نقدر نعيش بدون خدم ؟

[Om-hamadly]

السلام عليكم

انا ادري ان هالموضوع متكرر وايد لكن دورت شئ يديد ما لقيت

انا ام لطفلين وتوني طالعه من بيت حمولتي لشقه خاصه

يعني زاد علينا الطبخ

وعندي خادمه فلبينيه صراحه اهي زينه لكن صار لها شهر متغيره يمكن زاد عليها الشغل

وبرا البيت من اروع ما يكون مع العيال والكل يقول ماشائالله عليها

وبالبيت وحده ثانيه !! لا تقدر على عيال ولا ترتب ولا تنظف وتبيني بس وراها

وصراحه كرهتها

وهذي 7 خادمه اييبها وكنت حالفه اذا راحت ما اييب غيرها

_________

خايفه امشيها واتوهق وانا الحين حامل !

وبخاطري امشيها وبالذات انها قامت تنفس علي وعلى العيال

بس ابي الدعم وانا ادري ان مع النفسيه والاراده كل شئ يصير سهل

__________

ودي هالموضوع يجمع تجارب على نصايح على تشجيع

ويكون لنا وقت كل يوم نشوف تجارب وتشجيع بعض على شان ما نيأس وتكون معنوياتنا عاليه وراضين عن نفسنا

واتمنى ما تبخلون علي بنصايحكم وتشجيعكم

واسفه على الاطاله

​

 

[attoosh]

حبيبتي نصيحه خلج على خدامتج احسن لج عندج ياهلين وحامل يعني صعب وايد وضعج ودامج قادره او عندج استعداد تعيشين بدون خدامه انا اقولج حل ثاني خليها موجوده وشيلي جزء من الشغل ساعديها بالتنظيف لانه اليهال بروحهم عباله انا ساكنه ابيت حمولتي يعني ماكو طبخ وعندي خدامتين وعيالي 3 و 24 ساعه ايدي بايدهم واساعدهم اقلة شايله عنج جزء عود والفلبن ما يبون الزف عامليها عدل حتى لو سوت غلط انتقديها حاسبيها بس بدون اصراخ عرفتي ترى اذا وديتيها بتتوهقين والمكاتب شبو نارر وخدم كلهم عوبات على الاقل تكنس وتغسل هدوم وتكوي هذا اهم شي ولا ماكو وهذي نصيحتي وانتي كيفج

 

[لولو الكويتيه]

لااا اكيد ماتقدرين تعيشين بدون خدم وانتي حامل اختي واليهال عباله وتعب ونفس ماقالت الاخت اللي قبلي الحين المكاتب غاليه والخدم صارو نااار ساعدي خدامتج وحاولي ماتجابل اليهال 24 ساعه وصدقيني اللي تقولج اي تقدرين تقعدين بدون خدامه مو مرتاحه لان في جانب بحياتها مقصره فيه وانتي الزم ماعليج راحتج ونظافة بيتج وعيالج

 

[ناسفه البرقع]

لا صراحه ما نقدر نعيش بدونهم

اهما شر لا بد منه

بس انتي قاعد تقولين انج ام لطفلين واليهال اسمالله عليهم يبلهم احد يراكض وراهم واهيا وحده اكيد راح تحس بضغط

احنى فتره ما كان عندنا خدامه قبل كنت اقول خدامه وحده كافي وشدعووه ما تقدر تقدر بس اهيا تتدلع

لا صج ما تقدر

اذا انتي تقدرين المفروض تحطين خدامتين واذا ما تحبين المفروض انتي تساعدينها بالبيت

ربعن تعاونو ماذلو بنهايه هذا بيتج انتي اذا خلصتو الغدا المفروض انتي تشيلين اذا اهيا كانت طابخه

مرات انتي لقطي اغراض اليهال

لازم تتساعدون تره اهيا نفر واحد صج هاذي شغلتها بس وايد صعب وتعب ويبله جهد جبااار انه تكون مسئوله عن طفلين وشغل البيت

 

[*مطبخ الذواقة*]

ممكن ..


بس في مثل حالتج صعب

 

[متوترة]

شوفي خلي العيال عليك والباقي عليها اريح لك
خليها تطبخ وتكرف وشوله جايبتها حللي كل ريال فيها
بنات لوندفع فيزه الشغاله واستقدامها من جيوبنا والله لا نحلل كل ريال فيها
ولاعليك منها تنافخ اجريها ل بيوت ثانيه وخذي فايدتج وجيبي لج الخادمات الي بالساعه

والله يعينج يارب

 

[Om-hamadly]

والله ما ادري كلكم نفس الراي

بس انا ما احس ذاك الضغط عليها لان عيالي الصبح حضانه و 7 نايمين

واكيد بالبيت مو عندها عندي بس اهي مجرد تبدلهم

لكن حتى التبديل بالبيت تقول ما اقدر ما يسمعون كلامي

وجدام الناس تمطخ فيهم وتلاعبهم وتبدلهم ونغني لهم وبالبيت ولا تكلمهم

واحسها كل يوم تسوي شي تبي تنرفزني فيه

وانا اهم شي عندي ان محد يقعد ببيتي مغصوب وبذات ان عندي عيال

صراحه كنت ناويه اقول لها اذا ما تبين هالبيت روحي بيت ثاني

لكن عقب ردودكم بصبر شوي​

 

[om.googi]

اي نقدر نعيش بدون خدم .. خو احنا مو مقطوعين من شجرة !

شوي عالأم شوي عالاخت في الحالات الضرورية .. الخدامة xXx

بس دام اهي عندج حاليا خليها ,, وعالاربعين شوفي اذا كنتي بحاجتها والا تقدرين تدبرين نفسج

الصراحة الأهل ما خلونا نفكر بشي اسمه خدامة شايلينا شيل .. هذا رايي

وكل وحدة ولها ظروفها ..
​

 

[james546613]

حبوبتي في ناس وايد ماعندهم شغاله ...لسبب ما مثل الي يكرهون او متدين مايبي حرمة غريبة ( جذيه قالوا لي ) انقل لك تجربة واحدة ...تقول يوم كنا في بداية زواجنا رفض زوجي وجود مساعدة لانه بياخذ راحتة في لبسي ولبسه وراحتة في الشقة ويوم العيال كانوا صغار اصر ابوهم على الحضانه كمساعدة تربويه للام ..وفي وقت الحاجة مثل حالة عزيمة او سينما كانوا يستعينون بالخاله او الام ولما كبروا عيالهم عودوهم على النظام كل واحد له شغل محدد ( هم 3 اولاد وبنت ) يرتبون الصاله وطاولة الاكل ويعيدون اغراضهم والعابهم في اماكنها وتعلموا الاعتماد على النفس واعداد بعض الاطباق السهلة مثل سلطة وشوي الهمبرجر في عمر العاشرة وحتى ابوهم عليه ترتيب غرفة النوم ..يوم الجمعة الزوارة عند ام الزوجة والسبت عند ام الزوج ويوم الخميس يسون فية يوم النظافة كل الملابس والبيت والمطبخ ينظفونه من قلب ...والجمعة والسبت الام تعد الاطباق الي تاخذ وقت مثل المحاشي والقبوط والكبة ...وكانت تقول اذا ملينا من الشغل يقوم الزوجبتغير النظام ذاك اليوم مثل يعشينا من برة او يغدينا ونكسر الروتين والحين ماشاء الله عيالها صاروا مراهقين وانتقلوا من الشقة الى بيتهم الجديد واستعانوا بالشغاله فترة محدودة وماتحملوا وجودها لانهم ماتعودوا عليهاوسفروها ... واسم الله عليهم لحد الان موزعين الشغل والبيت يلق من النظافة والله يتمي عليهم نعمته ...

 

[تمنيـتگ]

عن نفسي

مستحيل اعيش بدون خداااااااااامه

لو بعيش ف غرفه وحده وحمام ممكن استغنى عنهم غير جذي مستحيلللللللللل حياتنا بتصير فوضى وسلطه

لانه ماتعودنا من الصغر

 

[سلاسل ذهبيه]

مع الخدم حياه اسهل

 

[Rooz Aziz]

مانقدر نستغني عنها

خصوصا الموضفه

 

[Man7o0osa]

إذا انتي ما تشتغلين و اليهال الصبح بالحضانة ييبي لج خدامة بالساعات تنظف لج البيت و انتي عليج الطبخ
و إذا تشتغلين ييبيها المسا أهي تنظف و انتي تقابلين عيالج لين وقت نومهم و بعدين تسوين لكم اكل حق اليوم اللي بعده و تحطينه بالثلاجة
والله الحياة راحة من غير خدامة بس يبي لها ترتيب و مساعدة من الزوج و العيال
و علمي عيالج من صغرهم على الترتيب و مثل ما قالت وحدة من الخوات لما يكبرون رح يعتمدون على أعمارهم
و بالنسبة للتنظيف ترا اللي بباله تنظيف هو غرفكم و حماماتكم و يلستكم
أما قسم الضيوف يوم واحد فالاسبوع كفاية لو يتنظف زين

 

[حروف من ذهب*]

والله صعبه خاصه الي عندها جهال

 

[انصاريه قمره]

انا عن نفسي كنت عايشه بدون شغاله يبتهااا علشان رجعت اكمل دراستي وعندي 3 بنات وصغار فلازم تكون موجوده وقت دوامي ولا اقدر اعيش بدونها صج تشيل عنج امور وتساعدج لكن انا اللي عندي تنفس وانا كلش ما اتحمل وما عندي سعة صدر ناطره عطلة الصيف واقدم علا هنديه ماكو غيرهم يتحمل مو هالاثيوبيات المعفنات اللي يقول اهم المعازيب كلمه ما يتحملووون

 

[M!SS.LOBY]

حاليا الخدم صارو من اساسيات مقومات الحياة ما نستغنى عنهم

 

[مهووي الخجولة]

الخدم شر لابد منه خصوصا اللي عندها يهال لان الام ماتلحق على شغل البيت و مراكض ويا العيال
وانا انصحج اختي خليها الخدامة ادا انتي شايفتها زينة على الاقل عندج ح يحط و يشيل و يكوي و ينظف وعيالج اذا هم
وايد مشاغبين ييبي لج خدامة ثانية او انتي قضي وقتج معاهم بما انج مب موظفة حرام نحن من نمل من عيالنا قطيناهم عند الخدم
ترا الخدم بعد يملون هم اوادم شراتنا انا الصراحة بيتي صغير شقة و موظفة اداوم لولا الدوام والله جان جابلت ولدي بنفسي بس اللي مصبرني هو الدوام والبيت احاول قد ما اقدر اني ما اخليه فوضى ومب مخلية خدامتي تطبخ .. جذي انا ضمنتها تشتغل عدل بدون ما تتأفف وفنفس الوقت تجابل ولدي وبالها مرتاح مب مضغوطة لان الخدم عفانا الله من يحسون انهم مضغوطين يا يشردون او يأذون عيالنا
تكلمت وايد بس هذي نصيحة مني لاني قبل وايد عانيت ويا الخدم اشكال و الوان

 

[جوري الصالح]

ما نستغنى عن الخدم

الحياة مع الخدم سهلة

 

[ليمون ونعناع]

العيال ممكن تدخلينهم حضانه يستفيدون ويتعلمون اشياء يديده احسن من قعده البيت يملون
وعلميهم على النظافه والترتيب والنظام من صغرهم لا تقولين توهم جهال
و بجذيه يصير وقت للتنظيف والغسيل والاوتي والطباخ
والعشا خليه خفايف

وبس العيال مسئوليتج واهي ممكن تساعدج

والغساله اشتري اتوماتيك تريح وايد وتوفر وقت

الخدامه خليها تنظيف وغسيل مواعين ومكرمه حمامات

انتي الحين حامل ويمكن معاج قله نوم وراحه وبتثقلين و اكيد نفسيتج ومزاجج متقلب
نصيحه لاتفكرين وايد لان ممكن تخلقين مشكله مو موجوده اساسا

انا اقول لج اذا مدتها تبي تخلص قبلها بثلاث شهور طلبي وحده عشان تتعلم الشغل

 

[زوجة حياتي]

ممكن نستغني عنهم المسالة مسالة تعود بس