هديتي لكم :)...تفسير الاحلام.

[آلسحرآلحلال]

ماتشوفين شر يا ام وليد ...

 

[$ فراولة $]

عسى ربي يردج بالسلامه يا ام وليد
وتبشرينا عنج بخير
حدثنا ‏ ‏الربيع بن يحيى ‏ ‏حدثنا ‏ ‏شعبة ‏ ‏حدثنا ‏ ‏يزيد أبو خالد ‏ ‏عن ‏ ‏المنهال بن عمرو ‏ ‏عن ‏ ‏سعيد بن جبير ‏ ‏عن ‏ ‏ابن عباس ‏
‏عن النبي ‏ ‏صلى الله عليه وسلم ‏ ‏قال من عاد مريضا لم يحضر أجله فقال عنده سبع مرار ‏ ‏أسأل الله العظيم رب العرش العظيم أن يشفيك إلا عافاه الله من ذلك المرض

أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها

 

[بدوره 22]

عسى ما شر ام وليد شنو فيها ؟؟

 

[ام وليد hamood]

تسلمون يا الغاليات ...وحمد على كل شي .. كل اللي يجيبة رب العالمين زين وان شاء الله اجر .

 

[تعويذه الحب]

الحمدلله عالسلامه

ام وليييد صارلي 3 ايام احلم نفس الحلم ان سيارتي محترقه هالحلم تكرر معاي 3 مراااااااااات

 

[• قلبه نصيبي •]

تو مانور المنتدي ام وليييد !
وشلون علي الاحلام انتي كاتبه ع الخاص ! وادز ع الخاص مايصير !

 

[قلبي ابيض]

هلا غلا بأم وليد

خلي الاحلام على صوب وبشرينا عنج

 

[Mrs_Orchidia]

اجر و عافيه ام وليد و عظم الله اجرج .. الله يسهل امورج و يقومج بالسلامة حبيبتي

 

[سحر الشرق2008]

عظم الله لك الأجر عزيزتي وانشاء الله آخر الأحزان وما تشوفين شر والله يعطيك العافية

انا اليوم حلمت حلم غريب وهو اني في الحلم بطني يعورني وكنت حامل وشكله على وشك ولادة وقاعدة استعد بروح المستشفى وبعدين ادخل الحمام اكرمكم الله واشوف في ملابسي الدخليه افرازات كثيرة صفرة واشوف الحبل السري في الأفرازات وامسك الحبل السري ويكون مقطوع وانتهى الحلم
انا عزيزتي متزوجة وعندي ولدين
ارجو تفسرين الحلم بأقرب وقت وشكرا

 

[uae_2009]

هلا حبوبه اشحالج


عندي حلم دووم احلم فييه


اليوم وقبل اسبوع

اكون بيت خالتي و يكون البريعصي (الطيطار) لاصق في جلابيتي من تحت وكان كبير وكل ماابا اخوزه مايخوز

ياريت لو تفسيرلي

 

[*الأثــــــــير*]

مرحبا اختي ام وليييد وعساج عالقوة

ماهو وقت حدوث الحلم بالساعه ؟
يمكن الصبح

ماهي صلتك مع ربك : عادية
ماحالتك الاجتماعية :متزوجة وعندي ولدين
ماهي مهنتك:ربة منزل
ماحالتك قبل النوم : عادية

---------------------------------------------
حلمت ان اخوي خلاني اركع وحط فوقي حية رمادية متوسطة الحجم وتركني وراح ويضحك وكان يبيها تقتلني
وثبتت بمكاني وفجأة وانزلت من على ظهري واشوف قلم حاد عالارض واخذته وطعنتها على راسها وماتت
واروح واقول لامي شفتي ولدج يبي يذبحني وقالت اي اي بس روحي
ورحت مكان الحية والا اشوف شغالتي شاقتها من راسها لاذيلها وكانت تشيل من اللحم بأكياس واقول لها ليش جذي تقول ان امي قالت لها تشيله


------------------------------------------------------------


الحلم الثاني لاختي ممكن تفسرينه تكتبه لج هي :


ماهو وقت حدوث الحلم بالساعه ؟
يمكن الصبح

ماهي صلتك مع ربك : عادية
ماحالتك الاجتماعية : مطلقه مع وجوود ابناء
ماهي مهنتك:ربة منزل
ماحالتك قبل النوم : عادية

----------------------------------------
حلمت اني رايحه انا وخواتي للشاليه حاجزينه وكات اختي هي اللي تسوق مع ان في الحقيقة ماتسووق



ولم نزلنا شفنا اصحاب الشاليه بيطلعون وقاعدين ينظفوون حمام السباحه اللي فيه وكان يطييح البرسلان اللي فيه وقالت لي صاحبة الشاليه تعالي



وقعدي معانا وكانت صاحبة الشاليه هي وزوجها


وسألتها تعرفين بالفال قالت اي
وكتت الفال لي يعني تقرالي فالي وكتت فالي وطلعو ورووود



ولمن جت بتتكلم مد زوجها عصاته وخربط فالها وقال لا تقولين ولا شي لها وهددها



ورحت عادي من عندهم وامشى بالشالية وتلحقني صاحبة الشاليه وقلت لها قوليلي عادي مايهمني



( وقالت لي هاذي اختج اللي اسمها امل راح تتزوج واحد اسمه عبدالرحمن (طبعا يكوون ولد عمنا اخوه طليقي)



وقالت لي بتخسريين خواتج كلهم بسبب هاذي فاطمه( طبعا اختنا بعد)



وبعدين راحت صاحبة الشاليه وحسييت بدووخه وكنت بطييح واخذت خواتي وطلعت من الشاليه وكنت انا خايفة من اختي اللي تسوق



وبس خواتي اللي بالحلم مو متزوجات




-----------------------

ومشكورة وماقصرتي

 

[*الأثــــــــير*]

ماتشوفيين شر يالغاليه والله تو اشوف ردود البنات وماجورة ان شاء الله

 

[Mrs_Orchidia]

السلام عليكم .. ام وليد .. انا حاولت ادز لج حلمي عالخاص .. بس صندوق الرسايل عندج متروووس ماشاءالله يا ربي .. ابي احد يفسر لي مليييييييييييييت

و اليوم السبت بعد!

 

[• قلبه نصيبي •]

ام ولييد فضي الرسايل بليييييز !

 

[Mrs_Orchidia]

للـــــــــــرفــــــــــــع

 

[DốǾốDї]

فضي الخاص يا ام وليد ما نقدر ندزلج شي

 

[آلسحرآلحلال]

ام وليد الخاص مترووس

 

[.،:"$الـعـوبــــة$":،.]

وانا بعد وياكم عندي حلم وابي تفسيره!!!!

 

[.،:"$الـعـوبــــة$":،.]

أم وليد أم وليد أم وليد!!!
صندوق الرسايل فلللللللللللللللللل عندك وموراضي يستقبل اكثر!!!
تكفين فضي الصندوق عشان نراسلك،​

 

[العين الكحيله]

السلام عليكم

شاخبارج ام وليد انا اغلب احلامى تكوون بالسيااره شنو معناه
وجزاج الله خير