نقـآش عن شركـآت الطيـرآن .. ^^

[يــــارا♥]

القطريه والاماراتيه توب
البرتش زوين
طيران الخليج مقبول للرحلات القصيرة (٢-٣ ساعات) بس عيبهم وااااايد يتاخروووووووون :eh_s(2):
غلطت عمري لما قررت ارد فيها من لندن.. تخيلوا ٣ ساعات انتظار بداخل الطيارة بس عشان تطير:rgewrg:

 

[مشتطـه]

ياارا لووو اموووت ماطرت على طيران الخليج
واااي اكره الطيران البوطقة
انا دقيقة بهالامور


حياكم الله

 

[عمرى غير]

الامارتيه توب التوب خدمه ووناسه والبريتش حلوه الخليج الله يجيرك مستحيله والا مطارهم يعينك الله تخيلوا من لندن بحرين كويت اخني 24 ساعه اوقاتهم مو شي والله حصلتلي القطريه بس قلت ها يالله الخليج اقرب اما ناس لا يحوشك لجده فضيعه مدري تقرقع واجد تقول ابد بتشلع الطياره بس روحتي الجايه للندن بتكون علي القطريه انشااااااااااااااااء الله

 

[مشتطـه]

عمري غير اي ناس و فلاي دبي وهالطقة هذول رخاص
ماينظمنون
بس ساعه تهون
تقرقع ساعه والا انها تقرقع 7 ساعات


اي زين تسوين لا تروحين عالخليج
القطرية ممتازة

 

[!amorra!]

الاتحاد وايد حلوه واوسع كراسي كراسيها بس بالطيران الداخلي من ابوظبي للكويت صادفنا طيار الظاهر ناجح بالواسطه زين ماطاحت فينا الطياره والله الطيار تختض خض عبالنا بطيييح

الكويتيه لايحوووووشك

الاماراتيه اتينن خصوصا الفيرست عجييبه


امممممم القطريه حلييوه بس متروسه هنوووود تلوع جبدج من الريحه!!


بالنسبه لي حق طيران المسافات البعيده الاتحاد وووووبس خدمه ونظافه واهتمام ووسع واكل اينن

 

[غيمه عطر]

احلى طياره جربتها الاتحاد فخامه وخدمه جربتها الى لندن

وسفرتي الاخيره الى امريكا رحت على الفيرجن ررررررروعه

القطريه والاماراتيه نفس المستوى طبعا اتكلم عن درجه البزنس

 

[مشتطـه]

يبيله نجرب الاتحاد

عليكم بالعافيه حبايبي نورتووو

 

[q8tiaa81]

والله انا صارتلي مواقف مع الاماراتية خدمتهم زفت والمضيفات نفسسية جني اطر منهم طنشت هالشي ماهموني وايد وترى مو تجربة وحدة كذا تجربة مرة وانا رايحة لندن كويت دبي عجيب الطيارة وكبيرة والخدمة زفت اما دبي لندن الكراسي ضيجججججة والخدمة زبالة انصدمت اصلا من المستوى وايد قامت تتراجع بمستواها هذي تجربتي الشخصية وتجربة جم بنت عموما انا احب اختار طيران زين ومريح وصراحة احلى ثلاث شركات جربتهم البرتش والهولندية وطيران دلتا الامريكي وبنظري اغلب الطيرات متشابه بالكراسي والخدمة ككراسي سياحة الا اذا كان بزنس او فيرست يبين الفرق

 

[مشتطـه]

مادري انا ما رحت على غير الاماراتيه حيل احبها والخدمه ممتازة
مدي يمكن انتي دقيقة وايد


حياج الله نورتي

 

[!amorra!]

الكل متشابه الا الاتحاد وايد وسيعه

 

[مشتطـه]

شوقتوني عليها بس يقولون كلها هنود

 

[my love fofo7]

هلا بك موضوع حلو يستحق الرد
انا جدا مرتاحه بالطيران القطري اماان وراحه وهم دلااال ماكو تاخير ولا عطل صادفنا لانضلها بعين هههههه
اذكر باخر سفره لي لامريكا حسيت فيها بامان ودلااال لا ازعااج ولا يحزنووون وخدماتهم حلووه
شجعتوني على الطيران الامارتي بس تصدقون مادري بس مرتاحه للقطري

 

[مشتطـه]

شكرآ لج عزيزتي

وترى بنفس المستوى القطري والاماراتي
بالامان وكل شي

وانا ان شاءالله راح اجرب القطرييي

 

[JFK LAX]

الكل متشابه الا الاتحاد وايد وسيعه

قصدح الاتحاد الاماراتيه ولا اليونايتد؟

 

[الدلال]

كنت دايما على الكويتيه

بس اذا ما اخذتي الفيرست كلاس لا تروحين فيها

وتالي قامت تخوره بالمواعيد واغلب الوقت تاخير حولت على القطريه خوش طيران والله واكثر شي اروح فيها حق الرحلات الطويله

الاماراتيه بعد حلوه

الرحلات القريبه الجزيره ماشي حالها واللي يعجبني فيها التزامها بالوقت

والعمانيه والله بعد جربتها زينه

 

[james546613]

الخدمة حلوة بالالمانيه اللوفتهانزا والبرتش بــــــــــــــــــــــــــس العيب بريحة الخمر وخاصة في السفرات الطويلة

 

[engineera_2007]

سلاااام

مشتطه أنا نفسج بالضبط !

بل أسوأ منج بعد .. أنا صرت مؤخرا أكنسل سفرات كامله والسبه خوفي من الطياره !!
وأطلع ألف عله و عله بس عشان ما أسافر .. بس السبب الصجي يكون خوفي من الطياره ((

بس بالنسبه للطيرانات أهون شي عندي البرتش أحسها أأمن وحده لأن أحس دول أوروبا يخافون على أرواح الأوادم أكثر من العرب


حبيبتي ممكن تقولينلي وين ممكن أحصل هذا البرنامج الي تابعتيه مال الطيران ؟؟ يمكن يفيدني وتنفج عقدتي شوي وأقدر أعيش حياتي مرتاحه !


))

 

[مشتطـه]

engineera_2007


wait me

i will back ensha2 alaah


hal KeyBord ma Feeeh arabic

 

[engineera_2007]

أوكيك حبيبتي ناطرتج اخذي راحتج

 

[مشتطـه]

حبيبتي شوفي انا يتني فتره ينقبض قلبي قبل السفره بإسبوع واي واقعد بكل سجده ادعي نوصل بالسلامة

واذا شفت احد بيسافر اكتأب واقول اشوا اني من هني ليما سنة جدام ماوراي سفره



ولما تابعت البرنامج جن جنوني


قمت اشوف تمثيل لقصص حقيقية واستخف اكثر

وارتعب

وحالتي حاله

بس لمن تابعت كللللللللللل حلقاته بالييوتيوب حسيت اني بديت اتثقف
!!!


ولما قريت معلومات ب ويكيبيديااااا عن اسماء الطيارات اللي طاحو

لقيتهم كلهم من دول متخلفه
يعني عندج اثيوبيا الصومال الصين الطيران الرخيص وهالطقة

ف ايقنت بعد ان من بعد ارادة الله وقدرته

اللي يطيح الطيارة اهو ردى الشركة


ماكو اهتمام

بس لو تروحين لطيران مثل الاماراتية القطرية البرتش وهالطقة هني ارتاحي
لان الطيارين ياخذون دورات تدريب

وعمليات الصيانه تكون بشكل دقيق حفاظا على سمعة الشركة


كل شي بإيد الله

بس في طيران لو شنو ما اركبة مو خوفآ من الموت لا لان مهملين اصحاب الشركة

مثال : الكويتيه .. الخليج ... المصرية .. والاثيوبية وطقتها

عندج السعودية مو زينة ووعليها سوالف هم ما احبهااااااا ابد

البرنامج تلقينه باليوتيوب اسمه

تحقيقات الكوارث الجوية


عندي خلفية كاملة عن موضوع الطيران امريني وانا اجاوبج

للعلم الحين عندي خوف من الاقلاع بس

وقاعده احاول اتغلب عليه

والحمدلله لما تابعته عدل ماقمت اخاف


لي سنتين اتابعه ترى او اكثر بعد