نقـآش عن شركـآت الطيـرآن .. ^^

[engineera_2007]

واااااي مشتطه حبيبتي ما تدرين شكثر ريحتيني بكلامج !

تدرين انا نفسج بالضبط لمن أرد من سفره أقول أشوه الحين عندي سنه كامله مافيها سفرات !!

بتابع هالبرنامج وصدقيني لج نصيب من كل دعاء أدعيه اذا قدرت أرتاح من هالناحيه !

حبيبتي مشكووورة وايد وما قصرتي :*

 

[مشتطـه]

بعد عمري
صدقيني هالبرنامج مو شرط يريحج اذا تبين اقولج كلام اكثر راح اقولج

لان انا الحمدلله تشافيت من هالعقدة لاني فكرت بعقققققققققققققققل


وانا حاليا بأمريكا طرت 14 ساعه بالجو تخيلي كنت مرتاحه بفضل الرحمن

 

[سارونه87]

الاماراتيه روعه

 

[مشتطـه]

صح

جربتها وايد

 

[ملكة الثلج]

جربت القطرية مره زينـه ما عليها كلام وجربت الاماراتيه


وطبعا ما اطير الحين إلا عالاماراتيه روعه روعه روعه

عندهم نظام جمع النقاط من الاميال اللي تقطعينهم ولاني رحت لامريكا اكثر من مره كانت النقاط وايد

فكان لنا معامله خاصه وكاونتر بروحنا شي حلو صراحه خدمه مميزه , وممكن بهالنقاط اللي تجمعينها
تسوين أب قريد للبزنس اذا النقاط وايد , وممكن من خلالها تحصلين رحله قصيره مجانا , انا رحت دبي
من خلال نقاطي مجانا , بس دفعت التاكس )))

 

[مشتطـه]

ملكة الثلج اي صح الاماراتية روعه روعه

بس انا ما رحت امريكا عليها اسعارها نار وشرار شدعوة ب 570 ومو موسم


رحنا دايركت عاليونايتد واخذناها ب 320
وفي ارخص بعد عالبرتش والامريكان ايرلاين ب 230
بس فيها ترانزيت ما بغيناها

 

[مشتطـه]

اب اب اب

 

[المهفة]

مساء الخير اختي مشتطه
انا عندي نفس المخاوف من الطيران بس باعتبار ان حالتي متقدمه صار لي سنتين استعمل حبوب مهدئه مع كل سفره، السبب حادث طيران تعرضت له قبل ١٠ سنوات ومابي اخوفكم بس النتيجه ان المخاوف بدت شوي شوي لما وصلت لحالتي ومافاد فيني الا المهدئات قبل الاقلاع .
خبرتي بالطيران
الاماراتيه والقطريه روعه
البرتش واللوفتهانزا والهولنديه اعتبرهم توب
التركيه تحسنت وايد وايد عن اول وصدنا اللعبه قمنا انروح عالتركيه ونطب استانبول كم يوم ونكمل لاوروبا وتوديج باريس ميونخ امستردام فيينا سالزبورغ وحتي المطارات الاقليميه في اوربا تطب فيهم
سؤالي
اللي تقدر تطلعني من حالة الفوبيا من الطيران غير اني اشكرها وادعيلها لها مني اي شي تطلبه ومن صجي ، مع كل سفره اتازم ومايعلم بحالتي الا الله سبحانه ، وعلي فكره انا متدينه ولله الحمد والمنه ومؤمنه بالقضاء والقدر
وجزاكم الله كل خير ولصاحبة الموضوع اللي خلتني اطلع اللي بقلبي

 

[مشتطـه]

المهفففففففففففففففه واي يابعد عمري


شوفي شغله وحده حطيها ف بالج

قولي ان الخوف ماله داعي

لو بموت بموت حتى بفراشي


السيارة خطره اكثر من الطيارة
وايد عوايل ماتو و وايد حوادث تصير


بس الطيران كل ماله ويتطور بعد حفظ الله لنا ماكو خوف بإذن الله انا هذا اللي يصبرني اقول
لو انه يومي بموت فيه شحقة اخاف

بس وقت المطبات يدق قلبي بسرعه


انزين امانه امانه جاوبيني لو عالخاص

شلون كان الحادث شرحيلي ياه بالتفصيل و على أي طيران ؟

ومن وين لوين


امانه ناطرررررررره اجابتج على احر من الجمر

اهتم واااااااااااااايد وايد بهالموضوع مادري ليش

 

[Lady_q8]

حتى انا بعرف الحادث على اي طيران ؟ و عسى ماكواصابات؟
انا حاشني مثلكم بس قعدت اقرا و اقرا بهالمجال و اسأل المضيفات و انا طايره و سألت كابتن مره بالتويتر و كلهم اكدوا لي نفس كلامج
بس لي الحين قلبي يرقع عند المطبات الهوائيه و عند الهبوووووط

 

[مشتطـه]

ليدي

واي وناسه تصدقين كله اقول لزوجي امنية حياتي اقعد مع كابتن واسولف وياه

وامنيتي ادش غمرة القياده ههههههههه


وبخاطري اقرق ويا مضييفة


ناطرة المهفه تجاوبني كل يوم قاعده اجيك عالموضوع

 

[المهفة]

مشتطه حياتي اسمحولي تري نسيت توني دخلت وشفت الردود
المهم الحادث كان قديم وكنت مسافره مع زوجي امريكا. وكانت الطياره البرتش طارت الساعه ٢ بالليل من الكويت ووصلنا لندن الساعه ٨ يعني ٦ الصبح بلندن ونزلنا ترانزيت ساعتين وغيرنا الطياره وركبنا من لندن الي نيويورك وبعد ماطارت الطياره بساعه بدوا المضيفات يسحبون الترولي عشان يوزعون الاكل ، فجأه تكلم الطيار بالمكرفون وكان صوته يجمد الدم بالعروق وقال عندنا فشل في احد المحركات وراح نضطر نرجع لهيثرو وشميت ريحة عطبه وقلت لزوجي والمشكله ان زوجي يشتغل بموقع حساس في مطار الكويت واكثر ربعه طيارين ولا يعرف الخوف اشلون صاير ، انا تلفت لقيت الناس واكثرهم امريكان كلمن قاعد بمكانه وبعضهم ياكلون ، قلت بصوت عالي ريحة شي يحترق جان يتكلم الطيار مره ثانيه قال. الظاهر المحرك الثاني تعطل جان اصرخ صرخه . الناس بدت تخاف الطيار طلب من المضيفات يرجعون مكانهم بدينا نرجع بدت الاهتزازات الاكل طاح علي الناس بحظونهم .
بدت الحركه مسكت ايد زوجي لقيت ايده متروسه عرق ماي ماي اهنيه قلت خلااااص رحنا فيها . موت بالبطيئ .
الرده خذت ساعتين اشلون مايدري . والاغرب انا لما دخلنا الاجواء البريطانيه رفضوا لان الجو مشحون طيارات وطلبوا من طيارنا ينزل في جزيره بريطانيه نسيت اسمها وصمم الطيار وبدينا ننزل وجهزوا الاسعافات والرغوه حق الهبوط وبالموووووووت طبت
المهفه اول من نزل بدون جنطة يد ولاجوتي والله وكيلكم ماالتفت وراي الا بنص المطار لقيت ريلي وراي واغراضي بيده
تلوموني ؟

 

[Lady_q8]

حبيبتي مهفه والله مالووومج
بس خل اقول لج معلومه اذا تعطل محرك واحد بالطياره عادي الطياره تطير بمحرك واحد
واصدمج
ان الطياره تطير من غير المحركين لمدة 45 دقيقه
يعني يمدي توصلين بالسلامه ان شالله
بس يسوون هبوط اضطراري في حالة تعطل محرك واحد
الله يطمن قلوبنا يارب
مشتطه لاتخلين شي بخاطرج وسوي كل شي عشان تتطمنين

 

[مشتطـه]

واااااي المهفه حييييل اشتطيت على سالفتج الحمدلله يارب عدت على خير


تأثرت تدرين اني ما اخاف من الموت اخاف من الخرعه ما احب اخترع اخاف لما اتعرض لموقف مرعب حتى لو كان مو مميت
شي غريب فيني !!!!!!!!!!!!!!!


عسى الله يسهل عالمسافرين يارب



ليدي لو حاصل والله اسأل وما اخلي شي بخاطري

 

[مسكـ الامارات]

انا كل سفراتي على طيران الامارات وجربت طيران الاتحاد مره وحده

وما افكر اغير عن طيران الامارات

 

[الدلال]

مشتطه حياتي اسمحولي تري نسيت توني دخلت وشفت الردود
المهم الحادث كان قديم وكنت مسافره مع زوجي امريكا. وكانت الطياره البرتش طارت الساعه ٢ بالليل من الكويت ووصلنا لندن الساعه ٨ يعني ٦ الصبح بلندن ونزلنا ترانزيت ساعتين وغيرنا الطياره وركبنا من لندن الي نيويورك وبعد ماطارت الطياره بساعه بدوا المضيفات يسحبون الترولي عشان يوزعون الاكل ، فجأه تكلم الطيار بالمكرفون وكان صوته يجمد الدم بالعروق وقال عندنا فشل في احد المحركات وراح نضطر نرجع لهيثرو وشميت ريحة عطبه وقلت لزوجي والمشكله ان زوجي يشتغل بموقع حساس في مطار الكويت واكثر ربعه طيارين ولا يعرف الخوف اشلون صاير ، انا تلفت لقيت الناس واكثرهم امريكان كلمن قاعد بمكانه وبعضهم ياكلون ، قلت بصوت عالي ريحة شي يحترق جان يتكلم الطيار مره ثانيه قال. الظاهر المحرك الثاني تعطل جان اصرخ صرخه . الناس بدت تخاف الطيار طلب من المضيفات يرجعون مكانهم بدينا نرجع بدت الاهتزازات الاكل طاح علي الناس بحظونهم .
بدت الحركه مسكت ايد زوجي لقيت ايده متروسه عرق ماي ماي اهنيه قلت خلااااص رحنا فيها . موت بالبطيئ .
الرده خذت ساعتين اشلون مايدري . والاغرب انا لما دخلنا الاجواء البريطانيه رفضوا لان الجو مشحون طيارات وطلبوا من طيارنا ينزل في جزيره بريطانيه نسيت اسمها وصمم الطيار وبدينا ننزل وجهزوا الاسعافات والرغوه حق الهبوط وبالموووووووت طبت
المهفه اول من نزل بدون جنطة يد ولاجوتي والله وكيلكم ماالتفت وراي الا بنص المطار لقيت ريلي وراي واغراضي بيده
تلوموني ؟

واااي يمه :eh_s(2):
انا اموت على السفر بس حييل اخاف من الطياره واقعد على اعصابي لين توصل

 

[مشتطـه]

مسك الامارات حتى انا احب الاماراتية

 

[Imnoura]

هلا بالحلوااات ...

المهفه ياااااني رعب وانا اقرا سالفتج ..... الحمدلله عدت على خير ...

انا جربت الاماراتيه والاتحاد والبزيتش و الماليزيه والالمانيه و التايلنديه

اللي كرهتها و مستحييييييييييييل اجربها مره ثانيه البريطانيه ابدا مستحييييل ما حبيتها ابدا ما عندهم مروونه و تعاملهم عادي و تحسون معداتهم تعبانه مب مرييحه ...

التوووب طبعا الامارات مع انه صادفني موقف مع المضيفات مثل ما قالوا الخوات شايفات نفسهم بس بعد هي الافضل
الثانيه الاتحاااد مستواها حلو والطياره حللوه
الباقيات مستواهم زيين ...

و مشكوره صاحبة الموضوووع ....

 

[مشتطـه]

صح الاماراتية المضيفات لج عليهم شوي ينفسون واحس يحبون الاجانب مع ان الشركة عربية


البرتش وايد مدحوها غريبة ذميتيها

وشكرآ ياقلبي على مرورج

 

[نـعـومـه]

القطريه الاماراتيه حلوووين بس غلي

انا اكثر شي يهمني سالفه التأخير ماحب الطياره اللي تأخر موعدها اما الامور الثانية اللي الله كاتبه بيصير