هديتي لكم :)...تفسير الاحلام.

[AbRo0oH Q8]

الله يشافي بنتج ...

 

[تختوخهQ8]

صاااااااار يوم الســـبــــــــــــــت
اول شي عسى الله يشافي بنتج يارب ..
وثاني شي عندي اكثر من حلم اتمنى تفسرينهم لي ..
1-حلمانه انه كنت واقفه مع ابوي وامشبكه ايدي من ورا ضهري ياني وراي ولد عمي مسك ايدي وانا امشبكتها وضل ماسكها مشينا اشوي وبعدين هدها..!! خليته رحت دشيت بيت يديد جنه ابوي كان شاريه وكان البيت كله متاهات ادش غرفه واطلع من غرفه بس ماكان فيه بيبان وكله سراير يم بعض قاعده اتحلطم انه ليش مافي بيبان وكله مع بعض ماكو خصوصيه وحيل اعجبتني غرفه كانت كلها ابيض بابيض !!
2- حلمانه انه واحد كان قاعد يسبحني..!!
3- حلمانه اني كنت منسدحه على جنبي اليسار وواحد قاعد جدامي يخزني بعدين جنه طقني طقه خفيفه على بطني وريلي على غشمره .. وبعدين دشو ناس جان يقوم ويغطيني بلحاف..
3-اهني حلمانه اني كنت ابصف جنه مختبر علوم جان يلحقني ارنب وحدي كنت خايفه وسويت لويه وازعاج .. بعدين راح والابله عصبت قاعده تتحلطم عالبنات انه اكو احد يخاف من ارنب..؟؟ كنت ساكته بعدين قمت زفيتها ..! مع العلم اني بالجامعه مو مدرسه ومو متزوجه..


وللاحلام بقيه ... يسلموو وبانتظارج

 

[زينة الشرق]

مشكورة

 

[جنى q8]

جزاج الله خير ام وليد حبيبتي ممكن تفسرين حلمي

1- ((حلمت اني طلعت بالحووش وطق مطر فجأه ومو وقت مطر اساسا وقعدت اغسل ويهي بالمطر ومستانسه ودخل ابوي معاه اعيال اخوي من الباب وواحد منهم يه سلم علي وقالي عمتي ريحتج حلوه شنو حاطه ))

2- وحلمت قبل جم يوم ان شعري كان طويل ليآخر ظهري بالحلم وووايد حلو حتى لونه كان حلو وكنت لابسه عبايه . وبس

وشاكره لج جزيل الشكر حبيبتي

الحاله : غير متزوجه
وغير موظفه

ومشكوووووووووووره يالحبيبه

 

[وهج الحب]

السلام:
الحين الساعة 1 الصبح يعني دخل يوم السبت ...
وحلمي هو اني حلمت باولاد اختي الاثنين ..كأني ماخذتهم لمحل لبيع الدي دي الخاص بالالعاب ..بس هو شكلة بقالة مش محل دفي دي ...واني قلت لهم يالله نطلع ..وهم عمرهم 5 سنوات والثاني 8 سنوات بس هم تأخروا انا حركت السيارة ومشيت عنهم مثل التهديد بس رحت بعيد وايد عنهم وقلت بارجع لهم وخاصة اني تذكرت انهم ليس عندهم موبايل ..وكاني نزلت من السيارة وفتحت التاير وكان كبير مثل تاير الشاحنات .. ورجعت لهم ولكن ليس بالسيارة ولكن بأن ادحرج هذا التاير امامي ...وعندما رجعت وجدت ابن اخي ابن 8 جالسا خلف الكرسي ولكن كرسي بيتي والصغير نائم على فرش مرتفع وكأن صاحب المحل الهندي يعاتبني بنظراته ..وقال لي الكبير لماذا تركتينا لقد بكى عبد العزيز الى ان نام ..
وانا كثيرا احلم بأبن اخي الذي عمره 5 سنوات انه يضيع بالاسواق اكثر من مرة يتكررهذا الحلم ..اقصد انه يضيع بسوق ..
وشكرا:
بياناتي :
متزوجة ..

 

[miss thrba]

اختي ام وليد ما عليج امر تفسيرين لي احلامي ..

والاسبوع اللي طاف كنت كله اتفزز واكون مخترعه .. انا مو متزوجه وعمري 22

الحلم الاول ..

كانا كنا في جمعه وكنت اضحك ومستانسه وقمت اغسل ايدي صوب المغاسل وفي احد كان يمي يغسل بس ما اذكر منو وانا اغسسل جان احس بحررقه بيدي طالعتها ولا واحد من اصابعي مو الخط اللي فوق اللي تحته كانه مشقوق ومخييط !!!وبالتحديد اطول اصبع ما اعرف شسمه



الحلم الثآني ..

تعرفين الصراويل الداخلية النص اللي تكون نص الفخذ وفيها دانتيل من تحت شوي !

حلمانه انه عندي منهم 10 او 11 لونهم ابيض وغلستهم ونششرتهم وماادري منو بالحلم قالي شرايج تبيعينهم !
قلت اي ليش ما ابيعهم وحسيت بوناسه من هالفكره وفجاه كأنا بسافر مكه انا وامي واخوي وقاعده احط ازهب اغراضي ..


وثالث حلم اذا مو زين لا تفسيره بس نبهيني ما عليج امر ..

عندي اخو عمره 13 الله يحفظه ويخليه

كأنه اهو الحين بيدفونه اسم الله عليه بس اهو بالحلم مو مييت قاعد يضحك ويلوح بيده يعني مع السلامه نقوله زين سلم على ابوووي؟
يقول لا مابي اسلم عليه وحيييييييل ضاااق خلقي ليش ما يبي يسلم على ابوي ..

وبالصج اهو ما يحب ابوي وايد الله يهديهم اثنينهم ..


وما تقصرييييين اختي

 

[آلسحرآلحلال]

شلونج ام وليد ؟؟؟ شلون بنتج الحين انشالله بخير ؟؟؟ دزيتلج على الخاص بس طلع ممتلئ


عفية فسري حلمي الساعة وحدة بليل ( ليلة السبت )....


انا بنت مو متزوجة عمري 22 ومحافظة على الصلاه .. وحلمت الحلم هذا يمكن وراء

7 الصبح....

حلمت انة خدامتناا تعرف تقراء الكف بس ما كانت ماسكة ايدي .. وقالت انتي

راح تتزوجين 3 ريايل .. يعني ماتقعدين على واحد وكل ريال بتيبين منة طفل

واحد .... عاد كنت حزينة بالحلم و اقول حق امي شفتي يعني مراح اثبت على ريل

 

[فيونكة_وردية]

الحيين الساعه 2 الفجر يعني دخلنا السبت
حبيبتي الغاليه شوفي انا مو متزوجه وعمري 20 كنت مسحوره ولحين اعاني تاثير العين والسحر معنه لله الحمد خف وايد مع سوره البقره بس هالحلووم ماراحت غير الجواثيم هذول خليهم على صووب تعودت عليهم وقمت اطنشهم لين يفجون حتى من الملل ما قمت اقرا على الجاثوم لين يفج من كييفه اقعد اقااوم بفراشي لين يروح ..
ودايما احلم بالاسود بين كل فتره وفتره وياريت تفسريلي هالحلم
حلمت مره انه في 3 اسود رابضين بحديقه بيتنا وكنت خايفه منهم واسكر البيبان والدرايش وواقفه اطالعهم من دريشه بابا الاستقبال وكان معاهم غربان سودشكثرهم منتشرين شوي ولا الاسود داخلين بيتنا يتمشوون وانا انحاش معنهم ماكانوا يركضون لا مشي عادي ووصلوا لين دار امي ولقيت روحي راكبه على اكبر اسد فيهم وكان هو بالنص وعلى يميني اسد ويساري اسد ويمشون فيني ؟؟؟؟ ياريت تفسريلي
جزااج الله خيير

 

[بعتهم واشتريتك]

مشكورة اول شى على هالخدمة تفسير الاحلام وعسى اللة ان يجعلها فى ميزان حسناتك امين يارب


اول شى حلمت حلم من شهر تقريبا
ان انا ورفيجتى دخلنا صالة كبيرة وفيها عزك اللة >>احذية<< عاد انا رحت اختااار وامشى وامشى لما لقيت الحذاء اللى فى باللى وكل ماشوف واحد اقول لا موهذا بالاخير لقيت اللى ابية بس فردة واحدة وقعدت ادور وادور لما لقيت الفردة الثانية حقتها


ورفيجتى نفس الشى بس اهيا ماشاءاللة اول حذاء جدامها خذتة وقالت هذا اللى ابية

ارجو منك تفسير الحلم باقرب وقت

البيانات>>
مو متزوجة
موظفة

 

[$$ داجـــه $$]

مرحبااا اختي

اما بنت مو متزوجه وبيني وبينج مابي الزواج كلش ملش $: المهم

حلمي تحلمت كأن رجولي من تحت يعني مو من فوق لا تحت القدم نفسها كلهااا شعر حتى بالحلم شوي انقرفت وبنفس الوقت جني اطل طل عليها وعاجبني والله وانا اكتب يع انقرفت ثاني مراا والشعر نااعم حده ومليان في الثنتين

وان شالله خير ،،

 

[مس دندون]

هاي ام وليد
اشلونج!!
ولهت عليج :eh_s(6):


حبيبتي انا دايمن احلم اني ارقص او اكون بعرررررررررس وناس اعرفهم يرقصون

والله اخاف من هالحلم

يتكرر اكثر من مره حوالي 8 او 10 مرات يتكرر

 

[$$ داجـــه $$]

ايه ايه ام وليد انا عندي جدتي الله يرحمهااا من ماتت صار لها سنتين وانا على طوووول اتحلم فيهااا وشغال بحلوم فيهاا

ومستغربه ليش انا بالذات اللي اتحلم فيهاا ياربت تفسرين لي هالشي يعني رؤيه الميت على طول بالحلم خاصه اذا كان الحلم بالشخص نفسه $: طولتها ادري

يعطيج العافيه يالغاليه

 

[جنون العاطفه]

مرحبا

عندي حلم مضايقني وكله يتكرر علي من سنتين


كله اتحلم بجنون تضايقني وتحاول تخووفني


وانا اقرى بالحلم المعوذاات والكرسي عشان اتقي شرهم

و صوتي حلوو حيل بالحلم

وبس

 

[دلـع ^ العجـمان]

حلمت صدري اليسار يطلع منه حليب وانا مستغربه ومستانسه عاد كنت اقول انا حامل ولا مرتفع هرمون الحليب وبس

واختي حلمت فيني بعرس وانا لابسه ابيض وشعري طويل وبحلم ينادوني باسم ثاني عاد كنت ارقص شوي تقول بعدين طحتي وقمت اناديج باسمج الصجي واختي اثانيه عصبت ليش تقولين اسمها بعدين مكاني طلع فيه ولد صغير يحبي وبس ..


وهم اختي حلمت فيني اقولها اهي وامي انا حامل قالت شلون وعليج الدوره قتلها عادي تعالي الحمام وشوفي على العاده وحامل وبس
متزوجه وما عندي اعيال اسفه على الاطاله.....

 

[رزة الكويت]

السلام عليكم
يزاج الله خير اختي ع الموضوع

البيانات:
اسمي ريم وعزوبيه وعمري 27
الحلم:
تحلمت امي فيني انها تحني شعري (حنة) وشعري كان واااااايد حلوووو ويت بنت خالتي تقولها خالتي ابي حنة مثل ريم قالت لا الحنة هذا ماتكفي الاريم.

 

[%عـجـمـيـه صـريـحـه%]

السلام عليكم

شلونج أم وليد عساج مرتاحه

جزاج الله خير لانه صج محتاجين تردين تفسرين لنا :eh_s(6):



أختي حلمت إنها إهي وأمي ركبوا سيارة جيب جديده وبداخلها سايق بعدها أختي سالت أمي لمنو

السياره والسايق جاوبتها أمي السياره هذي والسايق لأختج عجميه إلي إهي أنا بس



مع العلم أنا غير متزوجه وعمري 26

 

[knafa-q8]

السلاام عليييكم
اشلوونج؟؟

الحلم الاول: حلمت ان اهلي كانو رايحين مكان مثل الشاليهات واهما كانوا سابقيني فأنا رحت عبقهم وانا بالطريج كنت قاعده امشي مشي كان الطريج كله تماسيح انا قمت اخذ تراب من الارض واقطه بعيونهم لين كلهم نامو وكان في ثلاثه تحتي بس خذيت تراب وقطيته عليهم ونامو لين وصلت حق شاليه اهلي جان اقولهم الطريج خطر اشلون ييتوا؟ جان يقولون احنا يينا بسياره .
الحلم الثاني: حلمت ان انا وامي قاعدين ناكل فراوله .
الحاله : طالبه وغير متزوجه
جزاج الله خير

 

[كرامتى تهمنى]

السلام عليكم ام وليد
<<صديقتى حلمت فينى انى لابسه فستان ابيض ناعم وتحت اطرافه مربعات صغيره لونها اسود وورد ووردى وكل شوى اغير لبسي اقول اي احلى هذا الفستان او الدراعه الخضراء ؟؟الدراعه الخضرا عندى منها حقيقه وشافتنى البسها بالحلم وابدل وبفستان عروس ابيض واقول لها اي احلى ؟؟؟؟؟؟؟اتمنى التفسير وجزاك الله كل خير

 

[Great-Me]

مرحبا حبيبتي شخبارج ؟ الساعه ( 2:37 ) صباحا يعني دخلنا ليله السبت :eh_s(1):

ماعليج أمر ماطول عليج ,,

الحلم الأول :-

شفت اني رايحه غرفتي وفجأه شفت عند الباب فار أبيض صغير , مسكته وصدته وشوي ولا انقلب اسود وفجأه شفت اني ماسكه فارين واحد اسود والثاني كأنه جرذ لونه أسود وكبير وانا ماسكتهم ومنقرفه منهم ,

وقاعده اقول لأمي بالحلم : يايمه ساعديني عشان اذبحهم وامي مو مهتمه , وطلعت بالحوش ادور شي اذبحهم فيه وانا ماسكتهم بأيدي ومن وصاختهم جلدهم وصخ وأحس ايدي تحرقني ظهر ايدي يحرقني من وصاختهم , والجرذ الكبير قاعده يحاول يعضني , وانا قاعده احاول اخنقهم بأيدي وماسكتهم بكل قوتي

وبعدين قاعده انادي امي وانا بالحوش واقولها ساعديني , وماسكتهم بأيد وحده وقاعده استغفر واقول , استغفرالله استغفرالله استغفرالله قاعده اكررها استغفر بقهر وقاعده أصبر نفسي , وقاعده ابجي منقهره على امي ليش ماتبي تساعدني على قتلهم وطول هالوقت انا ماسكتهم وابي اذبحهم

وبعدها جات امي وجابت لي شي مثل الخيشه او كيس كبير او جلابيه , المهم

دخلت الفيران داخل الخيشه او الجلابيه مادري شنو كانت بالضبط , وبصعوبه شوي لانهم قاعدين يتحركون وايد واقول لأمي ساعديني سكري الجلابيه معاي عشان نصيدهم وامي كانت تتحرك ببطئ وبالاخير ربطت الجلابيه من اكمامها ومن كل صوب

ورحنا لحد باب الشارع وعند الطوفه القريبه من الباب نزلت عالارض واخذت مثل الصندوق وكان وايد ثقيل وضربت فيه الفيران بكل قوتي لدرجه ان الجلابيه او الخيشه انشقت وبعدها قطيتهم بالشارع والحمدلله افتكيت منهم


واللي يخرع اني يوم قمت من النوم ايدي كانت تعورني وللحين احسها تحرقني من وصاخت الفيران

عفيا واللي يسلمج فسريه لي ,,[/COLOR]



==


الحلم الثاني :-
هالحلم شوي قديم مو وايد تقريبا جم شهر بس بخاطري اعرف تفسيره

شفت اني دخلت قصر وكانو فيه عايله كبيره وكانو كلهم من نفس العايله الا انا مو منهم , كان كأنه عيد او شي
طليت من الدريشه وكانت كبيييييرررره على طووول الطووفه وشفت برا بالحديقه حاطين طاولة أكل وعليها العايله مجتمعه ( هالعايله انا مو منهم ولاشي بس هم بالحلم كلهم يقربون لبعض الا انا الغريبه بينهم )

وانا اطالع من الدريشه لمحت وشفت واحد قاعد بروحه بعيد شوي وساكت , لابس غتره , وأكبر مني بالعمر , قاعد يطالعني ولانزل عينه مني ويبتسم وجاتني وحده قالت لي : هذا نصيبج وقعد يطالعني ولانزل عينه مني وكان يطالعني ويبتسم وهو من نفس العايله اللي بالقصر بالحلم , من بعدها لمحت خيل ابيض وذيلها ذهبي مادري منو راكبها

بالحقيقه هالشخص ماعرفه ولا اعرفه بالحقيقه بس بالحلم , الريال هذا وهالعايله اللي بالحلم ماعرفهم خير شر :eh_s(1): بس حسيت بالحلم بأحساس غريب

والله يعين عسى والله يستر ,خير ان شاء الله ,


التفاصيل ,,
عزووبيه + وان شاء الله رايحه بعثه برا ادرس بالجامعه + وان شاء الله خير
والسموحه عالأطاله , :eh_s(1):

 

[برونزيه شقرا]

السلام عليكم حبيبتي
حلمت إني منقشه رجولي كلها وإيديني الثنتين كلهم لين الكتف حنه والنقش عجيييييييييييب والكل إنبهر منه وآنا مستانسه إن الكل يطالعني ومنبهر من شكل الحنه
بياناتي متزوجه وعندي أربع إعيال ماشاء الله
إنشاء الله خير