نعره البنات وقت الزواج

[opera]

و في بنات من يتزوجون رفيجاتهم اهما الي يتغيرون !! وياااا كثرهم.

انا وحده من الناس لقيت انه بعد زواجي وايد ناس تغيرت علي مع اني كنت طبيعيه و على نفس الهبل و الخبال و السوالف والحريم ااكبار كانوا ينقدون علي بس انا كنت صج مو مستوعبه وضعي

بس ناس قراب مني اهم الي تغيروا و قاموا يطلعوني انا الغلطانه و انا الي متغيره


ما أأيد كلامج وايد

مشكوره ع الموضوع الحلو

انا معاااج باللي قلتيه

صح انا بعد رفيجاتي اللي قلت عنهم بالصفحه اللي قبل عشرة عمر اكثر من 20 سنه تخيلي من كنا بالروضه رفيجات

بس تزوجت تغيرو علي ادق يحاجوني بنفسيه و كل كلمه والثانيه قالو ريلج وريلج

خلنا نكون واقعييين في بنات يغارون من رفيجاتهم اذا تزوجو زيجات احسن منهم و في بنات يحترون اذا ريل الرفيجه يحبها و يسويلها كل شي اللي تبيه وسعيده بحياتها

انا وحده وصلني حجي بالويهه بينلي انهم غيرانين مني


خلاص مايشوفون شر اللي يبيني احطه بعيوني واللي

يبيعني ما ابيعه لااااا اوزعه بالمجان

 

[..~Goolz]

الله يعين

 

[بنات حواء2]

الي يسوون جذي ماكانو محصلين ريل و انفجعوا يوم حصلوا
هههههههههههههه
شرايكم بتحليلي

 

[aloooya]

شدعوة

 

[حبي حبيبي]

امبييييييييي

ترا الريل مو كل شي

وان تطلقت لا سمح الله

شلون بترد علاقاتها

تخلف

 

[يارب اشرح صدري]

مو سالفة تكبر بس اهي شي طبيعي وكلنا صرنا جذي الزواج يلهي الوحدة والرفيجات مو كلهم ثقه وانا اعذر كل وحده من رفيجاتي

 

[pusy cat]

كل وحده وهرموناتها

الزواج تغيير جذري ومرحله انتقاليه من بنت الى مره فأكيد راح يصير تغيير كبير بالشخصيه والتفكير والاسلوب

وانا ما اسمي هالشي تكبر اسميه انشغال بشغلات اهم

خصوصا فبداية الزواج البنت مو يم رفيجاتها قاعده تحاول تتأقلم مع حياتها الجديده ومع بيتها خصوصا اذا ما عندها خدامه مايصير عندها وقت و تحاول تضبط علاقتها بزوجها وحمولتها فتلقينها مشغوله هذي غير اذا حملت

والعين حق ياختج

يوم الملجه مولازم احد يدري عنه الا لما يكتبون كتابهم لأن هالفتره خطره

وهم بداية الحمل مولازم احد يدري الا لما تعدي الشهور الاولى ويبدي البطن يبين

اذا انتي ما تنظلين غيرج يحسد وينضل فليش تنتشر هالاخبار كل شي بوقته حلو

واللي تقول زوجي موراضي اكلم رفيجاتي اعذريها ترى هذا زوجها وله حق عليها وماقال هالكلام الا انه سامع بلاوي عن الرفيجات وخايف على زوجته

وهالشروط دايما تكون فبداية الزواج لكن مع الوقت راح يسمح لها بكل شي

 

[شوكلت هاوس]

ماشااءلله حتى انتو ؟

احسب بس انا اللي امر بهالشي

بنات انا عمري 29 اوكي .. كنا شلة وحده من البنات

وقرايب ومثل الخوات نطلع

ونسهر مع بعض وسوالف وضحك ومقالب

كل الشله تزوجت الا انا !!

والحين والله كل ما ادق على وحده ترد علي بنفسيه

خايسه .. ومحسسني ان اللي ماتزوجت للحين تفشلهم !

والا وحده اكلمها تضحك وتسولف معاي وكل شوي

تنهدت وقالت لي ااااااه يازين اللي يتزوج عن حب

ومره اكلمها تقول عن اذنج اشوف حياتي الزوجيه !!!!!

والا يردون علي انتي ماتزوجتي للحين ماتعرفين شي ويتضحكون

بضحكات بايخه بصراحه ..

واخرتهم مالها الا 4 شهور متزوجه .. مجرد شفتها بعد شهر العسل

والله ان نيتي صافيه .. سالتها شلونج من بعد العرس وانا قصدي شريف

اقصد بسؤالي حياتها الجديده لااكثر .. عطتني نظره غرور قالت شتبين تعرفين

يعني ؟ شصار ليله العرس؟ وكركركركرك تتضحك ,, وانا عيوني @@ وش دعوه

مع انها اصغر مني ب 6 سنين

لكن جملتهن وحده .. دامج ماتزوجتي مالج حق تسولفين لنا بشي

واوقات اكون معاهن بالسوالف واضحك .. والا يقولون لي وش تبين

بالزوج والعرس خليج فبيت اهلج احسن لج وهي كل وحده ميته على زوجها

واقول لهن اللي هي كفو وقد كلمتها خلها تتطلق من زوجها دامها تمدح بيت ابوها

ولا وحده تجرأت وسوتها وكانت عند كلمتها

//

احس اني كثرت من الكلام بس هالموضوع

اعااااااااااني منه وللحين ..

واسفه عالاطاله
​

 

[وردة-الكويت]

اي لاتلومينها رفيجتج متزوجه الامير وليااااااام هههههههههههههههههههههه وخايفه على زوجها ملك انجلترا المقبل

خخخخخخخخخخخخخخخخخخخخخ

الحمدالله وشكر بس مومصدقه انها تزوجت

 

[حكاية شهرزاد]

الطيبين موجودين و الرديين موجودين ,, لقيتي الرديات ,, بتلقين الطيبين اللي فيهم الطبيعة ..

اللي شفته في ربعنا عكس هالشغله مغرورة بعزوبيتها بس تتزوج ولانها لما تتزوج بحكم عاداتنا فالزوج يحكرها ومن اهنب مالها الا وساعه سدرها عند صديقاتها وعند القريبات .. فتكون معانا احسن بس احنا قلوبنا تشيل ونذخر لها مواقفها وغرورها واهي بنت ..

واللي تشوفونها تكبرت بعد الزواج تراها فترة وعقب هي تدور البنات والحريم لانها وين بتروح .. بيجيلها عيال وغصبن عنها سوالف مدراس وحاجات ومواقف تخيليها مالها الا باب الصديقات

 

[اتعبني غياابك]

هههههههههههههههههههههههه حمد الله والشكرررالله يسترر عليهم وعليناا

 

[~ بنت الهدى ~]

مفاجيع مو شايفين خير الحمد الله صديقاتي العزيزات مثل ما اهم ماتغيروا معاي بس منشغلين شوي خبركم مسؤوليات و زوج و بيت مو فاضيه نفس قبل و انا اعذرهممم بس اشوفهم في المناسبات و نتجمع احيانا

 

[بنيه كويتيه]

ماعليج منهم
شفتي هذول كلهم
راح يطنشه الريااال ويرجعون
وقتها انتي رفعي خشمج عليهم
ههههههههههههههههههههههه
​

 

[ورد الغرام]

في بعض البنات مو شايفين خير اللة يخلف عليهم
وفية بنات تحاول تبعد عن المشاكل
وفية بنات الة يخلف على رجالهم لعرف بنت تكسر بخاطري واللة زوجها مقعدنها بغرفة ببيت اهله وايقولها لاتطلعي اغار عليش(الحمدللة والشكر ماحد عندة مرا غيرك) ومانعها عن صديقاتها وقريباتها وممنوع احد ايزورها حتى لو كانو اهله على قولتة ماحب احد يدخل غرفتي
وبيت اهلها تروح بلسبوع مرة وادا متازعلين مايوديها حتى لو طولت الزعلة شهر
الحمدللة رب العالمين
هالبنت كافي خيرها وشرها اللة يستر عليها ويهدي زوجها

 

[OM BARAK]

مادري انا ما اشوف نفسي تغيرت بس انشغلت صراحه وماقمت اطلع معاهم الا من وين لي وين وماقمت اهذر بالتلفون وايد وياهم مثل قبل بس bbm
بس اني اقطع علاقتي فيهم لا مستحيل​

 

[yam_yam]

اي قطيعه كله جذي مادري منو ماخذين عاد

عبالها خلاص اسكت الحين على بو تزوجت
حبيبتي طنشي و حقري و عطيهم طاف

و هي كيفها انتي ماغلطتي و الدنيا بتدور و بتدور الرفيجه اللي على قلبها

 

[نفـــائس]

اي ولله شي يقهر

 

[مناير ...!]

وايد بنات جذي

 

[فاارسه]

الي مايبيج مره ماتبينه عشر
والي باعج بيعيه برخص التراب !
والرفيجه بدالها الف رفيجه ميته عليها ؟
اهي الخسرانه وباجر بدور احد يفضفض لها وماراح تلقاج !
وبعدين يمكن خيره حبيبتي .. وهالنوعيه استغفرالله واايد موجودين
احمد ربي واشكره ع نعمة العقل :× احس فيهم مرض !! :s

 

[Suki_Candy]

وييه انا واييد تحصلي يعني مادري ليش جنها حسستج انه انتي بتبوقين ريلها منها؟؟

او انه ريلها مايبيها تحتك فيج يمكن بتخربينها مخوخ معقده

حطي ببالج بيلها يوم وبتقرصها الدنيا وبترد لج صدقيني والله

واذا سامحيها مابيج تعورين راسج حطي هالمثل لج دامها سعيدة وبعيدة خلاص الله يوفقها