هديتي لكم :)...تفسير الاحلام.

[حنان الذكريات]

دزيت الحلم بالخاص

 

[غير نمونه]

يزاج الله خير ام وليد انا ادورج
صايره بيض الصعوووو
حبيبتي يعطيج العافيه
انا مطلقه و عندي بنت وولد
حلمانه بذهب واااااااااايد ماشالله كان طليقي يقولي هاذا ذهبج قصده شبكتي القديمه
بس طبعا الكميه وايد و فيه الذهب و الفضه و فيه بروش ذهب فيه قطعه حجر اخضر
و كنت بحط الذهب كله بعلبه وحده ما قدرت ماشالله من كثره
و سحبت سلسله من بد الذهب مكتوب عليها الله
و بعدها بعد ركزت اكثر لقيت تراجي من فضه مكتوب عليها الله


اتمنى انج تفسرينه

 

[بنت شروره]

السلام عليكم الوالد حلم ان في وسط سقف غرفة النوم فتحة مثل الدش ينزل منها ماء وشكرا

 

[ورود خذلتها العاصفه]

انا حلمت بولدي البجر عمره 4 سنين
انا شعر راسه كله قمل

 

[أنوثهـ حتى الثمالهـ]

اليوم سبت بس للاسف صندوق الرسائل فل
جزاك الله خير على عملك
عزيزتي انا حلمت بخطيب ( وفي الواقع انا مو مخطوبه) جالس قبالي بين اهلي بالصاله ولابس عمامه خضرا فيهاا نقش اصفر نفس لبس العمانيين مع انه بلحلم كان من نفس جنسيتي واحنا مانلبس عمامه
وكنت اتقهوى مع اهلي كاكاو وقهوه وهو جالس
وكتب لي مسج غريب قال انا اهم شي عندي بناتنا بالمستقبل ماتحرمينهم يقعدون يتقهوون مع امي...

الحلم الثاني كان اول يوم لي بعد الرقيه لاني ارقي عن العين
حلمت اني كنت اكل وفجاه انتبهت لشي وسحبته من فمي باشوف شنو طلع صرصور

مشكوره

 

[لي متى منفوشه]

السلام عليكم ورحمة الله

العمر :24 الجنس :أنثى الحالة الإجتماعيه : عازبه
الحالة الدينيه : وسط
جزاك الله الجنه
رأيت في منامي اني البس طقم عندي فالحقيقه وهو فضه
ولكن بالحلم كأنه الماس واني لبسته كامل وفجأة
اخرجت ابنة خالتي واسمه ( عهد )
مثل هذا الطقم وهي الأن معقود قرانها ولكنه ناقص الحلق والخاتم فقط اخرجت العقد وقلت لها وانا فرحه طقمك مثل طقمي وكنا جداً سعيدتين وانتهى المنام

 

[~~ وردة العشاق ~~]

اليوم السبت بس الفير

خالتي حلمانه انه حرامي خاطفني شنو تفسيره
وانا مومتزوجه وعمري 18

 

[$ فراولة $]

السلام عليكم يعطيج العافيه عالمجهود الطيب وجعله الله في ميزا حسناتج
اليوم حلمت 4 احلام وياليت تحمليني مشكوره
الحلم الاول
حلمت ان انا و2 من خواتي بغرفتنا لان بالصج احنا الثلاثه انام بغرفه وحده المهم والا اختي الصغيره تقول للكبيره يافلانه الصوت اللي سمعته امس سمعتيه واحنا نايمين والا تقولها اختي أي صوت والا تقولها جنه احد طقج جا تبجي وتقول يعي انا ماكنت احلم وانا كنت اسمعهم وموفاهمه شتقول المهم بالاخير فهمت ان قصدهم ان احد من الجن طق اختي برقبتها واحنا كنا نايمين واهي تعورت وكانتصوب رقبتها الي يمين وكانت بالحلم حده محمره وجنه مشلخه المهم والا تبجي وتصيح وتقول شمعنى انا يعني برد اتعالج مره ثانيه وتصيح انا ماستحملت والا اقوم والمها واقرا عليها اية الكرسي وسورة الاخلاص والناس وكنت متاثره حيل عليها وزعلانه عليها من كثر ماقطعت قلبي والا مثل اللي رحنا لمطوع وطلعنا منه بعدين اختي مسكت ورقه وكان مكتوب فيها شغلات اللي قال ان اختي تستخدمهم وكان ماي مقري وزيت زيتون مقري عليه وسوالف مالها داعي بالموضوع مثل ان العمل بالجهات الحكوميه حلال وسوالف غريبه مالها داعي.

الحلم الثاني:
بعد ما قعدت من الحلم الي طاف والا احلم ان انا وامي واختي الكبيره غير الثنتين اللي بالحلم الي طاف وعيال اخوي الصغار كنا قاعدين بالصاله والا اروح المطبخ والا الاقي وحده نفس اختي اللي بالصاله ومن الصدمه ماتكلمت والا اروح الصاله اقول يمكن اهي راحت بس ليش لبسهم غير المهم يوم رديت والا الاقي اختي صج بالصاله والثانيه تغرف غدا المهم والا اروح لاختي اللي بالصاله واقولها يافلانه ابيج تروحين معاي المطبخ والا تقول ليش والا اقولها بوريج شي بسرعه قالت شنو قتلها فيه وحده بالمطبخ تشابهج والا تقول اوكي الحين بروح معاج واهي خايفه وحاولت انها تلهي روحها وتشغل نفسها باي شي عشان ماتروح وتشوفها وامي تقولي لا اكيد متهيالج وانا احلف بلآ والا الثانيه تطلع من المطبخ واهي لابسه عباية راس وملفع وانا لمن شفتها بالاول كانت لابسه دراعة بيت عاديه والا كلهم يقولون بسم الله الرحمن الرحيم واهي ماطرا ابالها حتى تلف ولا جنه سمعتنا وكملت وراحت للصاله الثانيه وكانت اختنا الصغيره بالصاله الثانيه وماستغربت لانها ما كانت تدري والا كلنا نروح للصاله الثانيه والا اختي الصغيره يوم شافت اختي وشبيهتها تخرعت وكلنا نطالعها منصدمين ولا جنه شايفنا بس احنا اللي شايفينها المهم وقعدت على اساس تتغدا والا اقعد من النوم.

الحلم الثالث:
عقب ماقعد من الحلم وحده تخرعت والا احلم ان اختي اللي كانت تبجي بالحلم الاول تقولي ان اخونا الصغير ماصدع راسه الا وفاه قتلها ششلون يعني والا تقول ان اخوي للحين موقادر ينسى رفيجه اللي مات للعلم واخوي ماعنده احد من ربعه متوفي

وعقب ماقعدت والا احلم بالحلم الرابع:

ان انا وامي وابوي كنا نمشي مع فلبينيه وكانت تورينا مجمعات وطبعا بكل مجمع محلات وكانت المحلات عباره عن بطانيات وفساتين افراح والاسواق من بره يعني المبنى الخارجي مثل المزينه بليتات وهالسوالف واحنا نمشي والا تقولنا ان المجمع اللي جدامنا مجمع 25 وواحد على يساره قالت ان اسمه برج شغله وناسيه اسمه المهم والا نصير مثل بالسرداب وللحين امي وابوي معاي والا هالمحل عباره عن اطقم شاي وقهوه واستكانات وفناجيل المهم وكانت فيه اطقم عباره عن المطارتين والاستكانات والفناجين واكواب القهوه الفرنسيه وكانت حدهم رخاص المهم وانا وامي نمشي وابوي ورانا مادري على شنو كان يتفرج المهم والا امي تقولي يافلانه شوفي هالطقم هذا كله بس بدينارين والا اقولها ايه حتى هذا وماكنا كلش ناوين نشتري المهم ظلينا نمشي بالسوق وكان حده كبير والا اقرا الطقم الماسي والا اقول لامي ان بنشتريه وشلته وشفته من داخل واستانست حيل عليه على اساس ان بنشتريه والمهم والا نروح للكاشير والا ابوي عندان عند الكاشير وكنا ناطرين الكاشير لان ماكان موجود المهم والا سعر الطقم 750 فلس والا تصير ويانا اختي الكبيره الي بالحلم الثاني وتقول بس يمكن لان رخيص يتكسر بسرعه وقتلها معقوله ايه صح وحده من رفيجاتي قالت ان اشترت كوب رخيص واستخدمته شويه وانكسر بروحه جان تقول أي هذا الخوف مو واحد من اخوان قالت اسمه وقالتلي تذكرين لمن فلان صب شاي والا ينكسر كوب ورد وصب بكوب ثاني وانكسر عالجوله المهم قعدت من النوم والكاشير ماجا عندنا

وحلمت قبل جم يوم اني حاطه بشعري سدر ومن كثر ماكان السدر سائل طاح شوي على جبهتي

ومشكوره وعساج عالقوه

ملاحظة :-
عمري 22 سنة
غير متزوجه
موظفه

 

[c00L G!RL]

السلام عليكم ورحمة الله وبركاته

مشكوره على الموضوع وجزاج الله الف خير على هالمجهود

انا عندي حلم متحلمته من اربع سنين بس دايما يطري علي واتمنى اني اعرف تفسيره

الحلم هاذا اني كنت في بيت جدتي القديم الله يرحمها بس كان البيت غير يعني شكله مثل بيوت

اول من طين << بس ان البيت كان كبير حيل حيل

تحلمت اني قاعده اتمشى بالبيت ولا اشوف بنت وولد صغار << تقريبا اعمارهم 8 اسنين

ملابسهم حلوه واشكالهم مرتبه وانهم يلحقوني وانا انحاش منهم وكنت حيل خايفه منهم وانه كان في دري مفروش بزوليه خضرا احتكرك بزاوية الدري وهم محاصريني

وفجها اختفيوا ولما كنت بنزل من الدري ولا تدخل من الباب حيه كبيره كبير الباب وو سيعه وشكلها يخرع
ولا الحيه تطلع لسانه تبي تي لي وانا اصيح اصارخ وهي حيل قربت مني وطلعت من الباب وصعدت الدري وانا نطيت من الدري وطلعت من الباب

وانا منحاشه منها وهي تلاحقني رحت اركض بالحوش مع العلم ان الحوش كبير حيل ولاقيت ابوي

ورحك له اركض ولا ابوي واقف عن اللي يشربون منها الماي قبل << جنه اسمها برمه

يقولي يلا تعالي عندي بسرعه ولما وقفت يم ابوي لاقيت اخوي اللي كان عمره 10 سنوات

واحنا واقفين يم البرمه حاصرونا حيات صغار واايد طلعوا لنا من كل جهه وابوي يمسكهم بيده ويحطهم داخل البرمه و يقول لي ساعديني وانا وابوي واخوي نشيل الحيات ونحطهم داخل البرمه

وكان عددهم كبير لدرجه ان البرمه انترست ولا اشوف من بعيد الحيه يايه يعني تو ما بين الا راسها

وانا اصيح اقول لابوي كاهي كاهي وهو يقول ما عليج ماباقي شي ونخلص

وان شاء الله يكون تفسيره خير

مع العلم اني مو متزوجه وعمري 16

 

[mi!ss joooory]

السلام عليكم انا حلمت ان قطوه لونها بني و بيج عضتني برقبتي وهي تعض انا كنت ادعي الله ان يفكني منها و قمت من الحلم

 

[مربربة]

السلام عليكم
انا طالبة
مو متزوجة
عمري 21
حلمت قبل سبوع تقريبا
ان كنت بيت خالتي وان فجاة يعني ملجتي على منو مادري وان بس اقولهم بس سوولي تسريحة انا احط مكياج وجنه سويت ولبست نفنوف وردي وفي افويت حلووووو راقي حيل وطقم وتراجي كبار!! الماص مع ظقمها وان امي وحمولت خالتي كلهم بالحلم كاشخين ومي كشخة لابسة اسود وطقم يبررق بررق وان صعدت الدرج الي بودييني الدور الثالث بيت خالتي ووقف واطالعهم وهم بالدور الي تحتي يحوسون ولووية وكاشخييين جنه صج!! وبس
وحلم ثاني ان قبلها بالصج كنت رايحة عرس وهالعرس بماكن راااقي بفندق وكانت قعدة جدامنا عضوة وزيرة بالصج وبعدها حلمت فيها ان كنت رقص جدمها وطاحو تراجيي عندها تحتها جان تنزل وتييبهم لي بس مو ملوتي !! وكباااار سود وسلفر الماص وعطتني زيادة وحدة ثالثة وانها خاااضعتلي وبالصج كانت بالعرس هالوزيرة منفسسسسةشافة نفسها وبالحلم لابسة شيله !!وبس

 

[دانه الريم]

صباح الخير
ام وليد شخبارج واشلون العيال ان شاءالله بخير
حبيبتي ماعليج امر ممكن اتفسريلي الحلم انا حلمت ان كنت اقرا المعوذات وجنه في احد يضغط على جنبي اليمين ما يخليني اتحرك بعدها قمت من فراشي ورحت وانا خايفه واركض غرفه امي اشوفها نايمه وبغرفتها حيه لونها اصفر ولا اخاف واطلع رحت الصاله ولا اشوف فيها قطوه شكلها بشع وماعليها شعر وهم خفت وقعدت اركض بعدها قمت من النوم وكان تقريبا الفجر
ويعطيج العافيه

حبيبتى رنا المعروف اى بنت مو متزوجه
اتشوف حيوان بالمنام وتخاف منه :jbdwjbd:
هاى معناها ناقوس الزواج
ودامك شفتيه عند امك
يعنى من طرف امك ان شاء الله:27d66a9c24b146327bf
يعنى تفائلي بالخير ان شاء الله
وان كنتى متزوجه انتى يعنى ابشرى بالحمل او الولد الصالح
معلش انا عندى كتاب تفسير لابن سيرين وغيرة
وان شاء الله خير لكى ولا لاختك تعرفين مرات الحلم نحلمه لنا يطلع لاختنا او قريبه علينا يعنى اضرب لكى مثال
بالمنام انا وبنتى يم المحلات شافت عبايه لون وردى امطرزه او ثوب نسيت
المهم بنتى تبيه قلت اروح اعمل تحليل وارجع اشتريه لج
وبالفعل رحت وخلصنا ورجعنا لقينا الثوب بايعه الريال وبنتى تبجى عليه
وانا مقهورة على بكى بنتتى وقمت مفزوعه من الحلم
وسبحان الله بعد ساعه جتى جارتنا ومعها بنتها
انا طبعا سولفت القصه لبناتى وقامو يضحكون يقولون خرابيط يمى كثرتى بالاكل
المهم اطل على جارتنى وبنتها اعيونها وارمه اقلها اشفيها تقى
تقليجينا من يم العيادة اكو محل امعلق دراعه امطرزه حيل حلوة تبيها
قلت اخاف ما تكفى الفلوس للتحيل اخلص واشتريها
ومن طلعنا بايعها وقامت تبكى مثل الياهل عليها
طول الطريق
هههههههههههههههههههه
شفتى الحلمه سبحان الله كانها معنا يعنى ان شاء الله خير من كل الجهات​

 

[مربربة]

اب
وين ام وليد

 

[دنيا جديده]

تكفيييييييين وينج ام وليييييييييد حاولت ادز الحلم ع الخاااااص الصندوق عندج فل


بكتب لج حلمي اتمنى اتمنى تفسرينه لي

 

[دنيا جديده]

تكفييييييين يا ام وليد طلبتج طلبه انج تفسرين حلمي بأسرع وقت تكفيييييييييييين....

انا بنت مو متزوجه موظفه. تحلمت حنا بالمزرعه واشوف امي من بعيد تصلي وهي على كرسي وبالواقع هي اساسا اذا بتصلي تقعد على كرسي عشان رجولها ماتقدر. المهم هي تصلي وجهه منور وجمبها شاب بالحقيقه اعرفه وهو ينطرها تخلص عشان يكلمها بموضوع وبالحلم وجه الشات منور مثل أمي وقاعد على الجمب ينطرها ويبتسم. ولما خلصت امي من صلاتها وسلمت وقرب يمها وقعد يكلمها وهم يبتسمون.

تكفييين محتاجه لتفسيره عسى ربي يوفقج يارب

 

[مدام فستقه]

اليوم سبت خن اقولج حلمى
انا مطلقه وعمرى 26 و موظفه
حملت حلم تكرر مرتين

حملت الله يسلمج انا واختى متزوجه قاعدين مع زوجه عمى الكبير وبنتها وحاطين حلويات وفواكه عقبها قامو بيطلعون وبوصلونه البيت
وركبت معاهم السياره انا واختى واللى تسوق زوجه عمى وبنتها وصلتنا لي بيتنا ودشت سيارتها لى كراج بيتنا نزلت انا واختى واقول لزوجه عمى وبنتها دشوا بيتنا ليش ما تدخلون مو راضين ادخل بيتنا القي مثل الزينه ويهال وايد من صبيان وبنات واصعد درى انادى امى علشان تكلمهم يدخلون بيتنا ورفضت تدخل تقول لا ما يصير ادش بيتكم وعقبها راحو وانا ومعاى وحده ركبنا سياره ثانيه ومشت السياره وعقبها قعدت من النوم

نفس الحلم هذا تكرر قبل جم شهر بس اللى كانت توصلنى رفيجتى معاى بالدوام ومعها بنات الدوام ونفس شي مو راضين يدخلون بيتنا

بليز فسرى حلمى لان مستغربه شلون تكرر ويرفضون يدخلون بيتنا

 

[أم عبدالرحمن 2]

يعطيج العافية

.
.
.

انا مو من الناس اللي تعير الحلم كل هذا الإهتمام

بس هالحلم حبيته وقمت فرحانه منه

يمكن ليش صلاة وإمامه

:eh_s(22):

.
.
.

المهم

انا مومتزوجه وعمري 32

حلمت اني أصلي بمجموعة من الناس

يعني انا الإمام

والحضور نص اعرفهم ونص لا

كنت فرحانه وامي وراي تشد من أزري

:eh_s(17):

 

[آلسحرآلحلال]

ام وليد صندوق الرسايل فل ...~

 

[cup-cacke]

ام وليد لحد الحين تفسر احلام او لا

لان عندي حلم واحد متعبني وكل مره يتكرر

 

[c00L G!RL]

بنات عسى ماشر وينها ام وليد

مر اسبوع كامل من حطينا الحلم

خير ان شاء الله وين راحت ؟؟