هديتي لكم :)...تفسير الاحلام.

[سكادا بلو]

قوووه ام وليييد شلووونج ...

بصرااااحه حلمي يخرررررع حلمت فيه الخميس


انا حلمانه اني بصالة بيتنا كنت قاعده اكل لحم يديني بطريقة النهش وبقوووه اشد على يديني واكل منها بس بدووووون لا يطلع دم


حتى لما قعدت صج من النوووم كانت يديني تعووورني كان احد جاي وضاربني ...

 

[قواقع الجليد]

السلام عليكم
شلونج ام وليد
حلمت ليله الجمعه "اني رايحه انا وامي حق بيت خوالي بس البيت على وضعه القديم قبل لا يرممونه وكان الحوش اظلم والباب مصكر وانا اقول بقلبي ياربي دايما هالغرفه ظلمه بس يوم فتحت الباب لقيتها مو ظلمه ولقيت جدي منسدح وخالاتي كلهم متجمعين وانا امشي بسلم الاتحتي ترجيع "تقيئ"واشوف خالتي قاعده على صوب وهاديه ومالها خلق وبنتها جنبها تبجي "بنتها صغيره 4سنين "وكانت ترجع ومرجعه باماكن متفرقه من الصاله وجنبها خالة امي وكانت اطالعني وجنها مو عارفتني وعقب عرفتني بس كانت عيونها اتخرع حسيت انها فيها شي وسلمنا انا وامي وقعدنا وعقب خالتي وخالة امي قعدو جنب بعض وقامو يطالعوني وكانت نظرتهم حييل غريبه حتى حسيت انه فيهم جن لان النظره حااده وعيونهم كبيره واتخرع قمت قلت بطلع برى يوم طلعت لي الشارع الا عند بيت خوالي قفص كبير داخله اسود يمكن 3او4 وكانوبعضهم لبوات يعني حرمة الاسد بس الغالب الاسود الكبيره اللي حول وجههم شعر ويوم طالعت للبيت المقابل بيت خوالي هم فيه نفس القفص ونفس الاسود(للعلم البيت المقابل هو بيت جدتي الكبيره يعني اهل جدي واخوانه) اماجيرانهم اللي بالطوفه عندهم خرفان واجد وكان معاهم الراعي رحت زاحمت الخرفان عشان بطلع من الطريق الثاني عالشارع ولا لقى الطريق مصكر فيه حدايد مفتوحه طلعت من بين الحواجزوكنت ازاحم الخرفان وكان بعد نفس الحاجز بعد مسافه هم طلعت منه بس لقيت وحده واقفه وكانها مراقبه او شرطيه خفت منها ورجعت من الطريق اللي جيت منه لقيتها واقفه وجت فتشتني معاها جهاز تفتيش وعقب راحت يوم رجعت البيت لقيت الاسود طالعه من القفص وخفت منهم لانه اللبوه الحقتني بس انحشت ودخلت البيت..

انا طالبه عمري 20 غير متزوجه جدي عايش

اول مره اتحلم باسوود وحيل خايفه كان الحلم غريب شوي بالنسبه لي واسفه عالاطاله

 

[عاليه ومتعاليه]

السلام عليكم ام وليد انا متزوجه وعندي ولدين
حلمت اني رايحه مع امي وابوي واخواتي للسوق بنفس منطقتنا وكانت امي تدور على كريم لونه اخضر وكل ماشافته عند محل قالت انه حار مع انه يكون بالثلاجه لين مالقت محل يبيعه وشرت واحد جان نطلع من المحل ولا تروح وتشتري واحد ثاني وانا بنص الحلم اسال عن ولدي الكبير اقول لامي وينه انا نسيته بالسياره فحنيت عليها توديني السياره وانا خايفه على ولدي جان تجي اختي الصغيره مع امي وابوي يقولون لي ولدي مات وادفنوه واول شي مابجيت قمت اقول بالحلم يارب انا مؤمنه واصيح بهالكلمه ..ولما قعدت قمت ابجي على ولدي حيييل .. واقول الحمدلله انه حلم ..

ثاني حلم : حلمت ان خدامة بيت حمولتي مسويه غدا جان كل حمواني وحمواتي يجون يتغدون عندنا يتني الخدامه قالت لي ان الغدا بس سمكه كبييره وحده وانا قلت يوووه شويه تعالي معاي ورحت بعطيها سمكه جان اغسلها لها بسرعه بس الغريب ان السمكه كانت نظيييييفه حيل وناعمه وانا ارد وااغسل فيها

اتمنى اذا الحلم مو زين ماتفسرينه وماقصرتي يالغاليه انطرج اليووووم على احر من الجمررررررر

 

[ريوم_الحلوه]

مرحبا

انا حلمت باني معزومه انا وامي وابوي وخواتي في بيت عمي وبالحلم ان انا كنت اتغدا بصاله ثانيه يعني بعيد عن صالتهم اللي يتغدون فيها وجتني امي قعدت عندي وانا اتغدا جان اقولها يمه ليش مارحتي تتغدين تقولي ماكو مكان زحمه قلت شنو الحين يعزمونج ويقعدون اهم ياكلون وانتي مالج مكاان وانا اعصب بالحلم كان الغدا ذبيحه "مجبوس لحم" وبعدين عقبها حلمت اني راكبه سياره انا واخوي وعمتي وجدامنا سياره ثانيه كانو راكبين فيها امي وخواتي وابوي .ويعطيج العاافيه انا طالبه مو متزوجه عمري 22

 

[ريوم_الحلوه]

نسيت لااقولج مرت عمي ماتحب امي ولا امي تحبها بس نزور بعض ونوجبهم "يعني نجاملهم"

 

[كويتية 1990]

السلام عليكم ورحمة الله وبركاته ..

عمري 19 مو متزوجة طالبة وانا مريضة صارلي 3 اسابيع

هالحلم حلمته بعد مابديت علاجي بيومين
الحلم الاول : انا حلمانة اني ياهل عمري 8 سنين وضعيفة ولابسة بنطرون جنز فاتح وجافسته لي نص فخوذي وكانوا فخوذي ابيض من الصج بشوي وكنت مستغربة ليش مطلعه فخوذي .. كنت بمكة بالحرم ضايعه بمكان مكتوب عليه "الجناح الغربي" وانا ابي بوابة الجناح الشرقي لاني حاطة فبالي انها المخرج الي يوديني الكويت وادور احد اسئله بس الكل لاهي يبون يلحقون عالصلاة وكان في ريال صعيدي كان بيحقرني عشان يصلي بعدين غير رايه وقالي تعالي انا ادليج وأشرلي على باب وقالي دشي منه بس انا خفت من الريال لان جهة الباب كانت غرب مو شرق جان اعصيه واقوله جذاب جان يقولي انا مابي اسوي فيج شي بس هذا درس عشان ماتثقين بالغريب .. انا خفت منه جان انحاش وانخش عند ريال شرطي يتسوق مع عياله بالحرم ولمن اختفى هالشخص كملت طريجي عشان اوصل الجناح الشرقي .

وهذ الحلم اليوم " الخارجية اهيا المكان الي اتمنى اشتغل فيه "
الحلم الثاني : انا كنت رايحة وزارة الخارجية وكنت اسوق دبابة أثرية وصغيرة لونها نحاسي محومر مالتي وعند بوابة الخارجية ماكانوا بيدخلوني بسبة الدبابة بعدين وافقوا وعقب مادشيت وخلصت شغلي ماخلوني اخذ الدبابة حجزوها عشانها " دباابة" وقعدت اتناقش فيهم مو راضيين وحيل احتريت قتلهم نادولي مسؤولكم وياني قعدت اخذ واعطي معاه بالكلام عشان اقنعه وخنقتني العبرة من الحرة " لمن صحيت لقيت نفسي باجية " واخر شي قدرت اطلع واخذ دبابتي معاي وكنت فرحانة .




الحلم الثالث : رفيجتي كانت مزهبة بالبيت اكثر من بدلة ونقت منهم نفنوف ابيض قصير وفوقه جاكيت حفر اسود لبسته وراحت معاي السوق لاني كنت ابي ادور نفنوف طويل وهناك انا شفت نفنوف ابيض طويل كوكتيل عجبني قتلها هذا الي ابيه حطيته على جسمي وقعدت اطالع نفسي بالمنظرة بس كنا مستعيلين حيل فرديته مكانه ومشيت .

 

[وردة الحديقه]

انا حلمي الاول بسيط تحلمت انى انا اشتغل جتني الناظره ومعها قرأن اثنين عطتني واحد شنو تفسيره ؟؟؟؟


وحلم الثاني: رفيجتي املجه شفتها بيتنا رحت سلمت عليها المهم جان تعطيني خاتم ذهب ؟؟


وحلمي الثالث : رفيجتي مرتني بسياره اسمها ساره هي مو معاي بدوام اسألها متى عرسج وهي توها املجه بالصج المهم فجاه انا نفسي بدوام جان القى حريم واجد بدوام جان اسلم على بنات الدوام وكلما اسلم على
وحده يجيني بلغم واروح واتفل وارد اروح اسلم ونفس الشي يجيني بلغم المهم جان القى رفيجتي الثانيه الي معاي بدوام فاله شعرها وترقص واطالعها اقول ماشاءالله وفجأه انقطع خخخخخ حلم داش على بعض ادري بس هم غريب :dddds:


انا عمري 24 موظفه ومومتزوجه

 

[تعويذه الحب]

السلام عليكم

حبيبتي حلمت ان حمامنا كله دوم وانا بس قاعده واصرخ من الخوف والدود كبير ولونه ابيض وطافح عزج الله بالمرحاض بعدين يه حماي العود وقام يذبح الدود ويرش عليه فليت وكل ما ماتوا طلع بدالهم
انا متزوجه وعندي عيال عمري 30

الحلم الثاني ان خالتي ام زوجي قاعده تحفر قبر ولما حفرت القبر وخلصت راحت نامت وحطت تحت راسهااااااااا لومي اسود مطحون

 

[dam3t7zn]

مرحبا اختي

عندي حلمين ياريت اذا ماعليج امر يالغالية تفسرينهم لي واكون شاكرة وممنونة لج
انا بنت عمري 20 سنة مو متزوجة وقاعدى اكمل دراستي


الحلم الاول
رفيجتي بالدوام احلمت فيني انا واختها واهي كنا نشتري احذية كثيرة وتقول بالحلم انتي اكثر وحدة كنت تشترين احذية ومعاج واحد اهو اللي كان يشتريلج ..تقول قلت بالحلم حق اختي شوفي دمعت حزن شكثر زوجها يحبها اشترا لها احذية كثيرة وتقول اخر شيء عجبنا انا وياج حذاء واحد


الحلم الثاني

تحلم جن اهلي غصبيني على الزواج من شخص كبير بالسن
وانا ابجي بالحلم وشكلي كان مبهذل وايد ..بس اهم كان الشخص عاجبهم
وامي تقولي بس ناخذ اللي نبية منة بعدين نطلقج منة
وانا كنت متضايقة حيل وابجي واقولهم ماابية مااتزوج


ناطرة ردج حبيبتي

ومشكورة

 

[dam3t7zn]

الله يشافي بنتج ويعافيها يارب

ويقومها بالسلاامة

 

[(كويتيه عسل)]

مشكوووووره حبيبتي

 

[DLOOOO3a]

قوه ام وليد انا حلمي موجود كتبته من الاسبوع اللي طاف و ياليت اتفسريلي اياه

و حلمي الثاني اني كنت قاعده بالصاله اللي بالطابق الثاني و حاطه المصحف ع ثاني درجه و كنت قاعده العب ما ادري شنو !

و جدامي طاوله خشب و شفت الخادمه و قتلها لا اتدوسين المصحف و قالت انزين و ما رفعت عيني بشوف المصحف الا اشوف الخادمه

حاطه رجلها ع المصحف و تدفعه لوراه استغفر الله و طبعا انا صرخت عليها و زفيتها و اهيا ما عجبها المهم بعدين طلعت اهيا و خادمة

اختي و اختي الثانيه وحده كانت ماسكه سكين و الثانيه اظافرها طويله تخرع و الثالثه ما ادري شنو المهم و قعدوا يهاجموني انا و اختي

الصغيره و قعدنا نركض ونسكر باب الممر و بنقفله من الخرعه صرت بطيئه و فتحوا الباب و انا انحشت و مسكوا اختي الصغيره

و حطوا الاظافر بجسمها و قعدت تصرخ و قمت من النوم مصرقعه !! و خايفه

و اتمنى يكون التفسير ع الخاص

و انشاء الله خير و يسلمو

 

[ذوQ8yAوق]

السلام عليكم شلونج ام وليد شخبارج الله يعطيج العافيه ان شاءالله

انا بنت عمري 24 مو متزوجه ومخلصه دراستي وناطره الوظيفه

ام وليد اليوم تحلمت حلم كان احنا مجتمعين في صالة خالتي ورقصت مصري وبنات عمي موجودين وبعدها قعدت اسولف معاهم (دايما احلم احلام تشابه هالحلم يعني نكون مجتمعين ولازم بنات عمي يكونون مو جودين مع ان مانتواصل دايما احنا معاهم بس بالمناسبات) ولما خلصت سوالف التفت على بنت خالتي الي كبري والا ماسكه بيبي واروحلها واطالع والا بنيه بعمر الشهر او شهرين صغيره واقعد ابوسها والعب معاها وكانت تهبل يوم طالعت رجولها والا رجلها اليمين لها اصابع شكثر غير الطبيعيه وتخرعت وقالتلي بنت خالتي عادي كل اهل ابوها جذي وراثه يعني وبعدها قالو ان في رجال بيدش وتطشرنا كلنا بالغرف ورحت انا وبنت خالتي الكبيره اللي مو متزوجه حق غرفتها ومعانا مرت اخوي وقعدنا نسولف ونضحك ولما ضحكت مرت اخوي والا ضروسها واحد نابت تحت الثاني بشكل غريب والصوب الثاني جنها ثرمه

معلومات: بنت خالتي اللي ماسكه البيبي حامل بالشهر الرابع اعتقد



الحلم الثاني

قبل العيد باخر رمضان يعني دقت علي بنت خالتي وقالتلي انها متحلمه فيني هالحلم

كنت لابسه وكاشخه وحاطه مكياج والا تدش علينا هي والا تقول شالسالفه قالولها اني ملجت وكان معاي قاعد ولد اخوي عمره 21 اسمه عبدالله قالولها عبداللله بعد ملج وبس


الحلم الثالث بعدالحلم الثاني بيوم

جتني امي مستانسه وتكول تحلمت حلم حلو

تحلمت ان الملك عبدالله ملك السعوديه جاينا البيت واتقول انا وابوج قاعدين وانا فرحت فيه وقعدت اباشره واقهويه


والله يعطيج العافيه بام وليد وعسى الله يشافي بنت عاجلا غير اجلا اللهم امين​

 

[كويتيه وربي الله]

السلام عليكم

حبوبه انا زوجي حلم حلم وانا متضايقه منه ومشغول بالى بالحلم من قاله لى زوجي


حلم زوجي ان قاعد يشوف بيتين تقريبا اشكالهم تشبه الكوخ يعني مثل بيوت الارياف مدخنه وشبابيك والبيوت اصلا من خشب ولونهم اسود هالبيتيين يحترقون وهو قاعد يطالعهم ويبجي بحرقه يقول من كثر ما بجيت بالحلم صحيت وقلبي يعورني وصارله يومين يشكي من قلبه



مع العلم عندنا ولدين وبنت


وجزاج الله خير

 

[بعيون مغليك]

تحلمت مره اني نازله السرداب ويوم نزلت الا احس نفس المصنع ببيتنا
المهم تحلمت ان امي ماتت ( والله يطول بعمرها هي عايشه وانا دايما مشاكل وياها واحاول ابرها بس ما اعرف اوصل للي هي تبيه )يعني اجاهد فيها بس دايما يصير العكس

المهم جيتها وهي للحين ما بين الحيا والموت او انها متوفيه وتكلمني اقولها يمه ارضي عني يمه سامحيني وجنها ما ردت علي وقالت ما اسامحج وانا اصايح عليها سامحيني شوفي الا اشوفها قايمه من التابوت على ما اعتقد ولابسه لبس عروووس ومستانسه ؟!!

للعلم شفتها كانها صورتها بالصج ايام عرسها نفس شكلها وبالحلم شفت صورتها ونفخ فيها الروح يعني الصورة صارت صج !!

هذا الي اذكره


---------

قبل لا انام كنت ادعي ربي يرزقني بالزوج الصالح وكنت اقول اللهم اغنني بحلالك عن حرام

وكنت شايفه فلم وثائقي عن الصين وان الامبراطوره تشرب حليب بشري !!

بالحلم تحلمت اني حاطه جهاز على صدري ويسحب مني حليب ابيض نقي صافي وانا احس في الحليب يطلع مني وبعدها وخرت الجهاز الا اشوف على الحلمه نقطه دم صغيره

---------
وهل الدم بالاحلام يفسد الحلم يعني ما يتحقق !!!

وهل حلمي الثاني اضغات احلام !!


----------

وهل الحلم بالجنون ( الجني ) بكثره حتى بعد الصلاة والاذكار وفي رمضان يعني سحر !!!

---------


حبيبتي فيه مره حلمت حلم بعد تذكرته انه فيه شباب اعرفهم من اهلنا يقولون طلعوا الحلوات بره نبي نشوفهم قصدهم انا واظن اختي بعد ! للعلم هم مو محارمنا يعني اعيال خالي

وانا اطلع واضحك


بس شفت وحده جتني تقولي اختج ما تتزوج لان فيها عين !!

وقمت بالحلم اذكر اني مسكت اختي وكنت اقرا ايه الكرسي عليها وقطعتها ما كملتها وقلت حسبي الله لا اله الا هو عليه توكلت وهو رب العرش العظيم


للعلم اختي هذي حلوه جدا وتزوجت وبسرعه تطلقت وجاها خطيبين من بعدها لكن رفضتهم

هل صج ممكن عين !!!

شكرااا جزيلا

 

[life1]

مشكوره على الموضوع

 

[مرام سيتي]

السلام عليكم ورحمه الله
هذا حلم امي طبعا مع العلم ان امي الزوجه الاولى وابي متزوج من حرمتين وعنده عيال وبنات من كلا الطرفين
الحلم هو (حلمت امي ان معها عصا وتحرث بها التراب وتحركه يمين وشمال ويطلع كيس اسود صغير وتقول امي بالحلم سحر وكأ نها يتنادي خالتها (خالت امي كبرها ) ابيها تساعدني ولا ينفك من حاله الكيس الاسود وتشوف شي زي اللولومو ذاكره بضبط اللي طلع من الكيس الحلم من مده تقريبا شهرين )

ارجو الرد يام وليد

 

[^^عاشقة النوتيلا^^]

السلام عليكم يعطيج العافيه ام وليد حبيت تفسرين احلام حق وحده ممكن


الحلم الاول: ان ياين ناس يخطبون اختها و المره اسمها ام فهد .

الحلم الثاني : ان هم ناس ياين يخطبون اختها و كان في حلويات و قهوه و معجنات و اخوها يقولها خوش فطائر حق صاحبه الحلم و ان بغو يطلعون يروحون و تذكر ان في احد بي يخطب اختها و رياييل ياين البيت

الحلم الثالث: ان تحلم ان نست ان عليها امتحان و تقعد تبجي وولمن راحت الامتحان عباره عن طبخ المهم خلصت امتحاناتها استانست و وزعت شي

وفي حلم بعد عن واحد حلمان ان كان مثل بمزرعه او حديقة و كان في رطب و تمر وايد و كان يوزعه على زوجته و بنته شنو معناته؟؟؟
و اشكرج واااااااااااايد

 

[بنت ابوها..]

السلام عليكم......
ام وليد ياقلبي انا حاطه حلمي من الاسبوع اللي فات بس ما فسرتيه؟؟؟؟
عسى المانع خير؟؟؟

 

[H.Heavn]

السلام عليكم ام وليد ويعطيج العافية
ان شاء الله البنوتة بخير الحين؟
حبيبتي حطيت لج حلمين لي السبت اللي طاف بس مامداج تفسرينهم لي وهذيلي اهم واتمنى انج تفسرينهم ماعليج امر

السلام عليكم ام وليد ويعطيج العافية

حلمت يا طويلة العمر بلولو (بثلاث لولوات) الاولى كانت عندي بس ما شفتها الثانية شفت نفسي غايصة بالبحر ومسكت محارة بطلتها واطلعت لولوة ثانية وكان ببالي انها الدانة بس شكلها كان عادي جان اقول بنفسي يالله بقت بس وحدة بس حسيت اني بغرق وقمت من النوم بس ما مسكتها

عندي حلم ثاني اتمنى انج تفهمين عليه لاني مااقدر اقول تفاصيله لاني استحي! حلمت بواحد كان قاعد يتحرش فيني.... حتى كنت اقول لنفسي بالحلم هذا شلون جذي وبعدين مو هذا اللي ابيه اللي ابيه واحد ثاني (بدعة بصراحة!!!) بس تقبلته وقلت ماعليه يعني فكرت بان هذ الله عطاني اياه الله شنسوي وشكله كان ابيضاني وشوي ملتحي واقرع يحليله!

ويعطيج العافية واسفة عالازعاج وللعلم انا مو متزوجة وموظفة