نقدر نعيش بدون خدم ؟

[bnt_kwt]

لا والله الصراحه ما نقدر انعيش بدونهم
انا خدامتي العوبه الوصخه انحاشت على شينها وقوات عينها
بس كانت شايله عني تنظيف البيت وغسيل الملابس والكوي وغسيل الحمامات
الصراحه انا ضايعه بدون خدامه الحين
مع العلم ماعندي يهال انا اقولج ليش ضايعه انا موظفه لي الساعه
1 ونص بالدوام لما ارجع البيت اكيد بسوي غدا حقي وحق ريلي
منو بيغسل عقبي دثره المطبخ منو بيغسل الحمامات الملابس في اشياء يوميا تنغسل منو بينظف
على الاقل ارجع من دوامي شقتي نظيفه ادخل المطبخ اطبخ هاللقمه في من يشيل ويرتب ما اطبخ واكل جني ملحوقه عشان الحق انظف المطبخ والمواعين
وعقبها اكيد بتسبح وبغسل الملابس اللي تحتاج غسيل هذا كله ماراح اخلصه الا عالساعه 5 او 5 ونص
الصراحه عذاااااب متى برتاح ؟؟؟ متى بجابل ريلي ؟ لانه عقب هالجدول القاتل اكييد مالي خلق اجابل الريل ولا لي خلق اطلع او اروح مكان
الخدامه ضروره ضروره ضروره صح اهي شر لابد منه بس ضروره
نصيحه تقضبي فيها لانه الحين ازمه خدم ماكوووو واذا فيه اسعارهم نار وشرار اللهم يا كافي

 

[shai6ona19]

ياليييييييييييييييييييييييييييييييييييييييت

بس احنا تربينا من واحنا صغار الاعتماد على الخدم

))))=

 

[om al ghaleen]

حبيبتي دام انج حامل صعبه شويه تستغنين عنها .. لانه احنا بزمن غير قبل اليهال يبيلهم مراقبه تامه بسم الله عليهم فهالشي من واجبج انتي وخلي شغل البيت عليها وممكن تساعدينها ببعض الامور ..
مو بس خدامتج تنفس ترا اغلب الخدم الحين نفس الطبع نفسيتهم زفت وتحسين مو محتاجين للشغل صرنا احنا نخاف منهم !!
عن نفسي استغنيت عن الخدامه مع انه بنتي ماكملت الـ 3 سنوات صج تعب بس راحه بال
شلت جزء من راحتي حق بيتي
يكفي احس انه البيت نظيف وتدشه الملائكه لانه اللي ايبيهم مسيح
مو شي سهل بس انتي بآرادتج تخلين كل شي سهل والله يسهل عليج "

\\

 

[Mrs.H]

شوفي خلي العيال عليك والباقي عليها اريح لك
خليها تطبخ وتكرف وشوله جايبتها حللي كل ريال فيها
بنات لوندفع فيزه الشغاله واستقدامها من جيوبنا والله لا نحلل كل ريال فيها
ولاعليك منها تنافخ اجريها ل بيوت ثانيه وخذي فايدتج وجيبي لج الخادمات الي بالساعه

والله يعينج يارب

لا حرااام هذي انسااانة،، انتي لو يعطونج نفس معاشها ويقولولج اكرفي بترضين!

وشدعوه فلوس الفيزا لها مسكينة وليش تحللين الفلوس هذي مو جنطة شاريتها ولا سرير ولا اثاث هذي انسانة

 

[Mrs.H]

تبين نصيحتي؟ خلج واقعية انتي بشقة بروحج وحامل و وراج ثقل و ولادة ونفاس.. عيالج دام الصبح حضانة وينامون 7 خلاص انتي مسكيهم من 2 لي 7 كلها 5 ساعات مو اكثر.. والتنظيف والغسيل والاوتي عليها.. واذا انتي ماتشتغلين خليها تقصصلج الخضرة وتزهب الدياي وانتي بس تعالي وضبطي الطبخة


خليها مؤقتا ليما تولدين وتشوفين نفسج وبالعكس يحليلها اذا جدام الناس تمسكهم عالاقل انتي تستانسين ولا انها تكون من طقة الخدامات اللي عند الناس يختفون ويوهقونج مع اليهال

انتي الحين محتاجة خدامة بعد الولادة ممكن تستغنين عنها لكن حاليا لا

 

[جذابه بنت ذيابه]

الصراحه انا عشت بدون خدامه 6شهور صج راحه بس تعب لوووول وحالتي نفس حالتج بضضضبط عندي 2وحامل وطلعت عن حمولتي كنت ساكنه عندهم بس سنه والحمدالله تيسرت اموورنا و نصيحه وديهاا و قدمي علي وحده انتي علئ وجه ولاده

 

[فـراوله]

كل وحده على حسب مقدرتها وظروفها أنا متزوجه صارلي 3 سنين ونص وعندي ولـدين الله يحفظهم
وجبت خدامه بعد ولادتي الاولى بسنه وقعدت عندي 5 شهور ومشيتها ما ارتحت لها
وصج تعب جسدي والله وساعات راح تحتاجين وجودها بس صج راحة بال والله يعينا ونتحمل عدم وجودها
بس دام إنج حامل نطري عليها واذا ولدتي قرري ​

 

[اطيااااف]

كلامكم منطقي هم يريحون ويخوفون بنفس الوقت يعني شر لابد منه
بس انا اللحين مااحتاجها ابد كوني ماعيلت ولاني موظفة الله يرزقني بالذريه يارب
والوظيفة ان شاء الله
واكيد راح نحتاجها بقولكم طريقة تعامل اخوي مع خدامته
يقولها راتبج مثلا 70 راح ازيدة عشرة يعني 80 بس ماراح يعطيها هالعشرة الا اذا جت تسافر
وماتستحق هالزيادة الا اذا كان الشغل نظيف ومهتمه بالعيال وماحد تضايق منها او اشتكى
وبصراحه خووووش طريقة

 

[MoonDiamond]

انا عن نفسي مااا اقدر والخدامه الثانيه في الطريييق

 

[غلآآ زوجها]

لا والله ما استغى عنهم ،،،،،،، مرة مرضت خدامتي حسيت اني ضايعه��

 

[زوجت الشمري]

انا عيالي علي والخدامه الشغل بس عليها والبصراحه انتي ساعديها وخففي عليها شوي انا انطر اولد وتروح شايله عني الغسيل والكوي وغسيل الصحون

 

[Huda alotaibi]

كل خادمة لعينة فهي تكره الأولاد وتغار من الزوجه
فهي تحتاج للهدوء وإذا لم يتوفر ذلك أعلنت العصيان
بسبب الشعور المزعج الذي بداخلها تلك هذه حياتهم
عيشتهم غير مستقرة فكيف نأمنهم على انفسنا
فالغيرة السلبيه جديرة بالجرائم وعدم تقبل الاخرين
الاعتماد عليهم مشكله العصر الأولى

 

[Man7o0osa]

صح لسانج يا هدى العتيبي