنها تعبانه ومتقدر تروح
حلا:طيب واشواق؟؟
ام مشعل:بتجلس مع امها طبعاً
حلا:خساره كان بودي تروح معانا
ام مشعل:مره ثانيه إنشالله
شافت ام مشعل عازم إلي كان بيطلع من نافذة المطبخ الكبيره تطل على الممر إلي للباب...
ام مشعل:عزام....عزام يمه
عزام التفتت:هلا
راح عذزام وقف عند النافذه...
أم مشعل:طالع؟؟
عزام:ايوه..تامريني على شي؟؟
ام مشعل:لا سلامتك...بس مابيك تتأخر عشان تنام بدري ورانا بكره مشوار
عزام:إنشالله يالغاليه...مع السلامه
أم مشعل:بحفظ الله...............وإنتي حلا؟؟
حلا:الساعه 8 إيش ينيمني...إنا بسهر لصباح وبالطريق أنام
أم مشعل:براحتك

الساعه 9:30 الليــــــل
بيت بوعبـــــــد العزيز
الجازي جالسه تشاهد التلفزيون بقسمهم...دخل عبدالعزيز....
عبدالعزيز:مساالخير
الجازي:مسا النور
جلس عبدالعزيز بتعب قرب الجايز ويطالعها بابتسامه هادئه...
عبدالعزيز:كيفك؟؟
الجازي:تمام...كل هذا بالشركه
عبدالعزيز:شسوي عندي شغل كثير
الجازي:يعني كل يوم ماراح اشوفك إلا وقت الغدا والعشا
عبدالعزيز:لاإنشالله بس هاليومين....تراني ماتعشيت
الجازي:ليه ماتعشيت؟؟
عبدالعزيز:أبي اتعشا معك
الجازي ابتسمت:ولايهمك الحين اجهز لك العشا
عبدالعزيز:ههههههههههههههههههههههههه
الجازي:ليه تضحك؟؟
عبدالعزيز:إنتي راح تجهزين العشا...يعني راح تطبخين؟؟
الجازي:ايوه..ليه لأ؟؟
عبدالعزيز:ليه تعرفين؟!
الجازي:حرام عليك...أصلاً اليوم أنا إلي طبخت الغدا مع خالتي
عبدالعزيز:طيب نجرب
الجازي:ماراح تندم
راحت الجازي المطبخ إلي بالطابق الأول...بعدها بنص ساعه راح لها عبدالعزيز وتم يناظرها وهو واقف عند الباب وماحست عليه..كانت رافعه شعرها الناعم بحركة ذيل الحصان..وباينه نعومتها ولابسه برمودا باين قوامها الرشيقه...
عبدالعزيز:إحــم
التفتت الجازي ابتمست ورجعت تكمل الطبخ...عبدالعزيز واقف وراها...
عبدالعزيز:ماخلص؟؟
الجازي:إلا خلص ممكن تجهز الطاوله؟؟
عبدالعزيز:اكيد...فوق بالغرفه؟؟
الجازي:براحتك
عبدالعزيز وهو يطلع:خلنا ناكل فوق
راحت الجايز بعد ماخصلت الطبخ غرفتها ولبست فستان أسود وفكت شعرها إلي انسدل على اكتافها..حطت مكياج خفيف وناعم...كان عبدالعزيز يرتب الطاوله..طلعت الجازي التفت لها عبدالعزيز بنظره سريعه ورجع ناظرها باندهاش من جمالها ونعومتها تم يناظر الملاك إلي قدامه..تناظره بنظرات خجوله وقرب منها عبدالعزيز ولف يده حلو خصرها برومانسيه..
عبدالعزيز:كذا انا بكسر الجو بثيابي
الجازي:يكفيني وجودك
عبدالعزيز:أحبـــــــــك
الجازي:وأنا أكثر
عبدالعزيز سحب الكرسي ومسك يد الجازي عشان تجلس...
الجايز:تسلم ياذوق
عبدالعزيز:يسلمك ربي
الجازي:ماتبي تجرب الأكل؟؟
عبدالعزيز:اكيد ياحياتي
حطت الجازي في صحن عبدالعزيز وهي تنتظر رايه الي يرتسم على ملامح وجهه ...
عبدالعزيز يعاند الجازي:الظاهر راح نقضيها على العصير
الجازي بأحباط:ليه موب حلو؟؟!!
عبدالعزيز:ههههههههههههههههههههه
الجازي باحراج:حرام عليك....اول مره مفروض تعذرني
عبدالعزيز:عاذرك وربك...تسلم يدينك

كيف بتكون الأجواء في البحر؟؟
من إلي بتتهدد حياته بالخطر؟؟
وإيش راح يكون مستقبل تركي والهنوف؟؟

 

[الخجوله]

الجـــــــــــــــزء 26
يوم الخميس – الساعه 8 الصباح
الكل مشى لشرقيه من الساعه 7 صار لهم ساعه من طلعوا من الرياض...إلا راشد ومساعد وعزام إلي جالسين في بيت بوراشد يصحون نايف...في غرفة نايف...
مساعد يصارخ:نيووووووووووف إصحى ولا بنروح عنك
نايف:ـــــــــــــــــــــــــ
راشد:بنكت عليك مويه نايفوه
نايف نايم ولا مهتم للي يقولونه نايم ولا عليه من احد...
عزام:شكله مامنه فايده...خل نمشي عنه
مساعد:يجي بروحه يعني؟؟
عزام:شنسوي له...موب راضي يصحى
جاب راشد كاس مويه وكته على نايف..نايف يصارخ وهو مخترع ويمسح المويه عن عيونه...
نايف:صاحي أنت؟؟!!
راشد:قم خلصنا
نايف:روحوا..ابي أنام
مساعد:أوكي حنا بنروح بعدين إنت تعال بروحك
نايف:طيب طيب إقلبوا وجيهكم
ضرب عزام نايف بقوه وطلعوا...وهم ينزلون على الدرج...
مساعد:4 ساعات بروحه... بيمل
راشد:يستاهل عشان مره ثانيه يصحى
عزام:أوووف تأخرنا
في الطريق...كانوا عبدالعزيز والجازي وبيان بالسياره...بيان كانت سرحانه..التفتت لها الجازي...
الجازي:ياحلووو وين وصلنا؟؟
بيان:هـ...هلا
عبدالعزيز:ياحظه إلي شاغل بالك
بيان بابتسامه ناعمه:لالا بس...أفكر بوحده من صاحباتي صار لي فتره ماشفتها
الجازي:من هي؟؟....أنا اعرفها؟؟
بيان:أيوه الهنوف
الجازي:الهنوف؟؟!!...ليه ماتشوفينها بالمدرسه؟؟
بيان:صار لي يومين ماشفتها
الجازي:وليه ماتكلمينها؟؟
بيان:أكلمها جوالها دايم مغلق
الجاززي:يمكن إنها تعبانه شوي...لا تشغلين بالك
الساعه 9
عزام كان يسوق السياره وراشد بالكرسي إلي ورى نايم ومساعد جنب عزام وبعالم ثاني...
عزام:مساعـــــد..مساعــــــدوه
مساعد:هـ...ها
عزام:وين وصلت؟؟
مساعد:لا ولا مكان
عزام حس إنه مضايق وكاتم شي بقلبه:شكلك مهموم ومضايق...خير عشى ماشر؟؟
مساعد:لالا عادي...لا مهموم ولا مضايق
ناظر عزام مساعد ألي كان ملتفتت للجهه الثانيه..التفت مساعد لعزام والتقت عينه بعين عزام..رجع عزام بسرعه يناظر الطريق...
عزام:غريب يامساعد...كيف تقدر تكتم همومك بقلبك؟؟
مساعد تنهد:معتاد...ماحب أشكي همي لحد..أخلي همومي بيني وبين قلبي
عزام سكت شوي:.......................لها علاقه بضيقك الحين...صح؟؟
مساعد مستغرب:من هي؟؟!!.......(تذكر وهو يبتسم)..أوووووه...تقريباً
عزام:الله يكون بعونك
الساعه 12
وصلوا البحر ولقوا لهم مكانه جلسوا الحريم..والرجال ينزلون الاغراض...بعد مانزلوهم...دق عبدالعزيز على جوال مساعد...
مساعد:هلا عزوز
عبدالعزيز:هلا..وينكم؟؟
مساعد:بالطريق...قريب ونوصل
عبدالعزيز:طيب نايفوه صحى؟؟
مساعد:لأ..خليناه ومشينا
عبدالعزيز:بجي بروحه؟؟
مساعد:ايوه...هذا إذا صحى
عبدالعزيز:طيب انتبهوا على الطريق
مساعد:إنشالله...فمان الله
عبدالعزيز:مع السلامه
سكر عبدالعزيز الخط...
بوعبدالعزيز:ها متى بيوصلون؟؟
عبدالعزيز:في الطريق...الحين يوصلون
الساعه 1 الظهر وصلوا الشباب البحر...
مساعد وراشد وعزام:الســـــــلام عليكم
الكل:وعليكم الســــــــلام
بوراشد:إلا نيوف وينه؟؟
راشد:بعده ماصحى؟؟
بوراشد:وليه خليتوه لحد الحين نايم؟؟
مساعد:مارضى يصحى...حاولنا فيه
بوراشد:دومه عنيد....راشد إتصل على اخوك
راشد:إنشالله
اتصل راشد على نايف...نايف وهو نايم رد على الجوال...
نايف:الو
راشد:إنت باقي ماصحيت؟؟
نايف من النعس رمى جواله...
راشد يرفع صوته:نيووووف وووجع....الوووو
سكر راشد الخط...
راشد:غبي
عبدالعزيز:هااا..سكره بوجهك
عزام ومساعد:ههههههههههههههههههههه
راشد:شرايك يعني؟؟
عبدالعزيز:اعذره ياخي نايم
عند الحريم
حلا:متى الغدا جعت؟؟
الجازي:إيشدعوه بدري
حلا:أيش بدري؟؟...أنا مافطرت
بيان:ذنبك على جنبك...محد قالك لاتفطرين
راحت بيان عند البحر وهي تحاول تكلم الهنوف إلي صار لها فتره ماترد على مكالمات بيان...
بيان:الظاهر إنه مافي أمل ترد...الله يستر
التفت راشد لبيان إلي كانت تناظر البحر...ودق عليها...
بيان:الو
راشد:ليه جالسه بورحك؟؟
بيان:حابه أجلس بروحي
راشد:اخاف عليك من الشمس يابعد عمري
التفتت بيان لراشد وابتسمت له...
بيان:صدقت الشمس حاره
راشد:طيب حبيبتي ارجعي...وربي خايف عليك
بيان:ههههههههه صدقتك
راشد:يالله أرجعي...هذاني أشوفك
بيان:طيب يالله باي
راشد:بهالسرعه
بيان:بدق عليك بعدين
راشد:انتظر
بيان:اوكي باي
راشد:باي قلبي
رجعت بيان عند الحريم وراشد تم يناظرها...طلع باكيت التدخين..وهو جاي بيشغل الزيجاره أخذها عزام منه...
عزام:لازم تخفف منه
راشد:بس انا اليوم مادخنت إلا مرتين
عزام:يكون افضل
راشد:طيب بس هذي آخر وحده
عزام وهو يعطيه ظهره ورايح يرميها بالزباله:لأ
حلا واقفه مع بوعبدالعزيز ومشعل إلي يجهزون الفحم بالشوايه...
حلا:يالله بسرعه
بوعبدالعزيز:إنتي وراك مستعجله كذا؟؟
حلا:ماكلت شي عمي
مشعل:خلاص هذاهي جاهزه
بوعبدالعزيز:روحي ناديهم عشان يشوون الدجاج واللحم
حلا بفرحه:طيب
راحت حلا للحريم...
حلا:يالله يالله جيبوا اللحم والدجاج نشويه
ام راشد:طيب
الســــاعه 4:30
بيت بوراشـــــــــــد
صحى نايف ونزل المطبخ..صلح له كوب كافي وجلس بالصاله...
نايف:كيف اروح بروحي ألحين...بزهق بالطريق بروحي
دق جواله...
نايف:وربي إنك أصيل
ماجد بضحكه:عارف والله
نايف:ابيك تروح معي الشرقيه
ماجد:ليه؟؟!
نايف:بروح للأهل في البحر
ماجد:وليه مارحت معاهم؟؟
نايف:ماصحيت
ماجد:لالا المشوار طويل
نايف:أيش اروح بروحي؟؟
ماجد بعد صمت:طيب خلاص بجيك
نايف:اوكي أنتظرك
ماجد:اوكي باي
نايف:بايات
البحـــــــــــر
بعد ماتغدوا..جلسوا يشربون الشاهي...خفت حرارة الشمس وراحوا عبدالعزيز والجازي يتمشون على البحر..الجازي ساكته وتذكر أول أيام خطوبتهم ولما جات مع عبدالعزيز البحر..تذكر لحظات هذيك الليله كنها البارح...
عبدالعزيز:الجازي
الجازي:هلا
عبدالعزيز:وشفيه بالك؟؟
الجازي بابتسامه:لا مافيه شي

 

[الخجوله]

مسك عبدالعزيز يد الجازي وجلسوا على الرمل قرب البحر...الجازي تطالع الأمواج الهادئه تلامس الرمل القريب منها...عبدالعزيز سارح فيها...حست الجازي لهدوء عبدالعزيز وصمته التفتت له وابتسمت...
عبدالعزيز:يابخـــتي فيـــــك
عزام يمشي مع راشد وهو بعالم ثاني...سارح بأشواق ويمر في باله المواقف إلي صارت بينهم...وراشد يسولف معاه وهو موب عارف إيش يقول...يتذكر أخر مره إلتقى فيها مع أشواق...وهو يوقف سيارته عند باب بيتهم لقى اشواق تنزل من سياره غريبه مانتبه للي يسوق من الشمس...
عزام:اشواق
اشواق التفتت:هــلا
عزام باسلوب حاد: من هذا إلي جايبك؟؟
اشواق:ومن تكون عشان تسألني؟؟
عزام بثقه:عــــزام بن سعــــود.. والنعم....لا تغيرين الموضوع
اشواق أذهلتها ثقة عزام بنفسه...
اشواق ببرود:هذا حمــد...اخوي
عزام انحرج من الموقف إلي انحط فيه وماعرف إيش يقول...
اشواق بنظره:عن اذنك
عزام رد لها النظره وحرك يده حركة إستخفاف...
راشد:إيش رايك أنت؟؟
عزام:ـــــــــــــــــ
راشد يضربه بخفه على كتفه:يالحبيب
عزام:هــ....أيش؟؟
راشد:أتكلم مع الهوا أنا؟؟
عزام:اعذرني سرحت شوي....إيش كنت تقول؟؟
راشد يطالعه باستغراب:لالا...ماكنت اقول شي
عزام بخاطره:بنشوف من راح يكسر غرور الثاني
وصل ماجد بيت بوراشد ودق على نايف عشان يطلع...
نايف:أنزل خل نتغدا بعدين نروح
ماجد:بس ورانا مشوار طويل
نايف:عادي ماراح نطول
ماجد:اوكي
نزل ماجد من السياره وفتح له نايف باب البيت ودخل...
نايف:ياهــلا
ماجد:هــلا فيك
نايف وهو يسكر الباب:تفضـــل
جلسوا بالصاله..
ماجد:إيش رايك ناخذ لنا غدا وناكله بالطريق؟؟
نايف:حلو..دقايق اغير ملابسي وأنزل
ماجد:اوكي
غير نايف ملابسه وأخذ أغراضه الخاصه..وطلعوا..راحوا المطعم ياخذون لهم شي خفيف ياكلونه بالطريق...نايف كان يسوق...دق جوال ماجد..
ماجد:أوووف ياربي هذا وقتها
نايف:من هي؟؟
ماجد:بنت خالتي
نايف:ياخي قول لها إنك ماتحبها وفكنا
ماجد:موب قبل ماتندم على إلي سوته
نايف:ومتى ناوي تقول لها؟؟
ماجد بخبث:بدري...بدري كثير
جالس قدام البحر يراقب غروب الشمس وإنعكاس أشعتها على البحر إلي هدت أمواجه تستعد لهدوء الليل وسكونه...دق على جوال وجدان...
وجدان:الو
مساعد:ـــــــــــــ
وجدان:الو
مساعد:قلبي يوجعـــني
وجدان:ســـلامته..إيش بلاه؟؟
مساعد:ولهــــــــــــــــــان عليك
وجدان:طيب ليه متصل؟؟
مساعد:آسفيــن أزعجنـــاك
سكر الجوال من دون مايسمع ردها...
مساعد:من مفكره نفسها تكلمني بذا الإسلوب
وجدان:إيش هالغرور عليه؟؟!!
بعد أذان المغرب بالرياض تركي جالس مع خالد بالكافي...
تركي:بس ياخالد....
خالد قطعه:بس إيش؟؟....حالتك الماديه الحمدلله عندك فلوس موب محتاج...وأبوك تقدر تقنعه انا متأكد
تركي:أنا موب مقتنع بهالفكره
خالد:موب ضروري تقتنع..هذا هو الحل الوحيد إلي راح يستر فضيحتكم
سكت تركي يفكر بكلام خالد...
تركي:وبعدين إيش راح يصير؟؟
خالد:إيش قصدك؟؟
تركي:كيف بعيش حياتي معاها...كيف بشارك حياتي مع بنت رخيصه مثل الهنوف مابقى ولد ماعرفها وطلع معاها
خالد:اثنينكم في الهوا سوى
تركي:نعــــم؟!!
خالد:لابس..أقول...مافيه فرق بينك وبينها...الفرق الوحيد إنك ولد وهي بنت
تركي:هذا إنت قلتها...أنا ولد وهي بنت مفروض تحافظ على شرفها وماتعرض نفسها لأي أحد
خالد:ولأنك ولد خلاص ماتهمك سمعتك تلعب على كيفك ببنات الناس وتقول أنا ولد مايعيبني شي ناسي تربيتك وسمعة أهلك...ماتخاف على شرف أمك وأختك
سكت تركي يدور كلمه يرد فيها على خالد بس مالقى....
خالد بنبره حاده:إيش فيك سكت؟؟..وينه عذرك...أبي اسمعه
تركي:خالد كافي...غير الموضوع
خالد:ماراح أغيره قبل ماتقول إنك راح تكلم أبوك
تركي:مدري...مدري
الســـاعه 7:30
كانت وجدان جالسه بالصاله تحاول تشغل نفسها بالتلفزيون..تفرك يدينها بتوتر...
وجدان:يااربي أكلمه؟؟..لالا ماله داعي....أووووف كيف ماله داعي شكله تضايق
دقت وجدان على جوال مساعد...
مساعد:الو
وجدان:هــ..هلا مساعد
مساعد:هلا وجدان
وجدان:مساعد أنا...
مساعد:لالا..لا تقولين شي..عارف
وجدان:ياقلبي إعذرني
مساعد بصوت رايق:أحبــــك وجدان
وجدان:وأنا اكثر
نام مساعد على الرمل وحط يده تحت راسه....
مساعد بصوت هادئ:وجـــــدان
وجدان:عيــونها
مساعد:تشوفين البحر معي؟؟
وجدان بضحكه:أيوه أشوفه
مساعد:من جدك؟؟
وجدان:لابس أحس فيه
مساعد:ليه إنتي عندك إحساس؟؟
وجدان بسخريه:إيش رايك يعني؟؟
مساعد:لوفيك إحساس كان ماحرمتيني منك
وجدان:إحساسي وكلي وكوني ملكك بروحك
مساعد:وجدان تعلقت فيك..طلبتك لاتتركيني مره ثانيه
وجدان:لو بديني عمري كله يفداك وماخليك ثانيه وحده
مساعد:آآآآآآآه ه ه ياوجـــــــدان
وصلوا نايف وماجد الشرقيه وهم بالطريق رايحين البحر...حط ماجد شريط راشد الماجد بالمسجل ورفع على الصوت..زاد نايف سرعة السياره وصار يمر بين السيارات بتهور و بسرعه جنونيه وهم يضحكون...شوي...
ماجد يصارخ:نااااااااااااااااااااااااااايف إنتبــــــــــــــــــــــــــــه
التفت نايف بخوف من صرخة ماجد وعلى الهرنات العاليه من الشاحنه إلي طلعت قدامهم فجأه..بعــد عنها بسرعه وهو مرتبك من دون مايطالع الطريق قدامه فقد الصيطره على السياره وإلي زاد إرتباكه هرنات السياره إلي جات بالإتجاه المعاكس لهم حاول يبعد عنها بس مقدر ودعـــم بقوه فيــها...أم راشد إلي كانت جالسه مع بيان والجازي تسارعت نبضات قلبها وحست بخوف...
ام راشد بخوف:يمه الجازي كلمي أخوك شوفيه وينه؟؟
الجازي:يمه وراك خايفه كذا؟؟
ام راشد:مدري حاسه إنه صاير شي
بيان:لا إنشالله خالتي مافيه إلا الخير..مساعد دق عليه قبل شوي وقال إنه قريب يوصل
الجازي:لاتشغلين بالك
ام راشد:يارب تحفــظه
في مستشفى سعــد التخصصي بالخبـــر...نايف كان فاقد الوعي بغرفة العمليات طبيب يحاول يرجع له الوعي وطبيب يعالج إصاباته...ماجد واقف عند باب غرفة العمليات وهو يدعي ربه يقوم نايف بالسلامه...طلع واحد من الأطباء الموجودين بالغرفه لماجد...
ماجد:طمني دكتور
الطبيب:والله مدري شقول لك...بعده فاقد الوعي وإصاباته خطيره
تسند ماجد على الجدار وغمض عينه...
ماجد:ياااااااارب
مسك الدكتور يد ماجد...
ماجد:آآآآآه ه ه
الطبيب:أووه آسف
ماجد وهو ضاغط على اسنانه من الم يده:عادي
الطبيب:تعال معي نسوي لك اشعه و....
قطعه ماجد:ماراح اتحرك من هنا قبل ماطمن على نايف
الطبيب:إنشالله يقوم بالســـلامه
ماجد تذكر شي:ابي التلفون...وينه؟؟
الطبيب يأشر:هناك
راح ماجد بخطوات سريعه لرسبتشن وطلب منهم التلفون...حاول يتذكر رقم راشد لأنه قريب من رقم نايف بس من الإرتباك نسى الرقم..أخذ نفس طويل وذكر الله...وتذكر الرقم..راشد يطالع الرقم بجواله وهو مستغرب...
راشد:الو
ماجد:الو راشد
راشد:هلا ماجد..وينـــ......
قطعه ماجد:راشد تعال لنا بالمستشفى بسرعه
راشد إخترع:المستشفى..ليه؟؟
الكل ناظر راشد باستغراب...
ماجد:صار علينا حادث ونايف الحين بغرفة العمليات
وقف راشد بخوف:غرفة العمليات...بأي مسشتفى؟؟

 

[الخجوله]

ماجد:سعد بالخبر
راشد:طيب مع السلامه
بوراشد:راشد يبه إيش صاير؟؟
راشد:نايف وماجد صار عليهم حادث
بوراشد:حادث؟؟!!!
ركبوا سياراتهم وراحوا المستشفى..طول الطريق وام راشد تبكي والجازي تهدي فيها وهي حابسه دموعها...
بوراشد:يام راشد ذكري الله...إنشالله مافيه إلا الخير
أم راشد:لا إله إلا الله..لا إله إلا الله
راشد يسوق السياره مثل التايه موب عارف يركز على الطريق من خوفه على نافي...شوي وصلوا المستشفى تلاقوا مع ماجد وقال لهم إنه لسه بغرفة العمليات...
مساعد:طيب ياماجد ليه ماتروح تكشف على يدك
ماجد:لالا عادي..إذا تطمنت على نايف بروح
مساعد:نايف راح يقوم بالســـلامه إنشالله...خلنا نروح دقايق يكشف عليها الدكتور ماراح نطول
تنهد ماجد:.............طيب
راح مساعد مع ماجد لطبيب...سووا له أشعه وطلع عنده كسر وجبروها........ورجعوا إلا الدكتور طالع من غرفة العمليات...
بوراشد:خير يادكتور
الطبيب:الحمدلله قدرنا نرجع له الوعي...بس حالته لحد الحين خطيره لازم نخليه بالعنايه المركزه
راح عبدالعزيز وقال للحريم إلي قاله لهم الدكتور...
ام راشد:العنايه المركزه..ليه؟؟
عبدالعزيز:خالتي حالته تحتاج عنايه أكثر
أم راشد:ياااااااااارب تشااااافيه ياااااااارب
بوعبدالعزيز:مشعل
مشعل:هلا عمي
بوعبدالعزيز:خذ أهلك وودهم واحد من الهوتيلات إلي هنا وأحجز لنا هناك
مشعل:إنشالله عمي
راح مشعل مع عبدالعزيز والحريم لهوتيل وحجزوا لهم غرف يرتاحون فيها الليله...
الســــاعه 12
الكل راح الهوتيل من قبل ساعه..ماعدا راشد إلي باقناع من عزام ومساعد رجعوا...يتقلب يمين وشمال موب قادر يغمض جفنه..تنهد بقوه...
راشد:ياااااارب تقومه بالســـلامه
الصبـــاح الساعه 6
نام له ساعتين وصحى اخذ له شاور ولبس ملابسه وراح المستشفى..راح لغرفة الطبيب...
راشد:صباح الخير
الطبيب:صباح النور..هلا راشد
راشد:شخبار نايف دكتور؟؟
الطبيب:فيه تحسن بحالته طلعناه من العنايه بس مانظمن إستقرار حالته
راشد:طيب هو بأي غرفه؟؟
الطبيب:112
راشد:شكراً دكتور
الطبيب:العفو..هذا واجبنا
راح راشد للغرفه وفتح الباب بشويش لقى نايف نايم والأجهزه حوله كان تعبااااان حيل...عوره قلبه على حال أخوه..راح وجلس قربه على السرير حط يده وسط يدينه الدافيه حس نايف لدفى يدين راشد فتح عينه بشويش...
نايف بصوت متقطع:آآه..ه..آآه ه
يناظر الغرفه والأجهزه إلي من حوله وهو يحاول يتذكر إلي وصله لهنا...لين تذكر الحادث...
راشد:الحمدلله على سلامتك
نايف:الله يسلمك
راشد:كيف صحتك؟؟
نايف:الحمدلله
نايف:وينه ماجد؟؟
راشد:لا تخاف ماجد بخير
نايف وراشد يطالعون بعض..
راشد:شفيك؟؟
نايف بخاطره:تعبان..تعباااااااااااااااان حييل ياخوي
نايف:ولاشي..بس بودي أقولك شي
راشد:خير يانايف؟؟
نايف:أنا...........أعزك ياراشد
راشد إبتسم بهدوء وهو حابس دموعه:وأنا اعزك أكثر...لاتخليني بروحي يانايف
نايف مسك يد راشد وضغط عليها وكنه خايف يبتعد عنه..رجع راسه وغمض عينه بهدوء غريب...
الساعه 8
عبدالعزيز ومساعد جالسين ينتظرون عزام يخلص لبسه عشان يروحون المستشفى..
عبدالعزيز:وماجد وينه؟؟
مساعد:في بيت عمه
عبدالعزيز:بيت عمه؟؟!!
مساعد:ايوه هو عنده عم ساكن هنا
عبدالعزيز:أهااا......عزاموه ماخلصت؟؟
عزام:إلا خلصت
وهم بيطلعون دق جوال عبدالعزيز...
عبدالعزيز:الو
أم راشد:هلا عبدالعزيز
عبدالعزيز:هلا خالتي صباح الخير
ام راشد:صباح النور....متى بتروحون المستشفى؟؟
عبدالعزيز:هذا حنا طالعين
أم راشد:أنا بروح معكم....عمك طلع ومدري وينه
عبدالعزيز:بس ياخالتي...نايف الحين بالعنايه يعين ممنوعه عنه الزياره ماله داعي تروحين
أم راشد:بروح وانتظر لين يطلعونه
عبدالعزيز:وإذا ماطلعوه اليوم؟؟...خلك هنا وحنا بنروح وانا أكلمك وأطمنك عنه وإذا طلع من العنايه أنا بنفسي اوديك له
أم راشد:..........طيب ياولدي...كلمني لاتنسى
عبدالعزيز:إنشالله
أم راشد:بحفظ الله
راحوا المستشفى...وهم رايحين لغرفة العنايه تلاقوا مع طبيب نايف وقال لهم غنهم طلعوا من العنايه وطمنهم على حالته...راحوا الغرفه...
عبدالعزيز ومساعد وعزام:الســـــــلام عليكم
راشد ونايف:وعليـــــــكم الســــــــلام
مساعد:سلامتك يالغالي
نايف:الله يسلمك
عبدالعزيز وعزام:ســـلامات
نايف:الله يسلمكم
عزام:شلونك؟؟
نايف:أفضل
راشد يطالع نايف وهو يتكلم معاهم ويضحك وكنه حاول يخفي شي ولا يتجاهله...
راشد بخاطره:لا تقول أفضل..شكلك تعبان حيل ياخوي
عبدالعزيز:وين وصلت راشد؟؟
راشد:لا..معاكم.....إلا وينه ابوي؟؟
عبدالعزيز:مدري خالتي تقول إنه طلع.....صح ذكرتني
طلع جواله وهو يضرب رقم...
عبدالعزيز:كلم الوالده يانايف وطمنها عليك
أخذ نايف الجوال وإنتظر لين ردت عليه الجازي...
الجازي:الو
نايف:هلا الجازي
الجازي ترفع صوتها بفرحه:ناااايف هلا اخوي هلا يالغالي
سمعتها ام راشد وراحت لها على طول وأخذت منها الجوال...
أم راشد:الو نايف يمه
نايف:هلا يالغاليه
أم راشد مقدرت تمسك دموعها:شلونك ياولدي شخبار صحتك؟؟
نايف:أنا بخير يايمه لاتخافين
أم راشد سكتت وتركت دموعها تجري بحراره على خدها حسره على حال ولدها..نايف من الجهه الثانيه يسمع صوت بكي أمه زاد المه إلي حاول يخفيه عن اخوه وأولاد عمه...

نايف:لاتبكين يالغاليه...دموعك تعور قلبي...لاتبكين صدقيني أنا بخير
أم راشد:بس صوتك ياولدي تعبان
نايف:لا..تــ....أنا....
تقطع كلام نايف الألم زاد وتغلب عليه حس به يعصر قلبه...رمى الجوال وصرخ من الأم إلي يذبح قلبه لين فقد الوعي...راح عزام يركض ينادي على الطبيب راح الطبيب لغرفة نايف ومعاه الممرضات..دخلوا بوراشد وبوعبدالعزيز وبومشعل ومشعل المستشفى مع ماجد بعد ماتلاقوا معاه عند الباب...وهم رايحين لمكتب الدكتور يطمنوا على نايف لاحظوا الحركه إلي صايره ممرضه تجيب ادويه وممرضه تنادي على طبيب...طالع ماجد الممر إلي فيه الغرفه إلي داخلين وطالعين منها...وقف متجمد يطالع راشد إلي جالس على الكرسي وهو منهار وعزام قربه...عبدالعزيز رايح جاي وعلامات الخوف مرتسمه على وجهه..مساعد متسند على الجدار...
ماجد بخوف:نـــايف
اكل إلتفت لماجد..ومشوا وراه لين الغرفه...
بوراشد يطالعهم بخوف ويطالع ولده إلي جالس على الكرسي من غير قوه...
بوراشد يرفع صوته:إيش فيكم؟؟...صار شي لنايف؟؟
أم راشد إلي أغمي عليها بعد ماسمعت صرخة ولدها على الجوال الكل حولها يحاولون يصحونها...
الجازي وهي تبكي:يمه..يمممه ردي علي تكفين
حركة أم راشد راسها بتعب وهي تهمس باسم نايف...رفعت راسها أم عبدالعزيز وعطتها المويه...
أم راشد:أبي أشوف ولدي....أبي أشوف نايف
دقت الجازي على جوال عبدالعزيز...
عبدالعزيز:هــلا
الجازي:عبدالعزيز إنت بالمستشفى؟؟
عبدالعزيز:ايوه..ليه؟؟
الجازي:أيش فيه صوتك؟؟
عبدالعزيز:ما.....مافيه شي...عادي
الجازي:أمي تبي تشوف نايف
عبدالعزيز:هااا نايف؟؟!!...نايف الحين...
الجازي:إيش فيك عبدالعزيز؟؟
عبدالعزيز:ولاشي...طمني خالتي وقولي لها نايف بخير وبعدين أنا بجي لها
الجازي:طيب مع الســـلامه
عبدالعزيز:الله يسلمك
تنهد عبدالعزيز....طلع الطبيب من الغرفه والكل تقرب منه ينتظرونه يتكلم...
الطبيب:حالته خطيره وكل مالها تزيد سوء...راح نبذل جهدنا والباقي على الله...الله يشافيه
مقدر ماجد يمسك دموعه..كيف مايبكي واغلا ناسه يمكن إنه يفارقه..كيف مايبكي والإبتسامه إلي تنسيه همه يمكن إنه مايشوفها من بعد هاليوم...نايف اكثر من اخو بالنسبه لماجد...نايف الصدر الحنون إلي يضمه وقت حزنه ويواسيه..نايف القلب الوفي..نايف عطى ماجد الحب والوفا والصدق...كيف ماتنزل دموعه وكل هذا يمكن إنه يكون ذكريــــات...ضمه راشد لصدره وهو يسمع صوت بكيه...شاركه بدموع صامته...
راشد:إذكر الله ياماجد...إنشالله يقوم بالســـلامه....(بضحكه)..هذا نيوف ماينخاف عليه
ابتسم ماجد وسط دموعه...وهو بوده يصارخ ويطلع مافي جوف قلبه من ألم وحسره...طلع الدكتور الثاني إلي كان موجود بالغرفه...
الدكتور:للأســــــــــف

بينفجعـــون بوفـــاة نايــف ولا لأ؟؟
ومـــاجد كيف بتكون حالتــــــــه؟؟
تركـــي بيــــكلم أبـــوه ولا لأ؟؟

 

[الخجوله]

الجـــــــــزء 27
الجمـــــعه-الساعه 10 الصبـــاح
المستشفــــى

الطبيب:للأســــــــف
تقربوا لدكتور ونبضات قلوبهم تتسارع من كلمته...
الريـــــــــــــاض
تركي واقف قدام باب مكتب أبوه بالشركه وهو مرتبك ومحتار يدخل ولا لأ...
تركي أخذ نفس طويل:الله يستر
دخل تركي بعد ماطق الباب...
بوتركي:هلا والله بتركي
تركي:هلا فيك يالغالي
بوتركي:إيش هالزياره المفاجئه؟؟
تركي بارتباك:لأ...لأني....أبي اتكلم معك بموضوع
بوتركي:تفضل...خير
جلس تركي على الكرسي وهو يفرك يدينه موب عارف كيف يفتح الموضوع...
بوتركي:تركي..ليه كل هالأرتباك؟؟
تركي:لالا...عادي...يبه أنا
بوتركي:إنت إيش؟؟
تركي:أبي..أتزوج
بوتركي مستغرب:تتزوج؟؟!!...ليه؟!...بدري عليك
تركي:مابقى لي كثير واخلص الجامعه وبعدين...
قطعه بوتركي:لما تخلص من الجامعه فكر تتزوج..باقي لك 3سنوات
تركي:بس يبه أنا أبي أتزوج ألحين وبكمل دراستي برا
بوتركي:تبي تكمل دراستك برا معندي مشكله...بس الزواج لأ...إنت بعدك صغير ومتعرف مصلحتك
تركي:يبه أنا منيب صغير وعارف مصلحتي زين
بوتركي بعصبيه:كمل دراستك وتوظف بعدين تعال قولي تبي تتزوج بس ألحين مستحيل إنت موب قد المسؤليه والزواج ماهو بلعبه
تركي:أنا فكرت زين بالموضوع وبعدين هذي حياتي و انا حر فيها
بوتركي:ومن راح يوافق يعطيك بنته وإنت بهذا السن؟؟
تركي وكنه لفت إنتباهه أبوه لشي ناسيه:ها..عادي...قصدي فيه
بوتركي:لا ياتركي إنسى
تركي:وإنت ليه رافض هالشي؟؟
بوتركي:لأن الزواج راح يشغلك عن دراستك وإنت موب قد الزواج ومسؤلياته بعدك حتى مااعتمدت على نفسك بشي
تركي تنهد:يبه انا عارف إن الزواج مسؤليه كبيره و اقدر أتحملها
بوتركي:طيب من وين بتصرف على زوجتك وبيتك؟؟!..بتاخذ مني صح؟..ترضاها على نفسك رجال ومتزوج وأبوك إلي يصرف عليك
تركي:ماراح أطلب منك شي أنا بدرس وبشتغل
بوتركي:وليه تجيب لنفسك الشقى والتعب؟؟
تركي أخذ نفس طويل وحس إنه مافي أمل يرضى أبوه...
تركي:طيب خلاص...عن إذنك
طلع تركي وهو معصب ويلوم خالد إلي حطه بهالموقف مع ابوه...دق على خالد...
خالد:هلا
تركي بنفاذ صبر:عجبك كذا..إرتحت الحين
خالد:إيش؟؟
تركي:كلمت الوالد ومارضى أصلاً رفض الفكره من أساسها
خالد:مافي مشكله كلمه مره ومرتين...مره وحده ماتكفي
تركي وهو يركب السياره:مستحيل...بسكر الموضوع مافي شي يقنعه
خالد:إيش نسكره؟؟!..لا ماراح نسكره وبتكلم أبوك فيه مره ثانيه
تركي:إيش فيك إنت؟؟..أقولك رفض..رفض الفكره مقدر أقنعه اكثر من كذا
خالد:طيب خلاص تحمل الفضايح
تركي:أووووف طيب طيب بكلمه مره ثانيه
خالد:صدقني ياتركي هذا الشي لصالحك
تركي:بينهي حياتي تقول لصالحي
خالد:موب أحسن ماتنتهي حياتك بفضيحه؟؟!
تركي تنهد:أوكي أكلمك بعدين باي
خالد:بايات
الخبــــــــر_مستـــشفى سعـــــــد
الطبيب:للأســــــف..حالته تدهورت ولازم نرجعه للعنايه المركزه
بوعبدالعزيز:لا حول ولا قوة إلا بالله
راشد واقف قدام عزام ومن سمع كلام الدكتور فقد توازنه..مسكه عزام وجلس معاه على الكرسي يهديه...
عزام:مابصير إلا الخير إنشالله..الله يقومه بالسلامه...بس إنت هد بالك
راشد تنهد:لا إله إلا الله
ماجد طلع من المستشفى وهو منهار..طلع بعد مامتلا قلبه ألم وحسره..ركب سيارة ولد عمه إلي جى بها المستشفى....
الهوتيـــــــــل
الجازي جالسه بغرفتهم وهي تبكي...جات لها هيا...
هيا:الجازي إيش فيك؟؟
جلست هيا قرب الجازي وهي تمسح على شعرها....
هيا:إذكري الله يالجازي..إيش فيك؟؟
الجازي بصوت مبحوح:لا إله إلا الله...هيا أنا خايفه حيل على نايف..صوت عبدالعزيز لما كلمته ماكان يطمن
هيا:لا تخافين يالجازي..مافيه إلا الخير..إمسحي دموعك وإدعي له الله يقومه بالســلامه
أخذت الجازي نفس عشان تهدي روحها...
طبطبت هيا على ظهرها:قومي إكلي لك شي من البارحه ماكلتي
الجازي:مالي نفس
هيا:عشان خاطر نايف
ابتسمت الجازي:طيب
الريـــــــــاض
دخل تركي بيتهم ولقى امه جالسه بالصاله....
تركي:مرحبا يمه
أم تركي:هلا تركي
جلس تركي قرب أمه...
تركي:يمه أبي أقولك شي
أم تركي:خير يايمه
تركي:أنا...يمه انا أبي اتزوج
ام تركي تناظره باستغراب:تتزوج؟؟!!
تركي:ايوه أتزوج...لاتقولين بدري عليك إنت لسه صغير
ام تركي:ودامك تعرف إنك صغير ليه تفكر فيه الحين؟؟

تركي بخاطره:ياربي كل إلي قلته لبوي بعيده لأمي...أوووووف
أم تركي:يمه تركي إنت بعدك متقدر على مسؤليات الزواج
تركي:لا يمه أقدر..بعدين فيه كثير بعمري تزوجوا وسافروا يكملون دراستهم برا
أم تركي:لا مافيه أنا أول مره أسمع بهالشي....خلص دراستك وبعدين أنا أخطب لك أحلى بنت بالرياض
تركي بصوت خفيف:يوه ياحب الحريم لهالسوالف
أم تركي:إيش تقول؟؟
تركي:لا سلامتك...إيش الفرق لو تزوجت ألحين ولا بعدين؟؟
ام تركي:تفرق كثير...بتعتمد على نفسك وبتقدر تحمل مسؤليات الزواج
هيفا (أخت تركي):الســــلام
ام تركي وتركي:وعليكم الســـــــلام
أم تركي:تعالي إسمعي أخوك إيش يقول؟؟
هيفا:إيش فيه؟؟
أم تركي:يبي يتزوج؟؟
هيفا بسخريه:تتزوج؟؟!!....وراك مستعجل على الزواج كذا؟؟
تركي بزلة لسان:عشان أرتاح من هالبلوى؟؟
ام تركي:إيش؟..إي بلوى؟؟
تركي بارتباك:لالا.....قصدي إن.....عشان لاتروح مني البنت
ام تركي:إي بنت؟؟
تركي:البنت إلي ابي أتزوجها
أم تركي:ومن هذي البنت؟؟
هيفا:صحيح من هي إلي داعيه عليها أمها؟؟
تركي:بايخه...محد دخلك إنتي؟؟
أم تركي:ماقلت لي من هي؟؟
تركي:وحده من سكان الرياض
هيفا:مالها إسم يعني؟؟
تركي:الهنوف...(بخاطره)..ياكرهي لها ولإسمها
أم تركي:وليه هذي البنت بالذات؟؟
تركي:أبيها..انا أبي هذي البنت
أم تركي:طيب من أي عايله هي وإيش اسم أبوها وامها؟؟
تركي:يعني أفهم من أسئلتك إنك موافقه
ام تركي:والله مدري الراي راي أبوك
تركي:أنا إلي بتزوج ولا ابوي؟؟...يمه يعني إنتي ماودك تفرحين فيني؟؟
أم تركي:إلا ياولدي ودي اليوم قبل بكره
تركي:تكفين يمه كلميه وأقنعيه يوافق
ام تركي سكتت فتره طويله:طيب انا بكلمه بس إذا رفض ماراح أخذ وأعطي معه
تركي يبوس راس أمه:الله لايحرمني منك يالغاليه
نزل من السياره يمشي بخطوات متثاقله مليانه تعب وخوف وأوهام يحاول يغلب عليها الأمل..وقف قدام البحر عيونه تدمع من الخوف إلي في قلبه على أعز إنسان في حياته..ماجد بهاللحظه مثل الجبل إلي اتعبه الوقوف...
ماجد بصوت مبحوح وعيون تدمع:يارررب...يارررب إنك تقومه بالســلامه..وترجعه لنا سالم..يارررب مالنا غيرك
ناظر البحر وتنهد
الريــــــــاض
تركي يغسل وجهه..رفع طالع المرايا ومرر يدينه على شعره...
تركي:عجبك إلي سويته ياتركي..بدل ماتطيح البنت طيحت روحك
دق جوالـــه...
تركي وهو يطالع الرقم:موب غريب علي هذا الرقم........الو
هند:الســـلام عليكم
تركي:وعليكم الســــلام
هند:تركي..صح؟؟
تركي:ايوه...من معي؟؟
هند:أنا...هند صاحبة الهنوف

تركي:هلا...خير
هند:مطول سكوتك عن الموضوع؟؟
تركي:أي موضوع؟؟
هند:لا تتغيشم إنت عارف إيش أقصد
تركي:لا..ماراح يطول
هند:إيش راح تسوي؟؟
تركي:كلمت الأهل عشان اتقدم لها
هند باستغراب:بتتزوجهـــا؟؟!!!!
تركي:للأسف ايوه...عندك حل غيره؟؟
هند:لأ...بس ماظن إن الهنوف بتوافق
تركي بعصبيه:نعــم...إيش قلتي؟..ماراح توافق....تحمد ربها إني بستر عليها وبتزوجها وإذا ماهو بعاجبها تشوف لها حل ثاني ومالي خص فيها موب كافي بهدم مستقبلي عشان وحده ماتسوى مثلها
هند:طيب طيب...ليه كل هالعصبيه؟؟..أنا ماقلت لك اكيد إنها مابتوافق
تركي:وإذا ماوافقت تحل مشكلتها بروحها بعيد عني
هند:وأهلك وافقوا؟؟
تركي:تقريباً
هند:طيب أنا بكلمك بعد يومين وأشوف إيش صار...مع الســلامه
سكر تركي الجوال بدون مايرد عليها...
هند:وجع..قليل ذوق...خلني أروح للهنوف وأكلمها بالموضوع
الهوتيـــــــل
راشد جالس مع أمه بغرفة البنات ويطمنها على حال نايف بدون مايحط عينه بعينها عشان لاتحس إنه فيه شي...
أم اشد:متأكد ياراشد؟؟
راشد:أكيد يايمه
نام راشد على رجل أمه وهي تسمح على شعره...بعد فتره دخلوا الجازي وبيان الغرفه ناظرت بيان راشد وابتسمت داخلها على شكله الطفولي وهو نايم على رجل أمه...
الجازي:يمه الوالد يبيك
أم راشد:طيب.....(تصحي راشد بصوت خفيف)..راشد..يمه راشد
راشد:امممممـ
أم راشد:قم نام بغرفتكم أريح لك
فتح راشد عينه وإلتقت مع عين بيان إلي واقفه بعيد شوي قبالهم...إبتسم وحس بهالحظه همه إنزاح..رفع راشد عن أمه...قامت أم راشد وطلعت مع الجازي...
بيان:كيفك ألحين؟؟
راشد:والله الحمدلله...وإنتي أخبارك؟؟
بيان:تمام............راشــد
راشد:لبيـــه
إبتسمت بيان:كافي عليك تعب إرحم حالك شوي
راشد بتعب:كيف أرتاح يابيان واخوي بهالحال
بيان:مافيه إلا الخير إنشالله
وقف راشد بعيد شوي عن بيان وحط يدينه بجيوبه تم يناظرها وبوده جفونه ماتغطي عيونه ثانيه...
بيان إرتبكت:يالله روح إرتاح
راشد:طيب....تامريني على شي؟؟
بيان:ســـــلامتك
راشد:الله يسلمك
هند راحت للهنوف بيتهم...فتحت الخدامه الباب...


هند:وينها الهنوف؟؟
الخدامه:في غرفتها
هند:نايمه؟؟
الخدامه:I don`t now
هند:اوكي
راحت هند لغرفة الهنوف طقت الباب...
الهنوف:من؟؟
هند:أنا..هند
فتحت الهنوف الباب...
الهنوف:هلا والله
هند:هلا فيك
الهنوف:تفضلي
دخلت هند الغرفه ونزلت شيلتها...
هند تسمح على شعر الهنوف:شخبارك؟؟
الهنوف وهي تجلس على السرير:أممممــ شوفة عينك على حالي
هند وهي تجلس قربها:كلمت تركي
الهنوف منصدمه:تركي؟؟!!...ليه؟؟!!
هند:كنت أبي أشوف شسوى بموضوعكم
الخبــــــــــر
كانت أم راشد تصلي..دخلت الجازي وجلست على السرير تنتظر أمها تخلص الصلاه...خلصت أم راشد الصلاه...
أم راشد بعيون تدمع:ياررربي إنك تشافي ولـــدي
قامت الجازي وباست راس إمها وجلست قربها...
الجازي:الله يتقبل
أم راشد:منا ومنك صالح الأعمال
الجازي:ماتبين تتغدين يمه؟؟
أم راشد:لا ياحبيبتي مابي
الجازي:ليه يمه؟؟
ام راشد:ومن له نفس ياكل واخوك بهالحال
الجازي:تفائلي بالخير يايمه
الريــــــــاض
الهنوف ترفع صوتها:لا مستحيييييييل أتزوجـــــــــه..ماااااابيه
هند بعصبيه:الهنوف إنتي صاحيه؟...إذا ماتزوجتي تركي من راح يرضى فيك ويتزوجك.. تحمدي ربك إنه عرف غلطته وبصلحها...غصب عنك بتتزوجينها..وبلاش فضايح
الهنوف:مااابيه..ماراح أتزوج واحد واطي وحقير مثل تركي
هند:حقير ولا واطي بتتزوجينه يعني بتتزوجينه...مافي حل غيره
الهنوف:بس ياهنــد...
هند:بس إيش؟؟!..وحده مكانك تحمد ربها مليون مره إنه ستر عليك...صدقيني يالهنوف مافي حل غيره
الهنوف:كيف بعيش معه وأنا عارفه إنه مستحيل يترك سوالفه هذي وفوق هذا يكرهني
هند:بعد الزواج اكيد بيتركهم ومع الأيام تقدرين تخلينه يحبك...موب أحسن من الفضيحه؟؟
سكتت الهنوف تفكر...
هند:بعدين يالهنوف الأيام تمشي وكل ماله الحمل يبان عليك الحجج والأعذار ماراح يفيدونك
الهنوف:وهو موافق على زواجنا؟؟
هند بزلة لسان:طبعاً لأ....(ارتبكت)...قصدي..تقريباً
الهنوف:هند الموضوع صعب أنا بهدم حياتي إذا تزوجته
هند:حياتك إنهدمت وخلصت..يعني تبين تقولين لي إنك تفكرين بالمستقبل تكملين دراستك وبعدها الزواج..لاياحبيبتي الغلطه إلي غلطيها قلبت حياتك..من بيرضى يتزوجك وإنتي......؟؟!
الهنوف:هند بس حرام عليك أنا منيب ناقصه هالكلام
هند سكتت شوي:إعذريني يالهنوف بس رفضك وعنادك جبروني أقولك هالكلام
الهنوف:خلاص ياهند....أنا موافقه
هند:جد والله...يعني إذا تقدم لك ماراح تغيرين رايك؟؟
الهنوف:لا...خلاص...راح أتزوجه

 

[الخجوله]

الجـــــــــزء 28

يوم الجمعـــــه..11 الليــــل

الريـــــــاض

وجدان نايمه على سريرها وامها وأبوها جالسين قربها...

بو وجدان:يابنتي خلنا نروح المستشفى ونطمن عليك

وجدان بصوت تعبان:لا..يبه ماله داعي

بو وجدان:كيف ماله داعي وإنتي هذي الفتره دايم تعبانه ومالك نفس تاكلين شي

وجدان:شويت إرهاق لا تشغلون بالكم

أم وجدان:طيب يابنتي تامرين على شي؟؟

وجدان:لا يمه مشكوره

ام وجدان:الحين حنا بنخليك ترتاحين..تصبحين على خير

وجدان:وإنتي من أهل الخير

وفي جهه ثانيه..تركي جالس بالصاله ينتظر أمه إلي جالسه تكلم أبوه بموضوع زواجه...

تركي بخاطره:معقوله بنت مثل الهنوف تكون زوجتي..معقوله هذي حامل مني..حامل بولدي..ياربي أنا كيف بعيش معاها..كيف بكمل حياتي مع بنت أكرها و بتكون شريكة حياتي

طلعت أم تركي من غرفتهم وراح لها تركي بسرعه...

تركي:وينك يايمه تأخرتي؟؟...ها إيش قال؟؟...وافق؟؟

ام تركي:تقريباً

تركي:كيف تقريباً؟؟

أم تركي:يعني يبي يعرف أهل البنت بالأول ويشوف إذا يناسبونا ولا لأ

تركي بخاطرها:أنا إللي أعرفه إن مستواهم المادي راهي يعني أبوي ماراح يعارض

أم تركي:وين وصلت؟؟

تركي:هلا..لا معك

ام تركي:إيش أسم البنت الكامل..ومن ابوها؟؟

تركي:إسمها الهنوف......(سكت شوي..بخاطره)..إيش اسم ابوها..نسيته...

أم تركي:الهنوف إيش؟؟

تركي:الهنوف...الهنوف...ايوه ذكرت..الهنوف عبدالرحمن(.....)

أم تركي:طيب خلاص أنا بقول لأبوك وبنشوف

تركي:طيب يمه..انا تعبان وبروح أنام..تصبحين على خير

ام تركي:وإنت من أهله

الخبـــــــــــــر

الساعه 12

واقف عند الشباك هيمان وبعالم ثاني...عزام كان نايم وصحى بيشرب مويه وإنتبه لمساعد...

عزام:مساعد

التفت له مساعد:هلا

عزام:إيش فيك؟؟..ليه مانمت؟؟

مساعد:لا ولاشي بس ماجاني نوم

قام عزام ووقف قدام مساعد...

عزام:شكلك مضايق؟؟

ناظر مساعد عزام وهو يبي يقول شي بس متردد..

عزام:شكلك تحاتي شي؟؟

مساعد:حاس إنه صاير شي

عزام:صاير شي؟؟..لمن يعني؟؟

مساعد:لـ....

سكت مساعد شوي..وعرف عزام إنه يتكلم عن حبيبته...

عزام:لا تشغل بالك مافي إلا الخير إنشالله

تنهد مساعد..

مساعد بخاطره:بالي بيرتاح بس قلبي شيريحه؟؟!!

الصبــــــاح-الساعه 9

صحى راشد وأخذ له شاور ولبس ملابسه بيروح المستشفى مع مشعل وهم نازلين إلتقوا مع مساعد..طالعه راشد باستغراب...

مساعد:صباح الخير

مشعل وراشد:صباح النور

راشد:مسااعد؟؟...متى صحيت؟..وين كنت؟؟

مساعد بخاطره:أنا نمت عشان أصحى........صحيت بدري ونزلت اشرب لي كافي...رايحين المستشفى؟؟

راشد:ايوه

مساعد:أوكي أنا بروح معكم

وهم في السياره..حاط يده على خده..

راشد بصوت خفيف:يـــارب تحسنت صحته

مشعل:إنشالله

وصلوا المستشفى..راحوا لمكتب الطبيب دايركت...

مشعل:صباح الخير دكتور

الطبيب:صباح النور ياهــلا

مشعل:شخبار نايف دكتور؟؟

الطبيب:فيه تقدم بسيط جداً بحالته..وإنشالله بعد كم يوم تستقر حالته

راشد:وبعده بالعنايه ولا طلع؟؟

الطبيب:لا بعده حالته تحتاج عنايه أكثر

مشعل:طيب شكراً دكتور مع الســـلامه

الدكتور:العفو الله يسلمكم

الريـــــــــاض

تركي وخالد جالسين في الجامعه بالكــــــلاس...

خالد:إيش فيك ضايق خلقك؟؟

تركي:كل إللي قاعد يصير وتقولي ليه ضايق خلقي؟؟

خالد:إنت إللي جبت هذا الشي لنفسك

تركي:ولي يرحم والديك مالي خلق أسمع شي منك

خالد:أنا؟؟!!....شسووويت؟؟!!!

تركي:إيش قال؟ قال..مافي حل غير تتزوجها

خالد يرفع صوته:تراك زهقتني حاط اللوم علي (يقلد صوت تركي)..إنت السبب وهذي فكرتك..ليه كان عندك حل وقتها وبعدين هذي جزاتي إللي بحل مشكلتك بدون فضايح.وهذا من البدايه غلطك إنت....

قطعه تركي بعصبيه:بس كاااافي إنت إيش فيك ماتسوى علي مساعدتك بتمن علي بها

خالد:واحد مكانك مايتكلم ولايرفع عينه اصلاً..فاكر إللي سويته شي هين يا...
تركي:كمل ليه سكت؟؟

خالد يناظره باحتقار:يالـ...........يا تركي

أخذ خالد كتبه وطلع من الكـــلاس..تركي ضرب بيده على الطاوله بقوه وهو معصب...

تركي وهو ضاغط على اسنانه:اكرهها..أكرهها دمرت حياتي

وهو طالع دقت عليه هند على جواله...

تركي:الو

هند:صباح الخير

تركي عرف صوت هند..بدون نفس:صباح النور

هند بخاطرها:أووف ياثقل دمه......تركي..أبي اقولك الهنوف....

تركي:إيش فيها هذي بعد؟؟

هند:وراك معصب علي كذا؟؟

تركي أخذ نفس:ولاشي

هند:بس بقولك إنها وافقت

تركي:غصباً عنها بتوافق

هند بصوت خفيف:وقح

تركي:خير

هند:ولاشي....متى بتكلمون أهلها؟؟

تركي:وإنتي إيش يخصك بسالفه؟؟

هند:نعم...تراك زودتها بقلة الذوق

تركي:مخلي الذوق لك...مع الســــلامه

سكر الخط من دون مايسمع منها رد...هند بهالحظه عصبت...

هند:الشره ماهي بعليك الشره على إللي كلمتك..ماقول غير الله يعينك عليه يالهنوف

تركي وهو رايح للكفتيريا إلتقى مع واحد من ربعه..

تركي:محمد..شفت خالد؟؟

محمد:أيوه..كان طالع

تركي:طالع؟؟..يعني طلع من الجامعه؟!

محمد:أيوه

تركي:طيب..باي

الخبـــــــــر

الهوتيـــــــــــــل

بيان وحلا والجازي جالسين بالغرفه...

بيان:طيب حنا متى بنرجع الرياض؟؟

حلا:شايفه الوضع يسمح

بيان:بس كذا بتروح علينا دروس كثير

حلا:أحســـــــن

الجازي:لا صحيح كلام بيان عدل اليوم نشوف واحد من الشباب ونرجع معه

حلا:ماظنهم بيوافقون

دخلت أم عبدالعزيز...

أم عبدالعزيز:صباح الخير يابنات

الكل:صباح النور

أم عبدالعزيز:راحوا المستشفى لنايف؟؟

الجازي:راح راشد مع مساعد ومشعل

أم عبدالعزيز:وكيف صحته؟؟

الجازي:يقول الدكتور فيه تقدم بسيط بحالته..بس بعده بالعنايه

ام عبدالعزيز:وأمك وينها؟؟
الجازي:مدري والله

الكــــــــافي-الساعـــه 12الظهــــر

راشد يكلم ماجد على الجوال...

ماجد:وبعده بالعنايه؟؟

راشد:ايوه....وشخبار يدك؟؟

ماجد:أفضل

راشد:ماجد بترجع الرياض؟؟

ماجد:لأ طبعاً

راشد:والمدرسه؟؟

ماجد:مقدر أرجع ونايف بهالحاله

راشد:طيب واهلك؟؟

ماجد:كلمتهم وعطيتهم خبر إني بالشرقيه

راشد:طيب براحتك...الليل إذا بنروح لنايف بكلمك

ماجد:طيب باي

راشد:بايات

جى مساعد وعنده كوبين كافي...راشد وهو يشرب الكافي ويطالع مساعد...

راشد:مساعد إيش فيك؟؟

مساعد:مافيني شي

راشد:بس إنت من الصباح وإنت بعالم ثاني

مساعد:لا بس أحس بوجع براسي

راشد:طيب ليه مارحت لدكتور وحنا بالمستشفى؟؟

مساعد:لا أخذت حبوب الصباح وبدا يخف الألم

بعد نص ساعه تقريباً...

راشد يطالع الساعه:يالله خلنا نرجع

مساعد:يالله

الهوتيــــــل

عبدالعزيز جالس يشاهد التلفزيون..شوي ودخلت الجازي...

الجازي:الســـلام عليكم

عبدالعزيز:وعليكم الســــلام..إنتي وينك؟؟

الجازي:جالسه مع البنات

عبدالعزيز:وأنا؟؟

الجازي:إنت إيش فيك؟؟

عبدالعزيز:تاركتني بروحي وجالسه مع البنات

الجازي:لا..هو.........(مالقت عذر وسكتت)

رمى عبدالعزيز جهاز التلفزيون على السرير وهو مضايق جى بيطلع...

الجازي:حبيبي وين رايح؟؟

عبدالعزيز يقلد صوت الجازي:بروح مع الشباب

ضحكت الجازي:وأنا؟؟

عبدالعزيز وهو يفتح الباب:إجلسي بروحك

الجازي:تعاااال

عبدالعزيز بخاطره:آآآآآآه ه ه ياقلبي

إلتفت لها وهو يسكر الباب....

عبدالعزيز:خير

الجازي قربت منه:زعلت مني؟؟

عبدالعزيز:ايه

الجازي:طيب آخر مره أعيدها..آسفــــه

عبدالعزيز وهو يصارخ:وين أصرف أسفــك أنا

الجازي:بقلـــبك

تم يناظرها عبدالعزيز بعصبيه وهو كاتم ضحكته على شكلها وهي خايفه....

عبدالعزيز:هههههههههههههههههههههه

إبتسمت الجازي...

عبدالعزيز وهو يضرب على صدره جهة قلبه :مشكلته ميقدر يزعل عليك

الجازي:فديتــــه

غرفـــــــة الشباب

عزام نايم على السرير وهو يلعب بجواله وبندر نايم بقربه ويعانده كل شوي يضرب الجوال...

عزام:أوووووووف بندروه إعقل

بندر وهو يسحب الجوال:أبي ألعب

عزام:وخر عني لا بالجوال على وجهك

بندر:أنا ماأحبــك

عزام:لا تكفى أنا إللي أموت فيك يعني

رجع يلعب عزام...سكت بندر شوي وبعدين قام يعانده...

عزام يصارخ:يااااااااااااااااغبي وخــــــــــر..رح غرفتكم أبوك يبيك

بندر:عطني أبي ألعب

مساعد:ياربي عزوز عطه يلعب شوي أبي أنام

عزام:شفت إذا ماسكت مساعد بيضربك

بندر يصارخ:أبي العب..أبي ألعب

مساعد:بندروه ووووجع قم غرفتكم بسرعه

قام بندر وهو يبكي وعزام يضحك عليه...رمى عليه مساعد المخده...

عزام وهو يضحك:آآآآوه وه

المغـــرب

بيان وحلا جالسين يشاهدوا التلفزيون..غيرت حلا المحطه....

بيان:ليه؟؟

حلا:ياشيخه بايخ

بيان:رجعيه

حلا:بشويش لا تبكين علينا

بيان:بايخه..رجعيه بسرعه

حلا:بنشوف شي غيره

بيان:أبي الفيلم رجعيه

حلا:بعدين

بيان:الحين

أم مشعل:قومي إنتي وياها صلوا أذن المغرب وإنتوا على التلفزيون

الليل-الساعه7

دق على جوالها..وإنتظرها لين ردت عليه..سمعت صوت أنفاسه وتجمعت فيها مشاعر غريبه فرح وله شوق سكتت وقلبها يتحرى سماع صوته...

مساعد:الو

وجدان:هــلا

مساعد:هــــلا فيك يالــغلا...شخبارك؟؟

وجدان:بخير الحمدلله..وإنت؟؟

مساعد:دامك بخير أنا بخير....إيش فيه صوتك..تعبانه؟؟

وجدان:أنا؟!..لا مافيني شي

مساعد:حاس إنك تعبانه

وجدان:كذاب

مساعد:من؟؟!! أنا؟؟؟!!!

وجدان:لالا..أقصد إحساسك

مساعد:متــــأكده؟؟

وجدان:ايه لا تخاف...متى بترجعون الرياض؟؟

مساعد:إذا تحسنت صحــة نايف إنشالله

وجدان:إيه صدق شخباره ذالحين؟؟

مساعد:أحسن

وجدان:الله يقومه بالســلامه

وجدان فز قلبها:لبيـــه

مساعد:ياقلبي ولهـــان عليك..ولهــــان على صوتك

وجدان:وأنا أكثر...مساعد إنت وينك؟؟

مساعد:أنا؟؟!!..موجود

وجدان بهدوء:لو تدري شكثر أتعب إذا ماسمعت صوتك ماحرمتني من صوتك كذا

مساعد:سلامتــك من التعب ياقلبي..إعذريني ياغلاي بس إنتي عارفه الظروف

وجدان:عاذرتك ياروحي

مساعد:ليت الساعات تكفيني أبوح لك عن الشوق إللي بقلبي.....................وجدان

وجدان:ـــــــــــــــــــــــــ

مساعد:وجدان قلبي

وجدان:هلا

مساعد بهمس:أحبــــــــك

وجدان:وأنا كمان

مساعد:حبيبتي أنا بخليك ألحين

وجدان:طيب

مساعد:تصبيحــــن على خيـــر عمري

وجدان:وإنت من أهله

رجع راسه على الكرسي وغمض عينه...دخل راشد...

 

[الخجوله]

راشد:مساعد

فتح عينه مساعد:هلا

راشد:بتروح معنا المستشفى؟؟

مساعد:لا والله تعبان مقدر أروح

راشد:طيب..مع الســـلامه

مساعد:راشد كلمني طمني عليه

راشد:إنشالله

نهايه الجزء
الريـــــــــــاض

تركي جالس مع هيفا إخته بغرفته...

هيفا:طيب وراك مستعجل كذا؟؟أكيد فيه سبب

تركي:هيوف إسكتي عني مالي خلق أتكلم مع حد

هيفا:متعرف عليها من الترقيم ولا الشـــات؟؟

تركي يرفع صوته:هيفوه جد ماتنعطين وجه

هيفا:لالا ياقلبي لا تعصب نتناقش مع بعض..يعني أنا منيب لاقيه سبب يخليك تتزوج في هذا السن

تركي:مافي سبب كذا بس

هيفا بخاطرها:مستحيل..........................طيب إنـــ....

قطعها تركي:ياهووووو إيش فيك إنتي تحقيق؟؟

هيفا:البنت حلوه؟

تركي بخاطره:أكذب عليك إذا قلت لك لأ

هيفا:تركي..حلوه ولا لأ؟؟

تركي:عاديه مثل غيرها

هيفا:طالع هذا..يعني شفتها؟؟
تركي إرتبك:أيوه...لا...قصدي هو....وإنتي ليه ملقوفه كذا..قومي إطلعي بره

هيفا:لالا خلاص بنغير الموضوع...وبتكمل دراستك برا؟؟

تركي:من قال؟؟

هيفا:الوالد

تركي:لالا أنا قلت له كذا عشان يوافق بس

هيفا بخاطرها:غريب ياتركي إيش إللي يخليك متعلق بالزواج كذا..والبنت هذي بالذات

الخبــــــــــر

المستــــــــشفى

الدكتور:لا الحمدلله طلع من العنايه المركزه وحالته افضل بكثير من الصباح

بوراشد:الحمدلله يعني نقدر ننقله لمستشفى بالرياض

الدكتور:أنا اقول نخليه بكره كمان عشان نتأكد من إستقرار حالته

بوراشد:خير إنشالله...عن إذنك دكتور

طلع بوراشد لبوعبدالعزيز وراشد وماجد إللي واقفين ينتظرونه وطمنهم على حالة نايف وراحو له بالغرفه...دخل بو راشد وإلتفت له نايف وإبتسم..

بوراشد وبوعبدالعزيز:الحمدلله على سلامتك

نايف:الله يسلمكم

راشد:الحمدلله على سلامتك ياخوي

نايف:الله يسلمك

ناظر نايف ماجد إللي واقف ورا راشد وإبتسم له..تقرب ماجد من سرير نايف وحط يده على يد نايف..

ماجد:سلامتك يالغلا

نايف:الله يسلمك...شلونك؟؟

ماجد:الحمدلله

بوعبدالعزيز:كيف صحتك يانايف؟؟

نايف:أفضل عمي

طلع راشد من الغرف وكلم مساعد وطمنه على نايف..راح مساعد لغرفة البنات يطمنهم.. فتحت له بيان الباب....

بيان:هلا مساعد

مساعد:هلا..وينها خالتي أم راشد؟؟

بيان:داخل

مساعد:قولي لها نايف تحسنت حالته وطلعوه من العنايه

بيان بفرحه:جد والله....طيب

مساعد:يالله تصبحين على خير

بيان:وإنت من أهله............خالتي..خالتي

أم راشد:خير يابنتي

بيان:نايف تحسنت حالته وطلعوه من العنايه

أم راشد دمعت عينها بفرحه:طلعوه..يعني صار بخير؟؟

بيان:ايوه ياخالتي

ام راشد رفعت يدينها:الحمدلله..الحمدلله

كلمت الجازي راشد..

راشد:هلا يالجازي

الجازي:هلا..راشد عطني نايف ابي اكلمه

راشد:طيب

عطت الجازي أم راشد الجوال...

نايف:الو

أم راشد:يمه نايف شلونك؟؟

نايف:هلايمه بخير الحمدلله

تذكرت أم راشد آخر مره سمعت فيها صوت نايف وهو يصارخ من الألم وبكت أكثر عليه..
نايف:ياقلبــي لا تبكين..تراني بخير والحمدلله

أم راشد:يابعد عمري

نايف:يمه أبي أرتمي بحضنك مشتاق لك تعالي لي

أم راشد:إنشالله يالغالي

عطت الجوال للجازي..

الجازي:نايف الحمد لله على السلامــــه

نايف:الله يسلمك

الجازي:شخبارك ياخوي؟؟

نايف:الحمدلله

أم راشد تكلم بيان...

أم راشد:بيان كلمي أي احد يجي يودينا المستشفى لنايف

بيان:مساعد قالي إنه بينام..بشوف عبدالعزيز

الجازي:طيب مع الســــلامه

نايف:الله يسلمك

بيان:الجازي وينه عبدالعزيز؟؟

الجازي:مدري يمكن بالغرفه

بيان:طيب روحي قولي له يودينا المستشفى

الجازي:طيب

راحت الجازي الغرفه...

الجازي:عبدالعزيز.......عزيز.........حبيبي وينك؟؟............ياربي وين راح؟؟

وهي راجعه لغرفة البنات إلتقت مع عزام وقالت له...وصلوا المستشفى..راشد كان واقف برى مع ماجد...

أم راشد:راشد

إلتفت راشد:هلا يمه

أم راشد:وينه اخوك؟؟

فتح راشد باب الغرفه إلا وبوراشد وبو عبدالعزيز طالعين..دخلت أم راشد بسرعه لنايف...قربت منه وإرتمى بحضنها...

أم راشد:شخبارك ياولدي؟؟

نايف:الحمدلله يايمه

الريــــــــــاض

أم تركي:تركي.........يمه تركي

تركي وهو نازل يركض على الدرج:خير يمه

أم تركي:تعال

جلس تركي قرب أمه بالصاله...

أم تركي:أبوك وافق

تركي:جد والله

أم تركي:وإيش فيك تقولها كذا

تركي:كيف؟؟

ام تركي:ماشكلك فرحان ماكنك كنت تنتظر تسمعها بفارغ الصبر

تركي:لا بلعكس..فرحان

أم تركي:طيب عطني رقم تلفون بيتهم عشان أخذ من أمها موعد

طلع تركي جواله يدور الرقم كتبه لأمه على ورقه...

تركي:هذا رقمهم..متى بتكلمينها؟؟

أم تركي:بكره العصر إنشالله

تركي:طيب يمه أنا طالع تامرين على شي؟؟

بوتركي:وين رايح بهالوقت؟؟

إلتفت له تركي:يبه

بوتركي:إيش فيك مخترع؟؟

تركي:لالا عادي...عندي شغل ماراح أطول.......مع الســـــــلامه

بوتركي وأم تركي:الله يسلمك

ركب تركي سيارته وهو حاس باختناق...تركي يفتح زرار قميصه وهو يتنهد...

راح تركي لبيت خالد وقبل ماينزل تردد عشان الموقف إللي صار بينهم الصباح...نزل وإنتظر لين فتح خالد الباب....

خالد باستغراب:تركي

تركي:آسف جيتك بوقت متأخر

خالد يناظر تركي والحاله إللي هو فيها:لا شدعوه عادي..بس ليه جاي لي أنا؟؟

تركي ماستغرب من رد خالد:طيب آسف عن إذنك

خالد:لالا ماهو بقصدي..تفضل

تركي:لا خلنا نطلع ضايق خلقي وأبي أغير جو

خالد:طيب

أخذ خالد مفتاح السياره من تركي وحرك السياره...وهم بالطريق....خالد إلتفت يناظر تركي ورجع يناظر الطريق....

خالد:صار شي ع الموضوع؟؟

تركي تنهد:وافق الوالد

خالد:والله؟؟

تركي وهو يناظر الشباك:أمممممم

خالد:تركي إنت ماراح تظل طول حياتك كذا من غير زواج إلا مايجي اليوم إللي بترتبط فيه اليوم أو بكره

تركي:عارف

خالد:اجل ليه مضايق حيل من هالموضوع؟؟

تركي:مانيب مضايق من فكرة الزواج..أنا إللي مضايقني البنت إللي برتبط فيها وإنت عارف هذا الشي

خالد:ناظر الشي الحلو والزين إللي فيها وخلي مساوئها على جنب مافيه حد كامل

تركي يضحك بسخريه:وهي فيها شي زين تنذكر به..كلها على بعضها سيئه

خالد:كل واحد يتحمل نتيجة غلطه

تنهد تركي وهو يمرر يدينه على شعره ورجع راسه على الكرسي...

الخبـــــــــر-الساعه 9:30

بعد ماطمنوا على صحة نايف رجعوا الهوتيل عشان يرتاحون...في غرفـــة البنات...كانت بيان واقفه تلبس عباتها بتنزل لحلا وهيا تحت..كان الباب مفتوح شوي...

بيان تغني:إنت منت إنسان اكثر قلبي مو من قلبك أصغر ومثل ماتشعر....

قطعها صوت ثقيل يغني:تأكد إني أشعر فيني منك فيك مني غصب عنك غصب عني إلتقينا والقى قسمه مقدر

إلتفتت بيان مستغربه...ولقته واقف ويناظرها بابتسامه حلوه...بيان متدري شتسوي ولا شتقول جذبها شكله وإبتسامته ونظرته وكل شي فيه وكنها أول مره تشوفه...

راشد:مســــاء الخيــــر

بيان ردت له الإبتسامه:مســاء النور

راشد:كيفــك؟؟

بيان:الحمدلله..وإنت؟؟

راشد:بشوفتك صرت بأفضل حال

بيان:تســـلم

راشد:الله يسلمك...وين رايحه؟؟

بيان:بنزل لحلا وهيا تحت

دق جوال راشد طالع الرقمـــ....

راشد:أوكي قلبي أنا بروح

قرب منها وقال بهمس:تصبحيـــن على خيـــر

بيان بابتسامه ناعمه:وإنت من أهـــله

في جـــهه ثانيه بغرفة عبدالعزيز والجازي كانت الجازي تمشط شعرها وعبدالعزيز نايم على السرير...

عبدالعزيز:طيب وماقالوا متى يقدر يطلع؟؟

الجازي:إلا قالوا يفضل نخليه بكره كمان عشان يتأكدون من إستقرار صحته

عبدالعزيز:أهاا..الحمدلله يوم إنه قام بالســـلامه

الجازي وهي رايحه له:الحمدلله

جلست الجازي قرب عبدالعزيز على السرير وهو يطالعها...

الجازي:إيش فيك تطالعني كذا؟؟

عبدالعزيز:كيفي زوجتي..حرام أطالعك

ابتسمت الجازي وهي منزله راسها تطالع يدينها..

عبدالعزيز:ليه منزله راسك؟؟

رفعت الجازي بدون ماتناظره...

عبدالعزيز:أنا هنا

طالعت الجازي عبدالعزيز جات الجازي بتكلم حط عبدالعزيز صبعه على فمها...

عبدالعزيز:ابي أهيــم بعيونك وأسولف معها



إيش راح يصير ع موضوع تركي والهنوف؟؟

بيقدر نايف يطلع من المستشفى ولا لأ؟؟

 

[الخجوله]

الجزء 29
الاحـــد..الصباح الساعه 10
الريـــــاض
أم تركي تصحي تركي ...
تركي:أوووه يمه خليني انام
أم تركي:قم ياولدي لا تتأخر على الجامعه لمتى بتظل نايم
تركي:ماراح أروح الجامعه اليوم
دخلت هيفا...
هيفا:يمه انا رايحه الجامعه طيب
ام تركي:بحفظ الله
طالعت هيفا تركي...
هيفا:إيش فيه؟؟
أم تركي:ماهو براضي يصحى
هيفا:الله يعينك عليه..مع السلامه
أم تركي:الله يسلمك
وهي نازله على الدرج...
هيفا:متى أشوف اللي ماخذه عقلك ياخوي
بيت أبو الهنوف
نزلت الهنوف لمها بالصاله...
الهنوف:صباح الخير يمه
أم الهنوف:صباح النور
الهنوف:أبوي راح الشركه؟؟
أم الهنوف:أيه..يمه الهنوف متى بتداومين بالمدرسه صار لك كثير غايبه عنها؟؟
الهنوف ارتبكت:مدري يمه..أنا كل يوم يزيد علي هالضيق
أم الهنوف:طيب إيش رايك تتركين الدراسه هالسنه وتعيدين السنه الجايه؟؟ الهنوف:والله مدري شكله هذا إللي بصير
قامت ام الهنوف:طيب أنا بطلع مع خالتك...
قاطعتها الهنوف:وين بتروحون بذا الوقت؟؟
أم الهنوف:بنسير على صاحبة خالتك تو راجعه من السفر
الهنوف بخاطرها:ليتك توجبيني مثل ماتوجبين الناس
أم الهنوف:يالله مع السلامه
الهنوف:الله يسلمك
طلعت ام الهنوف وراحت الهنوف تسوي لها كافي وهي تفكر بتركي...
الهنوف:يمكن مثل ماقالت هند مع الأيام يتغير..بس ماظن يتغير تركي إنسان حقير ومايفكر إلا بنفسه
الخ ــــــــبر
كان عبدالعزيز نازل من السياره عند المجمع مع الجازي وبيان...وهم داخلين حست الجازي بدوخه ومسكة يد عبدالعزيز بقوه...
عبدالعزيز حط يده على خصرها:إيش فيك حبيبتي؟؟
الجازي هدت شوي وبابتسامه:لا ولا شي..شوية دوخه
عبدالعزيز:متأكده؟؟
الجازي:أيوه لا تشغل بالك
بيان:إيش فيكم؟؟
عبدالعزيز وخر يده عن الجازي:أقول إنتي خلك بجوالك
بيان:طيب ياشيخ ماقلنا شي
وهم رايحين للمطعم وقفت بيان عند محل....
بيان:خلنا ندخل هذا المحل
عبدالعزيز:حنا جايين نفطر بس
بيان:طيب بس شوي
عبدالعزيز:لالا مافي خل نروح
الجازي:يالله عاد عزيز خلنا نشوفها إيش تبي
عبدالعزيز:طيب يالله بسرعه
دق جوال عبدالعزيز والجازي وبيان راحوا المحل..وهم داخلين المحل فقدت الجازي توازنها وجات بطيح بس مسكتها بيان...
بيان:عبدالعزيز
إلتفت عبدالعزيز ولقى بيان ماسكه الجازي...
عبدالعزيز:أقول أكلمك بعدين
سكر الجوال وراح لهم ومسك الجازي...
عبدالعزيز:إيش فيها؟؟
بيان:مدري والله
مسكها عبدالعزيز وطلعوا من المجمع وركبوا السياره..راحوا للهوتيل..نزلوا عبدالعزيز وبيان وبعدهم الجازي وهي نازله مسكة باب السياره بقوه وأغمي عليها...راح لها عبدالعزيز بسرعه وهو خايف عليها حملها دخل الهوتيل وهو يمشي بسرعه وبيان معاهم...
راح عبدالعزيز غرفتهم ونيّم الجازي على السرير...جاب لها مويه وشربها وصحت... عبدالعزيز:سلامتك حبيبتي
الجازي:الله يسلمك
دخلت بيان ومعاها ام راشد...
أم مساعد:خير ياعبدالعزيز إيش فيها الجازي؟؟
عبدالعزيز:لا خالتي مافيها إلا الخير...شوية تعب يمكن من قلة النوم والأكل
جلست أم مساعد قرب الجازي وهي تمسح على شعرها...
أم راشد:سلاميتك يابنتي
الجازي:الله يسلمك يمه
بيان:شخبارك الحين الجازي؟؟
الجازي:الحمدلله أفضل
عنـــد مشعل وهيـــا...كان مشعل نايم وبندر يشاهد التلفزيون ومعلي على صوت التلفزيون... مشعل:بندر بابا قصر على الصوت
بندر:بعدين ما أثـــمعه
مشعل:كأنك بتفهم شيقولون...حبيبي أبي أنام قلت لك قصر على الصوت
قصر بندر على صوت التلفزيون شوي لين نام أبوه وبعدين علّى الصـوت مره ثانيه...مشعل صحى وهو معصب فيه...
مشعل يرفع صوته:بندرووه وبعدين أقولك قصر عليه إنت ماتفهم
طلعت هيا من الحمام بعد ماخذت لها شاور...
هيا:إيش فيه وراك تصارخ؟؟
مشعل:فهمي ولدك كيف يقصر على صوت التلفزيون ابي انام
هيا:تراك نمت كثير الساعه 10 ونص لمتى بتظل نايم يعني؟؟
مشعل:نمت متأخر البارح
هيا:محد قالك تنام متأخر
مشعل:بعد شسوي عيونك مسهرتني ياقلبي
هيا تضحك بسخريه:ههههههه جد والله
مشعل:والله...أحبـــــــــك
هيا:دامك تحبني إصحى عشان ننزل ونفطر
مشعل:أنا وإنتي بس
هيا:وبندر؟؟
مشعل:عادي يجلس مع البنات ولا الشباب
هيا:لالا صار لنا زمان ماطلعنا مع بعض
مشعل:أجل خلاص..أنا بكمل نومي
هيا:ههههههههههههههههه يالله عاد
قام بندر عن التلفزيون ورمى نفسه على ابوه...
بندر:بابا...بابا
مشعل:بشويش..إشي تبي؟؟
بندر:عادي أروح لعمتي حلا؟؟
مشعل:طيب ليه ماتروح لعمك عزام؟؟
بندر:ماحبــــه دايم يهاوشني
مشعل:عيب بابا عمك يحبك ومايهاوشك هو يمزح معك
بندر:طيب أبي أروح له عادي
مشعل:طيب روح
راح بندر يركض وطلع من الغرفه مشعل يناظر هيا...
مشعل:صرنا بروحنا
راح بندر غرفة الشباب وفتح له راشد الباب...
راشد:هلا والله
بندر:وين عمي عزام؟؟
راشد:إيشدعوه..إيش هالأخلاق عليك إنت؟؟..عمك نايم..(راشد يناظره بخبث)..تعال معي
دخل راشد لعزام وبندر وراه...
راشد:عزوز إصحى جايب لك مفاجئه
عزام:ـــــــــ
راشد يصارخ:عزوووووووووووووز
عزام:إيش تبي؟؟
راشد:عندي لك مفاجئه
عزام:إيش...إشتريت لي سياره؟؟
راشد:ههههههههه بايخه...طالع
رفع عزام راسه وناظر بندر...
عزام يصارخ:لاااااااااااا إنت إيش جـــــــااااااااااابك؟؟
بندر:أبي العب معك
عزام رمى نفسه مره ثانيه على السرير...
عزام بصوت باكي:ياررربي إيش هالصباح..حرااااااااااااااااام راشد:ههههههههههههههههههههههههههه
الساعــــــــه11
المستشفــــى
الدكتور جالس بغرفة نايف يتكلم معه ومعاهم مساعد...
نايف:لالا يادكتور خلاص أنا مليت ابي أطلع
الدكتور:مانقدر نطلعك من المستشفى قبل مانتأكد من إستقرار حالتك زين
نايف:لا صحتي استقرت وبعدين ماعدت أحس بآلام وتعب عادي
مساعد:وإنت مستعجل على إيش؟؟إصبر هاليوم بس
الدكتور:أوعدك بكره الصباح نطلعك بس اليوم مستحيل
نايف:ياررربي
مساعد بضحكه:إنت ماتعقل مصر على عنادك
ضحك نايف:مليت مساعدوه..جد مليت ابي أطلع
مساعد:إيشدعوه إللي يسمعك يقول شهر كلهم يومين
الدكتور:خلاص يانايف انا بروح الحين والليل بشوفك طيب؟؟
نايف:طيب
الدكتور:مع السلامه
مساعد:الله يسلمك

والدكتور طالع كان ماجد بيفتح الباب بيدخل..
الدكتور:ياهلا ماجد
ماجد:أهلاً دكتور
الدكتور:شخبارك؟؟وشخبار يدك؟؟
ماجد:الحمدلله......على حالها
الدكتور:حط بالك عليها..عن إذنك بروح اكمل شغلي
ماجد:إنشالله..تفضل
دخل ماجــد....
ماجد:صباح الخير
مساعد ونايف:صباح النور
نايف:هلا والله
ماجد:شخبارك؟؟
نايف:الحمدلله..وإنت؟؟
ماجد:بخير..مساعد كيف الحال؟؟
مساعد:هلا ماجد..تمام الحمدلله
الرياض بعد صلاة الظهر
نزل تركي وكانت أمه جالسه بالصاله..جلس تركي قربها...
أم تركي:ليه ماصحيت؟؟
تركي:هذاني صحيت
أم تركي:قصدي لما جى لك أبوك بالغرفه
تركي:متى؟؟
أم تركي:قبل الأذان كان يبيك تروح معه المسجد
تركي:ماحسيت عليه
أم تركي:يمه تركي إيش فيك؟؟ليه ضايق خلقك كذا؟؟
تركي:مافيني شي
أم تركي:متأكد؟؟
تركي:أيوه متأكد
سكتــــوا شـوي...
أم تركي:غريبه ماسألت عن الموضوع؟؟
تركي:أي موضوع؟؟
ام تركي مستغربه:كيف أي موضوع؟؟نسيت موضوع زواجك؟؟
تركي:أووووه لا مانسيت إيش صار؟؟كلمتيهم؟؟
أم تركي بخاطرها:غريب امرك ياولدي كنت بتسوي أي شي عشان يقتنع أبوك وألحين ناسي الموضوع من أساس................بكلمهم العصر
تركي:أممممممم
أم تركي:إيش رايك نأجل الموضوع شوي؟؟
تركي:ليه؟؟
أم تركي:عشان أسال عن البنت أنا ماعرفها ولا أعرف أمها
تركي بارتباك:لالا..لا ماله داعي..لا..كذا أحسن
أم تركي:كيف احسن؟؟
تركي:لا..قصدي..ماله داعي تسألين قلت لك البنت أخلاقها زينه ومتربيه..(بخاطره)..أمحق تربيه
دخلت هيفا مع أبوها بنفس الوقت...
هيفا وأبو تركي:الســــلام عليـــكم
ام تركي وتركي:وعليــكم الســـــلام
أم تركي:راجعه بدري اليوم؟؟
هيفا:تأجلت محاضرتي لبكره
أم تركي:طيب تبون الغدا ألحين ولا بعد شوي؟؟
بوتركي:لا خليه لبعد شوي أبي أتكلم مع تركي
قام بوتركي وقام بعده تركي وراحوا لمجلس الرجال...
بوتركي:تركي إنت فكرت بالموضوع زين؟؟
تركي:ايوه يبه فكرت
بوتركي:طيب وإيش ناوي تسوي؟؟
تركي:مثل ماقلت لك بنتزوج وبكمل دراستي برى
بوتركي:وين؟؟
تركي:مدري باقي ماقررت
ظلوا بوتركي وتركي يتكلمون لنص ساعه تقريباً...
الخبــــــــــر
بيان جالسه مع حلا بغرفتهم...

بيان:صارلي أكثر من شهر ادق على جوال الهنوف وماترد ولا مغلق
حلا:يمكن صاير عندهم ظروف
بيان:ظروف من شهر..إيش هالظروف هذي؟؟
حلا:مدري والله..بعدين أنا مدري إنتي إيش لاقيه في هالبنت؟؟
بيان:أنا اشوفها حلوه وطيوبه
حلا:ياربي من وين لها الطيبه..ماأحبها..ماأحبهــــا
بيان:حرام عليك..ليه طيب؟؟
حلا:المحبه من الله بعد شسوي؟؟
بيان:والله إنشغل بالي عليها كثير
حلا:ماعلينا..تصدقين وحشني نيوف حيل..إشتقت لمسخرته
بيان:والله وحشنا الحمدلله يوم إنه قام بالســـلامه
حلا:الحمدلله
دق جوال حلا"أشـــواق"...
حلا:هلا والله
أشواق:هلا فيك..شخبارك؟؟
حلا:الحمدلله أسأل عنك
أشواق:واضح أشوفك كل يوم تدقين
حلا:هههههه عارفه بالظروف
أشواق:إيه صح الحمدلله على سلامته
حلا:الله يسلمك
دق باب الغرفه وراحت بيان بتفتحه...
بيان:من؟؟
عزام:أنا عـزام
بيان:لحظه عزوز
راحت بيان لبست عباتها وشيلتها بسرعه وفتحت الباب...
عزام:الســــلام
بيان:وعليـــــكم السلام
عزام:وين حلا؟؟
بيان:داخل تكلم
عزام:طيب نزلوا معي نتمشى تحت
بيان:ليه وين الشباب؟؟
عزام:مساعد نايم والباقي مدري عنهم
بيان:اوكي بقول لحلا..تفضل
دخل عزام وكان يبي يعاند حلا...
عزام باسلوب حاد:انتي سكري الجوال بسرعه
حلا:ياربي انت من وين طالع؟؟
عزام:سكريه بسرعه 24 ساعه على الجوال ماتملين
حلا:وإنت شيخصك؟؟
عزام:قلت لك سكريه يعني سكريه..ماله داعي أعيد
حلا:سخيف..اوكي اشواق اكلمك مره ثانيه....باي
ناظر عزام حلا...
حلا:إيش تبي؟؟
بيان:قومي بننزل نتمشى تحت
حلا:طيب
لبست حلا عباتها ونزلوا...وهم يمشون تلاقوا مع راشد كانت بيان تمشي قرب عزام بدون غطى وهي تضحك معه...لا إرادي حس راشد بالغيره من عزام..إنتبه له عزام...
عزام:هلا والله
قدر راشد يخفي ملامح الغيره والغضب عن بيان بس ماقدر يخفيها عن عزام...
راشد:هــلا...وين رايحين؟؟
عزام يعانده:لا بس بيان تقولي زهقانه وتبيني أنزل اتمشى معاها
راشد يناظرها بحده وهي ارتبكت...
بيان:أنا قلت؟؟..كذاب ماعليك منه
ضحك عزام:إلا ماقلت لي وين كنت؟؟
راشد:طلعت مع الوالد وعمي
عزام:وين رحتوا؟؟
راشد:وإنت شدخلك؟؟..ملقوووف.....مساعد وينه؟؟
عزام:نايم
بيان تنهدت ولفت وجهها لجهه ثانيه...
راشد:أوكي أنا بطلع الغرفه لا ضايقكم أكثر
إلتفتت بيان بسرعه وناظرت راشد باستغراب وعزام بعد..مشى راشد..
عزام:رشوود
إلتفت راشد:هــلا
عزام:إيش فيك؟؟
راشد يتكلم بخاطره بسخريه:إيش فيني؟؟..معقوله أغار من عزام.............مافيني شي..بس عندي شغله تذكرتها لا زم أسويها....Goood time

 

[الخجوله]

عزام:Good time
جات حـــلا..
عزام:إنتي وين رحتي؟؟
حلا:كنت أقــــــرا هـــذا الإعـــلان
بع ــــد ربــ ع ساعه تقريباً....بغرفة الشبـــــاب..كان راشد بالغرفه بروحه واقف عند الشباك ويدخــن شوي ويدخل عزام بدون مايحس عليه راشد...
عــزام يرفع صوته:رشــــــــوووووووود ووووووووووجــــــع
إلتفت راشد بسرعه وهو متخرررع...إنتبه إنه عزام وهــدأ شوي...
راشد ببرود:هذا إنت..خرعتني ياغبي وراك تصارخ؟؟
عزام:إنت ماقطعت التدخين؟؟!!
راشد إلتفت مره ثانيه لشباك...
راشد:لأ
عزام:وليــــه؟؟
راشد يناظر الزيجاره:مقدرت أقطعه...أحس براحه إذا دخنت
سحب عزام الزيجاره من يده وطفاها...جى عزام بيصارخ عليــــه بس سكت يوم شاف نظرت راشد له...
راشد بهدوء:مالي خلق اسمع عتب
عزام:راشد لاتلعب بصحتك إنتبه لحالك أرجوك إنت عارف إيش التدخين وإيش بلاويه و... راشد:طيب طيب خلاص ماله داعي تكمل
عزام حس إن راشد متضايق من الموقف إللي صار تحت فماحب يزعجه اكثر...
عزام:أوكي بخليك بروحك الحين..بس تكفى إبعد عن التدخين
راح عزام عشان ياخذ له شاور...وظل راشد واقف بين شكوكه وظنونه في اللي سوته بيان معه تحت...
الساعـــــــــــــه 4
بيت بـــو الهنـــوف
الهنوف تكلم هند على التلفون...
هند:طيب خلنا نطلع عشان تغيرين جو شوي
الهنوف:لالا مالي مزاج اطلع
هند:لازم تطلعين إنتي تفسيتك تعبانه ولازم تغيرين جو
الهنوف:ــــــــــــــــــــ
هند:ماراح نطول
الهنوف:طيب..طيب
هند:يالله إجهزي دقايق واكون عندك
الهنوف:طيب..باي
بعد ربع ساعه تقريباً جات هند للهنوف..وطلعوا...بالسياره...الهنوف ساكته وهند تناظرها...
هند:وراك ساكته؟؟
الهنوف:شقول؟؟
هند:إي شي......شخبارك مع...؟؟؟
الهنوف:تعبانه حييييل
هند:طيب تبينا نراجع الدكتور؟؟
الهنوف:هااا..لالا صاحيه إنتي؟؟...لامااابي أروح لا دكتور ولامستشفى
هند:طيب ليه؟؟
الهنوف:كذا بس ماااااابي
هند:تعب الحمل يالهنوف ماهو بهين يعني لو تحملتي الحين بكره مابتتحملي خلنا نراجـــ....
قطعتها الهنوف:سكــري الموضوع هند
بيت بو وجـــــــدان
أم وجدان جالسه بالصاله لابسه عباتها وتنتظر وجدان..نزلت وجدان...
وجدان:يالله يمه انا جاهزه
أم وجدان:يالله..كلمتي السايق؟؟
وجدان:ايوه
طلعوا أم وجدان ووجدان...وركبوا مع السايق...بالمجمــع هند والهنوف جالسين بالكافي... الهنوف:والله تعبت ياهند خلاص راسي صدع من التفكير بالموضوع
هند:لاتشغلين بالك هو قال إن أهله موافقين يعني مافي شي بيعطل الموضوع؟؟ الهنوف:وإنتي صدقتيه تلاقيه يكذب ولاناوي نتزوج بالسر
هند:هااا..لالا..ماظن توصل لهذي الدرجه
الهنوف:ماستبعد عن واحد بحقارة تركي
هند:خلاص غيري الموضوع شيليه من بالك حنا طالعين عشان تغيرين جو
الهنوف:أوكي
هند:إيش بصير مع المدرسه؟؟
الهنوف:اليوم وأنا اتكلم مع الوالده قالت لي أطلع واكمل السنه الجايه وشكله هذا إللي بصير هند:صحيح لأنك مابتقدرين تعوضين إللي راح منك من الدروس الهنوف:أممممممـ...طالعي هناك
هند تلتفت وراها:وين؟؟
الهنوف:هناك...هذي ماهي بوجدان؟؟
هند:إلا هي...من هذي إللي معاها؟؟
الهنوف:أظن أمها
هند:طيب قومي نسلم عليها
الهنوف:لامابي
هند:ليه؟؟
الهنوف:كذا بس..مابي اسلم عليها
هند:ليه إنتي بعدك حاطه بخاطرك عشان هذيك السالفه؟؟
الهنوف:تقريباً
هند:إيشدعوه الهنوف صار لها زمان السالفه بعدك تذكرينه أصلاً؟؟
سرحت الهنوف تذكر الموقف إللي عرفت فيه عن وجدان ومساعد...
مساعد:أنا كم مره بقولك لاتدقين علي خلاص
الهنوف:هذا آخر إتصال بينا..بس عندي فضول أعرف من هي حبيبتك؟؟
مساعد:ومن إنتي عشان أقولك؟؟
الهنوف:إسمها بس
مساعد:وإيش بتستفيدين؟؟
الهنوف:أشبع فضولي
مساعد:وجـدان
الهنوف:طيب كيف عرفتها؟؟
مساعد:مثل ماعرفتيني
الهنوف مستغربه:كيــــ.......
قطعها مساعد:بس خلاص ماراح أرد على سؤال ثاني..مع الســـــلامه
بعد هالمكالمه..الهنوف ماكانت تعرف وجدان ويوم رجعت من دبي راحت لها عشان تتعرف عليها...وهم جالسين في بيتهم شكت إن يمكن تكون هي وفكرت بكلام مساعد وفهمت قصده من"مثل ماعرفتيني" وعرفت إنها وجدان....رجع فكر الهنوف للواقع مع هند...
الهنوف:بين فتره وفتره...تصدقين اشتاق له..أووه صار لي زمان عنهم وحشتني بيان حيل هند:الهنوف هذا الكلام ماينفع ألحين إنتي بعد فتره بسيطه بتتزوجين وبتصيرين على ذمة رجال فلا تخليه يمر على بالك أصلاً
الهنوف وهي تناظر وجدان من بعيد:أحسهم لايقين على بعض..بالمدرسه كلما أشوفها أذكره..ياربي شكثر كان حلوو وسيم
هند:أحلى من تركي؟؟
الهنوف:مدري..نفس الشي..بس أحس مساعد أحلى
هند:الشخصيه تحلي أكيد
الهنوف:أكيد
هند:طيب خلنا نقوم نتمشى
الهنوف:يالله
بعــد ساعـــه تقريباً رجعت الهنوف بيتهم......دخلت البيت ركبت على طول وهي راكبه سمعت أمها تكلم على التلفون بالصاله.....
أم الهنوف:يصير خير إنشالله...لاأكيد مع الســــلامه............الهنوف تعالي
إلتفتت الهنوف:خير يمه
أم الهنوف:تعالي بقولك شي
نزلت الهنوف وراحت جلست قرب أمها.....
أم الهنوف:تعرفين من كان معي على التلفون؟؟
الهنوف:من؟؟
أم الهنوف:وحده تخطبك لولدها
الهنوف منصدمه:هااا..من هي؟؟
أم الهنوف:إسمها أم تركي الـــ(........) أنا كنت اسمع.....
تمت أم الهنوف تتكلم عن أم تركي والهنوف ماهي بمعاها ولا تسمع لها شي تحاول تصدق إللي قاعد يصير هي بحلم ولا بعلم أمها تتكلم عن تركي إللي تعرفه ولا تركي ثاني...رجعت للواقع عل صوت امها.....
أم الهنوف:وين وصلتي يمه؟؟
الهنوف:لالا معك
أم الهنوف:طيب إيش رايك؟؟
الهنوف:عطيني فرصه افكر
أم الهنوف:إخذي راحتك حبيبتي
طلعت الهنوف غرفتها ورمت نفسها على السرير...,اخذتها الأفكار يمين وشمال ومشاعر فرح وحزن بنفس الوقت تضحك ولا تبكي...وبين كلام الهنوف مع نفسها وافكارها..نامت....
الخ ــــــــبر
الساعــــه 6 المغ ــــرب
بيان والجازي رايحين لنايف بالمستشفى وصلهم بوعبدالعزيز ورجع الهوتيل عشان يرتاح....دخلوا على نايف وكان معه عبدالعزيز....
الجازي وبيان:الســـــــلام عليكم
نايف وعبدالعزيز:وعليكم الســــــلام
عبدالعزيز:هلا والله...بيان جبتي دلة القهوه؟؟
بيان:ايه هذا هي ..تموت وتشرب هالقهوه؟؟
عبدالعزيز:طيب إنتي إللي مسويتها؟؟
بيان:طبعاً لأ...زوجتك
عبدالعزيز:تسلم يدك حبيبتي
الجازي ابتسمت:الله يسلمك
نايف يطالعهم:يعني إنتوا جايين تسولفون ومخليني
ضحكوا على نايف...
نايف:أقول صبي لي قهوه؟؟
بيان:عزيز جيب الدله أنا بصب له
نايف:فديتها بنت العم
بيان ابتسمت...صبت له وعطته....
بيان:ســمّ
نايف:تسلمين
دق جوال بيان...شافت المتصل وإرتبكت...
بيان:عن إذنكم..لحظه
طلع ــــــت من الغرفه....
بيان:هــــــلا
راشد:أهليــــــن..وينك إنتي؟؟
بيان:أنا في المستشفى مع نايف..ليه تبي شي؟؟
راشد:لا خلاص ماأطول عليك..باي
سكر راشد الخط قبل مايسمع من بيان رد...ظلت بيان واقفه مستغربه منه...
بيان:طريقتي غلط معه؟؟!!....أفففففف ياربببي ويش فيه مايتحمل مني كلمه ماعطاني فرصه انطق بشي
راشد إللي كان جالس بالكافي بالهوتيل ويقلب جواله على الطاوله بعد ماكلم بيان...
راشد:إيش فيها؟؟!!..ماذكر ضايقتها بشي عشان أسلوبها كذا باارد معي الله يعين
مشت بيان في الممر إللي فيه غرفة نايف وراحت الإستراحه...جلست هناك....
بيان:مليت ابي أرجع الرياض...الجو ابد مو مريحني..أممممممممممـ خل أدق على وجدان
كلمت بيان وجدان...
وجدان:الو
بيان:ألو هلا وجدانوو شخبارك كيفها دنياك؟؟
وجدان:مشتاقه لك يالدبه..وينكم مطولين الغيبه في الشرقيه الظاهر عجبتكم
بيان:لاااا بلاك ماتدرين شكثر أبي ارجع الرياض..الشرقيه ماهي بس حلووه إلا تجنن بس الرياض أغلى
وجدان:أمممممـ وش الطاري متصله؟؟..جايين على البال
بيان:هههههه حرام عليك دومك على البال بس حسيت نفسي مضايقه وأبي اسمع صوتك
وجدان:ياقلبي إيش مضايقك؟؟
بيان:بعد الرياض مجنني
وجدان:ههههههه لهذي الدرجه تراك بالسعوديه منتي متغربه
بيان:مدري يمكن حالة إشتياق جنونيه هههههههه
وجدان:خوفي مشتاقه بس للرياض.؟؟!
بيان:للرياض وإللي فيها وكل شي كل شي هواها وشوارعها
وجدان:طيب ألحين متى بترجعون؟؟
بيان:قرّيب إن شاء لله..تحسنت حالة نايف كثير
وجدان:الحمدلله على سلامته...وينك إنتي؟؟
بيان:جالسه باستراحة المستشفى
وجدان:آهاااا
بيان:يالله أخليك بروح لهم الغرفه
وجدان:طيب...سلمي لي على حلا والجازي
بيان:يوصل حبيبتي ...فمان الله
وجدان:فمان الكريم

 

[الخجوله]

قامت بيان من الإستراحه وهي تمشي سرحت بفكرها وإشتياقها الجنوني للرياض...وصلت عند المصعد..ضغطت عليه وظلت تنتظر..فتح وكان مزحوم...
بيان بخاطرها:لاحووول وش هذا
راحت عند المصعد الثاني ضغطت عليه وفتح...
بيان:الحمدلله فاضي
دخلت وهي بتضرب الطابق جى ولد عليه ثوب وشماغ والعقال زاد رزته...إرتبكت بيان لأنها ماكانت مغطيه وجهها تم يطالعها وهو واقف مادخل...
بيان:لو سمحت مابتدخل؟؟
مارد عليها ودخل...
الولد:الســلام عليكم
بيان:وعليكم الســـلام
الولد كان يطالع بيان بعين وخد وزاد توترها..
الولد:تبين أي طابق؟؟
بيان:هااا...السادس
الولد:أنا ابي الطابق التاسع..ممكن أنا اروح قبلك لأني مستعجل شوي إختي تعبانه حيل بيان:مو مشكله
الولد:مشكوره
ابتسمت بيان...وصل الطابق التاسع وهو طالع رن جواله...
الولد:الو
تسكر الباب..ضربت بيان الطابق السادس ونزل المصعد...
بيان:مشالله عليه ذوق..بس باين عليه صغير...يقول إخته تعبانه ومتكشخ كل هالكشخه..بس أي كشخه عذاااب
طلعت بيان من المصعد...وراحت الغرفه...
بيان:السلام
الكل:وعليكم السلام
عبدالعزيز:كل هذا على الجوال
بيان:لا رحت الإستراحه وكلمة وجدان تبيني بموضوع..ليه تأخرت كثير يعني؟؟
عبدالعزيز:لا بس شوي
بيان:هههههه آسفه.......الجازي تسلم عليك وجدان
الجازي:الله يسلمــك
الريــــــــــــــاض
الساعــــــــــه 9
غرفـــــــة الهنوف
أبو الهنوف يصحي الهنوف...
أبو الهنوف:الهنوف حبيبتي
الهنوف:هلا يبه
أبو الهنوف:إصحي تراك نمتي كثير
الهنوف بخاطرها مستغربه:ومن متى تحسون علي نمت كثير ولا لأ؟؟
رفعت الهنوف راسها وجلست على السرير..جلس أبو الهنوف على طرف السرير...
أبوالهنوف:الهنوف يبه قالت لي أمك عن المتقدم لك..أبي أتكلم معك بالموضوع قبل ماتفكرين فيه
الهنوف:طيب
أبو الهنوف:حبيبتي لاتستعجلين فكري زين وعلى مهلك إنتي صغيره على الزواج صغيره حييل يعني ماراح يأثر فيك لو رفضتيه وحطي في بالك إنه زواج ماهو بلعبه ولا فتره وتعدي هذا قرار راح يحسم حياتك الباقيه فلا تستعجلين فيه...
الهنوف:إنشالله...يبه إنت تعرف الولد؟؟
أبو الهنوف:أنا سمعت عن ابوه في السوق إللي أعرفه إنه رجال محترم..إذا فكرتي بالموضوع قولي لي عشان اسأل عن الولد
الهنوف:هاا..تسأل عنه؟؟
أبو الهنوف:وراك مستغربه أكيد بسأل عنه
الهنوف:لالا عادي
أبو الهنوف:طيب أنا بخليك الحين
طلع من الغرفه...
الهنوف:كيف بتكون حياتي معه؟؟مو مصدقه بعيش مع واحد بنذالته أنا السبب في إللي صار وبيصير كله..ياررب أنا مابي أوافق لأني عارفه كيف بتكون حياتي معه..بتعذب معه أكثر من عذابي ألحين..الله يسامحــك يامساعد ضيعتـــني...أنا مجبوره اوافق...(تنهدت)..عونــــــــك يـــارررب
بيـــت أبو حمـــــــد...
أشواق تسولف مع امها وهي تطبخ...أشواق:طيب متى بيرجعون؟؟
أم حمد:بكره إنشالله
أشواق نَبَض قلبها بسررعه :أممممــ ..يعني تحسنت صحة نايف؟؟
أم حمد:أكيد ولا كيف بيرجعون
دخل حمــد...
حمد:يمه مطول العشا؟؟
أم حمد:الناس يسألون عن أهلهم وإنت داخل تسأل على بطنك
حمد راح وباس راس امه..
حمد:ولاتزعلين يالغاليه شخبارك؟؟
ام حمد:الحمدلله..ماتقولي وين كنت؟؟
حمد:طلعت مع الربع...والحين مطول العشا؟؟
أم حمد:لأ..دقايق ويخلص
إلتفت لأشواق ولقاها سرحانه وبعالم ثاني...
حمد:يابنت وينك؟؟
اشواق:هااا..إيش تبي؟؟
حمد:أبي إللي شاغل بالك
ابتسمت أشواق...
أم حمد:يمه حمد بكره بيرجعون بيت خالتك من الشرقيه يعني لازم تكون موجود عشان نروح لهم
حمد:وليه نروح لهم راجعين من اميركا هم كلها الشرقيه؟؟
أم حمد:الله عليك لازم تروح
أشواق:وليه ماتبي تروح؟؟
حمد:بصراحه أنا ولد إختك هذا مادخل مزاجي
أم حمد:من هو؟؟
حمد:عــزام
ناظرته اشواق مستغربه....
حمد:نظراته لي ماتعجبني شايف نفسه علينا
أشواق:من قال بالعكس عزام اخلاقه حلوه
حمد يناظرها بنص عين:وإنتي شدراك؟؟...بعدين وراك ماخذه على روحك كذا
أشواق مرتبكه:هاا..لا بس يعني...إلتقيت معه كم مره كان يسلم علي عادي
أم حمد:لاتحكم على احد قبل ماتعاشره
حمد:مابي أعاشره ولا ابيه يعاشرني...(وهو طالع)...المشكله إنه ولد خالتي

الخ ـــــــبر
عزام جالس مع مساعد بغرفتهم وحلا واقفه تصارخ عليهم...
مساعد:تراك ازعجتينا..إيش تبين؟؟
حلا:واحد منكم يوديني المطعم أبي أتعشا
عزام ومساعد بنفس الوقت:آســـف
حلا:يارربي يالله عاد لا غــدا ولا عشـــا جايبينا هنا عشان نمووت من الجوع
عزام:وحنا إيش دخلنا روحي للوالد وقولي له
حلا:الوالد نايم
مساعد:خلاص حنا بعد بنام نعسانين حييل
حلا تصارخ:مااااااااابي يالله قووووووووموووووا
مساعد:لاتصارخين إطلعي برا...قلنا لك ماراح نطلع
عزام:إنتي ورا ماطلعتي مع الجازي وبيان؟؟
حلا:هم راحوا المستشفى وانا رحت العصر
عزام:خلاص إنتظريهم لين يرجعون يسوون لك عشا
حلا:وإذا تأخروا؟؟
مساعد:خلاص تحملي بكره بنرجع وإكلي بالرياض
عزام:هههههههههههههههههههههههههههههههههههه
حلا:هي هي هي تخفف دمك
رمى مساعد المخده على حلا...
مساعد:إطلعي..إطلعي برا
وقفت حلا قدام التلفزيون..
مساعد:ياشيخه وخري
عزام بنفاذ صبر:حلا إذا ماقلبتي وجهك الحين بقلبه لك أنا
حلا وهي طالعه:طيب انا بطلع بس تعالوا لي في يوم واطلبوا مني شي بتشوفون من يعطيكم
عزام ومساعد:بااااااااي
فتحت حلا الباب وإلتفتت لهم وطلعت لسانها...وهي بتمشي إصدمت براشد إللي كان بيدخل...
راشد:ياهووو
حلا:آآه ه....(ارفعت راسها وإنتبهت له)...راشد ولد عمي...
قطعها راشد:لا آســف مالي خلق اطلع
عزام ومساعد يضحكون عليها بصوت عالي وراشد يناظرهم مستغرب...
عزام ومساعد:ههههههههههههههههههههههههههههههههههههههههههه ههههه
حلا:طيب يجيكم يوم
الأثنيـــــــن
الساعـــه 9 الصبــــــاح
راشد وابو راشد وأبو مشعل في المستشفى..راشد مع أبو مشعل في غرفة نايف يساعدونه يلبس ملابسه وأبو راشد عند الطبيب يخلص أوراق خروجه من المستشفى...إلتقوا مع بعض عند الممر...
أبوراشد:خلصـــت نايف؟؟
نايف:خلاص يبه
طلعوا وهو بيركب السياره...
نايف:راشد وين ماجد؟؟
راشد:كلمته وقلت له يجهز عشان نمر عليه ألحين
ركبوا أبو راشد مع ابومشعل وراحوا الهوتيل وراشد مع نايف راحوا لماجد...ركب ماجد السياره...
ماجد:صباح الخير
راشد ونايف:صباح النور
ماجد:الحمدلله على سلامتك
نايف:الله يسلمك
الساعــــــــه 9:30 طلعـــوا من الخبر راجعيـــــن الريـــــاض

كيف بيكون وصولهم الرياض؟؟
إيش التطـــورات إللي بتصير على الهنــــوف وتـــركي؟؟
بيسكت راشد عن إللي صار في الخ ــــبر ولا لأ؟؟
.....!!
والله نزلتها لكم وانا ماقراتها

أتمنى تستمعوا بالجزء

 

[الخجوله]

الجـــــــــــــزء 30

الأثنيــــــــن..الساعــــه 12 الظهــــر
باقي تقريباً ساعه ويوصلون الرياض...كانوا عزام ومساعد وحلا وبيان بنفس السياره...مساعد كان نايم بعد هواشه طول الطريق مع حلا وحلا حاطه سماعات جوالها بإذنها وتسمع أغاني...عزام إللي كان يسوق وبيان مشغول فكرهـــا براشد..تبي تسأل عزام عن إللي صار بس متردده...لما تعبت من التفكير..تكلمت...
بيان:عزام
عزام:هــلا
بيان:أبي أسألك عن شي
عزام حس إنها بتسأل عن راشد:عشان راشد؟؟
بيان:أممممممـ..إيش فيه؟؟
عزام:مافيه شي.إيش فيه؟؟
بيان:كيف مافيه شي...أحسه متغير دايم مضايق ومدري ليه زعـل مــ.....
سكتت بيان...
عزام:من إللي صار امس بالهوتيل؟؟
بيان:ايه...أنا مقصدي شي
عزام:أكيد من الضغط إللي تعرض له كان صعب عليه حيل إللي صار لنايف..يعني لازم نفسيته بتتغير
بيان:عارفه ومقدره هذا الشي..بس ماشوفه كذا معاكم بس معي حركاته وكلامه معي غير
عزام:لالا..ماظن إنه يقصد يتغير عليك يمكن حركات لاإراديه تطلع منه
بيان تنهدت:يمــكن
عزام:لاتشغلين بالك أكيد بتتغير نفسيته الحين وبيرجع مثل قبل
ابتسمت بيان..ارتاحت شوي بعد كلام عزام...
الريــــــــــاض
تركي يمشي مع خالد بالجامعه رايحين كلاسهــــم...
خالد:طيب وين قررت تسافرون؟؟
تركي:أفكر بأمريكا
خالد:ليه أمريكا؟؟
تركي:مدري بس فيها عمي يدرس وكثير شباب من السعوديه يدرسون هناك قلت يمكن يساعد إني أتأقلم على الوضع
خالد:أهااا..طيب تركي بقولك شي
تركي:خير
خالد:مابيك تعذب البنت وتحملها ذنب إللي صار بينكم إبدء معاها بدايه جديده يعني ماله داعي تقسى عليها عشانك متزوجها غصب
تركي تنهد وماعلق على إللي قاله خالد...في بيتـــــــهم كانت هيفا جالسه بغرفتها وأمها معاها...
هيفا:طيب كيف شفتي أمها؟؟
أم تركي:لا مشالله عليها أخلاقها حلوه
هيفا:إنشالله البنت مثل أمها...ومتى بيردون علينا؟؟
أم تركي:مدري والله..بس تصدقين انا مستغربه من اخوك
هيفا:ليه؟؟
أم تركي:مدري يعني في البدايه كان مستعجل ويبي كل شي يصير بسرعه ومن يوم قلت له إن أبوه وافق على الزواج وهو متغير ويجاهل الموضوع
هيفا:صحيح انا من فتره ألاحظ عليه دايم مهموم ومضايق وخصوصاً هذا الإسبوع
أم تركي:يمكن غير رايه؟؟
هيفا:كيف غير رايه؟؟..على كيفه السالفه يوم ابي اتزوج ويوم مابي...لالا ماظن
أم تركي:طيب كلميه إنتي وشوفي وش قصته؟؟
هيفا بخاطرها:من البدايه وانا حاسه إن ورا هالزواج سالفه...............إنشالله إذا رجع من الجامعه اكلمه
طلعت هند من المدرسه بدري وراحت للهنوف بيتهم....
هند:طيب لاتطولين التفكير ردي عليهم بأسرع وقت
الهنوف وهي تصب العصير لهند:ليه؟؟
هند وهي تاخذ العصير منها:مدري أحس كذا احسن
دخلت أم الهنوف...
أم الهنوف:مرحبـــا
هند والهنوف:هــــلا والله
أم الهنوف:كيفك هند؟؟
هند:بخير خالتي إنتي شخبارك؟؟
أم الهنوف:الحمدلله...أجل اليوم غداك عندنا؟؟
هند:عسى بس ماثقل عليكم
أم الهنوف:لا إيشدعوه حبيبتي البيت بيتك...يمه الهنوف وين وصلتي بالموضوع؟؟
الهنوف:هااا..مدري..أنا...باقي ماعرفت عن الولد شي
أم الهنوف:أنا قلت لأبوك يسأل عنه....يالله أنا بخليكم
طلعت أم الهنوف...
الهنوف:يارربي بيسأل عنه اكيد راح يعرف عن سوالفه
هند:أكيد بيسأل يعني بيوافق عليه بدون مايسأل عنه
الهنوف:طيب وإذا عرف شسوي؟؟
هند:مدري والله إنتظري لين يجي ابوك ويقولك إيش سمع عنه يمكن مايسمع عن سوالفه..بعدين نتصرف
الهنوف:الله يستر
هند:هو عنده خوات؟؟
الهنوف:أمي تقول إللي تعرفه إن عنده إخت وحده أكبر منه بسنتين
هند:طيب شسمها؟؟
الهنوف:مدري والله
بالمحـــاضره...تركي كان يفكر بحياته كيف كانت..كيف كان متهور معنده مسؤوليه عايش حياته بدون مايحمل هم شي وكيف صارت ألحين على ظهره مسؤوليه كبيره ميدري كانه بيتحملها ولا لأ...
تركي بخاطره:أكرها أكررررررررررها من كل قلبي ضيعتني وضيعت حياتي كيف بتحملها وبتحمل حياتي معاها..ليتني أقدر أغير رايي مابيهااااااا
بالسيـــــــاره..راشد كان ساكت ونايف وماجد يسولفون ماسكتوا طول الطريق...
ماجد:راشد وراك ساكت؟؟
راشد:ولاشي
نايف يناظره:الحبايب شاغلين باله
إبتســــم راشد...
نايف:شاركنا افكارك...شتفكر فيه؟؟
راشد:مافكر بشي....بس أسمع سوالفكم
ماجد:طيب أتحداك إيش كنا نقول؟؟
راشد:ياكثر ماقلتوا...إلا بسألكم إنتوا كنتوا جايين بسيارة من؟؟
نايف:سيارتــــي...الله يعني ألحين بيشتري لي أبوي سياره جديده
راشد:هههههههههههه لا حبيبي اكيد بيعاقبك ولا بيشتري لك
ماجد يضحك عليه بسخريه:هههههههههههههههههههههههههههه
نايف:ماااابي لازم بيشتري لي..أصلاً أبوي مايرفض لي طلب
راشد:إيه واضـــح..سووري أنا ماعطي سيارتي أحد
ناظر نايف ماجد...
ماجد يرفع يدينه:ولا أنا
الساعــــه 1:30 وصـــــلوا عزام مساعد بيان وحلا الرياض...وصّل عزام أولاد عمه بيتـــهم...
بيان:شكلهم باقي ماوصلوا؟؟
مساعد:إذا عزيز يسوق 40 كيف بيوصلون
دخلوا عبدالعزيز والجازي ومعاهم ابو عبدالعزيز وام عبدالعزيز....
عبدالعزيز:وصلتوا؟؟
مساعد:تو واصلين
أم عبدالعزيز:يوووه الطريق متعب
أبو عبدالعزيز:تعبـــنا جد..أنا بروح انام
بيان:وأنا بعد
طلعوا أبو عبدالعزيز وبيان ينامون والباقي جلسوا بالصاله..إلا مساعد إللي راح غرفته...دخل مساعد غرفته ودق على وجدان...
وجدان:هلا قلبـــي
مساعد:أهليــــن..نايمه؟؟
وجدان:لالا تو راجعه من المدرسه...إنت وين؟؟
مساعد:في البيت
وجدان:جد والله..رجعتوا؟؟
مساعد:أمممممــ...ولهااان عليك
وجدان:وأنا بعد
مساعد:يعني بشوفك اليوم؟؟
وجدان:لا خلها لبكره اليوم مقدر أجي
مساعد:ليه؟؟
وجدان:بكره عندنا إختبار وبجلس أذاكر...بعدين إنت ناوي تفضحنا كيف تبي تشوفني؟؟
مساعد:مدري كيف..المهم أبي أشوفك
وجدان:لهذي الدرجه وحشتك؟؟
مساعد:حيييل وحشتيني حيـــل
وجدان:ياعمـــري عليك
مساعد:أوكي ياقلبي أنا بخليك ألحين
وجدان:أوكي..باي
مساعد:بايات
سكر جواله وراح يغسل وجهه...
مساعد:أوووف وأخيراً رجعنا الرياض
وهو يغسل دق جواله...أخذ الفوطه وهو يمسح وجهه رد على الجوال بدون مايشوف رقم المتصل...
مساعد:الو
فيصل:هـــلا والله
مساعد سكت شوي منصدم:...............فيصـــل؟؟؟!!!!!؟؟؟؟؟!
فيصل:إيش فيك منصدم؟؟
مساعد يصارخ:إنت ووووووينك؟؟
فيصل:موجـــود
مساعد:وين موجود؟؟..صار لك ياغبي اسبوع ماكلمت
فيصل:وليه إنت ماتكلم؟؟
مساعد:صارت عندنا ظروف
فيصل:خير إنشالله
مساعد:نايف ولد عمي
فيصل:أي نايف؟؟
مساعد:أخو راشد
فيصل:أووه عرفته..إيش فيه؟؟
مساعد:صار عليه حادث بالشرقيه
فيصل:هااا والله...وشخباره الحين؟؟
مساعد:الحمدلله نام بالمستشفى يومين واليوم طلعوه ورجعنا
فيصل:متى وصلتوا؟؟
مساعد:قبل شوي..وإنت كيفك؟؟
فيصل:أسأل عنك
مساعد:لا عاد هذي قويه
فيصل:هههههههه لا جد كلمتك على جوالك وكان مغلق طول الوقت يمكن يوم السبت بطوله......ماعلينا اليوم لازم اشوفك
مساعد:أكيـــــــد
فيصل:اليوم العصر أوكي؟؟
مساعد:أوكي
فيصل:يالله أنا بخليك ترتاح..باي
مساعد:باي
بيت بوتـــــركي
كانوا جالسين على الطاوله يتغدون...دخل تركي...
تركي:السلام
الكل:وعليكم الســـلام
أم تركي:يالله تعال تغدا
تركي:لا مابي مالي نفس...بطلع انام
ركب تركي غرفته والكل يناظره مستغرب...هيفا وقفت....
أبو تركي:وين؟؟
هيفا:الحمدلله يبه شبعت
راحت هيفا غرفة تركي وطقت الباب...
تركي:من؟؟
هيفا:أنا
تركي فتح الباب وظل مستند عليه:هـــــلا
هيفا:أبي اتكلم معك شوي
ودخلت هيفا وراه....جلس تركي على السرير...
هيفا:إيش فيك؟؟
تركي يحرك راسه:إيش فيني؟؟
هيفا:متغير..متغير كثير..احسك مضااايق ومهموم..شسالفه؟؟
تركي:لا عاادي
هيفا:كيف عادي...تركي بسألك وجاوبني بصارحه
تركي:إيش؟؟
هيفا:شقصتك مع هذي البنت؟؟
تركي:أي بنت؟؟
هيفا:إللي تبي تتزوجها
تركي:ولا شي..بس البنت عاجبتني
هيفا:وكيف عرفتها؟؟
تركي:هيفا تكلمنا بالموضوع من قبل
هيفا:عارفه وبنتكلم فيه مرتين وثلاث لين تقولي الصدق

تركي:إيش تبيني أقولك؟؟...إنتي ليه مصره إن فيه سالفه؟؟

هيفا:لأنك من قلت تبي تتزوجها وإنت متغير ومضايق..وإللي يشوفك اول ماقلت تبي تتزوجها وإصرارك على الزواج مايشوفك ألحين وكأن بودك تغير رايك

تركي:لاتتوهمين

هيفا:ماتوهم..حتى الوالده ملاحظه فيك هالشي

تركي:أووووف هيوف مالي خلق اتكلم

هيفا:شفت من متى إنت تقولي مالك خلق تسولف معي...بعدين تعال بسألك إنت ليه تبي تتزوجها وتسافر ليه ماتكمل هنا؟؟

تركي:كذا بس مابي نعيش هنا

هيفا:والبنت..بتوافق إنها تعيش برا؟؟

تركي بزلة لسان:ليه هو بكيفها..غصبٍ عنها بنتوافق

هيفا تناظره منصدمه ماهي بعارفه تعلق على إللي قاله...وتركي مرتبك حيل...

هيفا:إيش؟؟

تركي:لا..قصدي..اكيد بتوافق اصلاً حاصل لها واحد مثلي يقدم لها..اوكي خلاص أبي انام

هيفا:ليه تتهرب من الموضع كذا؟؟

تركي:ماأتهرب بس نعسان وابي انام...هيوف لاتشغلين بالك السالفه مافيها شي شفت بنت وعجبتني ابي اتزوجها إنتهى المضوع ماله داعي تحققين فيه

هيفا:أوكي...على فكره الوالده كلمتهم أمس

تركي:هااا..ليه ماقالت لي؟؟

هيفا:وليه إنت لك خلق عشان تقولك؟؟

تركي:طيب وإيش قالوا؟؟

هيفا:يعني إيش بيقولون...نعطيهم فرصه عشان تفكر

تركي:أمممممممممــ

 

[الخجوله]

الســـــــاعه 4 العصر

مساعد يصحي بيان...

بيان:الساعه كم؟؟

مساعد:4

بيان:طيب إيش تبي؟؟

مساعد:ماتبين غدا؟؟

بيان:لا مابي

مساعد:طيب كملي نومك

طلع من غرفة بيان..وهو نازل مستعجل على الدرج...عبدالعزيز طالع من مجلس الرجال...

عبدالعزيز:على وين يابو الشباب؟؟

إلتفت مساعد:طالع مع فيصل

عبدالعزيز:أوكي أبيك تجيب لي فلاش ميموري

مساعد يمد يده:الثمـــــن

عبدالعزيز:عيب عليك أنا اخوك الكبير وتقولي إدفع كلها بــ100 مدري 150

مساعد:أجل خلاص إتعب على روحك

عبدالعزيز وهو يطلع محفظته من جيبه:خلاص خلاص بدفع..الله يعينا على كرمك..خف علينا شوي ياحاتم الطائي

مساعد:تكفى يا

عطــاه الفلوس...

مساعد:أوكي باي

طلع مساعد والجازي نزلت....

الجازي:حبيبي

عبدالعزيز:عيون حبيبك

الجازي:تسلم قلبي...إيش رايك نروح بيت أهلي؟؟

عبدالعزيز:لامقدر..ألحين بروح مع الوالد الشركه...تبين أوصلك؟؟

الجازي:أوكي وصلني وإذا خلصت تعالي هناك

عبدالعزيز:اوكي

الجازي:لحظه بلبس عباتي

بوعبدالعزيز بعد ماخلص من الغدا طلع من غرفة الطعام..

بوعبدالعزيز:هايابومتعب نمشي؟؟

عبدالعزيز:بننتظر الجازي بنوصلها بيت عمي

بوعبدالعزيز:طيب..إذا نزلت ناديني أنا بالمكتب

عبدالعزيز:طيب

شووووي...ونزلت الجازي وطلعوا وصّلوا الجازي بيت أهلها وراحوا الشركه......دخلت الجازي وماكان في البيت احد...

الجازي:وينهم؟؟.....مسنااااتي تعاااااالي

الخدامه:yes

الجازي:وين امي؟؟

الخدامه:فوق

الجازي:أكيد مع نايف........أوكي خلاص روحي كملي شغلك

ركبت الجازي لغرفة نايف..دخلت وماكانت ام راشد معاه...

الجازي:الســـلام عليكم

نايف:وعليكم الســـــلام

الجازي:كيفك نيووف؟؟

نايف:الحمدلله

الجازي:ماحسيت بتعب؟؟

نايف:شووي...وينه عبدالعزيز؟؟

الجازي:بالشركه بيخلص شغله وبيجي

نايف:أوووووف..ترانا ماعزمنا حد على العشا...ليه تعزمون روحكم؟؟

الجازي:مالك دخل..خاطري اغثك اليوم

نايف:أووووف

الجازي:إلا أمي وينها؟؟

نايف:مدري والله يمكن نايمه

الجازي:أهااا طيب ما مليت بروحك؟؟

نايف:لاصحيت من 10 دقايق بس

الجازي:يالله كأن قلبي على قلبك حسيت إنك بتجلس بروحك قلت اجيك

نايف:ياسبحان الله...قومي قومي خل ننزل تحت

الجازي وهي تمسك يد نايف تساعده يقوم:طيب..إنت بكره بتروح المدرسه؟؟

نايف:مدري على حسب مزاجي

الجازي:والله؟؟

نايف:والله...لا أصلاً لازم اروح عشان أحس بقيمة يوم الأربعاء

الجازي:ههههههههههههههههههههه

بيت بو عبــــدالعزيز

بيان كانت نايمه بس صحت على صوت جوالها...

بيان بصوت نايم:ألو

حلا:بيانوووووه قولي إيش شفت بالتلفزيون قبل شوي

بيان:إيش شفتي؟؟

حلا:بيانووه إنتي نايمه؟؟

 

[الخجوله]

أم مشعل:والله مافيه على زمنا...ماهو بهالزمن إللي ماوراه إلا المشاكل وعوار الراس

يناظر حوله وكأنه غريب مضيع دربه جالس وسط حيره خانقته يبي حد يقنعه باللي قاعد يصير له ميدري كان لوم نفسه بيخفف ضيقته وينقذه من إللي هو فيه كره نفسه وكره كل شي حوله مايتمنى بهذا الوقت غير إن تنتهي دنيته ويرتاح...مهما طال تفكيره ومهما لام وعاتب نفسه وتمنى لابد إنه يواجه الواقع وإللي جره طيشه له...

بوالهنوف:مبروك ياتركي

تركي بابتسامه مصطنعه:الله يبارك فيك

بوالهنوف:عاد ماأوصيك على الهنوف تراها الوحيده والغاليه

تركي:إنشالله

بوتركي بخاطره:غريب أمرك ياتركي كيف لحد ألحين ماطلبت تشوفها

يناظر الساعه "9:30"....

تركي:نمشي يبه؟؟

بوالهنوف:وين بدري؟؟

بوتركي:بدري من عمرك..بس صار الوقت متأخر ولازم نمشي

عند الحريـــمـ....كلم تركي هيفا وقال لها عشان يطلعون...

أم تركي:طيب يابنتي جهزي للملكه بسرعه ومابيك تطولين

هيفا:إذا إحتجتي أي شي كلميني

الهنوف بابتسامه:إنشالله

أم تركي:فمـــان الله

أم الهنوف:فمـــان الكريم

طلعوا ام تركي وهيفا وركبوا السياره مع أبو تركي وتركي...

بوتركي:كيف لقيتوا البنت؟؟

أم تركي:لا مشالله عليها أخلاق وجمال...والله عرفت تختار ياولدي

تركي كان سرحان...

هيفا:تركي...تركي

تركي:هلا

هيفا:إيش فيك؟؟...وين وصلت؟؟

تركي:لا معاكم

تركي يناظر بالمرايا إللي قدامه وإلتقت عينه بعين هيفا....هيفا تاكد إحساسها إن تركي مايبي الهنوف وكأنه مجبور ياخذها..من حالته في هالوقت...وقف تركي السياره عند باب بيتهم...

بوتركي:ورى ماتدخل السياره داخل؟؟

تركي:بروح لخالد يبه

نزلوا أم تركي وأبو تركي وهيفا قبل ماتنزل تقدمت تكلم تركي...

هيفا:لا تتأخر أبيك في موضوع

تركي:طيب

نزلت هيفا وتركي كلم خالد...

خالد:هلا والله

تركي:هلا...وينك؟؟

خالد:بالكافي اكمل البحث...إيش صار معاك؟؟

تركي:بجيك الحين واقولك

خالد:طيب باي......................واضح من صوتك ياتركي إيش صار أكيد إنهم وافقوا

بيت بوراشــــــــــــد

عزام وصل بيت عمه كعادته متأخر لأنه كان نايم...سلم على اعمامه وجلس قرب نايف...

نايف:لالا..لا تكلمني ولا اكلمك

عزام:طيب خلني أفهمك السالفه

نايف:لا خلاص إنتهت العلاقه ماعاد بينا شي

عزام:ههههههههههههههههه...وربي انا كنت افكرك تعبان ونايم ولا معقوله انا أطلع اتعشا بمطعم بدونك

نايف:في إختراع إسمه جوال ولا باقي ماسمعت به؟؟
عزام:حقك علي ولا تزعل يالغلا هالمره اعزمك على العشا بالمطعم إللي تبيه..أوكي؟؟

نايف:خلاص ألحين رجعت العلاقه

عزام:هههههههههههههههههههههه

بوراشد:يالله تفضلوا العشا جاهز

بالكــــــــــافي

وصل تركي لخالد...

تركي:مساء الخير

خالد:مساء النور...ها..إيش صار؟؟

تركي:الملكه يوم الأربعاء الجاي

خالد معرف وقتها شيقول طبعاً ميقدر يبارك له على هذا الشي...

خالد:أمممممــ..يعني وافقوا على إنكم تسافرون؟؟

تركي:ايه

سكت خالد وهو يناظر تركي المنهار...

خالد:وكيف إحساسك الحين؟؟

تركي:أحس إني مخنوق مو قادر أتنفس أحس إني أبي أموت

خالد:تركي إيش قاعد تقول؟؟

تركي:ليه اعيش؟؟..أعيش عشان اهم نفسي ولاعشان أتحسر على حياتي إللي ضاعت مني خلاص أنا مابي أعيش بهالدنيا أنا موقد هذي السؤوليه

خالد:تتكلم وكأنك المظلوم والدنيا إللي وصلتك لهذا الشي..إنت إللي جنيت على نفسك وضيعت حياتك بيدينك

وقف تركي بعصبيه:الشره علي إللي جاي لك

وهو بيمشي وقف خالد ومسك يده...

خالد:إقعد وين رايح..إذكر الله وهدي أعصابك

قعــدوا بعد ماخذ تركي نفس طويل...

خالد:خلاص ياتركي ليه قاعد تقنع روحك إن ممكن هذا الشي يتغير خلاص هذي حياتك الجديده هذا واقعك الجديد لازم ترضى به لاتقارنه بحياتك الماضيه

تركي ضرب بيده على الطاوله بقوه:أكرررهك يالهنوف أكرررهــــك

خالد باستسلام:دام هذا الشي بيريحك..أوكي..طلع إللي بقلبك طلع كل الهم والتعب إللي بقلبك

تركي بعد ماهدا أعصابه تلكم مع خالد بهدوء..

تركي:تصدق قبل شوي وأنا جالس في بيتهم أحس روحي مخنوق وكأني جالس بسجن مخنوق حيل ياخالد..إنت مستحيل تحس باللي أحسه

خالد:إنت باقي معرفت الهنوف زين ولا عرفت كيف حياتها يعني بعد زواجكم بتعرف شخصيتها أكثر

تركي:إيش تبيني أعرف عنها...كافي ماضيها إللي مايشرف

خالد:إنت تقول إن البنت كانت لها حركات على التلفون والنت بس يعني ماطلعت إلا معك...ماعيلنا هذا ماهو بموضوعنا..كمل كلامك

تركي بسخريه:لا والأخ يوصيني عليها إللي يسمعه يقول كان يدري عن هوى دارها

تنهد وهو يمسح وجهه بيدينه...

تركي:خلاص أنا جد تعبت ومليت...................طيب خلنا نغير الموضوع..وين وصلت بالبحث؟؟

خالد:مالقيت شي صار لي ساعه ادور قلت لك الموضوع صعب مابنلقى عنه شي

تركي:أنا بدور

الساعه 10:30

رجعوا عبدالعزيز والجازي البيت بعد ماحست الجازي بتعب شوي...بالبيت عبدالعزيز كان يغسل وجهه والجازي نايمه على السرير...

الجازي:ياقلبي لاتشغل بالك

عبدالعزيز:كيف ماأشغل بالي إنتي صار لك فتره دايم تعبانه وماتاكلين

الجازي:فتره وتعدي

عبدالعزيز:لأ نروح المستشفى يعني نروح

عبدالعزيز راح وجلس قرب الجازي...

الجازي:خلاص إللي تشوفه

عبدالعزيز يبتسم:فديتهم المطيعين

بيت بو تـــــــركي

رجع تركي بيتهم وراح لغرفة هيفا طق الباب ودخل...

هيفا:هلا والله

تركي:هلا...مانمتي؟؟

هيفا:لأ..أنتظرك

دخل تركي وجلس على الكرسي قبال هيفا...

تركي:خير إيش الموضوع إللي تبيني فيه

هيفا:إنت وين شفت الهنوف؟؟

تركي:رجعنا على هالموضوع

هيفا:جاوبني

تركي:بالسوق....إلا ماقلتي لي كيف لقيتيها؟؟

هيفا:عاديه..في أحلى منها

تركي:وليه تقولينها كذا؟؟

هيفا:لأ بس كنت أتمنى أخطب لك بنت أحلى منها وتكون باختياري

تركي:خلاص ولاتزعلين زوجتي الثانيه إنتي إختاريها

هيفا:هههههههههههه ليه ناوي على 4 يعني؟؟

تركي:ههههههههه يمكن...ليه إختياري ماعجبك؟؟

هيفا:إلا عجبني بس ماظنيتها كذا

تركي:كيف؟؟

هيفا:يعني توقعتها بنت.....مدري ...غير كذا

تركي:أمممممممــ

هيفا:حسيتها كانت بارده ناحية الموضوع مثلك

تركي:هاااا

هيفا:ماشكلك فرحان أبد بالعكس شكلك مضايق ومهموم ومستحيل تقدر تنكر وتقولي ماهو بصحيح عينك متقدر تكذب علي

تركي:وهي كمان كذا؟؟

هيفا:ايه..مثلك تماماً..هذا الشي إللي يأكد إن ورا هالزواج سالفه

وقف تركي بارتباك بعد ماحس إن مافي مجال يتهرب ولا يغير الموضوع ماكان في باله غير إنه يصارح هيفا إللي مستحيل تسكت عن السالفه....

بيت بوراشــــــد

راشد جالس بالصاله ينتظر بيان ترد على جوالها...

بيان:ألو

راشد:هلا والله...مشغوله؟؟

بيان:لا مو مشغوله

راشد:طيب كيف أخبارك؟؟

بيان:الحمدلله أسأل عن اخبارك؟؟

راشد:أنا بخير دامك بخير....مشتااااق لك

بيان:ــــــــــــــ

راشد:عارف ماراح تردين...أنا داق عليك عشان اتكلم معك عن إللي صار

بيان:تفضل

راشد:ممكن أعرف إيش إللي كان فيك؟؟

بيان:أنا ولا إنت

راشد:أنا إللي صرت مضايق من وجودك ولا إنتي إللي مو معبرتني

بيان:وليه دايم إنت تحس كذا؟؟..دايم تحسسني إني مو معبرتك ولا أحب أكلمك ودايم أنا الغلطانه..وأنا إللي يضايقني كل شي فيك..ماظني أبين لك هذا الشي بالعكس أنا ودي باللحظه إللي أشوفك فيها

راشد:بيان إنتي هذا إللي توضحينه لي..وأنا اكلمك هالحين أحس حالي كأني طفل من جد أتكلم يضيع مني كل إللي ابي اقوله..مع إن في قلبي كثير كلام..بس صوتك ينسيني الدنيا ومافيها وإنتي منتي بحاسه

بيان:إنت تدري شكثر أنـــ........

راشد:كملي ليه سكتي؟؟

بيان:............ أنا أنتظر اللحظه إللي تكون فيها قربي ولو إنها بعيده وبعدين في سالفه الهوتيل إنت إللي كنت معصب ومنت بعلى بعضك

راشد علّى صوته وتكلم بعصبيه:أنا كم مره بقولك مابيك تمشين بدون غطا وإنتي غصب تعارضين كلامي أو تعاندين..أنا أغاااااار عليك مووت والله

بيان:طيب..آسفــه

راشد:آسفــه؟؟...ماقوى برودك..متى بتنتبهين لحركاتك؟؟!!!

بيان:يبي لي قلبـ.....

راشد:قلب من؟؟

راشد:مدري كان يتحملني ولاااا....صايره ثقيله عليه وحركاتي ماتعجبه

راشد:طيب قلب من هذا عشان اذبحه؟؟

بيان:ممكن تذبح حالك؟؟!

راشد:واذبح طوايف جماعتي

بيان:هههههههههههههههه

راشد:مشكلتك تعرفين كيف تجريني في الكلام

بيان:ولو هذا إختصاصي...................زعلان؟؟

راشد:إيـــه

بيان:بقولك شي يمكن ترضى

راشد:قولي أسمعك

بيان:أحبـــــــــك

راشد:هاااااا...إيش قلتي؟؟

بيان:ولاشي...تأخرنا تصبح على خير

سكرت بيان الخط على طول...

راشد:هههههههههههههه

واقفه تناظره وفي بالها الف كلمه وكلمه بس ماهي بقادره تنطق بكلمه وحده متدري كان الكلام إللي بتقوله يكفي..تهاوش تصارخ تضرب الصدمه شلة اطرافها ولسانها..وهو من نضراتها و من الإحراج منزل راسه ماهو بقادر يحط عينه بعينها....

هيفا:إنت تمزح ولا تكلم من جد؟؟؟!!!

تركي:ياليتني أمزح

هيفا ترفع صوتها:إنت صاااحي؟؟!!!؟؟....إيش إللي سويته وين كان عقلك إيش كنت تفكر فيه...يعني.......يعني هي الحين حامل؟؟...حامل منك إنت؟؟

تركي:ايه

هيفا:ياربي...ليه ياتركي..ليه سويت كذا؟؟!!...كيف تجرأت أصلاً..نسيت مجتمعك وتربيتك نسيت دينك وربك...كيف إنت مافكرت باللي راح يصير بعد كذا؟؟

تركي:ـــــــــــــــــــــــــ

هيفا:أكيد قلت بتاخذ إللي تبيه من البنت وترميها...أكيد كذا..هذا تفكير الفاشلين إللي مثلك

تركي:هــــيفا

هيفا:مابي أسمع منك ولا كلمه لك عين بعد ترد علي..وبتقول لا اغلط عليك وإنت الغلط بعينه

تركي:خلاص ياهيفا خلاص هذاني بصلح إللي سويته وبتزوجها وبضيع حياتي

هيفا:إيش هالتفكير القذر إللي طرى عليك

تركي:مدري...مدري لحظه طيش ماكنت حاس للي قاعد اسويه



كيف بيقضون تركي والهنوف الإسبوع الأخير من حياة العزوبيه؟؟

هيفا بتتجاهل إللي قاله تركي ولا بيظل حاجز بينها وبين الهنوف؟؟

 

[الخجوله]

الج ــــــــــــــزء 31
بعد إسبـــــــوع...الثـــلاثاء
الهنوف بالسوق مع امها وهند يشترون باقي أغراض الملكه...
أم الهنوف:طيب ممكن افهم إنتي ليه ماتبين تسوين حفله وزواج؟؟
الهنوف:كذا احسن الملكه تكفي
أم الهنوف:يالهنوف إنتي وحدتي معقوله بيوم زواجك ماتبيني أسوي لك حفله وأفرح فيك
الهنوف:افرحي بي بالملكه يمه..(بخاطرها)..إنتي تبين تسوين الحفله بس عشان تكشخين على الناس يايمه ماهو بقصدك تفرحين فيني
هند:خلاص ياخالتي شكلها مستحيل تغير رايها....الهنوف إنتوا متى بتسافرون؟؟
الهنوف:كلمتني البارح هيفا وقالت يوم الجمعه
أم الهنوف:والله غريب هالزمن..مايبون حفلة زواج وبيسافرون على طول..الله يستر على هالجيل
هند:خالتي يستفيدون من فلوس الزواج في السفر احسن
ام الهنوف:بس يابنتي تركي ماهو بقاصره شي أبوه مشالله عليه خيره كثير
هند:اكيد إنه مايبي أبوه يصرف عليه
الهنوف:إيش رايكم نرجع أنا تعبت
أم الهنوف:هاليومين صايره تتعبين كثير..خير فيك شي؟؟
الهنوف بارتباك:هاا..لا مافيني شي..يعني إيش فيني؟؟
أم الهنوف:خلاص أخذتي كل إللي تحتاجينه؟؟
الهنوف:امممممممــ
أم الهنوف:يالله
بيت بوتــــركي
هيفا جالسه توري أمها الفستان إللي اشترتها للملكه...
أم تركي:هذا الغالي يعني لازم أسوي له زواج كل أهل الرياض يتكلمون عليه
هيفا:هاا...يمه..تركي مايبي يسوي زواج
أم تركي:كيف؟؟؟....وليه مايبي؟؟
هيفا:مدري بس هو من زمان قالي إنه ماراح يسوي حفله وزواج بيملكون وبيسافرون على طول
أم تركي:والله هذا إللي بيجنني كيف مايبيني أفرح فيه واسوي له زواج
هيفا:بكره ملكته إفرحي به وسوي إللي تبيه..يعني هو ما قالك إنه بيسافر يوم الجمعه
وقفت أم تركي مستغربه....
أم تركي:متى صار هالكلام؟؟
هيفا:أمس قالي عشان اكلم الهنوف وأقول لها
أم تركي:وليه ماقالي بالأول؟؟...إيش فيه هذا؟؟...وأبوك يدري؟؟
هيفا:مدري والله...بس أكيد يدري....يمه الله يهديك ليه معصبه..يمكن نسى
أم تركي وهي تطلع من الغرفه:نسى يقول لأمه أنه بيسافر ولا يبي زواج
نزلت ام تركي الصاله تنتظر تركي يرجع...هيفا وهي تدق على جوال تركي....
هيفا:ياربي أنا شسويت؟؟
تركي:هلا هيوف
هيفا:هلا وينك؟؟
تركي:بالطريق قريب اوصل..ليه؟؟
هيفا:تركي إنت ماقلت للوالد عن سفرك؟؟
تركي:أكيد قلت له..ليه تسالين؟؟
هيفا:بس الوالده متدري
تركي:ايه انا كنت بقـــ...........(رفع صوته)..هيووووف قلتي لها شي؟؟
هيفا:مدري انا على بالي تدري
تركي:ياااارررربي...خلاص خلاص أنا وصلت باي
هيفا:باي
نزل تركي من السياره ودخل البيت...راح باس راس أمه...
تركي:شخبارك يالغاليه؟؟
أم تركي:ليه ماقلت لي إنك بتسافر يوم الجمعه؟؟
تركي:أنا...كنت بقولك اليوم
أم تركي:وليه تفرغت اليوم تجي تقولي؟؟
تركي:يمه ماخلصنا الحجوزات إلا امس..يعني ماصار لي زمان
أم تركي:وراك مستعجل على السفر كذا ليه ماتبي نسوي لك زواج و......
قطعها تركي:لأ..زواج مابي نملك وإنتهى الموضوع ماله داعي تكفي حفلة الملكه بكره
أم تركي تنهدت:إللي تبيه ياولدي
تركي:ويكفيني رضاك عني
أم تركي:راضيه عليك وفرحانه لك من كل قلبي
تركي بخاطره:فرحانه؟؟..بلاك ماتدرين شكثر ذابحني هالزواج
نزلت هيفا..وقفت عند الدرج تناظرهم..
هيفا:لا الظاهر صفا الجو
نزلت هيفا وراحت الصاله...
هيفا:مرحبا
تركي:أهلييييين...أبوي رجع من الشركه؟؟
أم تركي:لا باقي مارجع....إنت تغديت؟؟
تركي وهو يوقف:ايه..أنا طالع غرفتي
وقف تركي على صوت هيفا...
هيفا:تركي
تركي بدون مايلتفت:هلا
هيفا:إنت كلمت الهنوف؟؟
إلتفت تركي مستغرب من سؤال هيفا...
تركي:وليه السؤال؟؟
هيفا:فضول
تركي:.................لأ
بــــيت بوعبــــــدالعزيز
وأخيراً بعد كثر الإتصالات والمحاتاه كلمة الهنوف بيان بعد تهزئ بيان لها عشان الفتره إللي قطعتها فيها قالت لها الهنوف إن بكره ملكتها....بيان كانت جالسه بالصاله وهي تكلم الهنوف.....مساعد نازل على الدرج وسمع بيان...
بيان:إنتي تلكمين من جد...الهنوف إنتي بعدك صغيره على زواج ليه وافقتي عليه؟؟
راح مساعد الصاله ووقف يناظر بيان بنظرات لوم وعصبيه...بيان ارتبكت ومعرفت تصرف وقتها على طول تذكرت كلام مساعد معاها قبل شهرين تقريباً....
مساعد:وين كنتي؟؟
بيان:بالسوق مع الهنوف


مساعد رفع حاجب ويناظر بيان بنظرات غريبه...
بيان:إيش فيك؟؟
مساعد:وليه طالعه معاها؟؟
بيان:وليه ماطلع معاها؟؟...ماهي بأول مره أطلع مع الهنوف
مساعد:لا بس...بيان انا مابيك تكلمينها ولا تحتكين فيها
بيان:ليه؟؟
مساعد:لأن...لأن...البنت..مدري مرتحت لها ابد
بيان:إللي يسمعك يقول تعرفها عشان مارتحت لها....ممكن توضح كلامك
مساعد:أخلاق البنت ماهي بزينه...يعني مابيك تكلمينها ولا تحتكين فيها
بيان:بالعكس الهنوفـــ.....
قطعها مساعد بنبره حاده:بيان إيش فيك؟؟...قلت لك اخلاقها ماهي بزينه ماله داعي هالأسئله ولو اعرف إنك كلمتيها ولا إحتكيتي فيها مره ثانيه لا تلومين إلا نفسك
بيان:مساعد إنت شقاعد تقول الهنوف صاحبتي
مساعد:مابي اعيد كلامي مره ثانيه عاد صاحبتك ولا بنت عمك مابيك تكلمينها..فهمتي ولا اوضح لك اكثر
بعد مامر الموقف بسرعه في بالها...
بيان:طيب انا أكلمك مره ثانيه...مع السلامه
وقفت بيان..
بيان:مساعد؟؟!!!!
مساعد:من كنتي تكلمين؟؟
بيان بخوف:هذي....وحــده...لا....
مساعد:الهنوف؟؟؟!!!
سكتت بيان وهي منزله راسها...ومساعد يناظرها بعصبيه...
مساعد يرفع صوته:تكلـــــــمي...كنتي تكلمينها صح؟؟
بيان:هاااا...ايه
مساعد:يعني لازم اعيد لك كلامي كل يوم عشان تذكرين....ماصار لنا زمان من عطيتك خبر باللي راح يصير لك لو تكلمينها
بيان:أنا....هي...إللي كلمتني.............بعدين الهنوف صاحبتي أنا مقدر اقطع علاقتي بها كذا وبدون سبب
مساعد يصارخ:بدون سبب؟؟؟!!!...شتبين اكثر من إنها بنت حركاتها غلط وأخلاقها ماهي بزينه
بيان:وإنت من قالك هالكلام....يعني سمعت من حد؟؟
مساعد:انا شفت ماهو بضروري اسمع
بيان:هااا...وإيش شفت؟؟
مساعد:كافي إللي يشوفها بالمجمعات كيف تمشي وبدون غطا وواضح إن حركاتها غلط
بيان:بس أكيـــ.....
قطعها مساعد بعصبيه:بياااااااان أنا قلت لك كلمه ومابيك تكسرينها ولا بمنعك من الطلعه والتلفونات...إنسي هذي البنت وإذا متعرفين تقولين لها انا بقول فاهمه؟؟
بيان ساكته وماهي بعارفه كيف ترد عليه...
مساعد يصارخ:تبيني أفهمك أكثر؟!؟؟؟؟!!
بيان:لا خلاص..فهمت
طلع مساعد من البيت وجلست بيان على الكرسي وهي مضايقه وماسكه دموعها أول مره مساعد يكلمها بهالإسلوب وبهالعصبيه الحاده...دق جوالها وكانت حلا المتصله...
بيان:هلا
حلا:هلا جهزتي؟؟
بيان:الحين بلبس عباتي
حلا:بيون إيش فيه صوتك؟؟
بيان:ولاشي.....حلا مانبي نطول
حلا:ليه؟؟...معندنا شي خلنا نتمشى شوي
بيان:لالا مابي...مضايقه ومالي خلق ناخذ الهديه ونطلع
حلا:طيب براحتك يالله أنا بجيك ألحين
بيان:اوكي باي
راحت بيان ولبست عباتها عشان بتروح مع حلا الموول يشترون لأشواق هديه لعيد ميلادها....لبست بيان عباتها ونزلت جلست بالصاله على الدرج...وهي تفكر بالمشكله وكيف تتصرف دق جرس الباب وفتحت الخدامه الباب...دخل ولقاها جالسه على الدرج ومنزله راسها ومضايقه تقرب ووقف قدامها..رفعت بيان راسها بشويش لين إلتقت عينها بعينه...
بيان إبتسمت:هلا والله
راشد:هلا...إيش فيها حبيبتي مضايقه؟؟
بيان:لا سلامتك
راشد:بيان شكلك مضايقك من جد إيش فيك؟؟...من إللي مضايقك؟؟
بيان:لا....بس...صايره سالفه مع مساعد شاغله بالي شوي
راشد:يابخته اجل بسوي لك سالفه عشان اشغل بالك
بيان:ههههههههههههههههههههه
راشد:إيش فيه مساعد؟؟
جلس راشد على الدرج مع بيان...قالت بيان لراشد السالفه....
راشد:أمممممممممـ..أكيد إنه شاف على البنت شي عشان كذا قالك هالكلام
بيان:بس أنا اعرف البنت من زمان مالاحظة عليها.....
سكتت بيان وراشد يناظرها وكأنه فهم إللي تبي تقوله...
راشد:لا حظتي صح؟؟
بيان:يعني شوي حركات...بس أكيد إن ماهو بقصدها إللي في بال مساعد
راشد:ويمكن قصدها!!!!
بيان ناظرت راشد باستغراب...
بيان:شسالفه إنتوا شفتوا شي من البنت؟؟تكلمون وكأنكم ماخذين موقف منها
راشد:لا ماهو بكذا...أنا اصلاً معرف البنت..بس ماراح يقول لك مساعد تقطعين علاقتك بها لو ماشاف عليها شي قوي
بيان:ياربي كانت نظراته تخووف أتكلم معه بارتباك كان معصب حييييل أول مره يصارخ علي بهالطريقه
راشد:أكيد بيعصب هو عطاك خبر من قبل...بعدين مايبي إخته تصاحب بنت كذا
بيان:أوووف مشكله شقول للهنوف ألحين
راشد:لا تضايقين كل مشكله ولها حل...حاولي تكلمين مساعد بالموضوع وتوضحين له موقفك
دقت حلا على جوال بيان عشان تطلع...
بيان:هذي حلا...أوكي أنا بطلع ألحين
وقفــــوا إثنينهم مع بعض...
راشد:على وين؟؟
بيان:بنروح نشتري لوحده هديه
راشد:وأنا بعد أبي هديه
بيان:هههههههههههههههههههههههههه إنشالله..مع السلامه
راشد:الله يسلمك
راحت بيان وراشد واقف يناظرها فتحت الباب بتطلع ناداها راشد...

 

[الخجوله]

راشد:بيان
بيان إلتفتت:هلا
راشد غمز لها:لاتشغلين بالك بمساعد تراني أغار
بيان ابتسمت وبخاطرها:دومك شاغل بالي
طلعت بيان وركبت السياره مع حلا..راشد كان في بيت عمه جايب أوراق لعمه بوعبدالعزيز...
بوعبدالعزيز:طيب..مشكور راشد
راشد:العفو عمي..يالله أنا استأذن
بوعبدالعزيز:وين؟؟..إجلس خلني أسولف معك
راشد:مره ثانيه عمي بس بروح أذاكر بكره عندي إختبار...مع السلامه
بوعبدالعزيز:الله يوفقك...مع السلامه
المستشفــى
كان عبدالعزيز والجازي عند الدكتوره بعد ما أجلوا موعدهم كم يوم...
الدكتوره:مبروك الجازي حامل
ناظروا عبدالعزيز والجازي بعضهم بنظرات إستغراب وفرحه...
عبدالعزيز:حامل؟؟!!!؟؟
الدكتوره:ايوه وبالشهر الثالث بعد
الجازي من الفرحه مقدرت تكلم ظلت ساكته وهي تناظر عبدالعزيز بفرحه...
عبدالعزيز:مبروك ياقلبي
الجازي:الله يبارك فيك
الدكتوره:ألحين الجازي لازم تهتمين بصحتك وصحة الطفل ومابيك تهملين أكلك الغذاء أهم شي
الجازي:إنشالله
الدكتوره:وأكيد عبدالعزيز ماراح يقصر معك
عبدالعزيز:أكيد..شكراً دكتوره
الدكتوره:العفو..طبعاً ماراح تنسين تراجعيني
الجازي:طيب..مع السلامه
الدكتوره:الله يسلمكم
طلعوا من المستشفى وهم بالسياره...
عبدالعزيز:الله وأخيراً بصير أبو
الجازي:فرحان؟؟
عبدالعزيز:أكيد..أكيد فرحان
بالمــــــــوول
بيان:إخذي هذي حلوه
حلا:لا لا خل نشوف غيرها
مشت بيان وحلا تناظرها مستغربه...
حلا:بيان إيش فيك؟؟..منتي بعلى بعضك
بيان تشغل روحها تناظر بين الأغراض إللي بالمحل..
بيان:ضايق خلقي شوي
حلا:من إيش؟؟
بيان سكتت شوي...
بيان بابتسامه: لا تشغلين بالك...إيش باقي ماخذنا؟؟
حلا:الكيس...خلاص الهديه كامله باقي الكيس
بيان:طيب حاسبي هنا وناخذ الكيس من محل ثاني..هذا ماهي بحلوه أكياسه
حلا:إللي تشوفينه
وصلوا عبدالعزيز والجازي بيتهم دخلوا وكان بوعبدالعزيز ومساعد بالصاله...
عبد العزيز والجازي:السلام عليكم
بوعبدالعزيز ومساعد:وعليكم السلام
عبدالعزيز راح وجلس قرب ابوه:مبروك يالغالي قريب بتصير جد....الجازي حامل
سمعت أم عبدالعزيز كلام ولدها وهي طالعه من المطبخ.......وقامت تهلهل....
بوعبدالعزيز ومساعد:ألف مبروك
الجازي وعبدالعزيز:الله يبارك فيكم
أم عبدالعزيز وهي تسلم على الجازي:مبروك يابنتي
الجازي:الله يبارك فيك خالتي
أم عبدالعزيز:مبروك يالغالي
عبدالعزيز:الله يبارك فيك يمه
بو عبدالعزيز:إنتبهي لنفسك يالجازي وهالله هالله بمتعب
الجازي:إنشالله عمي..عن إذنكم بروح أكلم الوالده وابشرها
من جهه ثانيه بيان كانت واقفه تناظر حلا إللي محتاره بين الاكياس...
بيان:حلا تراني مليت..بعدين بسرعه بيأذن المغرب
حلا:طيب..طيب خلاص بناخذ هذا
بيان:حلو..يالله بسرعه حاسبيه
حاسبة حلا الكيس وهم يمشون بالمجمع طالعين..
بيان:صح ما قلت لك
حلا:خير
بيان:كلمتني الهنوف اليوم
حلا:جد والله..وشخبارها؟؟
بيان:الحمدلله..بكره ملكتها
وقفت حلا منصدمه:إيش قلتي؟؟
بيان:إللي سمعتيه
مشت حلا:كيف؟؟!...هذا اكيد واحد من إللي متعرفه عليهم
بيان رفعت صوتها:حلا إيش هالكلام؟؟
حلا:ماقلت شي غلط..يعني من يبي يتزوج بنت بهالسن حتى الثنويه ماكملتها..بعدين إنتي ليه واثقه فيها ثقه عميه كذا الكل يعرف عن سوالفها هي وهند
كملوا كلامهم بالسياره...
بيان:ماهو بكل شي يقولونه الناس نصدقه
حلا:صحيح..بس إعذريني هذي تصدق
بيان:خلاص سكري الموضوع
حلا:وبتروحين بكره؟؟
بيان تذكرت كلام مساعد:ماظن
حلا:أحسن لك
وصلت بيان بيتهم..وكان البيت هدوء كعادته وقت الصلاه الرجال في المسجد وأم عبدالعزيز والجازي كل وحده تصلي بغرفتها راحت بيان غرفتها شالت العباه وتوضت وهي تصلي دخلت الجازي..جلست الجازي على السرير تنتظرها تخلص..
الجازي:تقبل الله
بيان:منا ومنك..رحتي المستشفى؟؟
الجازي:أيوه
بيان وهي تشيل حرامها:وإيش قالوا؟؟
الجازي:...........حامل
بيان ترفع صوتها بفرحه:هاااا...قولي والله؟؟
الجازي وهي تضحك:والله
بيان تسلم عليها:ألف مبروك حبيبتي
الجازي:الله يبارك فيك
بيان:أكيد عزوز طاير من الفرحه
الجازي:ويه فديته فرحان حيل...إلا إنتي وين رحتي؟؟
بيان:رحت السوق مع حلا نشتري هديه لأشواق
الجازي:لعيد ميلادها؟؟
بيان:أمممممـ

الجازي:طيب وينها الهديه؟؟
بيان:عند حلا
الجازي:آهاااا..طيب بيون أنا ألحين حامل يعني مفروض توفرين لي الراحه ولا تخليني أتعب و...
بيان:بس.. بس إيش تبين؟؟
الجازي:أبي عصير برتقال فرش
بيان:قولي للخدامه تسوي لك
الجازي:لالا ابي منك إنتي
بيان:ولايهمك ألحين انزل أسوي لك كم أم متعب عندنا
الجازي:تسلمين يابعد قلبي
طلعوا الجازي وبيان من الغرفه الجازي راحت قسمهم..بيان وهي نازله على الدرج إلتقت معه وهو راكب ناظرها من فوقها لتحتها ومشى....
بيان:مساعد
وقف مساعد بدون مايلتفت:نعم
بيان:أبي أتكلم معك شوي
مساعد التفت:انا مشغول الحين
بيان:بتطلع بعدين؟؟
مساعد:مدري..عن إذنك
بيان:ياربي من وين جايب هالغرور محد بعايلتنا كذا
بيت بومشــــــــعل
مشعل وعزام جالسين قدام المسبح ويسولفون....
مشعل:بس حمد شخصيته حلوه
عزام:ماعجبني كثير
مشعل:إنت اصلاً ما احتكيت فيه وإذا جى البيت تجلس معه نص ساعه وتطلع..كيف بيعجبك؟؟!
عزام:مدري ليه احسه ولد...جدي حيل
مشعل:إنت بعدك على نظرتك هذي فيهم
عزام:وإيش بيغيرها دامهم على طول كذا
مشعل:بس ماشوفك قلت كذا عن اشواق بالعكس أحسك داخل جو معاها
عزام ارتبك حيل:هاا...لا ماهو بكذا هههههههه...........إلا متى بتروح الشركه؟؟
مشعل:الحين بروح..تروح معي؟؟
عزام:لالا مابي...لاحقين عليها
مشعل وهو يقوم:يالله انا رايح..مع السلامه
عزام:الله يسلمك..أووف كان بيفضحنا
بيت بوتـــــــركي
تركي واقف عند الشباك إللي بالصاله وبيده كافي...(تركي من قال لهيفا هذاك اليوم عن إللي صار مع الهنوف وهو مايحتك فيها كثير)..جات هيفا..
هيفا:مساء الخير
تركي:هلا..مساء النور
وقفت هيفا قدام تركي وهو يناظر من جهه الشباك عشان لايلتقي بنظرات هيفا له...
هيفا:ليه جالس بالبيت اليوم؟؟
تركي:بطلع بعد شوي
سكتوا شوي...
هيفا:ندمان على إللي سويته؟؟
ناظرها نظره سريعه وهو مستغرب من سؤالها...
تركي:إيش رايك يعني؟؟
هيفا:إنت ندمان الحين عشانك بتزوجها بس قبل كذا كنت ندمان؟؟
تركي رافع حاجب:بصراحه لأ
هيفا منصدمه:لأ؟؟!!!...كيف إنت معندك ضمير...
تركي قطعها:هيفا ولي يرحم والديك كافي علي عتاب وهواش خالد ماله داعي تزيدين
هيفا:تركي إعذرني على هالكلام بس..إنت واحد حقير والله يعين الهنوف عليك
تركي بسخريه:إذا أنا حقير مره فهي حقيره عشر..لاتخافين
هيفا:إنت شقاعد تقول؟؟
تركي:ولاشي...سكري الموضوع
بوتركي دخل لهم...
بوتركي:مساء الخير
تركي وهيفا:مساء النور يبه
يناظر بوتركي الاجواء المتوتره بين تركي وهيفا وهو مستغرب...
بوتركي:إيش فيكم؟؟
هيفا:ولا شي...سلامتك
تركي يحط كوب الكافي على الطاوله:عن إذنكم أنا طالع
بوتركي:إيش فيه أخوك؟؟
هيفا:مافيه شي
بيت بو عبــــــدالعزيز
واقف يدور على Cdبين السيديات إللي بغرفته وهو يكلمها على الجوال...
وجدان:طيب ليه؟؟
مساعد بعصبيه شوي:قلت لك ماله داعي
وهو يتكلم طاح Cdمن يده على الأرض وإنكسر...سكتت وجدان مستغربه من عصبيته والصوت...
وجدان:إيش صار؟؟
مساعد:ولا شي الـcdإنكسر
وجدان:طيب وراك معصب كذا؟؟
مساعد أخذ نفس:لا...مافي شي
وجدان:كيف مافي شي؟!.إنت ماتسمع صوتك كيف معصب
مساعد:ضايق خلقي شوي
وجدان:ليه؟؟
مساعد:لا بس...تهاوشت مع بيان قبل شوي
وجدان مستغربه:بيان..ليه؟؟!!
مساعد:إنتي تعرفين هذي البنت إللي اسمها الهنوف؟؟
وجدان:إيه اعرفها...إيش دخل الهنوف في هواشكم؟؟
مساعد:وإنتي بعد تعرفينها؟؟
وجدان:لا بس معانا بالمدرسه تعرفت عليها يوم رجعنا من دبي جات بيتنا مع بيان..بس ماقلت لي إيش فيها؟؟
مساعد سكت شوي:لا ولاشي..إنسي الموضوع
وجدان:إيش إنت تمزح معي؟؟
مساعد:لا جد خلاص إنسي الموضوع
واقفه عند باب غرفته وهي متردده تدخل ولا لأ..وسط حيرتها فتح الباب..وقف بناظرها مستغرب وهي انحرجت....
مساعد:بيان...شتسوين؟؟
بيان:لا..كنت بدخل لك
مساعد:ليه؟؟
بيان:قلت لك بتكلم معك
مساعد:طيب خل نجلس هنا
جلسوا بالصاله إللي بالطابق الثاني...
بيان:مساعد..إنت شلاقي على الهنوف؟؟

 

[الخجوله]

مساعد:لاقي عليها كثير...(قبل ماتكلم بيان)..ولاتسأليني إيش؟؟
بيان:بس لازم تقولي عشان اقتنع باللي قاعد تقوله
مساعد:ماظنك سمعتي هالكلام مني بس
بيان:بصراحه سمعته من غيرك كثير....بس مقدر يعني الهنوف صاحبتي وغاليه علي يمكن إذا ظليت معاها اقدر أغيرها مع إنها ألحين بتتغير أكيد
مساعد:إيش قصدك؟؟
بيان:بكره ملكتها....طيب بسألك سؤال وجاوبني بصراحه
مساعد:إيش؟؟
بيان:الهنوف كلمتك من قبل؟؟
مساعد:وليه تسألين؟؟
بيان:جاوبني
مساعد:ايوه..لألأ..وليه بتلكمني؟؟
بيان:أهاااا..لا بس مجرد سؤال
مساعد:بيان انا ماقلت لك كذا إلا خوف عليك وعلى سمعتك
إكتفت بيان بابتسامه...طالع مساعد الساعهووقف...
مساعد:طيب انا طالع..تآمرين على شي؟؟
بيان:سلامتك
مساعد:الله يسلمك
في غرفة عبدالعزيز والجازي
عبدالعزيز:الليله لازم نتعشا برا
الجازي:صار لي زمان ماتعشيت بالمطعم
عبدالعزيز:طيب يالله قومي تراني جوعان
الجازي:طيب بس خلنا نشوف بيان
عبدالعزيز:أوكي روحي البسي عباتك وأنا بشوفها
الجازي:طيب
طلع عبدالعزيز بعد ماخذ محفظته وسويتش السياره..راح لبيان غرفتها....
بيان:لالا أنا نعسانه مره ثانيه إنشالله
عبدالعزيز:طيب تصبحين على خير
بيان:وإنت من اهله
وهو طالع من غرفتها الجازي طلعت من قسمهم..
الجازي:إيش قالت؟؟
عبدالعزيز:تقول نعسانه مابتروح
كان تركي جالس مع ربعه بالمطعم هم يسولفون وهو ساكت وبعالم ثاني...(خالد ومشاري ومحمد)...
مشاري:تركي..تركي وين صرنا؟؟
تركي:هلا
محمد:هاااا بدوا يشغلون بالك حتى وإنت معانا
تركي بضيق:إي يشغلون بالي ولي يرحم والديك
محمد:إيش فيك؟؟
تركي:مافيني شي
مشاري:شكلك مضايق..مفروض محد قدك من الفرحه بكره ملكتك
تركي اكتفى بابتسامة سخريه...
محمد:اقول تركي..ليه ماتكمل دراستك هنا ياخي راح توحشنا حيل
تركي:والله إنتوا إللي بتوحشوني..خلنا نغير الموضوع مليت من كثر مانتكلم فيه
خالد يناظر تركي وبخاطره:ماهقيت إني بضايق كذا من سالفة سفرك بتوحشني حيل
انتبه تركي لخالد وخالد بدل نظرته على طول إبتسم تركي...
بيت بوراشــــــد
راشد جالس يذاكر ودقت عليه بيان...
راشد:هلا غلاي
بيان:هلا فيك...مشغول؟؟
راشد:لا مو مشغول
بيان:كلمت مساعد قبل شوي
راشد:وإيش قال؟؟
بيان:مصر على رايه
راشد:يعني مالك إلا تستسلمين لكلمته
بيان:أممممـ..شقاعد تسوي؟؟
راشد:أكلم غلا روحي
دخلت ام راشد...عدل راشد جالسته بسرعه...
راشد:إحــم..أوكي أنا ادق بعدين
بيان:وراك إرتبكت كذا؟؟
راشد:لا..بس الوالده معي أدق بعدين
بيان:أهااا أوكي باي
راشد:بايات
أم راشد:أزعجتك؟؟
راشد:لا ابد يالغاليه تفضلي
أم راشد:لالا كمل مذاكرتك بس كنت بشوفك إذا تبي شي
راشد:سلامتك
أم راشد:الله يسلمك...إلا اخوك وينه؟؟
راشد:راح ياخذ الدروس إللي راحت عليه من ربعه
أم راشد:طيب انا بخليك كمل مذاكرتك ولاتنشغل بالتلفونات
راشد بخاطره:ليت تلفوناتها بس إللي تشغلني..........إنشالله يمه
بيت بو الهنـــــــوف
الهنوف تكلم هند على التلفون...
الهنوف:مو مصدقه ياهند وأخيراً برتاح من هالهم
هند:بس قولك كيف بيتعامل مع الولد؟؟
الهنوف:مدري والله...بس ماظنه بيقسى عليه مهما كان هذا ولده
هند:طيب إيش تتمنينه ولد ولابنت؟؟
الهنوف:عادي إللي يجي من الله راضيه به....بس المهم ارتاح مع إني ماظن برتاح العيش مع تركي مافيه راحه أبد
هند:إنتي ماجربتي لاتحكمي عليه قبل ماتعاشرينه فتره طويله
الهنوف:أممممـ
هند:الهنوف بسالك عن شي؟؟
الهنوف:خير
هند:إنتي راضيه تعيشين بامريكا؟؟
الهنوف سكتت شوي:لأ طبعاً بس إنتي تعرفين رفضي موب لصالحي
هند:ياربي بتروحين هناك بروحك مدري كيف بتتحملين الله يعينك
الهنوف:هو باقي له سنتين وبيخلص دراسته يعني مابنقعد كثير
هند:وإنتي تروح عليك دراستك؟؟
الهنوف:أكيد إيش رايك يعني؟؟
هند:بس.....
الهنوف:أنا راضيه بهالحال ولا الفضيحه ياهند
هند:صدقتي..يالله أنا أخليك ترتاحين
الهنوف:تعالي من تطلعين من المدرسه على طول اوكي
هند:اوكي تصبحين على خير
الهنوف:وإنتي من اهله
يوم الأربــــــــعاء
الساعه 11 الصباح
جواله صار له تقريباً 5 دقايق وهو يدق فتح عينه وهو منزعج من صوته سكره وهو يتنهد وماوده يصحى ولا يبدأ بهاليوم يحاول يصحي نفسه على امل إنه كان يحلم بس للأسف حقيقه...
تركي:مستحيل..مستحيل اليوم الهنوف بتصير زوجتي لالا ماهو بصحيح
قام بسرعه وغسل وجهه..ناظر وجهه بالمرايا واخذ نفس طوويل..وهو طالع من الغرفه كانت هيفا واقفه بطق الباب...ابتسمت هيفا بس تركي ظل يناظرها بدون مايبتسم..
هيفا:يمه إيش فيك؟؟
تركي:مافي شي
هيفا:تأخرت بالنوم وجيت بصحيك
سكر تركي باب الغرفه وهو يمشي...
تركي:هذاني صحيت
هيفا تناظره مستغربه وهي واقفه مكانها مشت وراه..وهم ينزلون على الدرج...
هيفا:إيش فيها اخلاقك كذا؟؟
تركي يناظرها:تسوين نفسك ماتدرين
هيفا:هااا...............أووووه......إنت بعدك كذا تراه ماله داعي إللي قاعد تسويه الأمر طلع من يدينك
تركي:عارف
هيفا:أجل وراك...
تركي قطعها:سكري الموضوع..ليه مارحتي الجامعه اليوم؟؟
هيفا:مالي مزاج
المدرســــــه(البنات)

حلا جالسه مع اشواق وبيان بالصف ينتظرون المعلمه تدخل...
حلا:طيب ليه؟؟
بيان:جد والله مالي خلق
أشواق:عادي بتروحين وبصير لك خلق
بيان:لالا..بجيكم العصر
حلا:أوكي براحتك بس العصر لازم تجين
بيان:إنشالله
حلا:وقولي لوجدان نسيت ماقلت لها
دخلت وجدان والمعلمه وراها...
أشواق:طرينا الحمار نهق
وجدان:نعــم إيش قلتي؟؟
أوشاق:لا بس أقول الطيب عند ذكره
وجدان:على باللي بعد...إيش طريتوني فيه؟؟
بيان:اليوم العصر بنروح لحلا
وجدان:سوري أنا مقدر
حلا:ليه؟؟
وجدان:بروح بيت جدي صار لي زمان مارحت
المعلمه:بلاها هالسوالف وخل ننتبه لدرس
وجدان تكلم بيان بصوت خفيف:هذا إللي شاطره فيه تهزيء طول الوقت ومانفهم لها شي
المعلمه:في شي وجدان؟؟
وجدان:لا سلامتك
الجامعــــــــه
راشد كان يمشي بالممر رايح للكلاس وقف على صوت مساعد يناديه...
مساعد:راشد
إلتفت راشد:هلا والله
مساعد:هلا..عندك محاضره؟؟
راشد:ايوه ليه؟؟
مساعد:لا بس على باللي خلصت كنت أبيك تروح معي الكافي
راشد:إنتظرني لين أطلع ونروح نتغدا مره وحده
مساعد:أوكي باي
راشد:بايات
مساعد وهو رايح للمكتبه...
مساعد:إلا صح عزام أنا ماشفته اليوم؟؟
وهو فاتح باب المكتبه عزام كان طالع...
مساعد بخوف:بســـم الله من وين طالع؟؟
عزام:إشدعوه شايف جني
مساعد:لا بس تو اقول إني ماشفتك اليوم
عزام:أهاااا...خلصت محاضراتك؟؟
مساعد:ايوه
عزام:أجل ليه مارجعت بيتكم؟؟
مساعد:بنتظر راشد بنتغدا مع بعض اليوم...تجي معانا؟؟
عزام:لا سهران من البارح بروح أنام
مساعد:طيب مع السلامه
عزام:مع السلامه
بالشــــركه
كان عبدالعزيز جالس بمكتبه وكان عنده شغل كثير...دخل مشعل ولا حس عليه....
مشعل ضرب على الطاوله:مرحبـــا
رمى عبدالعزيز الأوراق إللي بيده وهو متخرع...
عبدالعزيز:إيش فيك إنت؟؟..خرعتني
مشعل:ههههههههههههههههههههههههههههه مبروك بومتعب
عبدالعزيز:الله يبارك فيك
جلس مشعل على الكرسي....
عبدالعزيز:خير ليه جالس؟؟
مشعل:عشان نسولف
عبدالعزيز:لا حبيبي أنا مشغول حيل قـــم سولف بمكتبك
مشعل:يالله عاد بس شوي..وإلا ماقلـــ......
عبدالعزيز قطعه:ياخي اقولك مشغول معندي وقت..قـــم عن وجهي
مشعل:لا إيش رايك تضربني بعد
وقف مشعل:الشره على إللي جاي يبارك لك
الظهـــــر الساعه1
واقف عند شباك غرفته ويناظر السيارات الرايحه والجايه وقفت سياره عند باب بيتهم نزلت منها حلا ومعاها أشواق...
عزام:ياربي شهالبنت هذي أنا من أصير قدامها أرتبك مدري شقاعد اقول ولاشقاعد اسوي..(تنهد وهو يرمي نفسه على السرير)..بس لازم أنتبه لنفسي أكثر اكيد إنها تضايق من جرأتي الزايده معاها بس مقدر حركاتي لاإرادي تطلع مني كذا...بحاول إني ماحتك فيها كثير ولا اطولها بالكلام معاها لازم احاول هذا احسن حل
فتح الباب بنــــدر...
بندر:عمي عزام
عزام:وإنت متعرف تطق الباب...إيش تبي؟؟
بندر:الغدا جاهز..ماتبي؟؟
عزام:إلا ألحين بنزل
نزل عزام بعد بندر بشوي كانت اشواق جالسه بالصاله بروحها..إرتبك عزام وغير رايه جى بيرجع غرفته وهو راجع وقف وكأن شي يشده عشان ينزل....
عزام:بس بسلم عليها مابطول معاها بالكلام
وهو نازل على الدرج اشواق رفعت تناظر من إللي نازل...
عزام:السلام عليكم
أشواق:وعليكم السلام هلا عزام
عزام:هلا..كيفك؟؟
أشواق:تمام وإنت؟؟
عزام:بخير..........عن إذنــك
راح عزام لغرفة الطعام...
أشواق:إيش فيه؟؟..ليه يكلمني بهالطريقه؟؟
طلعت حلا من المطبخ:أشواق يالله الغدا جاهز
بيت بو الهنـــــوف
الهنوف كانت تتغدا مع هند...
هند:الهنوف ليه ماتاكلين؟؟
الهنوف:مدري مالي نفس.....كلمتني البارح هيفا إخته
هند:ليه؟؟
الهنوف:تقولي إنه قدم سفرتنا لليله يعني بنملك ونسافر
هند:هااا...ليه؟؟...بعدين توه يقول يعني ماعطاك وقت تجهزين أغراضك
الهنوف:هذي بدايتها..عادي البارح خلصت شوي واليوم الصباح بعد
هند:يعني إنتي جاهزه لسفر؟؟
الهنوف:تقريباً....إلا الكوافير متى بتجي؟؟
هند:قالت الساعه 3 تقريباً
وبعد فتـــــــره.....تركي كان جالس مع ربعه بكفتيريا الجامعه...
تركي يصارخ مع خالد:لا قلت لك لا
خالد:اقول رح إنت شدراك
تركي:أصلاً أنا....
قطعه جواله إللي يدق...ناظر الرقم ووقف...
تركي:دقايق وراجع................هلا هيفا
هيفا:هلا إنت بالجامعه؟؟
تركي:ايوه
هيفا:طيب متى بتطلع؟؟
تركي:بعد شوي
هيفا:طيب تعالي بالجامعه السايق طلع مع الوالد
تركي:طيب شوي وأجي باي
هيفا:باي
رجع تركي لربعه....
تركي:أوكي شباب أشوفكم بكره
مشاري:شهالطرده مايبينا نروح ملكته
خالد:لا والأخ نسى إنه اليوم بيسافر
تركي:هههههههههههههههههههههههههههههه نسيت أشوفكم الليله...مع السلامه
خالد:وين رايح؟؟
تركي:برجع البيت

 

[الخجوله]

وهو رايح لسيارته إلتفت يناظر مبنى الجامعه...
تركي بخاطره:سنتين ماهي بهينه بتوحشني حتى الجامعه
تنهد وركب سيارته...وصل لجامعة هيفا وركبت معه...
هيفا:مرحبا
تركي:مرحبتين
حرك تركي السياره وهم ساكتين...
هيفا:تركي أبي أروح للهنوف
ضرب تركي بريك بقوه من الصدمه...
هيفا:بســم الله إيش فيك؟؟
تركي:إيش قلتي؟؟
هيفا:أبي اروح للهنوف بيتهم اليوم ملكتها وماهي بعدله ما امرها واشوف إذا تبي شي
ناظرها تركي بنظرات نرفزتها:إنتي متقصده هالحركه؟؟
هيفا وهي تلتقت للجهه الثانيه تتحاشى نظراته:إي حركه؟؟
تركي:تخليني أنا إللي أوصلك
هيفا:تقريباً
وصل تركي هيفا لبيت الهنوف وقبل ماتنزل...
هيفا:ممكن تنتظرني؟؟
تركي:ياهووو تراني أخوك موب السايق
هيفا:يالله عاد تركي مابطول
تركي:إنزلي وإنتظري السايق لين يخلص شغله ويجيك
جات هيفا بتكلم بس تركي قطعها:ولا كلمه....باي
نزلت هيفا وطقت الجرس فتحت لها الخدامه...
هيفا:Hello
الخدامه:Hello
هيفا:where Is Alhanof?
الخدامه:In her room
هيفا:Can you show me where is it?
الخدامه:Sure
مشت هيفا وى الخدامه ليت وصلت لغرفة الهنوف...
هيفا:Thank you
الخدامه:welcome
طقت هيفا الباب ودخلت...
هيفا:مرحبا
إلتفتوا الهنوف وهند...
الهنوف مستغربه:هلا والله
وهي تسلم عليها:أهلييين هيفا
هيفا:هلا فيك..كيفك؟؟
الهنوف:الحمدلله تفضلي......هذي هند صاحبتي
هيفا:ياهلا والله هند
الهنوف:هيفا إخت تركي
هند:هلا فيك
الهنوف:إيش هالمفاجئه الحلوه؟؟
هيفا:قلت بمر أشوفك إذا محتاجه شي....على فكره الوالده تسلم عليكم
الهنوف:الله يسلمك
وفي بيت بوتركي دخل تركي بيتهم وامه جالسه بالصاله...
تركي:مرحبا يالغاليه
أم تركي:هلا يمه..وصلت إختك؟؟
تركي:وإنتي بعد تعرفين إنها بتروح؟؟
أم تركي:ايوه أنا إللي قلت لها تروح
بيت بوعبــــد العزيز
الجازي وبيان بعد ماخلصوا غدا جلسوا بالصاله يشربون الشاهي...
الجازي:طيب وين بتروحين اليوم؟؟
بيان:أمممممممـ...العصر بروح بيت عمي بومشعل و......وبس
الجازي:يعني بتظلين هناك لليل؟؟
بيان:لالا ماظن
الجازي:خلاص إذا رجعتي نروح نتعشا في بيتنا
بيان:خلاص أوكي
مساعد كان راجع بيتهم وهو يكلم وجدان...
مساعد:طيب بتطلعين اليوم؟؟
وجدان:اليوم زواج قريبتنا
مساعد:يعني رايحه زواج الليله؟؟
وجدان:ايوه
مساعد:لا مافي تروحين
وجدان:هاااا..ليه؟؟
مساعد:كذا بس أنا مابيك تروحين
وجدان:مقدر كلهم بيروحون أظل بروحي يعني
مساعد:أنا بجي أجلس معك
وجدان:جد والله هههههههههههههه..لا جد حبيبي لازم اروح
مساعد وهو ينزل من السياره...
مساعد:لأ قلت لك لأ
وجدان:ياربي...إنت تمزح ولا شسالفه؟؟...ماهي باول مره اروح زواج
مساعد:بس أنا اقولك ماتروحين إيش بتكسرين كلامي؟؟
وقف مساعد يكلمها بالحديقه...
وجدان:لا ماراح أكسره بس بقنعك تغيره
مساعد:وإذا ماقتنعت؟؟
وجدان:مدري....بضطر أكسره
مساعد تنرفز:نعــــــم؟؟!!
وجدان:والله ماهو بقصدي بس ....
مساعد:طيب طيب أنا بخليك ألحين باي
سكر مساعد الجوال وهو معصب...
وجدان:ياربي إيش فيه والله مو قصدي أزعله..ياربي على غروره
دخل مساعد البيت...
مساعد:الســـــــــــلام
بيان والجازي:وعليكم السلام
بيان:وينك إنت؟؟
مساعد:طلعت أتغدا مع راشد...عزوز هنا؟؟
الجازي:فوق
مساعد:طيب عن إذنكم
بيان:وراه معصب كذا؟؟
الجازي:مدري
راح مساعد لقسم عبدالعزيز والجازي وطيق الباب...
عبدالعزيز:من؟؟
مساعد:أنا مساعد
فتح عبدالعزيز الباب...
عبدالعزيز:ياهلا والله
مساعد:هلا فيك
عبدالعزيز:إنت وينك؟؟
مساعد:موجود...تعال نجلس بالصاله صار لي زمان ماسولفت معك
عبدالعزيز:اوكي
راحوا وجلسوا بالصاله..

عبدالعزيز:شخبارك؟؟
مساعد:على حالي ماتغير شي...وإنت؟؟
عبدالعزيز:الحمدلله...وين تغديت اليوم؟؟
مساعد:مع راشد بالمطعم
بيت بومشـــعل
حلا وأشواق جالسين على النت بالصاله..
حلا:إدخلي هذا الموقع
أشواق:ماله داعي...ماشكله فيه زود
حلا:يالله عاد خل نشوفه
دق التلفون...
حلا:بروح اشوف التلفون برجع وألقاك داخلته
راحت حلا تشوف التلفون..بنفس الوقت عزام طلع من مجلس الرجال وعبر على أشواق بالصاله بدون مايكلمها وطلع على طول...
أشواق:إيش فيه؟؟
رجعت حلا...
حلا:هذي بيانوه تقول مابتجي العصر..........أشواق سمعتيني
اشواق:هــ...خير
حلا:أقولك هذي بيان تقول مابتجي العصر
اشواق:ليه؟؟
حلا:مدري والله....دخلتي الموقع؟؟
أشواق:لا
حلا:إيش فيك؟؟
أشواق:ولاشي
عزام بالسياره رايح لبيت عمه بوراشد...
عزام:ياربي صعبه حيل أمر عليها بدون ماكلمها...بس يمكن كذا ترتاح أكثر....أووووووف وهي ترتاح وانا أتعذب كذا أبي أسمع صوتها..طيب شسوي؟؟!!
من جهه ثانيه الكوافير كانت في بيت بو الهنوف تو مخلصه من سشوار شعر الهنوف...
الكوافير:كيف تبين شعرك؟؟
دخلت أم الهنوف وراها الخدامه حامله صحن فيه كاسات عصير...
الهنوف:عادي أبي فيه حركه بسيطه
أم الهنوف:الســـلام عليكم
الكل:وعليكم الســــلام
أم الهنوف:تو تبدأ تسوي شعرك....ماراح يمديك
الهنوف:لا يمه يمدي عندنا وقت طويل
هند:تو الساعه 4 خالتي
أم الهنوف:طيب...حطي العصير ميري...يالله أنا بروح الكوافير تآمرون على شي؟؟
الهنوف وهند:سلامتـــك
الســـــــاعه 7:00..الليــــــل
واقف قدام المرايا يعدل شماغه...إللي بوضعه يتعدل وهو طاير من الفرحه يحاول يطلع بأحسن صوره بهالليله إللي غير عن كل الليالي فرحته بهذي الليله مستحيل تنعاد...بس بالنسبه له إنها الليله الوحيده إللي ماتمناها بهالوقت لبس شماغه بطريقته المعتاده من هذي الليله يحس بالخنقه والإكتئاب ميدري كان بيتغير هالشعور ولا لأ..دخلت عليه وقطعت أفكاره...
هيفا:مســــاء الخير
تركي:مســـــاءالنور
هيفا:إيش هذا؟؟..هذا شكل واحد رايح ملكته
قامت هيفا تعدل شماغه وثوبه وهو متنرفز....
تركي:خلاص أنا مرتاح كذا
هيفا:طيب أنا الحين بروح مع الوالده اشوفك هناك...باي
طلعت هيفا مع ام تركي وراحوا لبيت بوالهنوف مع السايق...بوتركي تو نازل على الدرج
إلا الخدلمه فاتحه الباب لخالد...
بوتركي:هلا والله خالد
خالد:هلا فيك
بوتركي:حياك تفضل
دخل خالد...
خالد:إلا تركي وينه؟؟
بوتركي:بغرفته...اطلع شوفه وخله يستعجل لانتأخر
خالد:إنشالله
طلع خالد لغرفة تركي طق الباب ودخل...
خالد:مساء الخير
تركي:مساء النور
جى خالد بيتكلم بس وقفته عيون تركي الكئيبه...
تركي بصوت حزين هادئ:تدري إيش بودي أسوي؟؟
خالد:إيش؟؟
تركي:ماأحضر الملكه..أطلع من الرياض أسافر...أهرب أروح أي مكان المهم ما أحضر الملكه
خالد:خلاص ياتركي اضحك..إرضى بالواقع تقبل عواقب غلطتك هذا إللي كاتبه لك ربك مهما سويت ماراح تغير شي
تركي بنبره حاده:مقدر..كيف تبيني أَضحك؟؟..ليه اضحك أصلاً؟ على حياتي إللي انهدمت ولا على فراقي لأهلي ولا على البنت إللي راح أرتبط فيها...على إيش اضحك ليه إللي قاعد يصير شي هين شي اقدر أتقبله عشان أرضى فيه وأضحك
خالد:والغلطه إللي غلطها هينه..غصب عنك ترضى به لأنك إنت إللي حطيت نفسك بهالموقف
تركي:حرام عليك أنا تعبااااان تعبااااااااااان حيل ياخالد..محد يحس فيني..محد قادر يفهم إيش كثر الموقف صعب علي كيف بعيش بعيد عن اهلي بغربه مع بنت ماقد كرهة حد كثرها.. (يصارخ)..كيف بعيش قولي كيف بعيش...تقدر تعيش وإنت كاسره ظهرك مسؤوليه منت بقادر تتحملها وبغربه بروحك محد من اهلك معك
خالد مقدر يسوي شي غير إنه يضم تركي ويهديه نفسيته من جد تعبانه ميدري كيف بيخفف عليه...طاحت دموع تركي إللي حابسها طول هالفتره دموع الضعف والتعب والقهر هزمة كبرياءه وطاحت على خده...
خالد:إهدا ياخوي
سكت خالد ماعرف شيقول ولا يدري كان فيه كلمه تقدر تهديه..بعد ماهدأ تركي نزلوا لبوتركي بالصاله بعد ماناداهم....
بوتركي:يالله يااولاد تأخرنا
ركبوا مع خالد بسيارته وراحوا لبيت بوالهنوف...وصلوا وكان فيه شوي من المعازيم والساعه 8:30 مجلس الرجال والصاله انزحموا بالمعازيم...في مجلس الرجال كان الستيريو يشتغل بأعلى صوت والشباب يرقصون...تركي جالس بين عمه ابو الهنوف وابوه...معازيم داخلين طالعين يسلمون عليه...هذا الوضع كان بمجلس الرجال وفي مجلس الحريم مايفرق عنهم شي الفرق الوحيد إن الهنوف كانت فرحانه أخيراً جى اليوم إللي بيصلح غلطتها الخوف إللي كانت تحس به تلاشى بس في ثواني رجع هالشعور وأكثر من قبل بدت ترتبك حيل من سمعت هيفا تقول إن تركي بيدخل مرت قدامها صورة تركي بسرعه وإللي صار بينهم...ضاقت الدنيا بعينها وهي تناظر الباب وقفت أم تركي وعماته وهيفا عند الباب يهلهلون ويصلون على النبي قلب الهنوف تتزايد نبضاته كلما ارتفعت اصواتهم..دخل تركي وضمته أمه لصدرها وبعينها الدموع...
أم تركي وهي تهمس بإذن تركي:أحمد ربي إللي بلغني زواجك يالغالي...ألف مبروك
تركي وهو يبوس راس امه:الله يبارك فيك يايمه
سلم على عماته..ضمته اخته حيل..تركي يبيها تضحك قبل لاتنزل دموعها...
تركي:ماهقيتك تحبيني لهذي الردجه..حيلك علي ابي اتنفس
هيفا ضربته بشويش على ظهره وهي تضحك...
هيفا:أقدر اقولك مبروك
تركي انقلبت ضحكته:تدرين شكثر اكرهها

 

[الخجوله]

من جهه ثانيه الهنوف تناظره وعينها ماتتحرك من عليه حست بشعور غيرب بداخلها تركي كان بغاية الروعه والوسامه...إلتقت عينه بعينها أول مره بعد إللي صار بينهم...حست بغصه داخلها من نظراته لها كلما قربت خطواته منها حست بنظرات الكره لها...كان بارد جداً مو حاس بأي شي...سلم عليها ببرود..رسم ابتسامه شاحبه على وجهه....
الهنوف بخاطرها:حتى كلمة مبروك ماقلها..الله يعين
بعد مالبسها الشبكه طلع على طول لمجلس الرجال...دخل مجلس الرجال وراح جلس قرب ربعه....
محمد:هااا يالله قول كيف وناسه؟؟
تركي:أممممـ عادي
مشاري:إيش إللي عادي؟؟!!...طيب ماعلينا والبنات؟؟
تركي:إي بنات أنت ووجهك
محمد:إيه بعد قدامه حرمته كيف بيناظر البنات
تركي لا إرادي ناظر محمد باستغراب محد انتبه لنظراته إلا خالد...
مشاري:ياربي تركي مايلوق لك الأدب
تركي:هههههههههههههههههههه بعد شنسوي حكم القوي
أبو الهنوف:يالله حياكم العشا جاهــز...تفضلوا
قاموا المعازيم للعشا وتركي طلع للحديقه حاس بخنقه ويبي يتنفس فتح كلر ثوبه...حس لحد واقف وراه التفت وكان خالد...
خالد:وين وصلت؟؟
تركي:ولا مكان
خالد:كيف كان الوضع؟؟
تركي:مأساه مقدر أوصفه...من التقت عيني بعينها كرهت الدنيا ومافيها والله إني تمنيت الموت وقتها
خالد:كأنك تبالغ؟؟
تركي:لا طبعاً ماأبالغ تخيل نفسك متزوج بنت تكرهها..تكرهها ياخالد وفوق هذا سمعتها بالأرض وحقيره متدري كم واحد متعرفه عليه قبلك..كيف بتوثق فيها؟؟
خالد:تركي إنت قاعد تكبر الموضوع..الهنوف كانت لها سوالف على النت والتلفون بس إنت كنت أول وحد تلتقي معه
تركي:مايفرق شي كذا ولا كذا متقدر توثق بها..خالد إنت متعرف الهنوف متعرفها....(سكت وبيأس)..لو أقولك خلاص ماله داعي هالكلام الحين
سكتوا فتره طويله..تركي ظل يناظر السما وخالد يبدل نظراته بين تركي والحديقه...
خالد:طيب ماتبي تتعشا
تركي:مالي نفس
خالد:لا لازم تتعشا إنت المعرس ومابتجلس على العشا شبيقولون الناس..يالله لانتأخر أكثر عليهم
تنهد تركي ودخل مع خالد وجلسوا على العشا...عند الحريم الهنوف غيرت ملابسها وهي واقفه بغرفتها تتأكد من أغراضها كلها جاهزه دموعها تجري على خدها..دخلت أمها..
أم الهنوف:الهنوف خلصتي.......حبيبتي وراك تبكين؟؟
الهنوف وهي تمسح دموعها:لا يمه بس....تعرفين بشتاق لكم حيل
أم الهنوف:وحنا أكثر يابنتي...ما أوصيك على زوجك يالهنوف إنتوا بتعيشون بغربه مالك إلا هو.....
ظلت أم الهنوف توصي الهنوف وتكلم معاها لأول مره بحياتها...لين قطعوا الكلام هيفا وهند...
هيفا:سوري قطعنا كلامكم؟؟
ام الهنوف:لايابنتي خلصنا
هيفا:طيب يالله يالهنوف جاهزه؟؟
الهنوف ساكته تناظر غرفتها كل كبيره وصغيرها فيها..
هند:يالله يالهنوف
الهنوف:طيب
طلعت الهنوف من بيتهم مع هيفا بعد ماسلمت على امها وابوها وام تركي وضمت هند حيل وهي تبكي...أول ماطلعت مع هيفا من البيت شافت تركي إللي جالس وهو مضايق بالسياره مع خالد ينتظرونهم...ركبوا السياره...
الهنوف:الســــلام
خالد:وعليكم السلام...مبروك يالهنوف
الهنوف:الله يبارك فيك
طول الطريق للمطار والصمت دايم بالسياره لين تكلمت هيفا...
هيفا:ماأوصيك يالهنوف على تركي والله يعينك على عناده
الهنوف:إنشالله
هيفا:وإنت بعد ياتركي حط بالك على الهنوف تراها باقي صغيره لاتقسى عليها
اكتفى تركي بابتسامه بدون مايعلق حط تركي شريط راشد على اغنية الوصيه رجع راسه على الكرسي وصار بعالم ثاني مع الأغنيه..وصلوا المطار على وقت اقلاع الطياره...ضم تركي خالد وماكان بوده يبتعد عنه..
خالد:إنتبه لنفسك يالغالي وحيلك على البنت لاتنسى إنكم بغربه ومالها إلا إنت
تركي:بتوحشني حيييييل خلود
خالد:وإنت أكثر
هيفا:متى بيجي دوري؟؟
بعد تركي عن خالد وهم يضحكون..ضم هيفا..
هيفا:راح اشتاق لك حيل ياخوي
تركي:وأنا بعد إنتبهي لنفسك هيووف
هيفا:إنشالله
الساعه 1 أقلعت الطياره واستقرت بالجو..ولذا الوقت ماتكلموا مع بعض ولا كلمه

من إللي راح يبدأ بالكلام وكيف؟؟
كيف بيكملون رحلتهم وكيف بتكون ايامهم الأولى؟؟
......................


انا حطيت اكثر من 3 اجزاء ان شاء الله تعجبكم