هديتي لكم :)...تفسير الاحلام.

[ام وليد hamood]

ام وليد .. الحلم نكتبة اهني ولا على الخاص ؟؟؟؟؟؟

اللي تبين حبيبتي .

 

[ام وليد hamood]

شلونج يالغاليه
حلمت ان زوجي موشم ايده اليمين وجاي يوريني الوشم وقاعدد ينزل من مكان الوشم دم وانا كنت حيل متضايقه وكنت اقول حق خواته قولوله مو حلو علشان يشيله

وحلمت ان في جرح بسيط في شفايفي ورحت المستشفى انا وامي وقالت الدكتوره
عمليتي تكلف 960 دينار جان اقول بقلبي وي غالي وامي قالت اي مو مشكله
ورحنا نختار الغرفه اللي بقعد فيها بعد العمليه واخترت جناح كبير وكشخه حيل
جناح عرايس

متزوجه وعندي عيال وغير موظفه

معنى الحلم يدل على الرفعه والترقيه والثاني يدل على انتقال خبر ..او يدل على حمل والله اعلم .

 

[ام وليد hamood]

السلام عليكم ورحمة الله وبركاته ضروري الله يعطيج العافيه ممكن تفسرين لي الحلم زوجي حلم انه لابس ملابس داخليه عفواا على الكلمه اثنين فوق بعض والملابس جديده ويعطيج العافيه انطر منج الرد

معنى الحلم راح تحملين ورى بعض او بتوام والله اعلم .

 

[Lily]

السلام اختي انا مره حلمت حلم غريب حلمت اني متزوجه خالتي
واختي حلمانه انها شايله ولدي وانا مو متزوجه

 

[ام وليد hamood]

هلا والله ام وليد شخبارج حبيبتي عساج بخير ؟؟
حاولت ادز لج عالخاص بس طلع ممتلئ ,,

امري لله بكتبه هني هو شوي خاص بس مايخالف .. حييييييل متعبني نفسيا اتمنى من بعد الله ان شاء الله تعطيني تفسير له حبيبتي

تفضلي

==

بس ماعليج امر عندي استفسار؟

انا دووم احلم اني مع اسود أسود كبار مثل ملك الغابه واقرب حلم شفته,, والمشكله اني مو خايفه منهم بالعكس اقعد ألعب معاهم واكون انا اقوودهم وماخاف منهم وهم حيل وديعين معاي ومايسوون لي شي ويمشون معاي وانا اكون رئيستهم عفيا لو عندج تفسير قوليلي؟
بعضهم يقولون الاسد يرمز للموت وحيل مخرعني هالشي
===
ماعليج امر هم حلمين صغار حلمتهم ورا بعض بينهم ايام بس ,,

تفضلي
البيانات . غير متزوجه وان شاء الله بكمل دراستي الجامعيه خارج الديره .. وراح اتوظف قريب ان شاء الله
====

الحلم الاول : شفته قبل رمضان هذا بجم يوم

رأيت ان ساقي اليسرى تألمني جهة الركبه ., وفجأه رأيت عود من الخشب في سمك الأصبع مرتكز على فخذي قريب من ركبتي ولاحسيت بالألم ولاشي بدون ألم وكنت متفاجأه منه وسحبته وشفت فتحه عميقه بالضبط فوق ركبتي وأخذت انادي امي وجائت امي وشافت ساقي وكنت أقولها : انه يخرج من ساقي اليسار فوق الركبه بالضبط أعواد خشب ( من خشب الخيزران ) طولها قريب الشبرين قريب الى 30 سانتي ..

ليست صغيره نسيبا .. وجلست اسحب الاعواد وانا خايفه كنت اخرج عود ورا الثاني كلهم كانو داخل رجولي

وكنت خايفه وفزعه وامي تقولي يمكن هذا سحر عاملينه لكي ..

ولايوجد دم ولا ألم بل كنت خائفه كيف تخرج عالاعواد من قدمي ..

ومسكت امي ساقي لترى فضغطت على ساقي وخرجت منها اعواد كثيره منها وانا خائفه وجسمي كان كله من داخله مليان اعواد خشبيه وامي تقولي بالحلم ,, : ( الظاهر هذا سحر عاملينه لكي ,, )

وفجأه رأيت خالتي وخوالي يتكلمون عني وانا كنت مقهوره انهم ظلموني بالكلام عني وكنت اعاتب خالتي وابكي ولكن ابكي بدون صوت عالي بل بقهر وبصوت واطي واردد , ( لماذا هذا الظلم الله يسامحكم , )

======


حالتي قبل النوم , : (

صليت قيام الليل وقرأت القرآن وصليت الفجر ونمت ورأيت هذا الحلم ,

===

حلمي الثاني شفته برمضان هذا اول رمضان..

كاني ألعب مع اخي وفجأه انتقلت الى مكان اخر رأيت كأني بالصحراء وكأني انتقلت الى زمن اخر وعصر اخر وكان فيها جمال ميته وكنت اراها وانا مستغربه ولم اكن خائفه ابدأ وكان الجو حلو وهادي ولا به شي والجمال كانهم ماتو لانه مر عليهم زمن وكانو مرتبين مصفوفين خلف بعض وجالسين كانهم ساجدين ,

وفجأه ( سمعت صوت رجل يقول لي . : هذي صحراء محمد (يقصد بها النبي صلى الله عليه وسلم , ) وكان يأشر على صحراء اخرى كنت قد وصلت اليها وكان لبسه من زمن الرسول صلى الله عليه وسلم , لابس عمامه وبشت ودشداشه كان لبسه يدل انه من عصر النبي صلى الله عليه وسلم كان رجل حكيم شكله يوحي بأنه كذالك وكان الجو حلوو جدا كانه ربيع وهادى وحلو

رأيت هالحلم اول يوم رمضان ​

هالحلمين شفتهم ورا بعض بينهم ايام بس

حالتي قبل النوم , :

كنت اصلي قيام ليل ,,عزباء ,

واخر حلم حلمته اليوم ,, ( شفت اني اصعد الدرج وكنت لابسه حذاء بدون كعب الله يعزج وكان شوي واسع علي + وشفت اني ارش بنات خالي بماي لانهم كانو يطلون علي من دريشة غرفتي

وانتهى الحلم ,,

واسفه طولت عليج ,,

حبيبتي لا تخافين ولا شي واللي قالج الاسد موت جذاب بل يدل على الرئيس والرجل ذو شان .. وان شاء الله تكون هذي وظيفتج وايد زينه ... والثاني يدل على اننتقالج من حال الياس او الخوف والتعب الى حال الترف والنجاح .بس في حواليج حسااد وايد ومنافقين احذري منهم .. والاخير يدل على انج راح تنجيحين باذن الله والله اعلم .

 

[ام وليد hamood]

السلام عليكم ام وليد
انا تحلمت حلم اني لبست جوتي واحد من الحكام اهو حاكم دوله وكان لون الجوتي بني فاتح هالجوتي (مكرم القارئ) بس كنت اطالعه اقول كبير علي وكنت اطالع امي واقولها كبير واهو كان يطالع .........

انا بنت مو متزوجه عمري 19 ادرس وشكرا

معنى الحلم يدل راح اييج معرس بس ممكن يكون كبير شوي بالنسبه لج والله اعلم .

 

[ام وليد hamood]

السلام عليكم ..

اول شي انا متزوجه وحاليا حامل ..

حلمت اني بشتري ساعتين .. بس اشتريت وحده والثانية قلت بعدين ..؟؟

بس مالبستها اشتريتها بس ..

وماتقصرين

اذا الساعه رجاليه ولد واذا نسائيه بنوته والله اعلم .

 

[ام وليد hamood]

حلمت اني اخذ عود(بخور) بيدي كمشه يعني وبقى القطع الصغيره؟وبس
متزوجه

يدل على الذكر الحسن او حمل بولد والله اعلم .

 

[ام وليد hamood]

اليوم السبت وانا عندي حلم انشاللت تفسيرنه بس ابي اعرف التفسير وين القاه هني ولا بالخاااص وشكرا

اول شي انا منفصلة وعندي ولد واااحد حلمانه اني يبت ولد حلو عنده غمازات وعيونه كبار ورموشه طوال وحجمه كبير مع اني بالحلم توني والدته والكل فرحان فيه وكانت الولاده سهله كلش وكنت مستانسه واضحك والكل يسألنس شنو اسمه قلته ابوه يبي يسميه وليد وانا ودي بسم يوسف بي مشكوررررة
الله يخليج اذا فسرتيه قوللي على الخاص ومشكوووورة

معنى الحلم يدل على على فرج بعد هم ونصرة على الاعداء والله اعلم .

 

[ام وليد hamood]

مرحبا حبيبتي

الله يعطيج الف عافيه

حلمت حلم اني كنت مسيره ع رفيجتي

وقاعده بغرفتها و ع سريرها بعد

وكان عندهم حريم واجد

ومبين ان عندهم عزيمه

وابوها جاب لنا كيك واجد وحلويات ودخلوه عندنا بالغرفه

وكنت فرحانه

وبسسسسسسس


مع العلم لا انا ولا رفيجتي متزوجات

معناه راح تصير عندكم مناسبه ببيتكم وبتنولين من وراها خير والله اعلم .

 

[ام وليد hamood]

قوووهـ ام ولييييد ,,,, بغيتج تفسرين لي حلميين

أنا حلمت مرتيين بنفس الشخص وتقريبا الحلمين متشااابهين بغيييتج تفسرييين لي

أنا تحلمت ان هالشخص بالحلميين يبوووسني على خدي ,,, مع العلم ان هالشخص هو ولد خااالتي ,,,,

ماعليييج امر بس بغييت أعررف التفسيير لأن الحلم متكرر ,,,

معنى الحلم يدل على استفادة او خدمه منج له والله اعلم .

 

[ام وليد hamood]

هلا ام ولييد ..

اختي حلمت انها تحف حواجبها بالخيط ..

اهيه مو متزوجه و صغيره بالعمر .. و للعلم .. مو محافضه على الصلاة .. تقطع بالصلاة وايد ..

* * *

حلمت قبل فترة ان امي تهاوشت مع ابوي .. و عصب و طقها .. و انا ماتحملت اشوفه يطقها .. قمت و طقيته ..

و كنت اصرخ انادي خواتي بس محد يرد علي .. و البيت كان مو بيتنا مادري شلون صاير بالحلم و كان شوي اضلم ..

و يعطيج العافيه

الحاجب بالحلم دين الانسان وكثافتهم حسن الدين ونقصانهم نقص بالفرائض ..والثاني ان في مصلحه متبادله بينكم وامر تبون تتعاونون فيه عشان يتم والله اعلم .

 

[قواقع الجليد]

حبيبتي الحلمين تفسيرهم زواج لج وااايد قريب والله اعلم .

مشكوه حبيبتي ام وليد عالتفسير بس بغيت اسال عالحلم الثاني ولد عمي وصورته اللي خشيتها بصدري والورقه وهل هو له علاقه بالزواج؟؟

واسفه عالازعاج

 

[ام وليد hamood]

ام وليد الله يعافيش سوي مساحه للرسايل عندي احلام كلش ما اقدر اكتبها على العام وانتي اذا قريتيها راح تعرفين ليش ممكن؟اتمنى انش ما تظطريني اكتبها على العام حبيبتي

ان شاااااااء الله ياا الغاليه بس خليني افظي الرسايل ومن عيوووووووووووني .

 

[ام وليد hamood]

ام وليد ترى اذا ما دخلتي الا عقب ال12 بدزلش حلمي مو تقولين صار يوم الاحد نطري السبت الجاي اوكي <<<<<<خخخخخخخخخخ ياني بنشب لش نشبه لين تستقبلين مني الاحلام بالخاص

جد والله صعب اقولهم على العام فضيلي مكان على الخاص ولا عليش امر

ههههههههههه من عيوني تامريييين امر اول ما افظي الرسايل اقولج

 

[ام وليد hamood]

بنات ادعوااا لبنتي الله يشفيها حدهاااااااااااااا تعبانه وماتشيل راسها من الفراش وبس تبجي والله كاسره خاطري

 

[ملكة زماني]

ياعمري عسى الله يشافيها ويقومها لكم بالسلامة يارب

 

[ياحلوني حلواه]

الله يعطيك العافية ام وليد مشكورة وعسى الله يشفي لك بنتك ويحفظها من كل شر يااااااارب

 

[ملكة زماني]

السلام عليكم

ريلي حلمان
انه اخته قاعده اتقوله اشفيها شفايفك عليها وسخ
اخذ خل وامسح حوالين شفايفك يصير زين
واهو سوا مثل ماقالت
بس شفايفه التهبوا عليه

 

[كريستال ليدي]

جزاج الله خير