هذا حظي ونصيبي .....

[dreamy_83]

شيخة ماتنلام الي صار لها مو شوي وانا ماني شايفة سارة مسكينة الي ياي لها خوش واحد والي بينها وبين صقر مو حب بمعنى حب .. روابي تكفين لا تطولين علينا نبي بارت يديييييييد

 

[مـ سهله ـو]

ايوااااااااه يا شيخه احسن زين تسوي بساره :>

 

[مس عسل]

والله ان صقر ريال حده عجبني ... وساره الله يعوضها خير بيوسف انشالله

 

[رفيف الورد]

أمبييييييييييييييييه شيخه ليش إقلبت 180 درجه على ساره والله حرام عليها إقطعت رزق البنت بإيدها وشكو اتحطمين قلبين يا شيووخ منو إنتي علشان تحطمين حياتهم صج أمرج غريب يا شيخه ويا بعد عمري سارونتي ربي يفرح قلبج يا حبيبتي وخلي شيخوه اتولي ولا اتعورين قلبج علشانها والله أمر أهل شيخه غريب يرفضون صقر علشان بنتهم الدلوعه شيخوه ما تبي الناس تكون مستانسه والله هالدنيا صج فيها العجب والعجايب أمثال شيخوه المليغه روحي يا شيخوه ما نبيج كرهناج من كل قلب وإنشاء الله فواز ما ياخذج علشان إتعرفين اللي يبعد الفرح عن غيره ما راح يرتاح وشيخوه صرتي بنظرنا ظالمه حييل
شيخووووووووووووووووووووووه وييييييع شيخه مليييييييييييييغه إنتي ما بين في عينج الملح والعيش خلاص ما نبيج

(( يا شايف نفسك علي قوللي على إيش وإن جان حبي يعيبك حبيتيني ليش))

 

[dr.emo]

وأخيرا خلصت قرااايه

مشكوره روعه القصه بس صقر و ساره صج يكسرون الخاااااااااطر

 

[حبي الاول]

احسن لانه الي سواه جاسم مو شوي

 

[rawabi]

البارت 22 :

شيخه كانت بالدوام هي ماصارلها فتره طويله من داومت ... تعرفت على جم بنت هناك خوش بنات من عمرها وايد زينين معاها ومرتاحين وياها ... بس اكثر شي اندمجت مع بنت اسمها لميا لانها اقرب وحده لها بالعمر مره من المرات كانت تسولف مع لميا والا يدش المكتب عليهم ريال حده زقرت ومزيون واحلى مافيه غمازاته : صباح الخير
لميا : اهلين صباح النور ... حمد الله عالسلامه
حمود : الله يسلمج شخبارج ؟
لميا : بخير الحمدالله ... متى خلصت اجازتك ؟
حمود : صارلها يومين ... بس توني مداوم ... ( لف على شيخه ) انتي الموظفه اليديده ؟
شيخه : اي
حمود : انشالله مرتاحه هني .... ترا الاداره حدها زينه صج ان فيها كراف بس ال staff حلو
شيخه : الحمدالله مرتاحه
حمود : اي ماعرفتج بنفسي معاج حمود راشد ال ... انا رئيس الاداره هني ... انتي اسمج شيخه
شيخه : اي
حمود : عالموم فرصه سعيده واذا تبين اي شي مو عارفه شي تراني حاضر اعين واعاون
شيخه : تسلم

مشى حمود طالع من المكتب ... لميا : امبي ترا هالولد مو صج ... يسلملي طوله صج رزه
شيخه : اي مشالله عليه مزيون ... بس جنه صغير على ان يكون رئيس اداره ؟
لميا : انتي ماانتبهتي حق اسمه
شيخه : حمود
لميا : اسمه حمود راشد ال ..
شيخه : يعني ؟
لميا : ابوه هو صاحب الشركه ... كل واحد من اخوانه ماسك اداره وهو خذا ادارتنا لان نفس تخصصه
شيخه : اي انا استغربت لما قال ان الرئيس توه صغير ما طق ال 30
لميا : عمره 28


ساره حيل حيل انصدمت من موقف بيت عمها منها ... ماهقت ان شيخه اللي رابيه معاها وتعدها اختها بتوقف بزواجها من صقر .... ساره كانت نازله تحت تسوي لها شي تاكله .... ام جاسم كانت بالصاله : ساره
ساره : هلا يما
ام جاسم : تعالي ابيج ... سمعي ابوج سال عن الولد والكل يمدح فيه وباخلاقه ومشالله عايلته ماعليها زود ... ابوج موافق وقالي اشاورج ... انت شرايج اقولهم اييون تشوفينه ويشوفج ؟
ساره : شايفني وشايفته
ام جاسم : اي بس لازم امه تيي... ودامج شايفته شرايج فيه ؟
ساره : امممم عادي
ام جاسم : شنو عادي ؟
ساره : تختوخه بس حلو
ام جاسم : ويهد انا شكو حلو او مو حلو ... قصدي عاجبج ؟
ساره : مادري مااعرفه عشان يعجبني
ام جاسم : اهم شي انج مو رافضه المبدا خلاص بحدد مع امه يوم هالاسبوع تيي فيه
ساره : بس انا عندي شرط
ام جاسم : شنو ؟
ساره : مابي يصير شي رسمي ابي اعرفه بالاول تالي تصير خطبة الرياييل
ام جاسم : مايصير جذي ... خل تصير خطبة الرياييل ومانعلم الا القراب و تالي كثر ماتبين تعرفينه عرفيه
ساره : يما مو عقب خطبة الرياييل تقولين ماتكلمينه الا بالملجه ... انا مابي اتزوج عمياني ... بالاول خل اشوف ارتاح له يرتاح لي تالي نملج
ام جاسم : خلاص ادق على امه اقولها

ساره صج انها صغيره بس تجربة شيخه وجاسم حيل كبرتها ... خافت تاخذ واحد تتبهذل معاه او يتعبها ... ودام مالها نصيب مع صقر قالت تنساه وايد احسن ... هي بالاساس ماحبت صقر الا لما درت ان يحبها ودام ان حبه ماطلع قوي ومع اول مشكله ضعف هم هي بتنساه ... هذا كان تفكير ساره كانت تبي تقوي نفسها بنفسها على قولة شيخه الحب مافاد احد بالعكس الحب تعب اصحابه اكثر من ما ريحهم .

جاسم لما درا ان اخته بتتزوج طار من الفرحه .. على طول راح لها دارها : سوير صج بتتزوجين ؟
ساره : ماني متزوجه الحين ... بس خطبه
جاسم : يعني بتتزوجين ؟
ساره : خطبه
جاسم : خطبه يعني زواج
ساره (فقدت الامل ): اي بتزوج
جاسم ( راح جاسم لها وحييييل لمها )... ساره : انت شفيك ... اثقل تراك ريال
جاسم : غصب عنج ريال يا بقره ... بس مو مصدق
ساره : وليش ماتصدق ؟ شناقصني ...؟
جاسم : مو قصدي بس كله حاط ببالي انج بيبيتنا
ساره : لاتحاتي بظل بيبي على طول
جاسم : الله يتمم عليج .... والله سوير ماتدرين شكثر مستانس .... تدرين من زمان مااستانست من قلبي .... قومي لبسي بطلعج
ساره (مستغربه .. جاسم ولا مره طلعها ) : وين ؟
جاسم : اي مكان تبينه ؟
ساره : وناسه عيل كل يوم بنخطب
جاسم : انجعمي انشالله الله يوفقج ويا يوسف حده حده محترم
ساره : تعرفه ؟
جاسم : لا بس من نسال عنه الكل يمدحه مشالله صيته واصل كل مكان
ساره : ماقلتلي ... وين بتوديني؟
جاسم : قلت كيفج
ساره : افنيوز
جاسم : يرحم والديج غيري ... ترا والله الديره فيها مجمعات غيره
ساره : مو انت قلت كيفج ... انا ابي افنيوز
جاسم : شكلج عاشقتلج سكيورتي هناك اللي كله مطيحه هناك
ساره : شدراك ... امبي طحت علي

جاسم وساره راحو الافنيوز طلعتهم كانت حيييل حلوه واستناسوا فيها عقب العشا راحوا كافيه يحلون ............... جاسم : ساره بقولج شي بس ابيه بيني وبينج
ساره : ماعندي سلف
جاسم : من شاف ويهك شاف السلف ... اتكلم جد
ساره : الله يستر
جاسم : شدعوه الله يستر
ساره : مادري بس انا عندي قناعه ان كل جاسم وراه مصيبه
جاسم : ايا البقره .. صج مو كفو اني اطلعج
ساره : اتغشمر معاك ... يلا قول
جاسم : سوير ... انا في بنت حدها عاجبتني وداشه خاطري معاي بالدوام
ساره : انزين
جاسم : ابي اخطبها
ساره : من صجك ؟
جاسم : اي ... ليش ؟
ساره : توك مطلق ماصارلك سنه ... اي سنه ماصار لك 6 اشهر
جاسم : بلى هالاسبوع نكمل 6 اشهر
ساره : ياحليلك حاسب .... بس هم مو عدله تخطب وانت توك مطلق لا ومطلق بنت عمك ... بيت عمي بياخذون بخاطرهم
جاسم : مايفرق تمر سنه او لا ... انا بكل الاحوال طلقت بنتهم شيفرق فيه تزوجت او لا
ساره : انا اقول انطر لينا تمر سنه
جاسم : واذا البنت انخطبت
ساره : اذا هي نصيبك بتاخذها

جاسم وساره كانوا قاعدين ب كاريبو ... جاسم لمح زوول بنت يعرفه عدل بس كانت بعيده ... قربت شوي والا هي ريم .... ريم لما شافت جاسم مع ساره تصلبت بمكانها هي تدري ان جاسم عنده اخت بس ماتعرف شكلها لما شافته على بالها ان ساره زوجته اليديده ... جاسم فهم ريم شتفكر فيه من نظراتها على طول لف على ساره : اشوه انج اليوم كاشخه مو مهتمله مثل كل مره
ساره : انا مهتمله ... متى تهتملت يالظالم ؟ بعدين لازم اكشخ اخاف اصادف يوسف والا احد من اهله شقولون عني
جاسم : الله يعافي يوسف اللي خلاج تكشخين .... يلا فزي بسرعه
ساره : ماخلصت
جاسم : خليه اللي بيدج وقومي لاتلوعين جبدي
ساره قامت والا جاسم يخمط ايدها يمسكها ... ساره : شنو بضيع ؟
جاسم : شرايج تنجعمين وتمشين وانتي مستانسه حييييل ... ابي الناس تقول شفيها هذي مو مصدقه انها طالعه
ساره : مابي
جاسم : اوديج سينما
ساره : قول والله
جاسم : والله
ساره : بس باجر وراك دوام
جاسم : مالج شغل يلا سوي نفسج مستانسه
ساره : ليش اسوي نفسي انا اصلا مستانسه
ريم ماتت حره بمكانها .... واللي حرها اكثر انها حست ان جاسم كلش ماضيع وقته فل منها على طول لقى غيرها .... وهي ريلها طلقها وماتشوف عيالها الا من وين لوين وبطلعة الروح...

بيت بوخالد عالغدا الكل قاعد
بوخالد : صقر دق على اخوك خالد بلغ ان خطبة ساره باجر وقوله بعد صلاة العشا يروح بيت عمك بو جاسم ... وانت بعد مو تخلي
صقر (منصدم ماهقى ان بسرعه جذي الخطبه تصير ... وكان عنده امل ان ساره ترفض )
ابو خالد : اكلم منو
صقر : انشالله ابلغه

صقر قام من غير مايكمل غداه ... راح داره كان ميت يبي يكلم ساره او يشوفها بس كلش مو سنعه ولا حلوه بحقه وحقها ... دز لها مسج : مبروك الله يتمم عليج ويسعدج
وصل حق ساره المسج من غير ماتقراه امسحته ... نطر صقر رد ساره لو بس تقول الله يبارك فيك ... بس كلش ماوصله اي رد ... وقتها حس صج ان ساره صارت لغيره ...

يوسف كان طاير من الفرحه هو من زمان وده يخطب ويتزوج بس ماكان لاقي بنت
الحلا ل ... يوسف راح حق فواز الجناح ... يوسف : شلونك ؟
فواز : بخير ... انت شلونك ؟
يوسف ( يغني ) : طاير من الفرحه طاير وقلبي على نار ناطر
فواز : شعندك طربان ؟.
يوسف : باجر خطبتي
فواز : الله يتمم عليك
يوسف : انشالله .... اقولك ترا بتيي معاي الخطبه باجر
فواز : شكو ارز ويهي
يوسف : شنو ترز ويهك ... انت اخوي في واحد يروح يخطب ماياخذ اخوه معاه
فواز : لايسوف مادري اخاف يتضايقون اهلها
يوسف : شكو؟
فواز : مادري لاني كنت خاطب بنت عمها بالاول ... بعدين مادري احس مو حلوه
يوسف : هم يدرون انك رفيجي ... وماني رايح الا وانت معاي مو بكيفك غصب
... بعدين خلاص السالفه قديمه واالكل نسى
طلع يوسف من عند فواز يكمل شغله بس فواز ماقدر يكمل الشغل اللي عنده : انا ليش مااخطب شيخه ؟

 

[dr.emo]

كلولوووووووووووووووووووووش ألف مبروكـ يسوووف
واي شكثر فرحت له أحسه طيب :eh_s(9)::eh_s(9)::eh_s(9):

 

[dr.emo]

بليييز كمليها اليوووووووم

 

[3rbawia 7lwa]

نبي بارت بعد تكفى

 

[UNiQe^PRiNceSs]

el.fal 7g fwaz o0 shi5aaa
waiting la t6wleeen
10x

 

[غمـــ ^^ ـــازه]

كملي كملي حبي لا تطولين

 

[حرووف الشووق]

والله مادري ابارك لساره ع الزواج ولا اقول حرااام تخسر صقر وتخليه حرااام هي تحبه وهو يحبها ليش يخسرون بعض على العموم انشاءالله فواز يخطب شيخه ويتزوجون وتنسى الي صار لها مع جسووم
وانشاءالله جنه تنخطب وماتاخذ جسووم وجسوم يقعد فتره من غيير زوااج ويندم على شيوووخ وتالي يتزوج

 

[danooh]

​

• hi rawabii
  
• etha fi wa7da ra7 yngalha mtab3aa b.9amt f.ehyaa anaaaaaa
  
• 9ij knt mtab3a 7adi w el.89a 7adhaa 3ajibaa 9j tslam edch bas 9j ma gdart a9ber w ma atkalam sajalt bl.muntada 3shanhaaaaaaaa :dddds:
  
• yallah na6riin ebda3ch ya mbad3aaa
  
• w abi as2lch cham part bagi 3l.nihaya

 

[AngelGirl]

وااايد حلوة القصة يعطيج العافية بس البارت الاخير قصييييير

 

[rose red]

يارب فواااز يخطب شيخة و توافق عليه مع أني حاسة أن هذا راشد مادري حمود رئس الإدارة له موقع من الإعراب الأحدااث تبيين بس ودنى بارتين باليوم بلييز

 

[[لين]]

مبروك خطببببببتهم ... احس لايقين على بعض اكثر من صقررر

و زين سوت مسحت المسج وما ردت عليه قوية والله



​

 

[dreamy_83]

Time Out!!!!!!
في شي ناقص.. فواز اشلون عرف انه شيخة تطلقت؟؟

 

[مـ سهله ـو]

صقر الله يعوضه بلميا هههههههههههههههههههه

وشيخه اتوقع لرئيسها مو حق فواز

 

[dr.emo]

Time Out!!!!!!
في شي ناقص.. فواز اشلون عرف انه شيخة تطلقت؟؟

مو إهوا يعتبر واحد من الأهل أكيد فيصل قاله

لأنها قالت إن الخبر إنتشر بسرعه بين العايله





بللللللللللللللللللللليييييييييييييييييييييييييييز حاول تحطين وايد بالويك إند قبل لاتبدي الإمتحانات :eh_s(14)::eh_s(14):