هديتي لكم :)...تفسير الاحلام.

[ام رتاج 30]

مرحبا شلونج
انا حلمت اني صافطه سيارتي صوب بيت خالتي ( اخت امي وام زوجي بنفس الوقت ) لكن فجأة طاح على سيارتي طابوق من فوق البيت وحطم سيارتي كليا وكسرها وكلنا طلعنا من البيت نشوف السيارة بس مستغربيت ان شلون طاح من فوق ومتحسفين على السيارة لانها تحطمت بالمرة جان تقولي خالتي الحمدلله انكم انتم الثلاثة مو داخلها بس مادري منو احنا الثلاثة .
مشكورة
انا متزوجة وعندي بنت

 

[ياااقوته الكويت]

السلام عليكم ...

جزااج الله خير ويمال العافيه ان شالله ..

ما راح اطولها عليج ..

انا متزوجه وعندي عيال ..
اول حلم :

حلمت بخالتي(ام زوجي متوفيه من سنه)كاني قاعده وياها في بيت بنتها وقاعدين تحت الدريشه وعيونها حمر ومليانه دموع !!

وانا اشكيلها على اللي صار بزوجي من بعدها .. وكانه مرت حماي واقفه بره عند الدريشه وتبي تنزل البرده ..

وخالتي تأشرلي بعيونها مثل اللي تقولي اسكتي لاتسمعنا..


الحلم الثاني:

حلمت برمضان .. باني شفت ابوي واقف عند سور حديقه بيت عمي القديم ووياه زوجي !!

(ماشفت زوجي لكن ادري موجود ) وكان ابوي قاعد يسويله حجامه وبعدبن دفن زوجي بحفره!!

واهو متسند بظهر على السور وادينه ساندهم على الشبل وناطر زوجي يقول او تخلص حجامته!!

وانا داخل بيت عمي في المطبخ مع مرت عمي والموضوع عندي عادي ..

لكن دشوا علينا بنات خال زوجي وكانوا مثل اللي مو راضين على اللي يسويه ابوي ..

وانا اهني غرت منهم وعصبت عليهم واحاول ادخلهم داخل البيت

عشان مايروحون لزوجي واهم قعدوا يصارخون علي ..وبس


سوووري على الاطاله

 

[اوراد العشق]

جزاااااااااااااج الله خيييييييييييييييير

 

[نايفة الوصوف]

ام وليد وينش؟ من الساعه 10 وانا انطرش يامال العافيه

 

[DLOOOO3a]

السلام حبيبتي ام وليد

عساج بخير

اول شي انا مو متزوجه

حلمت اني كنت بشاليه و هذا الشاليه فيه مثل دكاكين قديمه و كان في درجتين

تصعدينهم و بعدين اتلفين اتصيرين بوسط الدكاكين المهم انا صعدت و لقيت ولد

خالي قاعد على الدرج طوفته و دخلت و لا اشوف ولد متين شوي و لابس

بلوزه حمراء و اشقر يعني كان اجنبي بس ما ادري شالعلاقه !! المهم

و كان هذا الولد يلاحقني من دكان لي دكان المهم و على غفله انا ركضت و اهو

قام وراي يركض و يلاحقني و اول ما نزلت من الدرج قمت من النوم

ميته من الخوف ما ادري شطاري الحلم علي و شكو !! بس هذا الحلم

وايد مستغربه منه :0bee2e8d89: و اتمنى انج اتفسريلي الحلم باسرع وقت ممكن لان بالي مشغول

و انشاء الله يكون خير يارب

و اتمنى يكون التفسير ع الخاص

و انا شاكره لج :eh_s(6):

 

[بنت ابوها..]

مرحبا ام وليد ما عليج امر اذا تفسرين لي حلم اختي لي
انا اصغر خواتي وعمري 17سنه اشهر انشالله وادش ال 18 ومو متزوجه
"""المهم اختي الكبيره حلمانه انه في واحد خطبني واهوه الشاب الوحيد بعايلته والباجي كله بنات""""
هذا حلم اختي وابي تفسيره بليز
مع العلم ان خالتي اخت امي اذا شافتني كله تقول انشالله ياخذج وحيد يعني ماعنده اخوان شباب.....
ومشكوووووووووووووووووووووره

 

[desert rose]

السلام عليكم ورحمة الله............
انا بصراحه ما كنت ادري عنج انتج اتفسرين احلام بس انا كتبت حلمي في (فتاوي واحكام ) والبنات اهناك جزاهم الله خير علموني عنج وسويت بحث ولقيت موضوعج ،،،،،،عندي ما عليج امر طلب اصغير وهو انه رجاء تقرين حلمي وتكتبيلي رد في موضوعي نفسه عن تفسير الحلم لاني بصراحه محتاجه تفسير له وانتي لما تقرينه راح تعذريني واتعرفين ليش انا ابي افسره وموضوعي تلقين عنوانه ( لوسمحتواللي تفسر حلم ادش واتساعدني جزاكم الله خير ) ولج مني جزيل الشكر انا في انتظارج

 

[تختوخهQ8]

قوه ام وليد
ام وليد حلمانه انا ورفيجتي انا رايحين نتسوق ونشتري هدوم
اهيا كانت تبي نفنوف ابيض ما خذته بس حطته عليها لانه كنا مستعيلين
وانا كنت امزهبه بالبيت اكثر من بدله وخذيت نفنوف قصير ابيض مع جاكيت اسود لبسته مع انه كنت امزهبه غيره بعد..

والحلم الثاني حلمانه انه جنه غزو وانا رفيجتي مع بعض ننحاش مع العلم انه بالصج هاذي رفيجتي حيل حيل وكله مع بعض .. المهم واحد خذاها طعنها وكنت ابجي واقوله خلاص خلها باخذها ونمشي وطعنها مره ثانيه ..انا انحشت دشيت غرفه لقيت وحده سمره منخشه ورا الباب (اهيا المطربه فطومه!!!) قعدت معاها انخشيت لين صار الوضع اوك وخلص الغزو وبعدين طلعنا...


ناطرتج ام وليد قاعده احاتي لانه هالفتره قاعده تصيرلنا وايد مشاكل لا بالبال ولا بالحسبان انا معاها ..من زعل ومرض وغيره ..

مع العلم انه انا معاها مو متزوجين ..
ناطرتج ومشكوره..

 

[ام وليد hamood]

السلام عليكم ام وليد
يعطيج العافيه...ياليت تفسيرن لي حلمي ونادر ماحلم بس هذا اخر حلم لي
حالتي لاجتماعيه ...مطلقه....عمري 24

حلمت اني كنت عطشانه ونزلت بيتنا اشرب ماي ولما خذيت كلاس الماي بشرب والا اشوف خيوط تطيح بالماي ورحت عند المنظره والا اشوف بحلجي خيط وقمت اسحبه لين وقف...ماطلع ورحت عند اخواني اللي اصغر مني وكنت احاول اكلمهم بس مو قادره الصوت مو قاعد يطلع...وبجيت وقام اخوي دق علي الاسعاف وكنا قاعدين فوق نطالع من الدريشه وجت السياره اللي المفروض تكون اسعاف كانت تشبه سيارة الاسعاف ولونها احمر وكبيره نفس الشاحنات المسكره ونزل منها رجال وكان شكله يخرع وهني قمت ابجي اكثر وخذيت اخواني مابي يشوفهم وعقبها قمت من النوم....

حبيبتي معنى حلمج يدل على انج مسحوره والعياذ بالله وتحتاجين لمساعده من المطاوعه ..والله اعلم .

 

[ام وليد hamood]

هلا والله ام وليد شلونج ؟

ارسلتج الحلم عالخاص مارديتي الله يعينج حبيبتي برد اكتبه لج مره ثانيه

واسفه عالازعاج

حلمت اني رايحه عرس من صوب اهل امي وكان شكلي حيل حيل حيل حلو وكنت لابسه بدله عندي لونها بيج وكانو الناس كلها اتطالعني المهم

وكانو من الحريم القاعدين امي اطالعين معاهم وانا قاعده امشي ولا تحظني بنت خالت امي اسمها مها حيل المهم وكانو في سطر وافقين بنات بالسطر الاول والسطر الثاني هم في بنات

السطر الاول في بنات مو متزوجات واللي واقفه يمي بالضبط اتصير بنت عم رفيجتي اسمها انوار كان شكلها حيل حلوه تقريبا نفسي المهم وكل مالتفت عالسطر الثاني كله متزوجات تقريبا بعمرنا كانت في وحده اطالعني حيل وكل مالتفت اطالعني جان تسحبني وحده تبي تسلم علي ولا البنت اللي طالعني قامت اطالعني حيل اسمها حنان وخوش بنت اهيا محترمه وحلوه مشاءالله

المهم بعدها انشق ثوبي العرس من طرف اشوي بس قلت ابي ابره ابي اخيطه وادش الحمام وانتي بكرامه ولا اشوف بنات خالة امي ثلاث قاعدين داخل الحمام عاد انا استغربت شلون قاعدين جذي بالحمام وادور ابره مالقيت ولقيت (دبوس كبير) وصكرت فيه الثوب وبس طلعت اختفى الشق وجنى مافي شق نهائيا

المهم بعدين في بنات كانو جدامي قعدو ينادوني يبون يخطبوني حق اخوهم وان اخوهم حيل زين وانا استغربت

وبس

انا مو متزوجه وناطره الوظيفه


وقبله حلم بيوم اني رايحه العرس وشكلي حيل حلو وقاعده وتجي لي رفيجتي اسمها ملوك متزوجه وتقول تعالي معانا وبعدها رفيجتي منى مو متزوجه مشيت انا وياها وصعدنا فوق قاعدين نأكل وكان في كيك ولا تسألني انتي توظفتي قلت اي بيت التمويل ولا اشوف بنت خال امي اسمها نوال ماره من يمي قلت الله يستر لا تجي تسألني وتقول توظفتي وقولها اي جدام رفيجتي وانا ماتوظفت

الحلم الاول يدل على خطبة لج وزواج باذن الله .. والحلم الثاني يدل على ان الوظيفه ان شاء الله تجيج بس بعيده شوي.والله اعلم .

 

[ام وليد hamood]

السلام عليكم ورحمة الله وبركاته

أختي انا مو متزوجه وطلعت من وظيفتي لأسباب خاصه

حلمت بخالي الصغير قاعد عندنا بالصاله وكان في رياييل وايد يمكن 7 او 8 شباب ياييين عشان يخطبوني انا واختي وكانو كلهم مناصب واعيال شيوخ كان ينذكر اسماء شيوخ مثل ال مكتوم ال ثاني ونذكر معاهم ولد عائله كويتيه

بعدين قعدو يمرون جدامي ويبتسمون وانا قلت لخالي لا تقول لمرتك عشان ماتعطينا عين قال انا قلت لها واهني انا عصبت وايد قلت ليش قلت لها قال منصدم من الي يايين يخطبون عشان جذي قلت لها وانا معصبه رايحه اقول لأمي على خالي ولا اقول بيني وبين نفسي اشفيني انا النصيب بيد الله والي كاتبه راح يصير غصب عن الكل اهني ارتحت

بعدها رحنا سافرنا انا وابوي وخالي نفسه اللي قبل اشوي واختي الكبيره واحنا وافقين عند وحده بالمكتب وماسكه جوازي ولا تقول انتي فلانه بنت فلان زوجة فلان ولد فلان (وقالت اسم العائله ) ماتذكر اسمه بالضبط بس اتذكر عائلته شنو وقالت لي اهو اخو النائب فلان الفلاني (نفس العائله ) والنائب هذا معروف

والشخص اللي انذكر اسم عائلته بالجواز اهو نفس الولد اللي كان بيتنا وقلت لها اي عادي اسألي ابوي خطبني واحد من ال مكتوم ورفضت واهيا تقولي قوليلي شلون يخطبونج

ووالعائله اللي انذكرت انا ماعرفهم لا من قريب ولا من بعيد ولا يصيرون لنا

وبس

حبيبتي ابشري بالخير وزواج قريب والله اعلم .

 

[ام وليد hamood]

السلام عليكم انا حامل وعندي 3 بنات حلمت اني والدة وجبت نت ويابولي البنت على مهاد وردي وحاطين لها شباصه وردية الملفت فيها انها كانت طوليه وسمره

ان شاء الله ولد والله اعلم .

 

[ام وليد hamood]

حلمي الاول
حلمت اني شفت بنت خالتي عند باب بيتنا وهي في سياره فان ومعها بنتين كلهم لابسين فساتين عرايس وبكامل زينتهم عاد انا سالتها وين بتروحين قالت العمره قلت الله خذوني معاكم ورحت معهم ويوم وصلنا شفت بيت من الطوب وكنا بصحراوماحد معاي (بنت خالتي والبنات اللي معها ماهم فيه)ويوم دخلت والقاه بيت دعاره والعياذ بالله والمسؤلين عنه واحد سوري والثاني لبناني الاشوي والبنات قامويدورون يعرضون انفسهم وواحد يقول اسماءهم ومواصفاتهم والرجال يختارون وانا احاول استنجد عن طريق التلفون والنت وانتبهولي قاموسكرو كل وسائل الاتصال وكانو يوزعون خمر وشفت اثنين من اخواني وانا أأشرلهم بيدي لاتاخذون وماخذوا ويوم الحريم يدورون كنت اهون على نفسي واقول هم احلى مني ماحد راح يطل فيني وقمت ادعي واقول يارب تنجيني ومادريت الا اللي يقولي قومي قومي تراه حلم وصحيت من النوم على فكرة الاحداث كلها في الليل
الحلم الثاني
تحلمت اني بوادي والدنيا ليل وانا امشي كان فيه مكان مرتفع كانه شارع والثاني تحت وظلام نزلت انا في الظلام ويوم دريت الا القى عقارب وحيات صغار يلدغوني وانا ماحس فيهم مع اني اول ماشقتهم تراجعت شوي وكان بيدي عصفور اسود وانا ضامه اصابعي عليه احميه حسيت بشي بيدي يوم طليت الا هالعصفور اللي احميه يمص دمي خفت اطيره ويجيني خفافيش واشيا ء من السماء وكنت اطالع في القمر واقول شوي ويطلع النور شوي ويطلع النور
اسفه على الاطالة والافلام الهندية (عزباء-عاطلة سنتين)

الحلم الاول يدل على تحقيق المراد ورزقه راح تييج ... والحلم الثاني يدل على اعداء وحساد ايبون معاهم المشاكل بس بعد هذا كلا راح اييج النصيب وتتغير حياتج للاحسن والله اعلم .

 

[ام وليد hamood]

الحلم الاول
اني كنت مريضه واهلي بيروحون عرس فقتلهم مابي اروح وراحو الصالون وبعدين رحت مع اخوي واختي مكان كبير وشرح مشينا وكان في ناس تمشي عاد بعدين مشيت بروحي وكملت عاد خلص الطريج على غرفتين حريم يدخلون فيهم متغطين (عبايه وملفع ونقاب) ويحطون حنه وناس تطلع انا دخلت وطلعت بس ما حطيت حنه وبعدين كان يم الغرفه بحر رحت صوبه وقاعده اطالع وكان في حريم يغسلون الحنه وبعدين رحت حق ابوي حيسيت نفسي احسن و خذيت منه فلوس علشان اروح الصالون ورحت وسويت شعري

الحلم الثاني
مريت صوب راحه وكان في عمال يشتغلون ويبنون عماره كان في وحده تقولي انها اهيا اللي مصممه العماره وكانت العماره على شكل مثلث كل شوي تكبر من تحت عاد بعدين طاح دور اهد من النص وقامو يكملون شغلهم

الاول يدل على جمعه فرح ان شاء الله وهالشي راح يغير حياتج مكن تكون زواج والثاني يدل على اعمال طيبه ان شاء الله والله اعلم .

 

[ام وليد hamood]

اي وانا دايم احلم تكرمين اكون لابسه جوتي وبعدين اروح مكان افصخه وبعدين لما بطلع من المكان اقعد ادوره ماالاقيه

معنى الحلم يدل على كلام بزواج مايتم . والله اعلم .

 

[ام وليد hamood]

يزاج الله الف خير
ام وليد حلمانه بنمل كبير اسود وقاعده ادوسه واحاول اذبحه واخر شي يبتن البف باف ارشهم كانوووووووووووا وايد

معناه اعداء ضعفاء ما يقدرون يضرونج بشي . والله اعلم .

 

[ام وليد hamood]

السلام عليكم ورحمة الله وبركاته
حياالله ام وليد
الله يسلمج عندي بنيتي حامل بالسهر السابع وحلمانة جنها قاعدة تاكل رطب منصف وكل ما كلت منه زاد ودخلت انا عليها وجنه طاولة الأكل متروسة من الرطب وقعدنا ناكل منه000خير ان شاء الله

معناه يدل على حمل بولد ويدل على قراءة القران والله اعلم .

 

[ام وليد hamood]

ام وليييييييييييييييييييييييدان بعد عمري عساج عالفوه يعطيج العافية
انا حلمانه اني بالحمام عزكم الله وانا قاعده البيديه " وانتو بكرامه " ولا الي تحتي كله فيران كبيره ووايد ونط فران شوي اصغر من الباجي على فخذي ودزيته
لج الينه حبيبتي فسري لي اياه
وانا متزوجه وعندي 4 عيال

معنى الحلم يدل على الضيوف او يدل على الرزق باذن الله او يدل على على عيالج ياكلون من خيرج والله اعلم .

 

[ام وليد hamood]

هلا ام وليد


حبيبتي انا دوووم احلم اني حامل مع العلم انا مو متزوجه


والحلم الثاني حلمت ان شعري فيه خصل بيضه..شو معناته؟؟


وآخر حلم اليوم خوفني حلمت ان الخدامه(للعلم ماعندنا خدامه بس الحين مسوين ويزا حق وحده وللحين ماوصلت) مسوتلي سحر وعطوني هالسحر عشان اشوف كان في مثل اوراق وصناديق صغيره فتحت واحد منهم لقيت فيه دبوس انصدمت مالحقت اشوف الباقي لاني قمت صح لما عطوني السحر شفت شكل الخدامه كانت تطالعني وتبتسم..


بس مابثقل عليج زياده
وعساج ع القوه

الحمل بالحلم يدل على الهم .. والخصلة البيضة تدل على الصبر ... واما الحلم الاخير يدل على ان مسوى لج سحر على رزقتج او محسودة عليها والله اعلم .

 

[ام وليد hamood]

فديتج اختي ام وليد
*انا حلمت اني ايديني متحنيه (فيها حنه) ولونه كان غامج صح حلو بس كنت اشوي معصبه واقول شلون اروح الدوام اللحين وايدي فيها حنه يوووووه لازم احط صبغ اظافر (للعلم انا احب ريحة الحنه بس من زمااااااااااااااان مو حاطه).
*هذا بنت خالي حلمانه فيني برمضان 3 احلام الاول:انه كنت اسأل عن محل مكياج اللي تشتري منه اقلام الكحل الملونه وراحت توديني للمحل وشريت وهي داخل نفسها تبيني اشتريلها بس ماشريت حقها شي.
الثاني: كنت مع بنت خالي في مكان نفس القطار او النفق بس هدؤء وكنت انا لابسه قصير وهي لأ عادي وانا وياها قاعدين جنب بعض وتقول ماخيطنا مع بعض او ماوديتيني الخياط مثلج وامي قاعده ورانا.
الثالث: كان على بطني حرف f وبنت خالي تقول آه حاطه حرفه ((قصدها خطيبي او الاصح اللي إملج علي)) وللعلم الحرف مو حرفه.

وشاكره لج تفسيرج مقدما

معنى الحلم يدل على زينه الدنيا والدين ....ويدل على تحيق عدة اماني ... الثاني يدل على الستر وحسن الامور ورزقه انتي خاشتها . والله اعلم .